LIVE UPDATES
LIVE UPDATES

Mesazhet për BE dhe Athinën! "Unioni të zgjerohet përmes demokracisë", Rama në Milano: Shqiptarët në Itali nuk u detyruan të ndryshojnë emrin si në Greqi

• Kryeministri Edi Rama në kuadër të turit të takimeve me diasporën, ka zhvilluar sot nbë pallatin e sportit në Milano takim me shqiptarët e Italisë. • Përmes një postimi në Facebook, Rama e ka cilësuar takimin e sotëm, si "vallja e dytë kuqezi në Europë". • Takimi ka nisur me perfomancën e këngëtarëve shqiptarë si Noizy, Artjola Toska, Elhaida Dani, Alban Skënderaj. • Rama shihet i shoqëruar nga bashkëshortja e tij Linda Rama, disa ministra të kabinetit qeveritar, kryebashkiaku i Tiranës Erion Veliaj dhe disa kryebashkiakë të tjerë. • Kryeministri ka falenderuar, në nisje të fjalimit të tij, pjesmarrësit, ndërsa ka vlerësuar lidhjen mes popullit shqiptar dhe italian. • Ai i ka cilësuar shqiptarët e Italisë si "përbashkuesit e dy brigjeve të Adriatikut." • Rama tha se shqiptarët në Itali nuk u detyruan të ndryshonin emrin siç bënë shqiptarët e Greqisë, gjë e cila sipas tij është një njollë turpi në historinë e Europës demokratike. • Ai tha më tej se BE duhet të kuptojë se duhet të bashkohet përmes ujërave të demokracisë dhe jo të zgjerohet me hapin e breshkës përmes kanaleve të burokracisë. • Sipas kryeministrit u desh lufta e nisur nga Rusia që unioni europian të kuptojë se duhet zgjeruar. • Rama ka folur sërish për marrëveshjen e nënshkruar me Italinë për pensionet, ku tha se përfitues dp të jenë rreth 421 mijë shqiptarë. • Teksa ishte në mbyllje të fjalimit të tij lajmëroi se vitin e ardhshëm në Tiranë do të vijë udhëheqja e re politike e komunitetit evropian. • Ai u bëri ftesë pjesmarrësve dhe shiqptarëve të tjerë Italisë të kthehen dhe të investojnë në atdheun e tyre. • Në takim nuk kanë munguar as incidentet. • Ndërsa brenda po fliste kryeministri Edi Rama, Lëvizja "Diaspora" ka shpalosur jashtë pallatit të sportit në Milano, banderolën "Dua të votoj 2025". • Ata janë futur brenda dhe kanë tentuar ta shpalosin banderolën, por janë përplasur ashpër me pjesmarrësit, të cilët i kanë nxjerrë jashtë.

14 artikuj për këtë temë.

2 JAVE ME PARE

Incidenti në takimin e Ramës/ Berisha: Nderim heronjve të vërtetë të emigracionit dhe diasporës!

Mesazhet për BE dhe Athinën! "Unioni të zgjerohet
pamje nga incidenti

TIRANË- Kreu i PD, Sali Berisha ka reaguar pas incidentit të regjistruar mes pjesmarrësve dhe aktivistëve të Lëvizjes "Diaspora" në takimin e kryeministrit Edi Rama me shqiptarët në Milano. 

Berisha ka shpërndarë videon në të cilën shihen disa persona që po tentojnë ti nxjerrin me dhunë të rinjtë studentë që kërkojnë të respektohet e drejta legjitime dhe kushtetuese e tyre.

"Nderim heronjve të vërtetë të emigracionit dhe diasporës!", shkruan Berisha krahasa videos. 

2 JAVE ME PARE

Rama: Vitin e ardhshëm në Tiranë do të vijë udhëheqja e re politike e komunitetit evropian

Mesazhet për BE dhe Athinën! "Unioni të zgjerohet
edi rama

ITALI- Kryeministri Edi Rama tha gjatë fjalimit në takimin me diasporën shqiptare në Milano se vitin e ardhshëm në Tiranë do të vijë udhëheqja e re politike e komunitetit evropian. Sipas Ramës, Shqipëria po behet shteti që aq shumë i ka munguar shqiptarëve të Shqipërisë.

