Kalifornia tronditet nga një tërmet me magnitudë 7 ballë, autoritetet anulojnë paralajmërimet për cunami: Nuk ka dëme

Foto ilustruese

SHBA- Një tërmet me magnitudë 7 ballë goditi brigjet veriore të Kalifornisë të enjten, duke shkaktuar një paralajmërim për cunami për një pjesë të madhe të zonave bregdetare të Kalifornisë dhe Oregonit, thanë zyrtarët. Më vonë paralajmërimi për cunami u anulua.

Tërmeti, i cili goditi në një thellësi të cekët prej 10 kilometrash, e kishte epiqendrën rreth 63 kilometra në perëndim të qytetit Ferndejl, një pjesë me popullsi të vogël në bregun e Kalifornisë veriore, tha Shërbimi Gjeologjik i Shteteve të Bashkuara.

Departamenti i policisë në qytetin Bërkli lëshoi një urdhër evakuimi për pjesë të qytetit në Gjirin e San Françiskos, sipas një alarmi dërguar banorëve.

Zyra e Guvernatorit të Kalifornisë, Gavin Newsom, shkroi në mediat sociale se guvernatori "po takohet me zyrtarët e ekipeve shtetërore të urgjencës dhe po punon për të siguruar që banorët e Kalifornisë të jenë të jenë të sigurt"./ VOA

kaliforni

KALIFORNI- Një tërmet i fortë me magnitudë 7.0 ka goditur brigjet e Kalifornisë veriore. Një paralajmërim për cunami u lëshua fillimisht përgjatë brigjeve të Kalifornisë veriore dhe Oregonit jugor, një zonë që përfshin rreth 4.7 milion njerëz, por që atëherë është anuluar.

Epiqendra e tërmetit goditi më afër qytetit Ferndale, Kaliforni, një qytet i vogël në kontenë Humboldt rreth 260 milje (418 km) në veri të San Franciskos.

Zyra e Shërbimeve të Emergjencave të Sherifit të Qarkut Humboldt tha se nuk kishin marrë menjëherë asnjë raport që tregonte dëme të përhapura.

Tërmeti duket se nuk ka shkaktuar shkatërrime të mëdha, sipas një banor i Ferndale, i cili foli për BBC në minutat pas tërmetit.

Disa zona, duke përfshirë qytetin Berkeley në Kaliforninë veriore, lëshuan një urdhër evakuimi për shkak të kërcënimit të një cunami të mundshëm.

"EVAKUO TANI. Njerëzit në zonën e cunamit janë në rrezik të menjëhershëm dhe DUHET të evakuohen TANI. Qëndroni në lindje të St. 7. Ky është një urdhër i ligjshëm për t'u larguar tani.", thuhej në njoftim.

Guvernatori i Kalifornisë Gavin Newsom pasi u informua për tërmetet u takua menjëherë me zyrtarë të emergjencës shtetërore për të ndihmuar në koordinimin e reagimit.

Bregu Perëndimor i SHBA-së është bashkimi i një numri pllakash tektonike të Tokës dhe dridhjet nuk janë të rralla. Por një tërmet i fortë me magnitudë 7 nuk shihet zakonisht në rajon. Ekspertët thonë se çdo vit ka nga 10 deri në 15 tërmete të kësaj magnitude që godasin globalisht.

Zona është goditur nga një numër tërmetesh të mëdha, duke përfshirë një tërmet të vitit 1994 që goditi Northridge, në zonën e Los Anxhelosit, duke vrarë dhjetëra njerëz dhe duke plagosur mijëra të tjerë, pasi shkaktoi miliarda dollarë dëme në shtëpi dhe infrastrukturë.

sherbimi gjeologjik ShBA

KALIFORNI- Paralajmërimet për cunami janë lëshuar për pjesë të brigjeve të Kalifornisë Veriore dhe Oregonit pas një tërmeti me magnitudë 7.0 që goditi brigjet e Kalifornisë.

Tërmeti goditi në orën 10:44 të enjten në mëngjes, rreth 60 milje në jugperëndim të Ferndale, Kaliforni, tha Shërbimi Gjeologjik i SHBA.

Aktiviteti i cunamit mund të ndikojë në qytetet e Kalifornisë, San Fransisco, Crescent City dhe Fort Bragg, dhe qytetet Oregon të Port Orford, Brookings dhe Charleston, sipas Shërbimit Kombëtar të Motit.

“Paralajmërimet për cunami nënkuptojnë se një cunami me përmbytje të konsiderueshme është i mundur ose tashmë po ndodh. Tsunami janë një seri valësh të rrezikshme shumë orë pas mbërritjes fillestare. Vala e parë mund të mos jetë më e madhja,” tha Shërbimi Kombëtar i Motit.