Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Një rast tronditës i dhunës në familje ka ndodhur në Volos të Greqisë, ku një 22-vjeçare dhe fëmija e saj 2 vjeç është dhunuar dhe mbajtur peng për dy vite nga bashkëshorti i saj 28-vjeçari shqiptar i identifikuar me emrin Aurel Kurti. •Ngjarja është zbuluar mbrëmjen e së enjtes, kur fqinjët kanë dëgjuar britmat nga brenda shtëpisë, ku 28-vjeçari mbante 22-vjeçaren dhe fëmijën e tyre 'të burgosur' në shtëpi. •Kur kanë trokitur me këmbëngulje në derë, 28-vjeçari pasi e ka hapur ka tentuar të arratiset, ndërsa fqinjët e kanë imobilizuar. •Policia ka mbërritur në vendngjarje dhe ka nisur arrestimin e tij. •Atë natë 28-vjeçari ka tentuar ta mbysë 22-vjeçaren pasi u konstatua se gruaja kishte shenja në qafë. •Në deklaratën e saj të mëvonshme në polici, 22-vjeçarja tha se i shoqi e rrihte çdo ditë. •Në dëshminë e saj 22 vjeçarja rrëfen se ai e kërcënonte vazhdimisht se do të shkonte në Shqipëri dhe do të vriste prindërit e saj. Sipas saj, ky presion psikologjik bëhej pasi bashkëshorti i saj nuk duronte dot faktin që ajo kishte lindur vajzë dhe jo djalë.
5 artikuj për këtë temë.
GREQI-Shtëpia e "djallit" e kanë quajtur mediat greke, shtëpinë ku shqiptari 28 vjeçar Aurel Kurti mbante të mbyllur gruan e tij me vajzën. Sipas burimeve mediatke nga Volos i Greqisë thuhet se shtëpinë e çiftit shiheshin dhe dëgjoheshin situata të dyshimta.
Nga ana tjetër janë marrë dhe dëshmitë e fqinjëve të cilët thonë se prej kohësh nuk e shihnin të dilte gruaja nga shtëpia.
“Nuk e kemi parë kurrë gruan. E dinim që këtu jetonte një çift shqiptar, por këtë vajzë nuk e kishim parë kurrë. Të gjithë pyesnim se çfarë po ndodhte brenda kësaj shtëpie, por nuk mund të bënim asgjë. Nuk e dinim se çfarë po ndodhte”, thotë një grua.
Një fqinj tjetër rrëfen:
“E kam parë shumë rrallë. Ai doli vetëm deri në kopsht. Dy ose tre herë gjatë viteve. Jo më. Dhe më bëri përshtypje sepse ajo ishte e veshur nga lart poshtë. Si me kapuç. Nuk e pashë kurrë jashtë oborrit të shtëpisë duke lëvizur duke bërë pazar. Dhe as që e kisha parë kurrë fëmijën”.
DIBËR-Pas arrestimit të Aurel Kurtit, 28 vjeçarit të akuzuar nga gruaja e tij 22 vjeç për dhunë dhe pengmarrje në Greqi, ka folur babai tij. Në një intervistë për News 24, babai djalit e ka quajtur mashtrim gjithë lajmin tronditës të shfaqur në media. Sipas Kurit nusja e ka sajuar historinë për shkak të dyshimeve se mund të ketë lidhje me ndonjë tjetër. Midis të tjerash babai i 28 vjeçarit rrëfen detajin se vajza e çiftit ka lindur në Shqipëri, kur ajo banonte në shtëpinë e tij. Ai thotë se djali i tij nuk ka treguar shenja që nuk donte fëmijën vajzë.
“Problemi është këtu, çfarë kanë thënë ata janë gënjeshtra dhe mashtrime. Ka mundësi që vajza të ketë lidhje me ndonjë tjetër. Që kur u njoh me djalin, erdhën dhe ndenjën 2-3 muaj këtu, më pas kanë ikur në Greqi. Fëmijën e ka lindur këtu në Shqipëri, e kemi mbajtur si gocën tonë. E kemi trajtuar shumë mirë, nuk e kemi keqtrajtuar. Se çfarë ka falur tani, nuk di gjë. Unë di çfarë ka ndodhur këtu, këtu ka qenë në rregull. Pardje kam folur me çunin në telefon. Kur e kam dëgjuar ka ndodhur që janë zënë, nuk e di. Me nusen e djalit nuk kam folur, nuk i kam numrin. Flisja nga telefoni i djalit. Ajo po mashtron, se për çfarë nuk e di. Djali nuk e ka keqtrajtuar se ka lindur vajzë, këto janë mashtrime. Ai e nxirrte vajzën çdo javë në lokal, edhe ditëlindjen e ka festuar jashtë. Këto janë mashtrime për të futur brenda djalin tim. Edhe mund të ketë lidhje me një tjetër dhe mund ta dojë që djali im të jetë brenda. Ata janë njohur me dashuri, unë vetë skam qenë dakord, as mamaja e saj. Se çfarë ka deklaruar e ëma e saj, kur u njohën. Duhet të jetë një prapaskenë. Ato që ka thënë në policinë greke nuk janë të vërteta. Nusen e kam çuar vetë në Greqi, djali im nuk e nxirrte dot përditë, se ka pasur punën e tillë. Ajo mund të thotë që ka ndenjur e mbyllur, por në darka kanë dalë. Ata janë lidhur që kur vajza ishte në klasë të 7-të. Kur fola në telefon me djalin nuk më tha asgjë. Më tha se do flisnim më vonë, më pas nuk e hapte tel. Të nesërmen më shkruan dhe më thotë se është zënë me Dafinën dhe e kanë futur brenda”, deklaroi Gëzim Kurti.
