Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Ditën e sotme disa zona në vend janë përfshirë nga flakët. •Në fshatin Margëlliç të Fierit, flakët e zjarrit të cilat nisën në zonat pyjore, rrezikuan kabinat elektrike. •Pranë vendit të ngjarjes mbërritën zjarrfikës të reparteve Patos, Roskovec e Albpetrol për të shuar zjarrin. •Më pas, flakët u përhapën me shpejtësi në një banesë dy katëshe në Patos. •Banesa rezulton të jetë në pronësi të Xhemal Goxhaj i cili u largua ditën e djeshme për në Greqi, ndërsa në shtëpi ishin vetëm bashkëshortja dhe fëmijët të cilët kanë shpëtuar. •Flakët rrezikojnë që të prekin edhe banesat e tjera që janë pranë. • Zjarret kanë shpërthyer dhe në Vlorë. • Në fshatin Kaninë, zjarri ka marrë përmasa të mëdha, i favorizur nga era. •Drejt vendit të ngjarjes është nisur edhe një helikopter për të shuar flakët, pasi rrezikohen edhe banesat që janë pranë saj.
5 artikuj për këtë temë.
VLORË- Prefekti i Vlorës, Flamur Mamaj u ka bërë thirrje banorëe që të ndërhyjnë për të parandaluar përhapjen e flakëve në banesa. Në një prononcim për mediat, Memaj tha se me rënien e intensitetit të erës do të kenë mundësi që të gjejnë pikat më të rrezikshme. Po ashtu ai ka deklaruar se nga zjarri 2-3 banesa mund të rrezikohen nga flakët.
“Situata ka agravuar për shkak të erës. Reagmi i forcave zjarrfikse dhe ndërhyrjes nga ajri ka qenë shumë i shpejtë dhe po jep rezultatet e veta. Shpresojmë të bjerë intensiteti i erës që të kemi mundësi të identifikojmë pikat më të rrezikshme për të ndërhyrë dhe për të evituar djegien e ndonjë banese. Forcat e tjera nuk mund të angazhojmë. Ky ka qenë reagimi i shpejtë. Janë forcat e pyjores, zjarrfikëset dhe ndërhyrja nga ajri që është më e shpejta e realizuar. Kemi 2-3 banesa që mund të rrezikohen, por prej rrethimit me rrugë makine, besoj se nuk do të kemi probleme. Nesër do të identifikojmë sa rrënjë ullinj janë dëmtuar. Ne po vlerësojmë situatën për ndërhyrje me zjarrfikëse dhe vullnetarë. Të gjithë këta vullnetarë, banorët e zonës duhet të ndërhyjnë për të dhënë kontributin e tyre. Organet ligjzbatuese kanë hapur çështjet penale për të gjithë zjarret që janë në qarkun e Vlorës”, tha Mamaj.
Ditën e sotme ka rënë zjarr Margëlliç të Fierit si dhe në Vlorë. Nga flakët e zjarrit është shkrumbuar një banesë si dhe disa sipërfaqe me ullinj në Kaninë e Vlorës.
FIER- Prefekti i qarkut Fier Lefter Shehaj ka deklaruar se asnjë banorë nuk janë rrezikuar nga zjarrët që kanë rënë. Në një prononcim për mediat, Shehaj tha se për të shuar sa më shpejt zjarret ata kanë kërkuar ndihmë edhe nga qarku i Beratit si dhe ndërhyrje nga ajri.
“Patëm dy vatra në banesë dhe një në shkurre dhe në zonën e Margellicit. Kërkuam ndihmë edhe nga qarku Berat, Kuçova dhe Dimali, për të qenë më të sigurt edhe me ndërhyrje nga ajri. Janë djegur shkurre, barishte dhe pak ullishte që do të vlerësohen në një fazë tjetër. Jeta e banorëve nuk është rrezikuar pasi ndërhyrja nisi afër banesave dhe jemi munduar ta vëmë nën kontroll. Gjithmonë kemi nevojë për të qenë sa më pranë, sa më afër”, tha ai.
Ditën e sotme ka rënë zjarr Margëlliç të Fierit si dhe në Vlorë. Nga flakët e zjarrit është shkrumbuar një banesë si dhe disa sipërfaqe me ullinj në Kaninë e Vlorës.
VLORË- Një zjarr i madh ka përfshirë kodrat e fshatit Kaninë në Vlorë këtë të enjte. Mësohet se flakët janë përhapur fillimisht në një sipërfaqe me ullinj.
Dy automjete të forcave zjarrfikëse kanë mbërritur në vendin e ngjarjes megjithatë terreni i vështirë ka pamundësuar ndërhyrjen e tyre, ndaj dhe tani ka nisur ndërhyrja nga ajri.
“Sot, rreth orës 13:50, në një kodër të fshatit Kaninë, ka rënë zjarr dhe po digjen shkurre dhe një sipërfaqe toke me ullinj. Shërbimet e Policisë dhe shërbimet zjarrfikëse ndodhen në vendngjarje dhe po punojnë për fikjen e zjarrit,”- thuhet në njoftimin e policisë.
PATOS- Zjarri i madh i cili ka përfshirë ditën e sotme sipërfaqen të mëdha në Patos, ka shkrumbuar një banesë. Banesa dy katëshe e cila ndodhet në lagjen '29 marsi' është djegur e gjitha. Fatmirësisht, nëna me fëmijën kanë mundur të shpëtojnë.
Zjarri i madh nisi sot në kodrat e Margëlliçit në Patos. Flakët dogjën një sipërfaqe të madhe e cila është zonë e kultivuar me ullinj. Kanë qenë banorë të zonës ata që kanë njoftuar forcat zjarrfikëse.
FIER- Ditën e sotme ka rënë zjarr Margëlliç të Fierit. Flakët e zjarrit rrezikohet një kabinë elektrike, e cila është shumë pranë vendit ku nisi fillimisht zjarri. Terreni i vështirë nuk e bën aspak të lehtë punën e forcave zjarrëfikëse.
Kanë qenë banorë të zonës ata që kanë njoftuar forcat zjarrfikëse. Pranë vendit të ngjarjes kanë mbërritur zjarrfikës të reparteve Patos, Roskovec e Albpetrol.