Rama: Sot Shqipëria pret e përcjell miq, që nga miliona e miliona evropianët, që vijnë gjithnjë e më të shumtë për ta vizituar cdo vit. Shqipëria shikohet si Evropa e Ballkanit akoma të trazuar.

Vitin e ardhshëm Shqipëria do të mikëpresë në Tiranë që të gjithë udhëheqësit e komunitetit të ri politik evropian, nga Mbretëria e Bashkuar në Ukrainë dhe Moldavi, nga Norvegjia në Turqi dhe nga Portugalia në Azerbajxhan.

Kush mund ta imagjinonte këtë Shqipëri sot në arenat evropiane që i ngjan të gjithëve ju në familjen evropiane. Por Shqipëria sot ju pret edhe ju, shqiptarëve të Italisë dhe botës. Shqipëria po behet shteti që aq shumë i ka munguar shqiptarëve të Shqipërisë.

2 JAVE ME PARE

"Shumë janë larguar por më shumë janë kthyer", Rama: Largimi i 1 milion shqiptarëve, gënjeshtër

Mesazhet për BE dhe Athinën! "Unioni të zgjerohet
edi rama

ITALI- Kryeministri Edi Rama në fjalimin e tij në pallatin e sportit në Milano ka komentuar deklarat e opozitës se 1 milionë shqiptarë janë larguar nga Shqipëria.

Ai e cilësoi si një gënjeshtër të madhe këtë shifër. Më tej shtoi se këto 10 vite shumë shqiptarë, janë larguar, por sipas tij më shumë janë kthyer. 

"Shqipëria sot pret dhe ju si vendlindja juaj që rilind çdo ditë dhe më në fund po bëhet shtet. Shumë i ka munguar shqiptarëve të Shqipërisë. Disa gojë nga ato që ju i njihni mirë thoshin këto ditë që nuk duhet të vija këtu pasi nën udhëheqjen time kanë ikur 1 milionë shqiptarë. Kjo e 1 milion shqiptarëve të ikur në 10 vitet e fundit është gënjeshtër e madhe e ligë dhe e turpshme njësosh si ajo e autobësve që doli po nga ajo gojë e pistë duke ofenduar shqiptarët e Greqisë që u shkrinë si lumi në det për të treguar dashurinë e mallin e manifestuan krenarinë e ture për shqiptarinë e Shqipërinë.

Po e vërtetë kanë ikur edhe këto 10 vite shumë shqiptarë, shumë më tepër se janë kthyer. Por Shqipëria e katandisur në 1.5 mln banorë, e mbytur në detin e korrupsionit e nuk ka as punë as shpresë është një Shqipëri që ekziston vetëm në humnerën e atyre gojëve që në ditën e pavarësisë së Shqipërisë dhe që prej asaj dite armiqtë më të ligë të vet i patë nga radhët e parisë së vet.", tha Rama. 

2 JAVE ME PARE

Takimi në Milano/ Rama ftesë shqiptarëve në Itali: Kthehuni dhe investoni në Shqipëri!

Mesazhet për BE dhe Athinën! "Unioni të zgjerohet
edi rama

ITALI- Në mbyllje të fjalimit të tij në takimin me shqiptarët e Italisë, kryeministri Edi Rama iu bëri ftesë atyre të kthehen dhe të investojnë në atdheun e tyre.  Sipas Ramës, koha e mirë e Shqipërisë ka ardhur, ndërsa shtoi se rreth 1 mijë të rinj e të reja studiojnë në vendin tonë. 

Rama: Ai që do kthehet më shpejt, do ketë më shumë vite në paqe, për shpirtin e ndarë në dysh. Nuk jeni të detyruar të zgjidhni o njërën o tjetrën mes të dyjave, sepse e keni mundësinë, këtu me halle andej me zemër. Por edhe me punë edhe me zemër, edhe këtu edhe atje.

