Debatet deri në orët e para të mëngjesit te "Shëndetësia", dështon sërish dëshmia Beqajt! Ish-ministri futet pa leje në sallën e Komisionit, përplaset me demokratët: Kush je ti që më thua të iki?!

Ilir Beqaj

TIRANA- I arrestuar për fondet e SASPAC dhe nën proces për koncesionin e sterilizimit, ish-ministri i Shëndetësisë, Ilir Beqaj reagoi sot  për atë që ndodhi gjatë 16 orëve të ditës së djeshme në pritje dhe deri në orën 02:20 të mëngjesit për të dëshmuar në Komisionin hetimor të Shëndtësisë.

Reagimi i Beqajt u bë nëpërmjet avokatit të tij teksa thotë se u përballë për dy ditë me radhë dhe dje për 14 orë pa ndërprerje me fyerje dhe tallje teksa priste të dëshmonte. Po ashtu ish-ministri shton se u përball me fyerje prej deputetëve demokratë Vokshi, Zhupa, Koreshi dhe Hoti teksa shton se nuk mund të lejonte nëpërkëmbjen e dinjitetit të tij.

Ai mohon se ka kërcënuar ndonjë prej deputetëve opozitarë. Gjithashtu Beqaj thotë se kur hyri pa leje në sallë i ka treguar i revoltuar deputetes Zhupa se ishte në pritej aty që prej orës 10:30. Ai shton se 8 muaj hetime të komisionit, të gjithë dëshmitarët kanë provuar që dy koncensionet, objekt hetimi, janë histori suksesi. 

Reagimi i plotë i Ilir Beqajt:

Prej mars 2024 kur është miratuar ngritja e komisionit hetimor parlamentar per koncensionet ne shendetesi, nga deputetet nismetare jam perballur me akuza, fyerje si hajdut, kriminel etj. Kam pritur ne heshtje diten e perballjes ne Komision. Diten e marte jam paraqitur ne oren 10 dhe deri ne oren 19.30 jam penguar te jap deshmine. Eshte penguar te flase edhe avokati im. Diten e merkure jam paraqitur ne oren 10.30 sipas njoftimit dhe kam pritur deri ne oren 01.40 te dites se enjte. Edhe ne mbledhjet e ketyre dy diteve qe jane publike, me ze dhe figure, jam perballur me akuzat, talljet e fyerjet nga Vokshi, Zhupa, Koreshi dhe Hoti.

Ne ate ore te nates, duke qendruar prane salles se mbledhjes ne pritje per te deshmuar dhe duke ndjekur punimet e komisionit, kam degjuar deputeten Zhupa qe sikur une te isha send kerkonte qe meqe kishte kaluar ora 24 e dates 13 nentor te kthehesha ne qeli pasi sipas saj kjo ishte leja e dhene nga Drejtoria e Burgjeve.

Sipas Kodit te Procedures Penale edhe per nje paraburgosur ne rast marrje ne pyetje apo procesi gjyqesor qendrimi nuk varet nga orari i lejes por kohezgjatja e seances perkatese. Kam hyre ne sallen e mbledhjes vetem nje hap nga dera dhe kam shprehur haptazi revolten time per talljen deri ne kufijte e tortures qe behej prej me shume se 14 oresh. Nuk kam kercenuar apo fyer askend.

I kam treguar i revoltuar deputetes Zhupa se jam aty ne pritje prej ores 10.30. Edhe nese jam i paraburgosur nuk pranoj te me fyejne dhe te me marrin neper kembe. Kete e refuzoj, e kundershtoj dhe do te vazhdoj ta kundershtoj. Ne 8 muaj hetime te komisionit, te gjithe deshmitaret kane provuar qe dy koncensionet objekt hetimi jane histori suksesi. Deshtimin politik deputetet e opozites nuk i lejoj ta percjellin ne neperkembje te dinjitetit tim.

Beqaj hyn në sallë

TIRANË- Mbledhja e Komisionit Hetimor për Koncesionet në Shëndetësi është mbyllur rreth orës 2 të mëngjesit të sotëm, pas orësh të tëra debate. Mbledhje e cila, për të dytën ditë radhazi u mbyll pa dëshminë e ish-minitrit të Shëndetësisë, Ilir Beqaj.

