Aktualitet

Masat e reja/ Nga sot, Shqipëria mbyllet në orën 20:00, gjimnazistët e zonave të rrezikuara do ta zhvillojnë mësimin online, nuk përjashtohen maturantët

  • Ulqinaku: Një dështim, Shipëria duhet izoluar totalisht
  • Manastirliu paralajmëron: Keto dy javë janë vendimtare, reagimi i qytetarëve vendos masat e ardhshme
  • Pas universiteteve, Komiteti i Ekspertëve ka marrë vendimin që të mbyllë edhe shkollat e mesme në ato qytete ku shkalla e infeksionit është më e lartë. Kështu, gjimnazistët në Tiranë, Fier, Vlorë, Berat, Gjirokastër, Lezhë, Lushnje, Pogradec dhe Kamzë do t’i zhvillojnë orët e mësimit online. Nga kjo skemë, ndryshe nga ç’është vepruar më herët, nuk janë përjashtuar as maturantët.
    Featured image of article: Masat e reja/ Nga sot, Shqipëria mbyllet në orën 20:00, gjimnazistët e zonave të rrezikuara do ta zhvillojnë mësimin online, nuk përjashtohen maturantët Pamje nga Tirana

    SHQIPËRI– Hyn në fuqi ndalim-qarkullimi. Duke nisur që nga dita e sotme e deri më 25 shkurt ku do të merret një vendim i dytë pas orës 20:00 të darkës deri në 6;00 të mëngjesit do të ndalohet çdo lëvzje deri më 25 shkurt. 

    Komiteti Teknik i Ekspertëve, gjatë mbledhjes së zhvilluar ditën e djeshme, pas shtimit të rasteve në vend me Covid-19 bëri me dije se ora policore do të zgjatet me dy orë të tjera, për të ulur numrin e të infektuarve.

    Pas universiteteve, Komiteti i Ekspertëve ka marrë vendimin që të mbyllë edhe shkollat e mesme në ato qytete ku shkalla e infeksionit është më e lartë. Kështu, gjimnazistët në Tiranë, Fier, Vlorë, Berat, Gjirokastër, Lezhë, Lushnje, Pogradec dhe Kamzë do t’i zhvillojnë orët e mësimit online. Nga kjo skemë, ndryshe nga ç’është vepruar më herët, nuk janë përjashtuar as maturantët.

    Më herët mësimi në shkollat e mesme është zhvilluar i alternuar, por tashmë të gjithë gjimnazistët e zonave të rrezikuara kalojnë online, bashkë me maturantët.

    Pas orës 20:00 do të jenë të mbyllura të gjitha bizneset si bare, restorante e lokale. Qytetarët nuk do të mund të qarkullojnë më në rrugë pa një leje të posaçme apo pa maskën e vënë që është e detyrueshme.

    Raste përjashtimi bëjnë vetëm ata që janë në punë dhe e justifikojnë lëvizjen me leje, apo emergjencat shëndetësore. Në mdlehjen e zhvilluar një ditë më parë, Manastirliu u tregua e prerë kur tha se nuk do të tolerohet asnjë shkelës rregullash, pasi nuk mund të kemi një polic për çdo qytetar që nuk bindet dhe për pasojë, gjobat do të shtohen. Për sezonin e provimeve, Manastirliu tha se rekomandohet zgjatja e tij, por detaje do të jenë në dorën e Ministrisë së Arsimit. Kjo e fundit u bëri thirrje universiteteve që të mos penalizojnë studentët.

    Për më shumë bëhu pjesë e grupit më viral në Facebook, Dosja.al

    Ndërsa Albana Fico rekomandoi punën online, aty ku është e mundur duke shtuar se nëkëtë mënyrë do të zbatohej edhe ruajtja e distancës sociale.

    Nga ana tjetër Silva Bino u shpreh se në vendin tonë me shumë mundësi janë futur të dyja variantet e Covid-19, si ai i Britanisë së Madhe, ashtu edhe ai i Afrikës së Jugut. Bino shtoi se janë dërguar 50 mostra të dyshuara në Britaninë e Madhe dhe pritet përgjigjia për të dalë në përfundime. Drejtoresha e Spitalit Infektiv, Najada Como, iu ka kërkuar qytetarëve që të respektojnë masat anti-covid. Çomo tha se ka një rritje të numrave të të shtruarve në spitale, e sidomos të moshave të reja. Ajo shtoi se ka një situatë të rënduar me COVID19 me shumë të rinj pa sëmundje kronike që kanë shfaqur forma të rënduara të sëmundjes.

    Në 24 orët e kaluara janë shënuar sërish një numër i lartë rastesh të reja dhe fatalitetesh. 1105 persona kanë rezultuar të infektuar me Covid-19 dhe 14 qytetarë e kanë humbur betejën me COVID-19 në spitalet COVID.

    Vendi ynë ka njohur rritje të numrit të të infektuarve javën e fundit dhe një numr të lartë vdekjesh. Vetëm këtë javë kanë humbur jetën 111 pacientë për shkak të Covid-19.

    (f.m/dosja.al)

    Shto Koment