Tragjedi në Kavajë! Mbytet babai dhe djemtë 13 e 15-vjeç, ambulanca u vonua 1 orë, në zonë s'ka vrojtues

foto ilustruese

KAVAJE- Babai dhe dy djemtë u mbytën sot në det, e ndërsa dëshmitarët rrëfejnë se i nxorri një person me kajak. Tre të mbyturit në plazhin Vilë-Boshtovë u nxorrën nga deti me kajak, nga një person që punon në plazh. Mësohet se personi me kajak ka nxjerrë fillimisht fëmijët e pastaj babanë.

Dy dëshmitarë kanë treguar detaje të rënda për këtë tragjedi. Ata janë rrëfyer se kishte shumë dallgë, e ndërsa të gjithë pushuesit janë sensibilizuar për t'u ardhur në ndihmë, por për fat të keq ka qenë e kotë.

Ndonëse në bregdet i bënë masazh dhe frymëmarrje, babai me dy djemtë humbën jetën. Babai kishte shkuar në plazh me dy fëmijët e tij nga Tirana.

Ata po laheshin të tre bashkë, 30 metra larg bregut. Fillimisht u mbyt djali 13-vjeçar dhe babai u përpoq të shpëtonte 15-vjeçarin, dhe në këtë përpjekje u mbyt edhe ai vetë.

Kavaje

KAVAJE- Detaje të reja kanë dalë në lidhje me tragjedinë e ndodhur në plazhin e Vilë-Boshtovës, ku humbën jetën në det tre anëtarë të së njëjtës familje.

Mësohet se Elvis Halilaj u fut në det që të shpëtonte dy djemtë e tij të mitur 13 dhe 15-vjeç. I pari që është mbytur ka qenë djali i vogël.

Deti ka nxjerrë në breg të parin babanë e dy djemve të mitur, dhe më pas janë nxjerrë edhe dy djemtë pak më vonë.

Viktimat janë dërguar në morgun e spitalit të Kavajës. Një dëshmitar okular ka treguar se ishte fëmija i vogël që po luftonte për jetën. Ai ka rrëfyer më tej se vendi ku u mbytën ishte larg bregut, dhe se roja bregdetare shkoi për t’i dhënë ndihmë por ishin shumë larg.

flamuj te kuq ne Kavaje

KAVAJË- Pas ngjarjes tragjike në plazhin Vilë-Boshtovë, në Kavajë janë vendosur flamujt e kuq në bregdet. Flamujt janë vendosur për të sinjalizuar pushuesit që deti është i trazuar, dhe rrymat janë të forta.

Babai Elvis Halilaj, 50-vjeç dhe 2 djemtë e tij të mitur, të moshave 13 dhe 15 vjeç janë mbytur në det teksa kanë qenë duke notuar. Policia njofton se shërbimet e Njësisë Policore Detare kanë ndërhyrë për t’i shpëtuar, por fatkeqësisht të tre kishin ndërruar jetë si pasojë e rrymave detare.

Babai fillimisht ka parë që fëmijët e tij po kërkonin ndihmë. Kur i është afruar, nuk ka mundur që ti vijë në ndihmë për shkak të dallgëve të forta. Disa dëshmitarë thonë se kanë dëgjuar babain duke kërkuar ndihmë, por nuk kanë mundur që të hyjnë në det për shkak të dallgëve të forta. Babai dhe djemtë e tij nga Tirana kishin zgjedhur plazhin e Vilë-Bashtovës për të pushuar.

Plazhi

KAVAJË- Një tragjedi ndodhi ditën e sotme në plazhin Vilë-Boshtovë, në Kavajë, ku humbën jetën babai (50 vjeç) Elvis Halilaj dhe dy djemtë e tij të mitur (13 dhe 15 vjeç) si pasojë e rrymave detare.

Dëshmitarët okularë kanë treguar se ambulanca mbërriti ne vendngjarje rreth një orë e gjysmë me vonesë. Edhe gjatë kohës së plazhit, raportohet se nuk ka pasur asnjë roje bregdetare. 

Në njoftimin zyrtar të Policisë së Shtetit thuhet se shkak janë bërë rrymat  detare, ndërkohë që familja që kishte shkuar në Vilë Bashtovë ishte nga Tirana./Dosja.al

Foto ilustruese

KAVAJË- Një tragjedi ka ndodhur në bregdetin shqiptar. Babai me dy djemtë e mitur, janë mbytur në plazhin Vilë-Boshtovë. Elvis Halilaj 50-vjeçar dhe fëmijët 13 dhe 15-vjeç nga Tirana kanë ndërruar jetë. 

Sipas Policisë, shërbimet e Njësisë Policore Detare kanë ndërhyrë për t'i shpërtuar por të 3 shtetasit kishin ndërruar jetë si pasojë e rrymave detare. 

NJOFTIMI I POLICISË:

Më datë 09.07.2023, në plazhin Vilë-Boshtovë, duke notuar në det janë mbytur tre shtetas kosovarë, pjestarë të së njëjtës familje (babai rreth 50 vjeç, dhe dy djemtë e tij të mitur rreth 13 dhe 15 vjeç) nga Tirana. Shërbimet e Njësisë Policore Detare kanë ndërhyrë për ti shpërtuar por të tre shtetasit kishin ndërruar jetë si pasojë e rrymave detare. Në vendngjarje ndodhet grupi hetimor dhe po punon për sqarimin e plotë të rrethanave të ngjarjes