Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Një ngjarje tronditëse është shënuar mesditën e sotme në Tiranë. •Një i mitur, 3 vjeç ka ndërruar jetë në mënyrë tragjike pas një vizite te dentisti. •Rasti u denoncua nga prindërit, e vogëlushit të cilët akuzojnë dentistin Roland Xhaxho dhe vajzën e tij për pakujdesi në shërbim. •Sipas Policisë, i mituri ka ndërruar jetë 3 ditë pas ndërhyrjes në dhëmballë e cila mësohet se ka zgjatur për disa orë. •Për shkak të mbidozës së anestezisë, i mituri ka qëndruar në gjendje koma për disa ditë dhe në momentin që është dërguar në spital i kanë thënë se i është helmuar mëlçia. •Prindërit e 3-vjeçari të identifikuar me emrin Brian kanë kallëzuar penalisht anestezistin dhe të bijën dentiste. •Daja, gjyshi dhe prindërit kërkojnë drejtësi dhe dënim me burg për babë e bijë. •Ata thanë se pasi kanë vënë re komplikacionet te djali, kanë telefonuar mjekun por askush nuk ua ka hapur telefonin.
6 artikuj për këtë temë.
TIRANË- Gjyshi i 3-vjeçarit që ndërroi jetë tragjikisht pas një vizite tek dentisti akuzoi mjekun Roland Xhaxho dhe vajzën e tij në lidhje me vdekjen e nipit. Sipas tij, doza e lartë e narkozës shkaktoi vdekjen e të miturit. Ai shton se kjo u konfirmua edhe nga mjekët në spitalin Nënë Tereza, atje ku edhe 3-vjeçari ndërroi jetë.
Guri Spahiu teksa ka folur për JOQ, ka kërkuar drejtësi nga shteti, ndryshe do të bëjnë vetëgjyqësi. Gjyshi shprehu se nuk do e falë gjakun e nipit nëse drejtësia nuk shkon në vend.
Si ndodhi ngjarja?
Tre ditë më parë, i mituri me inicialet B.S, u fut në operacion për 4 dhëmballë. Operacioni zgjati nga ora 10:30 deri në 15:30. Familjarët e nxorrën nga klinika në orën 15:30. Fëmija nuk është ndjerë mirë e më pas u dërgua në urgjencë në orën 19:00. Raportohet se mëlçia i doli jashtë funksionit e për pasojë, i mituri ndërroi jetë. Sipas të afërmëve, dentisti po manipulon ngjarjen.
Sipas burimeve, Xhaxho është proceduar nga Policia dhe aktualisht po vijojnë hetimet për ngjarjen e rëndë./Dosja.al
TIRANË- Një ngjarje e rëndë është shënuar sot në Tiranë ku një 3-vjeçar është dërguar në një klinikë dentare për disa shërbime por pasi ka dalë nga aty, i mituri është ndjerë keq dhe ka ndërruar jetë pas 3 ditësh i shtuar në spital.
Klinika që ishte e hapur gjatë paradites, pas publikimit të lajmit në media, ka mbyllur qepenat. Mediat janë munduar që të kontaktojë me mjekun Roland Xhaxho, por nuk është përgjigjur njëri.
Çfarë ndodhi me 3-vjeçarin?
I mituri është dërguar nga familjarët në një klinikë dentare për disa shërbime. Pasi mjeku, Roland Xhaxho i ka bërë grafinë, u ka thënë prindërve se fëmija ka 13 apo 14 dhëmbë për rregullim. Për shkak të numrit të lartë është vendosur që të kryhet operimi me narkozë. Pas një operacioni që zgjati shumë orë, djali nuk është zgjuar më dhe është dërguar në shtëpi, sepse mjeku iu ka thënë familjarëve se do të zgjohet më vonë. Në shtëpi ai ka shfaqur probleme dhe rritje temperature dhe është dërguar në pediatri ku ka qëndruar në gjendje kome për 2 ditë dhe ka ndërruar jetë. Trupi i të miturit është dërguar në morg për tu kryer autopsia. Për ngjarjen e rëndë familjarët bëjnë fajtor mjekun dhe vajzën e tij, Ina Xaxho. Daja i 3-vjeçarit tha se mjeket bënë ta pamundurën për ta shpëtuar por ishte vonë pasi i ishte helmuar mëlçia. Ai ka thënë se vrasësit janë Roland dhe Ina Xhaxho, dhe se do të bëjnë të pamundurën që ata të mos e kalojnë kaq lehtë. Mjeku 70-vjeçar është proceduar penalisht për ngjarjen.