Duket se kulmi i tensionit të debateve ka arritur kur në një moment ish-minitri Beqaj ka hyrë në sallë dhe ka debatuar me demokratët, të cilët e quajtën kërcënim reagimin e Beqajt. Kryetarja e Komisionit Hetimor, Albana Vokshi mbylli mbedhjen me pretendimet se deputetët e PD-së u kërcënuan nga ish-ministri i Shëndetësisë dhe akuzoi mazhorancën për mbylljen e komisionit.

Ndërsa, debatet me tone të ashpra mes palëve vijuan deri në mbylljen e mbedhjes.

Pjesë nga debati:

Albana Vokshi: Ty si nuk të vjen turp më, ty dhe gjithë të tjerëve( i drejtohet deputetëve të PS)

Ilir Metaj flet nga vendi

Albana Vokshi: T’i mos guxo të ma bësh mua ashtu. Ki kujdes, se po e tepron, Të vijë turp ty dhe të gjithëve që nuk reagoni. Mendon se është i lirë, por nuk është i lirë ai. Nuk është i lirë të bëjë çfarë të dojë, duhet të ishte mbyllur në një sallë, të mos takonte askënd këtu. Vetëm kur ta thërrisnim neve të vinte këtu. Të guxojë Ilir Beqaj të futet dhe të kërcënojë deputetët e opozitës është skandal. Askush nga ju nuk guxon as të flasë

Flet sërish Ilri Metaj nga vendi

Albana Vokshi: Pusho, pusho ti, hesht. Ik ore ti

Ilir Metaj: Boll tani, respekt. Se kemi duruar boll

Albana Vokshi: Po kërcënon?

Ilir Metaj: Ty s’kam çfarë të bëj

Albana Vokshi: Çfarë kujtoni ju, ec merr një dajre në dorë dhe një fyell.

Ilir Metaj: Ti nuk je koshiente se çfarë flet

Ina Zhupa: Edhe sikur të ishte dëshmitar si gjithë të tjerët, asnjë nuk lejohet të hyjë këtu pa lejen tonë, as më tepër të kërcënojë deputetët. Ai duhet të ishte i monitoruar nga policia, hyri këtu dhe kërcënoi pse thamë që duhet të zbatojë ligjin.

Kërkoni që ta mbroni, dhe s’kërkoni të çohet andej nga erdhi. Ju Guxoni ta lini Ilir Beqjan të livadhisi i lirë në Kryesinë, pa pyetur për policie e gardë, dhe të kërcënojë deputetët vetëm sepse e pa që nuk ka kamera. Po ne kemi celularët, dhe ne nuk lejojmë që të kërcënohemi jo nga një i burgosur por as nga Edi Rama, e kushdo që ju komandon juve e ta ktheni këtë Kuvend në han pa porta

Albana Vokshi: Shkova vetë sepse nuk guxon sekretaria, shkova i thashë personelit të burgjeve që ta largonte urgjentisht nga ambientet e Kuvendit.

Të guxojë një dëshmitar, jo më ky, të hyjë e të kërcënojë deputetët. Çfarë duhet të ndodhi këtu.

Nuk besoj se mund ta vazhdoj më këtë mbledhje, nesër do të ftoja Kryesinë e Komisionit, që të mblidhemi të bëjmë shkresat përkatëse që t’ia dërgojmë të gjithë institucioneve, ti tregojmë skandalin më të madh që ka ndodhur. Mbledhje më këtu nuk vazhdohet pas kësaj që ka ndodhur

Plarent Ndreca: Mbledhjen nuk mund ta mbyllini ju,

Albana Vokshi: Mbledhja është e mbyllur

Foto nga Komisioni

TIRANA- Ka vijuar gjatë natës mes debateve mbledhja e Komisionit hetimor të Shëndetësisë teksa ka dështuar për të dytën ditë radhazi marrja e dëshmisë së ish-ministrit të Shëndetësisë, Ilir Beqaj. 