Koha e mirë e Shqipërisë ka ardhur. Koha e ribashkimit përfundimtar me familjen europiane. Sot udhëheqësit vijnë në Durrës, sot në Shqipëri jetojnë 20 mijë italiane dhe numri rritet çdo javë. Afro 1 mijë të rinj e të reja studiojnë në Shqipëri, 3 mijë biznese janë italianë, shumë italianë vijnë në fundjavë.

Sa shumë është shtrenjtuar jeta juaj këtu në Itali, ndërkohë kam një ftesë për t'ju bërë, të gjithë shqiptarëve që punojnë në hoteleri turizëm, informohuni vetë, jo nga ekranet, jo nga kanalet e mbushura me vrer politikë, informohuni sa janë pagat, sa merr dikush që  punon në hoteleri dhe bëni llogarinë. Kush vjen i armatosur me dijen, është i fituar.

2 JAVE ME PARE

Çfarë nuk u pa nga takimi i Ramës? Lëvizja "Diaspora" përplaset me pjesmarrësit, nuk lejohen të shpalosin banderolën "Dua të votoj 2025" (VIDEO)

Mesazhet për BE dhe Athinën! "Unioni të zgjerohet
foto nga perplasja

ITALI- Një incident është regjistruar në takimin e sotëm të organizuar në kuadër të turit me diasporën shqiptare. Ndërsa brenda po fliste kryeministri Edi Rama, Lëvizja "Diaspora" ka shpalosur jashtë pallatit të sportit në Milano, banderolën "Dua të votoj 2025". 

Ata janë futur brenda dhe kanë tentuar ta shpalosin banderolën, por janë përplasur ashpër me pjesmarrësit, të cilët i kanë nxjerrë jashtë.  Pamjet janë ndarë edhe nga aktivisti Genc Sejko. 

2 JAVE ME PARE

Rama: 421 mijë shqiptarë do të përfitojnë nga marrëveshja e pensioneve e lidhur me Italinë

Mesazhet për BE dhe Athinën! "Unioni të zgjerohet
edi rama

ITALI- Kryeministri Edi Rama tha gjatë fjalës së tij në pallatin e sportit në Milano se 421 mijë shqiptarë do të përfitojnë nga marrëveshja e sapo lidhur e pensioneve më Italinë. 

Sipas tij sot Shqipëria nuk është më një vend i rrezikshëm për Italinë. Ai tha se shqiptarët po ashtu janë pjesë e familjes europiane.

Rama: Afër çerek milioni prej jush jeni qytetarë italianë, 3/5 e juaja jeni përqendruar në veriun e Italisë. Janë mbi 40 mijë sipërmarrje shqiptare në shtetin italian. 421 mijë shqiptarë do të përfitojnë nga marrëveshja e sapolidhur e pensioneve me Italinë. Ju heshtët zilen e paragjykimit të tmerrshëm, që iu shoqëroi drejt triumfit tuaj, si europianët e rinj të Italisë.

Edhe Shqipëria po fiton betejën e saj të drejtë në kërkim të kurorës të munguar të drejtësisë, me Zot, ligj dhe zakon në familjen e shteteve të Europës. Ju jeni pjesë e familjes europiane. Shqipëria nga një vend i rrezikshëm, sot është ndryshe. Nëse dikush ju sheh shtrembër, keni të gjitha arsyet t’i thoni nëse ka ndonjë gjë këtu. Shqiptarët janë sot krenar për Shqipërinë.

2 JAVE ME PARE

Takimi në Milano/ Rama: BE të bashkohet përmes demokracisë dhe jo të zgjerohet me hapin e breshkës përmes burokracisë

Mesazhet për BE dhe Athinën! "Unioni të zgjerohet
edi rama

ITALI - Kreu i qeverisë, Edi Rama në fjalimin e tij para shqiptarëve në Milano ka komentuar edhe zgjerimin e Basahkimit Europian përmes një "mesazhi".

Ai tha se BE duhet të kuptojë se duhet të bashkohet përmes ujërave të demokracisë dhe jo të zgjerohet me hapin e breshkës përmes kanaleve të burokracisë. Sipas kryeministrit u desh lufta e nisur nga Rusia që unioni europian të kuptojë se duhet zgjeruar. 

