Vendi "nën pushtetin" e zjarreve/ Bie intensiteti i flakëve në Shëngjin, vatra aktive në fushën e mbetjeve në Vlorë, tymi mbulon gjithë zonën

foto ilustruese

TIRANË- Ministria e Mbrojtjes ka dhënë përditësime lidhur me situatën e zjarreve në vend. Bëhet me dije se gjatë 24 orëve të fundit, në të gjithë territorin e vendit janë raportuar 29 vatra zjarri.

Aktualisht po punohet për izolimin e flakëve në fushën e mbetjeve në Vlorë, nga forcat e pushtetit vendor dhe qëndror. Në Shëngjin bëhet me dije se flakët vijojnë me intensitet të ulët dhe nuk paraqitet rrezik për zonat e banuara. 

Po ashtu po punohet për shuarjen e zjarrit në fshatin Peraj, bashkia Has i cili si pasojë e erës së fortë ka kaluar nga territori i bashkisë Tropojë si dhe në fshatin Rrjoll, të bashkisë Shkodër, zjarr i cili vijon me intesitet të ulët. Forcat e Armatosura, nën kooordinimin e Agjencisë së Mbrojtjes Civile po vijojnë punën në ato zona ku është kërkuar ndërhyrja e tyre.

NJOFTIMI I MINISTRISË:

Gjatë 24 orëve të fundit, në të gjithë territorin e vendit janë raportuar 29 vatra zjarri.

Sipas të dhënave nga Qendra Kombëtare Operacionale e Emergjencave Civile, pas një pune të pandërprerë të forcave operacionale u bë i mundur izolimi i plotë dhe shuarja e 23 vatrave.

Vijon puna për izolimin e plotë të flakëve në vendgrumbullimin e mbetjeve të Bashkisë Vlorë, nga forcat e pushtetit vendor dhe qëndror.

Vatrat e zjarrit në fshatin Malecaj dhe Torovicë të bashkisë Lezhë, sot vijojnë me intesitet të ulët dhe nuk paraqesin rrezik për zonat e banuara. Po ashtu është shmangur tërësisht rreziku për banesat nga vatra e zjarrit në malin e Shëngjinit, bashkia Lezhë, i cili pasditen e djeshme mori përmasa të menjëhershme për shkak të erës së fortë. Pas ndërhyrjes së forcave operacionale të bashkisë Lezhë, të mbështetura nga bashkia Tiranë dhe Forcat e Armatosura vatra është nën kontroll, por vijon puna nga forcat operacionale vendore dhe efektivë të FA.

Po ashtu po punohet për shuarjen e zjarrit në fshatin Peraj, bashkia Has i cili si pasojë e erës së fortë ka kaluar nga territori i bashkisë Tropojë si dhe në fshatin Rrjoll, të bashkisë Shkodër, zjarr i cili vijon me intesitet të ulët. Forcat e Armatosura, nën kooordinimin e Agjencisë së Mbrojtjes Civile po vijojnë punën në ato zona ku është kërkuar ndërhyrja e tyre.

zjarri dhe bashkia

VLORË- Vijon edhe sot aktive prej disa ditësh zjarri në fushën e mbetjeve në Vlorë. Situata sa vjen dhe përkeqësohet ndërsa tymi ka mbuluar të gjithë zonën duke rrezikuar shëndetin e banorëve dhe pushuesve duke qenë edhe periudha e sezonit turistik. 

Zjarrfikësit po punojnë për shuarjen e flakëve, ndërsa sot para bashkisë së Vlorës është shvilluar një miniprotestë me pankarta të vendosura në hyrje të institucionit. 

Në pankarta shkruhen mesazhe të ndryshme, si: "Duam turizëm jo torturizëm", "Jo djegies", "Dua t'i rris fëmijët në Vlorë, mos e digjni të ardhmen e tyre"

zjarri

SHËNGJIN- Një zjarr masiv përfshiu ditën e djeshme malin pranë portit në Shëngjin, ndërsa vijon të jetë aktiv. Shërbimi zjarrfikës dhe ai pyjor të ndihmuar edhe nga dhejtëra forca ushtrie kanë punuar deri në orët e vona të mbrëmjes për shuarjen e flakëve por pa mundur ta vënë nën kontroll.

Momentalisht flakët nuk përbëjnë për banesat, ndërkohë vatra e zjarrit vijon të jetë aktive edhe në malin e Rencit, pranë fshatit Malecaj, por nuk përbën problem për zonën e banuar.

Edhe në Tropojë dhe Has vijojnë të jenë aktive vatrat e zjarrit. Flakët vazhdojnë në zonën pyjore të fshatit Zogaj, në vendin e quajtur Maja e Krajlicës dhe në vendin e quajtur Firza e Qemes, afër fshatit Kishaj. Për shuarjen e flakëve, pritet angazhimi i forcave zjarrfikëse.

Situata e zjarreve në bashkinë Has

Bashkia Has është përfshirë nga dy vatra zjarri, ku aktualisht të dyja janë aktive. Për izolimin dhe shuarjen e këtyre vatrave nga bashkia Has do të angazhohen: nga bashkia 50 forca, dhe nga Reparti usht. nr.1120 Kukës 30 forca, 1 Autozjarrfikëse dhe 1 mjet transport trupash.

Situata e zjarreve në bashkinë Tropojë

Bashkia Tropojë vazhdon të jetë e përfshirë nga vatrat e zjarrit në zonën kullotë dhe shkurre afër fshatit Zogaj Nj.Ad Bytyç bashkia Tropojë. Vatra e zjarrit në zonat Mahallë e Epërme, Hajdarmataj, Xhuxh të rajonit të Zogajt Nj.Ad Bytyç është izoluar dhe marrë nën kontroll. Janë aktive vatra në veri-lindje të lagjes mahallë në drejtim të Zjecit në krah të Hasit përgjatë kufirit me Kosovën dhe vatra e zjarrit në kodrat e Storbëdës vashdon të jetë aktive.

Për izolimin dhe shuarjen e këtyre vatrave nga bashkia Tropojë do të angazhohen: nga bashkia 120 forca, -nga institucionet lokale 60 dhe forcat e armatosura sipas kërkesës së bërë. Në terren operacionet do të drejtohen dhe monitorohen nga Kryetarët e bashkive Tropojë dhe Has në bashkëveprim me drejtuësit kryesor të njësive ushtarake e të strukturave operacionale.