TIRANË- Daja i të miturit në Tiranë, që ndërroi jetë tragjikisht pas një vizite tekdentisti ka bërë pretendime të rënda lidhur me rastin. Ai tha se Roland dhe Ina Xhaxho, babë e bij të cilët punonin në klinikën e tyre private e kanë mbajtur në sallën e operacionit për 4 orë 3-vjeçarin,i cili për shkak të mbidozës së anestezisë ka rënë në gjendje kome. Sipas tij, mjekët bënë të pamundurën për ta shpëtuar, por mëlçia e të miturit ishte helmuar nga mbidoza e anestezisë.
"Jam daja i djalit, kishte 3-4 dhëmbë të prishur, na ankohej se nuk hante bukë. Pyetëm shumë veta me anestezi, mjekë zemre, shkuam te Roland Xhaxho dy tre herë, bashkë me gocën i kanë trajtuar 14 dhëmbë djalit, e mbajtën 4 orë në sallë dhe na e dha çunin në gjendje kome, të rënduar. Na tha që ishte një gjendje normale për shkak të anestezisë. Kur e çuam te pediatria e futën direkt te reanimacioni pa puls. Mjeket bënë ta pamundurën, thanë se nëse do e kishim çuar më parë do kishte shpëtuar, i ishte helmuar mëlçia. Vrasësit janë Roland dhe Ina Xhaxho, do të bëjmë të pamundurën që ai të mos e kalojë kaq lehtë", tha daja.
TIRANË- Gjyshi i 3-vjeçarit që ndërroi jetë tragjikisht pas një vizite tek dentisti ka bërë pretendime të rënda lidhur me rastin. Ai shprehet se djali ka qenë në gjendje shumë të mirë nuk ka patur ndonjë problem më parë. I mituri është dërguar në shtëpi, pasi mjeku tha se pas 10 minutash do të kthehet në gjendje normale, pasi ishte nën efektin e anestezisë. Por minutat kaluan shpejtë, dhe siç tregon gjyshi i të miturit gjendja e tij filloi të përkeqësohej. Kërkuan për ndihmë por mjeku nuk e hapi telefonin.
"Nuk ka patur probleme më parë. Kemi bërë kallëzim, ne kërkojmë që ai të dënohet. Nga shteti në rast të kundërt mos na shkatërroni ne. As policia e Shtetit as Ministria e Shëndetësisë nuk e ka bërë problem por kanë vepruar fshehur për interesa të tyre. Duam drejtësi. Djali ka qenë në gjendje shumë të mirë nuk ka patur ndonjë problem më parë. E dërguam në shtëpi, sepse mjeku na tha se nuk ka problem se rreth 10 minuta 30 minuta i kalon narkoza tha se nuk ka problem. Djali ka ndenjtur në shtëpi, filloi të zverdhej ishte në koma. Filloi temperatura 39.5 e morëm mjekun në telefon se hapte as telefonin që ta pyesnim çfarë të bënim", tha gjyshi.
TIRANË- Policia ka zbardhur detaje lidhur me vdekjen e një të mituri në Tiranë, pasi iu nënshtrua një operacioni disa orësh në klinikën dentare. Sipas policisë, i cili i referohet denoncimit të prindërve të 3 vjeçarit, i mituri pas mjekimit në klinikën dentare ka shfaqur komplikacione dhe pas 3 ditësh ka humbur jetën. Për rastin e rëndë Prokuroria ka nisur një hetim për personin e identifikuar me iniciale R. Xh., 70 vjeç.
"Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin R. Xh., 70 vjeç, banues në Tiranë, për veprën penale "Mjekimi i pakujdesshëm", pasi ka bërë kallëzim shtetasi B. S. se shtetasi R. Xh. ka mjekuar në mënyrë të pakujdesshme në klinikën e tij private, djalin 3-vjeçar të shtetasit B. S., i cili pas mjekimit në këtë klinikë ka shfaqur komplikacione dhe pas 3 ditësh, ka humbur jetën, në spital", njofton policia.
TIRANË- Një ngjarje e rëndë ka ndodhur në kryeqytet pak ditë më parë. Një 3-vjeçar ka ndërruar jetë te pediatria pasi ishte shtruar, pasi mori mjekimin te dentisti. Prindërit e të miturit, kanë denoncuar në Polici klinikën dentare, të cilën e fajësojnë për vdekjen e djalit. Ata akuzojnë dentistin Roland Xhaxho për injektim të një sasie të tepërt narkoze.
Si ndodhi ngjarja?
Tre ditë më parë, i mituri me inicialet B.S, u fut në operacion për 4 dhëmballë. Operacioni zgjati nga ora 10:30 deri në 15:30. Familjarët e nxorrën nga klinika në orën 15:30. Fëmija nuk është ndjerë mirë e më pas u dërgua në urgjencë në orën 19:00. Raportohet se mëlçia i doli jashtë funksionit e për pasojë, i mituri ndërroi jetë. Sipas të afërmëve, dentisti po manipulon ngjarjen.
Sipas burimeve, Xhaxho është proceduar nga Policia dhe aktualisht po vijojnë hetimet për ngjarjen e rëndë./Dosja.al