Rama: Ne shqiptarët jemi të barabartë për ecurinë e fatit të atij projekti etnik, në rrugën e fateve tona të pandashme evropiane, ku shtetet Evropës demokratike, o ja dalin të gjithë në krye së bashku si evropianë pa dallim o mbetemi prapa botës të gjithë bashkë, në një Evropë që është e sfiduar si asnjëherë më parë qysh nga lufta e dytë botërore.

Gjermania e quajti ribashkim dhe ia doli në krye pa pritur dhe pa kërkuar që gjermanet lindorë të bëheshin të përshtatshëm në një proces me kritere standarde, por edhe me lojëra politike. Ndërsa BE iu desh të zvarritej dhjetëra vite me të ashtuquajturin zgjerim derisa carizmi rus u shfaq si ajo gjilpëra duke hapur luftën e parë pushtuese në këtë kontinent dhe duke bërë Evropën të kuptojë më në fund se duhet të bashkohet përmes ujërave të demokracisë dhe jo të zgjerohet me hapin e breshkës përmes kanaleve të burokracisë.

2 JAVE ME PARE

Mesazh për Athinën? Rama: Shqiptarët në Itali nuk u detyruan të ndryshojnë emrin si në Greqi, njollë turpi në historinë e Europës demokratike

Mesazhet për BE dhe Athinën! "Unioni të zgjerohet
edi rama

ITALI- Kryeministri Edi Rama në takimin me diasporën në Milano tha se shqiptarët në Itali nuk u detyruan të ndryshonin emrin siç bënë shqiptarët e Greqisë. 

Sipas tij kjo është një njollë turpi në historinë e Europës demokratike.

"Motra e vëllezër, mora shumë mesazhe nga shqiptarët në Itali pas valles kuqezi në zemër të Greqisë. Në më shumë se një rast më thonin që kur të vija në Milano nuk duhet të harroja se edhe ju keni vuajtur. Ndjeheshit të përjashtuar nga një garë dhimbjeje. Shqiptarët në Itali nuk u detyruan të ndryshojnë emrin si në Greqi. Gjë që është një njollë turpi në historinë e Europës demokratike." tha Rama. 

2 JAVE ME PARE

"Në 1990 ndihenin të diskriminuar", Rama: Shqiptarët edhe nën diktaturë e donin Italinë

Mesazhet për BE dhe Athinën! "Unioni të zgjerohet
edi rama

ITALI - Kryeministri Edi Rama gjatë fjalimit në takimin me shqiptarët në Milano u shpreh se shqiptarët në 1990 në Itali ndihenin të diskriminuar. 

Rama tha se gazetat lokale fajësonin të parët shqiptarët sapo ndodhet një vrasje apo një grabitje. Ndërkohë shtoi se shqiptarët edhe nën diktaturë ishin të dashurur me Italinë.

Rama:Shqiptari në vitet 1990 ndihej i diskriminuar. Ndodhte një grabitje, gazetat lokale thoshin se është një shqiptar. Ndodhte një vrasje dhe mediat thoshin se është një shqiptar. Edhe kur ikte në drejtim të paditur, vrasësi i panjohur ishte shqiptar. Shqiptarët ishin dashuruar me Italinë dhe Seria A e Kombëtarja Italiane ishte në zemrën e tyre. Shqiptarët edhe nën diktaturë e donin Italinë dhe thesaret e saj. Shqiptarët kthenin antenat nga Italia, si shteti komunist kundërajrorët.

2 JAVE ME PARE

"Jeni përbashkuesit e dy brigjeve të Adriatikut" Rama: Flamuri kuqezi dhe tringjyrëshi italian në këtë arenë dëshmojnë lidhjen mes dy popujve

Mesazhet për BE dhe Athinën! "Unioni të zgjerohet
edi rama

ITALI- Kryeministri Edi Rama po mban fjalën e tij para shqiptarëve të mbledhur në pallatin e sportit në Milano. Rama ka falenderuar pjesmarrësit, ndërsa ka vlerësuar lidhjen mes popullit shqiptar dhe italian. Rama i ka cilësuar shqiptarët e Italisë si "përbashkuesit e dy brigjeve të Adriatikut."

