Me armë në makinë tentoi t’i arratisej ‘Shqiponjave’/ 31-vjeçari 'merr përpara' disa automjete dhe 1 motor, plagoset polici dhe gruaja e tij (EMRI+PAMJET)

Momenti i arratisjes

TIRANË- Pamjet e arratisjes së 31-vjeçarit që mori përpara 9 automjete në zonën e Saukut janë publikuar. Mësohet se i riu me precedent të mëparshëm penal, është ndaluar nga policia pas informacioneve se ai po qarkullonte me armë me vete. 

Në momentin e ndalimit dhe urdhërit për kontroll, ai ka tentuar që të largohet nga vendngjarja me shpejtësi. Gjatë tenativës së arratisjes, i riu ka përplasur 9 makina dhe një motor. Nga përplasja është dëmtuar, drejtuesi i motorit (efektiv policie jashtë shërbimit) dhe bashkëshortja e tij./Dosja.al

Pamjet

TIRANË- Dinamika e arrestimit të 31-vjeçarit, që mori përpara 9 automjete në zonën e Saukut është zbardhur. Mësohet se i riu me precedent të mëparshëm penal, është ndaluar nga policia pas informacioneve se ai po qarkullonte me armë me vete. 

Në momentin e ndalimit dhe urdhërit për kontroll, ai ka tentuar që të largohet nga vendngjarja me shpejtësi. Gjatë tenativës së arratisjes, i riu ka përplasur 9 makina dhe një motor. Nga përplasja është dëmtuar, drejtuesi i motorit (efektiv policie jashtë shërbimit) dhe bashkëshortja e tij. 

Njoftimi i Policisë:

Tiranë Shërbimet e Drejtorisë Vendore të Policisë Tiranë, në vijim të punës për kontrollin e territorit dhe të personave që mund të qarkullojnë me armë zjarri apo të transportojnë lëndë narkotike, bazuar edhe në informacionin e marrë në rrugë operative se një automjet po lëvizte në unazë, në drejtim të TEG-ut, dhe drejtuesi i automjetit mund të ishte i armatosur, rreth orës 12:30, tek Liqeni i Thatë, Forca e Posaçme “Shqiponja” i ka bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.

Pas ndalimit të automjetit të dyshuar, shërbimet e Policisë i kanë bërë të ditur drejtuesit të automjetit se ndaj tij dhe automjetit do të ushtrohej kontroll. Në momentin që drejtuesi i automjetit është njohur me urdhrin e Policisë, ka refuzuar urdhrin për kontroll dhe është larguar me shpejtësi të madhe, duke rrezikuar punonjësit e Policisë që ishin duke komunikuar me të.

Bazuar në informacionin e marrë se ky shtetas mund të kishte armë me vete, në refuzimin për kontroll nga drejtuesi i automjetit dhe largimin me shpejtësi në drejtim të TEG-ut, shërbimet e Policisë janë vënë në ndjekje të automjetit, i cili, për shkak edhe të trafikut të rënduar, ka përplasur 9 automjete dhe 1 motomjet, në të cilin qarkullonin shtetasit E. R., 52 vjeç (punonjës policie jashtë shërbimit) dhe bashkëshortja e tij, shtetasja O. R., 46 vjeçe, të cilët ndodhen në spital, jashtë rrezikut për jetën.

Shërbimet e Policisë, pas një ndjekjeje intensive, bënë të mundur bllokimin e automjetit dhe të drejtuesit të tij, shtetasit I. K, alias I. M, alias I. U. Gjatë kontrollit të automjetit, punonjësit e Policisë së Forcës së Posaçme “Shqiponja” gjetën dhe sekuestruan një armë zjarri pistoletë. Shtetasi I. K., me precedent të theksuar kriminal dhe me rrezikshmëri të lartë shoqërore është shoqëruar në ambientet e Komisariatit të Policisë Nr. 1, për veprime të mëtejshme procedurale./Dosja.al

pamje nga vendi i ngjarjes

TIRANË- Janë publikuar pamjet nga ngjarja e ndodhur pak më herët në zonën e Saukut, ku një 31-vjeçar u ndoq nga forcat "Shqiponja". Siç shihet nga pamjet e siguruara nga Dosja.al Shqiponjat kanë rrethuar Imer Krrashi, i cili ishte edhe i armatosur me një armë zjarri pistoletë. 

Fillimisht, forcat “Shqiponja” i kanë bërë shenjë të riut për të ndalur me makinë, por ai nuk i është bindur urdhërit dhe është larguar me shpejtësi, ku si pasojë është përplasur me disa makina dhe një motor, ku po udhëtonte një polic me bashkëshorten e tij./Dosja.al

fotot ilustruese

TIRANË- Policia e Tiranës ka zbardhur dinamikën e ngjarjes së ndodhur në zonën e Saukut pak minuta më herët, ku një efektiv policie dhe bashkëshortja e tij mbetën të plagosur. Policia bën me dije se në zonën e Liqenit të Thatë, forcat “Shqiponja” i kanë bërë shenjë 31-vjeçarit për të ndalur me makinë, por ai nuk i është bindur urdhërit dhe është larguar me shpejtësi.

Për pasojë Imer Krrashi është përplasur me disa makina dhe një motor, ku po udhëtonte një polic me bashkëshorten e tij. Pas një ndjekje intensive është bërë ndalimi i mjetit dhe gjatë kontrollit, Krrashit i është gjetur një armë zjarri pistoletë. 

Njoftimi i Policisë: 

Tiranë/Informacion paraprak

Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.

Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.

Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë. Infomacion më të detajuar do të jepet në përfundim të veprimeve proceduriale./Dosja.al

fotot ilustruese

TIRANË- Një ngjarje e rëndë ka ndodhur pak më parë në afërsi të Saukut, ku një person i armatosur po ndiqej nga forcat Shqiponja. Bërime për Dosja.al bëjnë me dije se gjatë aksionit, personi është larguar dhe ka përplasur disa makina, përfshirë dhe një motor.

Si pasojë e përplasjes, një polic jashtë shërbimit së bashku me bashkëshorten kanë mbetur të lënduar. Gjithashtu mësohet se Polici ndodhet në gjendje të rëndë shëndetësore. Më pas autori është arrestuar nga forcat policore, teksa iu gjet edhe arma./Dosja.al