Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Vritet Jetmira Beka në Gjermani. •28-vjeçarja nga Kosova u masakrua me thikë nga ish-bashkëshorti në qytetin Achen të Gjermanisë. •Krimi i rëndë ndodhi të shtunën në parkingun e një qendre tregtare, ku 28-vjeçarja ndodhej së bashku me të motrën kur u takua me ish-bashkëshortin Besmir Ademi. •Dëshmitarët që panë aktin e përgjakshëm në parking, lajmëruan policinë dhe ekipet e shpëtimit, mirëpo gruaja ndërroi jetë.• Më pas, autori 37-vjeçari Ademi u vetëdorëzua në polici. • Hetuesit gjermanë po fokusohen tek konfliktet familjare pas divorcit. •Beka dhe Ademi që të dy nga Mitrovica e Kosovës kishin tre fëmijë. •Në momentin e ngjarjes, ishte edhe motra e viktimës, mirëpo për fat të mirë nuki mori lëndime.
1 artikuj për këtë temë.
GJERMANI- Një krim i rëndë ka ndodhur të shtunën në një familje shqiptare nga Kosova në Gjermani. Atje, burri Besmir Ademi, ka vrarë gruan e tij, Jetmira Bekën. Nëna e viktimës, ka folur sot për Lajmi.net dhe ka rrëfyer për torturat që ia ka bërë dorasi, vajzës së saj.
“Që 8 vite e kërcënume prej tyne, jo e mysim sot jo e mysim nesër. Nëse ti thu diçka në familjen tande, ose dahesh prej meje. Ai ka përdor dhunë fizike, dhunë psiçike. Ai ka përdor dhunë që nuk e përdor një serb, se s’po du me përdor fjalën serb se edhe ai është popull, por unë e kam babën e zhdukt prej Serbisë. Po nuk e përdor dhunënë që e përdor Besmir Ademi. Ky është nipi i avokatit Sheremet Ademi. Sheremet Ademi që i mbron të drejtat e njeriut, s’u kanë në gjendje me na thirrë me thanë ka ndodhë qa ka ndodhë, na vjen keq, edhe Jetmirën, që u kanë një çike që nuk mundet me gjet në trojet shqiptare, s’ka thirrë me na kërku falje”, tha ajo.
Ajo ka thënë se vajza e tij është ndarë që dy muaj nga ish-partneri i saj, me ndërhyrjen e të shtetit gjerman.
“Jetmira është nda që dy muaj prej tij. E ka nda shteti gjerman për shkak të dhunës që ka përdorur Besmir Ademi. Jetmira është dalë prej shtëpisë. Policia e ka kthy Jetmirën në shtëpi se i ka tre fëmijë. Mas 10 ditëve, shteti e ka marrë Jetmirën e ka çu në shtëpi të grave”, tha tutje ajo.
Madje tregon se si viktima, për një kohë të gjatë ishte torturuar në mënyrat më çnjerëzore nga burri i saj.
“Ai s’ka mujt me përballu ata pse kjo dahet prej meje. Kjo u kanë e rrehne me kabull të televizorit. U kanë e rrehme me thikë në fytë, me çelësa të kerrit. I ka thanë që nëse dahesh prej meje, ka me ta pre çikën, Ledinën. Që çika e Ledinës i ka 7 vjet”, tha ajo.