Edi Rama: Përqafime nga kjo arenë e mrekullueshme ku flamuri kuqezi dhe tringjyrëshi italian dëshmon lidhjen mes dy popujve. Ju shqiptarët e Italisë jeni shëmbëlltyra rrezatuese e ribashkimit me Europën. Ju jeni përbashkuesit e dy brigjeve të Adriatikut. Sot duket gjëja më e natyrshme, dje dukej më e pamundura. Dukej gjëja më e pamundur në botë kur u bëtë mbartësit e peshës tronditëse të misionit historik mbi anijet e ndryshkura të Shqipërisë komuniste.

 

2 JAVE ME PARE

Takimi hapet me performancën e Noizyt dhe Artjola Toskës, Rama mbërrin në pallatin e sportit në Milano

Mesazhet për BE dhe Athinën! "Unioni të zgjerohet
artjola toska, edi rama

ITALI - Takimi i kryeministrit Edi Rama me shqiptarët në Itali është hapur me performancën e këngëtarëve shqiptarë Noizy dhe Artjola Toska. Ndërkohë para pak minutash ka mbërritur në pallatin e sportit në Milano dhe kryeministri.

Rama shihet i shoqëruar nga bashkëshortja e tij Linda Rama, disa ministra të kabinetit qeveritar, kryebashkiaku i Tiranës Erion Veliaj dhe disa kryebashkiakë të tjerë. Gjithashtu pas mbërritjes së Ramës është kënduar himni shqiptar dhe ai italian.

Rama nisi më 12 maj në Athinë një turne që synon mbledhjen e mbështetjes për Partinë e tij Socialiste edhe në mesin e diasporës shqiptare. Anëtarësime të reja në PS dhe investime në Shqipëri janë qëllime të deklaruara të Ramës. Ndalesa të radhës pas Italisë, pritet të jenë Gjermanina dhe Mbretërinë e Bashkuar. 

 

2 JAVE ME PARE

Rama takim me shqiptarët/ Parulla e vendosur në Milano: Me Kurtin Shqipëria shpreson, me ty Shqipëria vdes

Mesazhet për BE dhe Athinën! "Unioni të zgjerohet
parulla

ITALI - Kryeministri Edi Rama pritet të nisë takimin me shqiptarët e Italisë në Milano. Ndërkohë një parullë e madhe kundër tij është shfaqur ne vendin ku do zhvillohet takimi.

“Me Kurtin Shqipëria shpreson, me ty Shqipëria vdes”, është mesazhi i shkruajtur në parullën e vendosur në Bustio Arsizio.

Mesazhet për BE dhe Athinën! "Unioni të zgjerohet

Rama nisi më 12 maj në Athinë një turne që synon mbledhjen e mbështetjes për Partinë e tij Socialiste edhe në mesin e diasporës shqiptare. Anëtarësime të reja në PS dhe investime në Shqipëri janë qëllime të deklaruara të Ramës. Ndalesa të radhës pas Italisë, pritet të jenë Gjermanina dhe Mbretërinë e Bashkuar. 

2 JAVE ME PARE

Pak para nisjes së takimit, Rama ndan pamje nga pallati i sportit në Milano

Mesazhet për BE dhe Athinën! "Unioni të zgjerohet
pamje nga vendi i takimit

ITALI- Kryeministri Edi Rama pak minuta para nisjes së takimit me shqiptarët e Italisë ka ndarë pamje nga pallati i sportit në Milano.

Përmes videos, Rama bën me dije se ka mbërritur në vendin e takimit, të cilin më herët e ka cilësuar si "vallja e dytë kuqezi në Europë".

Rama nisi më 12 maj në Athinë një turne që synon mbledhjen e mbështetjes për Partinë e tij Socialiste edhe në mesin e diasporës shqiptare. Anëtarësime të reja në PS dhe investime në Shqipëri janë qëllime të deklaruara të Ramës. Ndalesa të radhës pas Italisë, pritet të jenë Gjermanina dhe Mbretërinë e Bashkuar. 