Në një moment të mbledhjes teksa po fliste deputetja Ina Zhupa, në sallë hyri Beqaj i cili ishte në korridor dhe debatoi me demokratët. Zhupa dhe kryetarja e Komisionit Albana Vokshi i bën thirrje të dilte jashtë sallës.

Nga ana tjetër Beqaj iu drejtua Zhupës duke i thënë: "Kush je ti që më thua të iki". Gjithashtu ish-ministri iu drejtua dhe deputetit Edmond Spaho duke i thënë: "Ti mbylle gojën."

Kryetarja Vokshi i bëri thirrje sekretarisë që të lajmëronin policinë e burgjeve për ta kthyer Beqajn në qeli. Këtë situatë PD e ka cilësuar si skandal dhe thotë se as Policia dhe as Garda nuk veprojnë.

Deklarat e PD-së:

SKANDALI NË PARLAMENT!!!

Një ngjarje e rëndë ka ndodhur në ambientet e Parlamentit në orët e para të mëngjesit! Ilir Beqaj, pas takimeve private me deputetët e PS, shëtit i lirë, hyn brutalisht në sallën ku po zhvillohej mbledhja e Komisionit Hetimor duke guxuar të kërcënojë deputetët e opozitës!!!

As Policia dhe as Garda nuk veprojnë! Edhe pas këtij skandali, Policia e Burgjeve, refuzoi të largonte Ilir Beqen për ta kthyer në burg, edhe pas urdhërit nga Kryetarja e Komisionit. Në pritje të urdhërit të Plarent Ndrecës i cili tentoi të rifillonte mbledhjen e Komisionit.

Praktikisht, Parlamenti ka rënë!!! Është në duart e atyre që i japin leje dhe garanci Ilir Beqes të fusë mjete të forta, hunj e drunj në Parlament, të shëtisë i lirë në çdo ambjent, e të kërcënojë deputetët e opozitës.

E gjitha, që Edi Rama dhe Vilma Nushi të mos dëshmojnë para Komisionit Hetimor!! Opozita nuk do të bëjë asnjë hap pas!! Do të bëjmë transparencë! Do të denoncojmë! As Rama e askush nuk do të gëzojë asnjë qindarkë të vjedhur nga paratë e shëndetësisë.

Ilir Beqaj

TIRANË- Komisioni Hetimor u mblodh të mërkurën në një mbledhje që zgjati deri në orët e para të mëngjesit të sotëm. Për të dytën ditë me radhë, ish-minitri Ilir Beqaj u paraqit në Kryesinë e Kuvendit, por nuk arriti të dëshmonte. Ish-ministri nuk mundi të paraqitej para deputetëve në komisionin hetimor për koncesionet në Shëndetësi dhe qëndroi pas dere në pritje për t’u marrë në pyetje.

Mbledhja e tejzgjatur u zhvillua me ndërprerje të shumta, debate, akuza dhe tensione mes opozitës dhe mazhorancës, për këtë arsye mbledhja u mbyll vetëm në orën 02:20 të mëngjesit të sotëm. Kjo pasi opozita kërkonte shtyrjen e afatit të Komisionit, si dhe thirrjen për dëshmi të kryeministrit Edi Rama dhe Vilma Nushit, ndërsa socialistët kërkonin që Ilir Beqaj të bënte edhe prezantimin në “Power Point”, e më pas të niste seanca pyetje-përgjigje.

Mazhoranca kërkoi që Ilir Beqaj të dëshmonte brenda afateve që ishin caktuar, duke refuzuar një shtyrje të dytë. Nga ana tjetër, PD refuzoi ta pyeste ish-ministrin pa u marr vendimi për shtyrje të afateve.

Afati i Komisionit mbyllet sot në mesnatë, teksa mbetet i panjohur fakti nëse ish-ministri do të ketë leje edhe për të tretën ditë radhazi që të paraqitet për të dëshmuar në Komision.

Akuza të rënda politike dhe deri në personale u shkëmbyen mes palëve, ndërkohë kryetarja e Komisionit Hetimor Albana Vokshi akuzon mazhorancën se kanë kryer vepër penale dhe do të kallëzohen. Po ashtu Vokshi paralajmëroi se nuk do ta lenë me kaq dhe nuk do ta lënë derisa të zbardhet e vërteta.