Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Një vrasje me armë zjarri ka ndodhur pasditen e sotme në Çellopek të Tetovës, ku mbetën të vdekur dy persona dhe u plagosën dy të tjerë. •Autori i ngjarjes tashmë i arrestuar, Ilmi Islami, 60-vjeç mbeti gjithashtu i plagosur, pasi dyshohet se u vetëlëndua me armë. • Sipas raportimeve ngjarja ka ndodhur pas një konflikti për një vendparkim, ndërsa thuhet se mes tyre kishte pasur vazhdimisht konlikte. •Mësohet pas sherrit, Islami ka qëlluar me armë zjarri drejt dy kushërinjve të tij babë e bir, 52 dhe 28-vjeç, ku i plagosur mbeti edhe një person i tretë, i cili u transportua gjithashtu në spitalin e Shkupit. • Lidhur me ngjarjen ka reaguar edhe ministri për Punë të Brendshme në Maqedoninë e Veriut, Oliver Spasovski, i cili tha se vrasja e sotme kishte ndodhur për shkak të çështjeve të pazgjidhura pronësore. • Ai theksoi që autoritetet janë duke punuar për zbardhjen e rastit, për të cilin do të ketë edhe më shumë detaje.
3 artikuj për këtë temë.
TETOVË- Një vrasje me armë zjarri u regjistrua pasditen e sotme në Çellopek të Tetovës, ku mbetën të vdekur dy persona dhe u plagosën dy të tjerë.
Autori i ngjarjes tashmë i arrestuar, Ilmi Islami, 60-vjeç i cili gjithashtu mbeti i plagosur, pasi dyshohet se u vetëlëndua me armë, u dërgua fillimisht në spitalin e Tetovës, më pas në atë të Shkupit.
Sipas raportimeve ngjarja ka ndodhur pas një konflikti për një vendparkim. Mësohet pas sherrit, Islami ka qëlluar me armë zjarri drejt dy kushërinjve të tij babë e bir, 52 dhe 28-vjeç, ku i plagosur mbeti edhe një person i tretë, i cili u transportua gjithashtu në spitalin e Shkupit.
Lidhur me ngjarjen ka reaguar edhe ministri për Punë të Brendshme në Maqedoninë e Veriut, Oliver Spasovski, i cili tha se vrasja e sotme kishte ndodhur për shkak të çështjeve të pazgjidhura pronësore.
“Për momentin kolegët punojnë në raport me zbardhjen e ngjarjes, bëhet fjale për çështje të pazgjidhura pronësore në një familje. Këto janë të dhënat e para që i kanë dërguar kolegët tanë nga terreni. Presim që së shpejti të kompletohet gjithë procesi dhe do të kemi më shumë informata të detajuara”, deklaroi Spasovski. Ai theksoi që autoritetet janë duke punuar për zbardhjen e rastit, për të cilën do të ketë edhe më shumë detaje.
TETOVË- Policia e Maqedonisë së Veriut ka vënë pranga 60-vjeçarin, Ilmi Ismaili i cili dyshohet se pas sherrit për një vendparkim në Çellopek të Tetovës, ka qëlluar me armë zjarri në drejtim të dy familjarëve, duke i lënë të vdekur, ndërsa një familjar i tretë ka pësuar plagë të rënda.
Gjithashtu nga ngjarja ka mbetur dhe vetë i lënduar. Mësohet se i dyshuari para disa viteve ishte kthyer nga emigrimi dhe jetonte në fshat.
“Është arrestuar një person rreth 60 vjeç me iniciale I.I. nga fshati Çellopek, pas një denoncimi rreth orës 14:10 se në këtë fshat ka vrarë 2 kushërinjtë e tij nga i njëjti fshat dhe një e ka plagosur”, thonë nga policia.
Po ashtu, edhe i dyshuari për vrasjet ka plagë, me shumë gjasa nga arma e tij e zjarrit, dyshon policia, përcjell TV21. SPB-Tetovë tani për tani nuk mundi të konfirmojë identitetin dhe moshën e dy të vrarëve dhe të plagosurit, ndërsa thanë se po merren masa për zbardhjen e rastit dhe se në terren janë policia bashkë me ndihmën e shpejtë dhe ekipet e Prokurorisë.
TETOVË- Të shtëna me armë zjarri janë regjistruar ditën e sotme në fshatin Çellopek të Tetovës.
Sipas informacioneve të para dy persona kanë mbetur të vdekur dhe dy të tjerë janë plagosur, të cilët janë transportuar në spital.
Motivi dyshohet të ketë qenë për shkak të një sherri për vendparkim, shkruan Alsat. Mësohet se personat janë të afërm me njëri-tjetrin dhe besohet se edhe më herët kanë pasur mosmarrëveshje.
