Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Vazhdojnë hetimet dhe kërkimet për kapjen e 7 personave të përfshirë në vrasjen e 39-vjeçarit shqiptar, Pëllumb Islami. • Bazuar në informacionet e sigurara nga mediat greke, janë identifikuar 4 nga 7 të përfshirët. Por vetëm dy janë zbuluar me emër. • Bëhet fjalë për Erlis Salajn dhe Julian Qose, të dy anëtarë të grupit "Team L". • Dyshohet se kanë ardhur në Shqipëri për t'u fshehur ndaj dhe autoritetet greke kanë dhënë alarm që Policia kufitare në vendin tonë të mos i lejojë që të largohen nga Shqipëria.
3 artikuj për këtë temë.
GREQI- Në vendlindjen e tij, në Shqipëri, të afërmit dhe miqtë e viktimës do t'i japin lamtumirën e fundit të ndjerit, 39-vjeçarit hidraulik Pëllumb Islami, nesër në mesditë. Trupi i 39-vjeçarit u identifikua mëngjesin e djeshëm nga vëllai i tij, i cili nuk mund ta besonte se një plumb qorr i mori jetën të vëllait. Në të njëjtën kohë, e dashura e tij tregoi minutat e fundit të të riut shqiptar.
“Ajo që zbuluam ishte se po nxitonte të dilte jashtë për të shpëtuar sapo dëgjoi të shtënat. Ai ndoshta e kuptoi se çfarë ndodhi dhe vrapoi të largohej por nuk ia doli. Më herët fliste me kamarieret dhe i pyeste se kush ishin sepse nuk i njihte. Kur e dëgjoi zënkën e tyre, bërtiti ‘qetësohuni djema, qetësohuni’,”-tregoi ajo.
Ndërkohë që e përshkruante të riun shqiptar si një njeri që nuk kishte asnjë ngatërresë me njerëz si ata të përfshirë në përleshjen që i mori jetën.
“Ai nuk njihte asnjë prej tyre. Nuk kishte lidhje me ta. As në lokal nuk shkonte. Nuk e di nëse ndonjëherë shkonte për të parë ndeshje si të martën. Ishte punëtor dhe i qetë,”-shtoi ajo.
Ndërkohë që ajo bashkë me vëllezërit e motrat e 39-vjeçarit po përgatiten ta shoqërojnë nesër në banesën e fundit, në vendlindje./protothema
GREQI- 7 persona ishin të përfshirë në ngjarjen e ndodhur në Nea Ionia, ku mbeti i vrarë 39-vjeçari shqiptar Pëllumb Islami. Protothema bën me dije deri më tani se ka identifikuar 4 nga 7 të përfshirët në ngjarje, e duke qenë se ka dyshime se janë larguar drejt Shqipërisë për t'i shpëtuar Policisë greke, kanë dhënë "ALERT" për të mos u larguar nga Shqipëria.
Viktima, i njohur dhe me emrin Sandri me profesion hidraulik, kishte shkuar në kafene për të parë një ndeshje të Ligës së Kampionëve me një shokun e tij, por nuk u kthye më kurrë në shtëpi. Sipas informacioneve, pas ngjarjes së përgjakshme banda famëkeqe “L Team” që kontrollon drogën dhe prostitucionin në qendër të Athinës. Banda “e ashpër” përbëhet nga të paktën tetë anëtarë, me origjinë shqiptare, me të kaluar kriminale “të rëndë” që kontrollojnë një klub të njohur në Sepolia, ndërsa disa prej tyre shfaqen si truproja.
Ka dyshime se grupi mban kontakte me policë që të “gozhdonin” lëvizjet e "kolegëve" të tyre në botën e krimit. Por ndërkohë që hetimet vazhdojnë, punonjësit e policisë që trajtojnë rastin e vrasjes së hidraulikut 39-vjeçar, po kqyrin si mjetin e zi që ishte parkuar jashtë kafenesë, ashtu edhe mjetin Mercedes Benz që u gjet mesditën e djeshme në zonën e Gizit. Të dy janë mjetet që u përdorën nga shqiptarët për t'u larguar nga vendi i krimit, ndaj dhe po kontrollohen me "lupë" për të marrë sa më shumë të dhëna lidhur me autorët e përfshirë në ngjarjen që tronditi Greqinë.
GREQI- Një natë tmerri ishte 21 shkurti për banorët e zonës në Nea Ionia, kur në një kafene të mbushur plot me njerëz, nisi përplasja me armë zjarri nga dy banda. Një burrë, i cili ndodhi në vendin e gabuar në kohën e gabuar, u qëllua për vdekje. Ishte një 39-vjeçar shqiptar, i identifikuar si Pëllumb Islami, por të gjithë e thërrisnin Sandri dhe sipas informacioneve ishte me profesion hidraulik.
“Ai kishte shkuar për të parë ndeshjen dhe në tavolinën ngjitur po debatonin,”- tha motra e viktimës.
Gjithçka nisi pak para orës 12:00 të mesnatës, kur një grup prej katër personash shkuan në një dyqan lokal dhe më pas erdhën tre persona të tjerë. Për një arsye që ende nuk dihet ata u grindën dhe tensioni u përshkallëzua shumë shpejt, me një nga 7 që nxorri armën dhe qëlloi.
Një nga plumbat kapi 39-vjeçarin e pafat, duke e goditur në klavikul.
Mediat greke kanë bërë një skemë 3D të gjithë ngjarjes brenda në lokal, ku duket qartë sesi shqiptarin e ka kapur pa dashje një plumb teksa ishte i ulur në tavolinën e tij. Në ngjarje mendohet se kanë qenë të përfshirë 7 persona, por dyshohet se të gjithë që në momentin e vrasjes janë nisur për në Shqipëri në mënyrë që t'i fshiheshin Policisë greke, për të cilën ishin shumë të njohur.
Ata janë të trajnuar për të qenë truproja, por ajo që bëjnë në të vërtetë është kontrolli i trafikut të drogës dhe prostituimi! Ata janë 7 shqiptarë, drejtohen nga Erlis Salaj dhe janë vetëquajtur ‘Team L’ (Skuadra L), të cilin e kanë bërë të gjithë edhe tatuazh në trup. Një tjetër anëtar i grupit është identifikuar si Julian Qose, ndërsa pesë të tjerëve nuk u dihen ende emrat.