GREQI- Personi që shihni në foto është Aurel Kurti, 28-vjeçari i cili është vënë në prangat e policisë greke, pasi akuzohet se ka udhtruar dhunë ndaj bashkëshortes së tij dhe e ka mbajtur atë peng bashkë me fëmijën për 2 vite.
Kurti akuzohet se e ka keqtrajtuar bashkëshorten e tij 22-vjeçare dhe se e kërcënonte se do t'i vriste edhe prindërit e saj kur të shkonte në Shqipëri. 28-vjeçari shqiptar e dhunonte barbarisht për shkak të gjinisë së fëmijës së tyre. Ata kanë një vajzë të mitur, ndërkohë që 28-vjeçari donte djalë.
Ngjarja është zbuluar nga fqinjët, të cilët siç raportojnë mediat greke, kanë dëgjuar të bërtitura dhe ulërima dhe kanë lajmëruar me njëherë policinë. Në këto momente, Kurti ka hasur në rezistencë ndërsa tentoi të vriste 22-vjeçaren duke e mbytur.
GREQI-Detaje të reja kanë dalë nga ngjarja mostruoze në Greqi, ku një 22 vjeçare mbahej e izoluar me fëmijën 2 vjeçar nga burri i saj. Dëshmia e saj zbulon presionin psikologjik të bashkëshortit i cili nuk e duronte dot faktin se ajo kishte lindur vajzë dhe jo djalë.
Në dëshminë e saj 22 vjeçarja rrëfen se ai e kërcënonte vazhdimisht se do të shkonte në Shqipëri dhe do të vriste prindërit e saj.
“Jam dhunuar, i kam shpëtuar shumë herë vdekjes. Ai më kërcënoi se nëse ikja në Shqipëri do të vinte dhe do të vriste prindërit e mi”, ka treguar në dëshminë e saj, 22-vjeçarja shqiptare e cila u torturua nga bashkëshorti se lindi vajzë."
Ngjarja është zbuluar në Volos të Greqisë ku çifti jetonte prej vitit 2021. Kur lindi fëmija, nëna dhe foshnja jetuan për pesë muaj me grila të mbyllura dhe pa rrezet e diellit. Dhuna ndaj saj ishte e përditshme dhe 28-vjeçari nuk e lejonte nënën të shkonte te mjeku për vaksinimin e fëmijës dhe as të thërriste mjekun në shtëpi.
GREQI- Një rast i rëndë i dhunës në familje ka ndodhur në volos të Greqisë, ku një shqiptar ka mbajtur peng bashkëshorten e tij 22-vjeçare dhe fëmijën e tyre për rreth 2 vite, ndërsa abuzonte çdo ditë me të.
Ngjarja është zbuluar mbrëmjen e së enjtes, kur fqinjët kanë dëgjuar britmat nga brenda shtëpisë, ku 28-vjeçari mbante 22-vjeçaren dhe fëmijën e tyre 'të burgosur' në shtëpi.
Kur kanë trokitur me këmbëngulje në derë, 28-vjeçari pasi e ka hapur ka tentuar të arratiset, ndërsa fqinjët e kanë imobilizuar. Policia ka mbërritur në vendngjarje dhe ka nisur arrestimin e tij.
Atë natë 28-vjeçari ka tentuar ta mbysë 22-vjeçaren pasi u konstatua se gruaja kishte shenja në qafë. Në deklaratën e saj të mëvonshme në polici, 22-vjeçarja tha se i shoqi e rrihte çdo ditë.
Çifti u martua në Shqipëri kur vajza ishte vetëm 18 vjeç, në një martesë të “detyruar” nga familja e saj dhe rreth 1.5 vjet më vonë ata patën një fëmijë së bashku.
Në vitin 2021, 28-vjeçari erdhi në Greqi me 22-vjeçaren dhe fëmijën e tyre në një zonë pak jashtë Volosit, ku punon si ndërtues, shkruan Protothema.gr
Siç rezultoi nga hetimet, gjatë “ndalimit” burri nuk e kishte lejuar as fëmijën të shkonte te mjeku dhe as gruaja e tij të mësonte greqisht. Në pesë muajt e fundit, në fakt, gruaja nuk kishte parë as dritën e diellit, pasi e kishte të ndaluar të dilte edhe në oborrin e shtëpisë.
28-vjeçari e ka kërcënuar vajzën se do të shkonte vetë në Shqipëri për të vrarë prindërit e saj, nëse ajo tregonte se çfarë po kalonte apo tentonte të largohej. I riu do të përballet me ndjekje penale për pengmarrje dhe plagosje.
