Tragjike në Francë! Burri ekzekuton me armë gjahu gruan dhe më pas i jep fund jetës, lënë pas dy djem të mitur. Familjarët të tronditur: Na ndihmoni të sjellim trupat në atdhe (EMRAT-FOTOT)

çifti

FRANCË- Detaje të reja vijojnë të dalin nga ngjarja e rëndë në familjen shqiptare në Francë, ku Andon Janaqi vrau bashkëshorten dhe më pas i dha fund jetës. Lidhur me ngjarjen ka folur edhe motra e tij, e cila ka bërë një apel publik për institucionet shqiptare.

Ajo ka treguar edhe bisedën e fundit me Andonin një ditë para tragjedisë. Motra gjithashtu ka treguar se familja nuk kishte dijeni për konflikte të rënda mes çiftit. Ajo theksoi se familja nuk ka komunikim me të afërmit e nuses dhe nuk dëshiron të ketë pas ngjarjes së rëndë.

“Unë dua që vëllain ta sjellin këtu. Ne nuk kemi kushte, mamaja nuk ka më një rrogë, i ka larë borxhet. S’ka ç’bëjmë vetë. Nuk duam gjë tjetër, vetëm vëllain ta sjellim në Shqipëri. Fola dje me të. Më tha ‘jam mirë, po dal një xhiro se jam shumë i stresuar’. Ishte me ankth, i trembur.

Më tha ‘flasim më vonë’, por nuk më telefonoi më. E mora disa herë, nuk ma hapi. Sot na erdhën dhe na thanë se kishte vdekur. Na thanë vetëm: ‘bëhuni të fortë’. Kaq. Sa herë që flisnim, thoshte ‘mirë jemi, mos ki merak’. Ka dy fëmijë… tani thonë se do t’i marrë shteti. Ne duam t’i marrim këtu fëmijët, një ta marrim ne dhe një gjyshja tjetër. I kemi fëmijët të plagosur në zemër. Ata janë 9 dhe 3 vjeç”, tha ajo./Dosja.al

Çifti i bashkështortëve

FRANCA- Një ngjarje e rëndë ka tronditur shqiptarët në Francë, pasi një çift bashkëshortësh është gjetur i pajetë në banesën e tyre. Viktimat janë identifikuar si Andon Janaqi, 36 vjeç, dhe Anjeza Zeneli, 30 vjeçe. Sipas mediave lokale, ngjarja ka ndodhur ditën e enjtes, ndërsa policia është duke hetuar rrethanat që kanë çuar deri tek kjo tragjedi.

Nëna e Andon Janaqit ka reaguar për mediat, duke shprehur pikëllimin e saj të madh. Ajo ka thënë se nuk ishte në dijeni të ndonjë konflikti të theksuar mes çiftit që mund të çonte në një ngjarje të tillë makabre. Më tej ajo shprehet se nuk ka një gjendje të mirë financiare për të mundësuar tërheqjen e trupit të djalit të saj nga Franca.

“Jam në një gjendje që s’di se ca ka bërë. Nuk e di se ça ka bërë djali aty. Ishin mirë dhe bukur. Më tha një nga Franca, mori në telefon; më tha mblidh mendjen yt bir. Ka vrarë nusen dhe veten. Nuk e di që të kishin konflikte. Nuk di. Evlat e kishte ajo (për krushkën), evlat dhe unë.

Dua ndihmë nga juve të më sillni djalin këtu, s’kam lek të iki në Francë të marr djalin, dua të më sillni trupin e djalit këtu. Jam fukara me 20 mijë lekë rrogë, çfarë të bëj unë korba.

Kishin 4 vite në Francë, ishin mirë e bukur, me shpi, me karta, me të gjitha, kishin mosmarrëveshje në çift.

Hera e fundit që fola ishte dje, në orën 14:30, fola si për herë të fundit me djalin. Mami jam i mërzitur më tha, do ta kalosh i thashë… Nuk e di përse ishte i mërzitur se ja mori telefonin djali i madh. Më tha ik mami se ma kërkon telefonin djali.

Nuk kam komunikim me familjarët e nuses pas kësaj që ndodhi. Që kur u bë vrasja nuk më flasin më. Për fëmijët nuk e di a ka folur familja e nuses dhe se di çfarë kanë diskutuar për fëmijët. Jam përpjekur të flas por me thonë “nuk ke turp që na flet?”.

Ai vrau dhe veten e tij, dhe nusen. Mbrëmë më tha nusja e djalit tjetër që kam në Greqi “hape telefonin me patjetër”. E hapa, më tha “mblidh mendjen se Andoni ka vrarë veten dhe nusen”. Nusen e lajmëroi një komshi shqiptar i Andonit”, u shpreh e moshuara./ Dosja.al

Viktimat

FRANCË- Personat që shihni në foton ë mësipërme, janë Andon Janaqi, 36 vjeç, dhe Anjeza Zeneli, 30 vjeçe. Çifti  i bashkëshortëve me origjinë nga Liboniku u gjetën të vdekur në banesën e tyre në Francë, ku dyshohet se burri ka qëlluar për vdekje gruan me çifte dhe më pas ka kryer vetvrasje.

Ngjarja ndodhi pasditen e së enjtes, kur policia franceze u njoftua për të shtëna me armë zjarri në apartamentin ku jetonte çifti. Pasi mbërritën në vendngjarje, forcat e rendit konstatuan trupat e pajetë të bashkëshortëve.

Çifti, prindër të dy djemve të mitur, jetonin në Francë prej katër vitesh. Sipas të dhënave paraprake nga autoritetet, dyshohet se 36-vjeçari ka qëlluar fillimisht bashkëshorten dhe më pas ka kryer vetëvrasje.

Foto ilustruese

FRANCË- Një ngjarje e rëndë ka ndodhur në Francë. Një person me origjinë shqiptare ka vrarë bashkëshorten e tij me armë zjarri dhe më pas ka vrarë veten. Ngjarja e rëndë ndodhi në shtëpinë e tyre në Brest të Francës, të enjten rreth orës 16:30.

Mediat franceze shkruajnë se ishte fqinji i tyre ishte ai, i cili lajmëroi policinë, menjëherë pasi dëgjoi të shtënat e armës. Viktimat të moshës 30 dhe 36 vjeç, kishin dy fëmijë. Njëri prej tyre ndodhen në shkollë në momentin kur ndodhi krimi i rëndë./Dosja.al