Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Nesër do të mblidhet Kryesia e Partisë Demokratike (ajo e vulës) për të nisur punën, për zgjedhjen e kryetarit të ri pasi "aplikimet" do të nisim më 20 qershor për të zhvilluar zgjedhjet në 29 korrik. • Mbledhja do të nisë në orën 17:00, ku do të miratohen grupet e punës për listat e anëtarëve. • Mbledhja është thirrur pas kërkesës së 7 anëtarëve të partisë, të cilët janë: Taulant Zeneli; Endri Hasa; Gazmend Koduzi; Taulanda Jupi; Kreshnik Çollaku; Xhemal Gjunkshi dhe Gentian Gaba. • Por po ashtu, paralelisht me kërkesën e 7 anëtarëve të kryesisë së PD-së mbështetës të Lulzim Bashës, një ndërhyrje e ka bërë edhe sekretari i Përgjithshëm dhe kreu i grupit parlamentar të PD-së, Gazment Bardhi. • Edhe Bardhi ka kërkuar një mbledhje jashtë radhe të kryesisë, edhe në anën tjetër ka kërkuar po mbledhje, por me tjetër axhendë. • Në kërkesën e tij, Gazment Bardhi argumenton se kërkon mbledhje (mundësisht që të premtën) të Këshillit Kombëtar që ta informojë lidhur mbi vendimin e fundit të Kryesisë që sipas tij ka parashikuar një procedurë që nuk njihet nga Statuti. • E po ashtu ka theksuar se me mbledhjen e kërkuar, Kryesia ka shkelur Statutin me vendimin për t’u dhënë kryetarëve të degëve zgjatimin e mandatit të tyre dhe zëvendësimin në degët që ka mungesa. • Sipas Statutit, të cilit i referohet edhe Bardhi, këtë të drejtë e kanë vetëm Sekretari i Degës, Kryesia e Degës dhe Sekretari i Përgjithshëm. • Pra ai vetë, si Sekretar i Përgjithshëm i PD së vulës. • Megjithatë reagimi i tij duket se ka përfunduar në "vesh të shurdhër" dhe ende nuk ka asnjë reagim. • Por edhe vetë ai ende nuk e ka një përgjigje për kryedemokratin Sali Berisha, i cili prej ditës publikisht nga selia blu i ka zgjatur dorën për bashkëpunim dhe bashkim të 2 PD-ve. • Por Berisha ka një kusht, bashkimi nuk mund të ndodhë edhe me Enkelejd Alibeaj dhe Lulzim Bashën.
2 artikuj për këtë temë.
TIRANË- Sekretari i Përgjithshëm i PD Gazment Bardhi i kërkon kryesisë të thërrasë ditën e sotme Këshillin Kombëtar për t’i hapur rrugë zgjedhjes së Kryetarit dhe zbatimit të Statutit.
Në kërkesën e tij, ai argumenton se do të informojë Këshillin mbi procesin sesi Statuti parashikon për certifikimin e anëtarësisë, ndërkohë që sipas tij vendimi i fundit i Kryesisë ka parashikuar një procedurë që nuk njihet nga Statuti, duke marrë kompetencat e Këshillit Kombëtar, të Sekretarit të Përgjithshëm dhe të kryesisë së degëve.
Kërkesa e Bardhit
1. Kryesia ka shkelur statutin me vendimin për t’u dhënë kryetarëve të degëve dhe grupit të punës të drejtën për evidentimin apo përditësimin e anëtarësisë. Sipas statutit, këtë të drejtë e kanë vetem Sekretari i Degës, Kryesia e Degës dhe Sekretari i Përgjithshëm.
2. Heqja e të drejtës së votës, siç thuhet në vendimin e kryesisë, nuk është kompetencë e kryetarit të degës, grupit të punës apo Komisionit Zgjedhor. Vendimi heq ketë të drejtë ekskluzive të përcaktuar në statut kryesisë së degës. Regjistri i degës përditësohet sipas rregullave që miratohen vetëm prej Sekretarit të Përgjithshëm.
3. Komisioni Zgjedhor funksionon vetem pas miratimit nga Këshilli Kombëtar. Pa u miratuar komisioni nga Këshilli Kombëtar nuk mund të nisë procesi zgjedhor.
Kjo kërkesë e Bardhit, vjen në të njëjtën kohë kur me kërkesë të 7 anëtarëve të PD-së, nesër do mblidhet Kryesia e Partisë Demokratike për të nisur punën, për zgjedhjen e kryetarit të ri.
/Dosja.al
TIRANË- Nesër do të mblidhet Kryesia e Partisë Demokratike për të nisur punën, për zgjedhjen e kryetarit të ri. Mbledhja do të nisë në orën 17:00, ku do të miratohen grupet e punës për listat e anëtarëve. Mbledhja është thirrur pas kërkesës së 7 anëtarëve të partisë.
NJOFTIMI për mbledhjen e Kryesisë së Partisë Demokratike:
Te nderuar Anëtarë të Kryesisë. Në mbështetje dhe zbatim të nenit 45, pika 4, fjalia e parë, të Statutit të Partisë Demokratike të Shqipërisë, me kërkesë të 1/5 (një të pestës) së anëtarëve të Kryesisë së Partisë, njoftojmë mbledhjen e Kryesisë me rend dite si vijon:
1- Miratimin e grupeve të punës për mbikqyrjen e procesit të evidentimit të listave të anëtarësisë në Degët e PDSh;
2- Miratimin e rregullores së brendshme “Mbi modalitetet e procesit zgjedhor për Kryetar të Partisë Demokratike”;
3- Plotësimin e vakancave dhe emërimin e anëtarëve të Komisionit Zgjedhor;
Mbledhja e Kryesisë do të zhvillohet ditën e Enjte, datë 15 qershor 2023, ora 17:00 në Sallën e Mbledhjeve të Selisë së Partisë Demokratike në rrugën Donika Kastrioti, Tiranë.
Anëtarët Kërkues:
Taulant Zeneli
Endri Hasa
Gazmend Koduzi
Taulanda Jupi
Kreshnik Çollaku
Xhemal Gjunkshi
Gentian Gaba
Në mbledhjen e fundit të Kryesisë, pati tensione dhe debate të forta. Aty u vendos që zgjedhjet për kryetar të mbaheshin më 29 korrik. Ndërkohë, një grup i anëtarësisë doli kundër kësaj date./Dosja.al