2 JAVE ME PARE

Turi i takimeve me diasporën, Rama mbledh sot shqiptarët në Milano: Vallja e dytë kuqezi në Europë

Mesazhet për BE dhe Athinën! "Unioni të zgjerohet
edi rama

ITALI- Kryeministri Edi Rama në kuadër të turit të takimeve me diasporën, do të vizitojë ditën e sotme Italinë. Rreth orës 11:00 në pallatin e sportit në Busto Arsizio, afër qytetit e Milanos, Rama do të zhvillojë sot takim me shqiptarët e Italisë.

Përmes një postimi në Facebook, Rama e ka cilësuar takimin e sotë, si "vallja e dytë kuqezi në Europë".

"MIRËMËNGJES

dhe nga Rinasi ku po nisemi për vallen e dytë kuqezi në Europë, me shqiptarët e Italisë që sipas kërkesës së tyre do t’i mikpresim në një pallat sporti edhe më të madh se në Athinë, me shpresën që askush nuk do të mbetet pa gjetur vend siç fatkeqësisht na ndodhi në Greqi, ju uroj të gjithëve një të diel sa më të mbarë.", shkruan Rama në postimin e tij. 

Rama nisi më 12 maj në Athinë një turne që synon mbledhjen e mbështetjes për Partinë e tij Socialiste edhe në mesin e diasporës shqiptare. Anëtarësime të reja në PS dhe investime në Shqipëri janë qëllime të deklaruara të Ramës. Ndalesa të radhës pas Italisë, pritet të jenë Gjermanina dhe Mbretërinë e Bashkuar. 

Në Athinë ai u takua me mijëra emigrantë, përfaqësuesit e të cilëve thonë se kishin pritje më të mëdha prej tij, në lidhje me disa probleme me të cilat përballen. Në Shqipëri, pushteti e cilësoi takimin si të frytshëm, ndërsa opozita si “propagandë”. Gjatë takimit me emigrantët në një sallë të stadiumit “Galatsi” në kryeqytetin grek, Rama bëri thirrje për një histori të re në marrëdhëniet Shqipëri-Greqi.

edi rama ne milano

Sondazh

Poll

“Jam çliruar nga ankthi i vulës dhe i logos”,Basha: Kushti që kam është distancimi nga Rama dhe Meta

“Jam çliruar nga ankthi i vulës dhe i logos”,Basha: Kushti që kam është distancimi nga Rama dhe Meta

Rrëzimi i interperlancës me Ramën, Spaho: Së shpejti do të zbytheni me këto qëndrime

Tritan Shehu: Berisha është anëtar i grupit të PD, po shkelni rregulloren

"Kuvendin po e trajtoni si dyqanin tuaj personal"/ Bardhi: Keni ndryshuar ditën e seancës plenare

"As emrin nuk guxoni t'ia përmendni"/ Vokshi dhe Felaj zihen për Sali Berishën: Nuk vendos Kuvendi

Klevis Balliu dëmtohet nga gazi lotsjellës i hedhur nga policia në protestë, të lënduar edhe Noka

Protesta e opozitës, qytetarët hedhin sende në drejtim të policisë, lëndohet efektivi

Protestuesit i vënë flakën gomave para bashkisë, zjarri shuhet nga policia

Përplasjet në Kuvend/ Seanca ndërpritet sërish 5 minuta, Nikolla-Nokës:Po më kërcënon? Të të vij zor

Opozita bllokon foltoren, Noka-Nikollës: Je përfaqësuese dinjitoze e narkoshtetit!

Bardhi ndryshime në Grupin Parlamentar të PD-së kërkon rikthimin e Berishës,Nikolla refuzon kërkesën

Freskohet me ujë dhe niset me vrull drejt policisë, çfarë synonte të bënte protestuesi para Kuvendit

Protestuesit qëllojnë me vezë dhe fruta policinë para Kuvendit: Hapeni rrugën!

