Xhiroja tragjike! 15-vjeçari shëtit miqtë me ‘Alfa Romeo’, por përfundon në humnerë, vdes shoku i tij, 3 të plagosur (Të gjithë të mitur)

Foto Ilustruese

POLIÇAN- Nga aksidenti i rëndë mbrëmjen e sotme në Poliçan ka humbur jetën një 15-vjeçar. Mësohet se makinë që ka rënë në humnerë po drejtohej nga Françesko Zylyftari po 15 vjeç. Ndërkohë që i mituri që humbi jetën është Afisaldo Zylyftari. Nga aksidenti janë plagosur dhe dy vajza të mitura, të cilat ndodhen nën kujdesin e mjekëve në spitalin e Beratit. 

Njoftimi i Policisë:

Berat/Informacion paraprak Në rrugën rurale të fshatit Plirëz, Poliçan shtetasi F.Z., 15 vjeç, duke drejtuar mjetin tip “Alfa Romeo”, ka humbur kontrollin mbi mjetin dhe për pasojë mjeti ka dalë nga rruga. Si pasojë ka humbur jetën shtetasi A.Z (pasagjerë në mjet) rreth 15 vjeç si dhe janë dëmtuar shtetasi F.Z (drejtues mjeti), dhe dy shtetase të tjera të mitura që ndodheshin në mjet. Të dëmtuarit janë transportuar në spital dhe ndodhen nën kujdesin e mjekëve. Grupi hetimor po punon për përcaktimin e shkaqeve të aksidentit.

Aksidenti

POLIÇAN- Një aksident i rëndë ka ndodhur mbrëmjen e sotme në hyrje të qytetit të Poliçanit. Mësohet se një makinë ka humbur kontrollin dhe ka rënë nga një lartësi e konsiderueshme. Nga aksidenti dyshohet se një person ka humbur jetën, ndërkohë që 3 persona janë plagosur rëndë.

Mes të plagosurve janë dhe dy vajza 14 vjeç dhe 16 vjeç. Mësohet se viktima është Afisaldo Zylyftari, ndërsa të plagosurit Françesko Zylyftari dhe dy vajza, 14 dhe 16 vjeçe.  Në vendngjarje ka shkuar policia dhe grupi hetimor së bashku me ambulancën.