Zjarr dhe tym i zi, protestuesit ndezin gomat jashtë Kuvendit

Protesta e opozitës, protestuesit vendosin goma të vjetra jashtë Kuvendit

Investigimi i Rai3, Meloni në krah të Ramës: Nuk ishte ai shenjestra, mirënjohës qeverisë shqiptare

Reportazhi i Rai3/ Rama: Shpëtuam afganët nga vdekja kur asnjë vend i NATO-s nuk i pranoi

Konferenca me Melonin në Shëngjin, Rama për investigimin e Rai 3: U hodh baltë mbi shqiptarët

Deputeti i opozitës italiane përplaset me Melonin në kampin e Gjadrit:Badigardët tuaj po më dhunojnë

“Mos i falni më"/ Rama për Opozitën: Braktiseni në vetminë e ujërave të zeza

Akuzat e Ahmetajt/ Rama: U përdor si hero një i arratisur i shpallur në kërkim ndërkombëtar nga SPAK

Reportazhi i RAI3/ Rama: Nuk iu shmanga ballafaqimit, gazetarët këtë e quajtën kurojo të madhe

Reportazhi i RAI3/ Rama: E kishin me Italinë, por RAI 3 dha një shfaqe të shëmtuar

Reportazhi i RAI3/ Rama: Baltë e pamerituar për Shqipërinë dhe shqiptarët

Tensionohet situata, zjarr para bashkisë së Tiranës, protestuesit i vënë flakën gomave

Themelohet Partia Mundësia, Shehaj: Jemi bashkuar për të bërë realitet një parti të re politike

"Regjimet nuk kanë kurrë fund të lavdishëm"/Noka: Sa më shumë Edveri juaj të rrisë represionin e tij

Açka vendos fotot e Stalinit dhe Leninit në sallën e Kuvendit

E paprecedentë në Kuvend, gardisti urdhëron gazetarët të dalin nga salla, ata i kthehen: Gangster

Projekt-rezoluta për krimet e komunizmit/ Gjekmarkaj: Nuk u kërkua kurrë falje!

"Shpik histori nga Ilirët e Pellazgët", Spiropali-Basha, replika: Keni një paqartësi historike

Vettingu në politikë, Spiropali: SPAK-un e kemi lënë të lirë nga kontrolli politik

Basha: Të vetmet akte të dërguara për luftën ndaj korrupsionit janë varrosur në sirtarë

Komisioni hetimor antikorrupsion/ Sula: Hiqeni nga rendi i ditës, të raportojnë institucionet

Shehu nga kuvendi: OKB votoi rezolutën për të njohur genocidin serb, mazhoranca jonë e rrëzoi

Pr. vendimi për ngritjen e Komisionit të Posaçëm Antikorrupsion,Gazment Bardhi largohet nga Kuvendit

Kuvendi voton sot Komisionin antikorrupsion,Nikolla nxjerr gazetarët nga salla,reagon ashpër opozita

Rrëzohet kërkesa e opozitës për mocionin me debat / Zhupa-Nikollës: Dëshiron t’i tregosh besnikëri

Komisioni i Posaçëm Antikorrupsion/' Basha: Manovër elektorale e Ramës. Nuk mund të jemi pjesë

Dhunimi i Sokol Mëngjesit/ Policia: Arrestohet organizatori, 20 mijë euro për atë që jep informacion

"E ardhmja nuk mund të mbrohet nga arma", Rama: Ka ardhur koha të ndërtojmë një NATO të arsimit

"Pyes veten kush je"/ Bardhi replikon me Spiropalin: Mos je gjë motra e Olsi Ramës

Rezoluta anti-korrupsion, Çuçi: Ka rënë korrupsioni, 95 % e shërbimeve kryhen nga telefoni

"Vënia në kontroll e SPAK, fantazi"/ Rama i kthehet Opozitës: Po treteni tek 'Rrugica e Shpresës'

Rama mban fjalën në seancë plenare, deputetët godasin tavolinat

"Keni ende shumë për të parë"/ Rama: Korrupsioni në Shqipëri vazhdon

Rezoluta e PS-së në Kuvend/ Rama: Jemi në luftë me korrupsionin prej 10 vjetësh

Argita Malltezi: Ndërrimi i destinacionit të Kompleksit Partizani u bë nga Rama

"Kryedemokrati dhe Malltezi të arrestuar politik", Argita: SPAK ka kaluar nga një akuzë në tjetrën

Paralajmërimi i Argita Mallatezit: Do të përfshihem në politikë nëse është e nevojshme