Tension dhe përplasje në Këshillin e Sigurimit/ "Je një ujk i maskuar si diplomat", ambasadorët e Iranit dhe Izraelit shkëmbejnë akuza! Qëndrimet e shteteve anëtarë të OKB

danny danon

IZRAEL- Ambasadori i Izraelit në Kombet e Bashkuara përdori një ton shpërfillës kur u pyet për mundësinë e një përparimi diplomatik me Iranin, duke thënë se diplomacia vetëm për hir të bisedimeve nuk do të funksiononte më. Ambasadori Danny Danon i tha Boris Sanchez të CNN se iranianët kanë qenë "mjeshtra të mashtrimit për kaq shumë vite”.

Ai shtoi se diplomacia nuk do të funksiononte derisa Irani të angazhohet “të eliminojë në të vërtetë kapacitetet e veta, t’i neutralizojë ato plotësisht, të mos pasurojë uranium”.

"Por nuk jam i sigurt nëse janë ende atje", tha Danon.

Danon, i cili e ka përshkruar sulmin iranian që goditi spitalin Soroka të Izraelit si një krim lufte, u pyet për përgjigjen e tij ndaj atyre që argumentojnë se Izraeli ka kryer krime lufte duke goditur spitalet në Gaza .

"Nuk mund ta bësh këtë ekuacion sepse, e di, ne ndoqëm terroristët dhe u lejojmë njerëzve të evakuohen nga ato vende”, tha ai. Ambasadori tha se Izraeli i njofton civilët paraprakisht, përfshirë edhe në Iran, dhe se ushtria përpiqet të minimizojë viktimat civile.

Përfaqësuesi izraelit

SHBA- Në Këshillin e Sigurimit të Kombeve të Bashkuara ka pasur një shkëmbim të nxehtë polemikash midis Iranit dhe Izraelit, ndërsa fuqitë botërore takohen për të diskutuar përshkallëzimin e konfliktit ushtarak.

Ndërsa sekretari i përgjithshëm i OKB-së paralajmëroi se bota po nxiton drejt krizës, dhe fuqitë e përhershme evropiane në këshill, Mbretëria e Bashkuar dhe Franca, bënë thirrje për qetësim urgjent të situatës, shkëmbimi i ashpër i fjalëve midis Iranit dhe Izraelit nxori në pah natyrën e rrënjosur të qëndrimeve të tyre.

Ambasadori iranian e quajti sulmin izraelit “të paprovokuar". Aii këmbënguli se programi bërthamor i vendit të tij ishte paqësor dhe duke akuzuar SHBA-në për bashkëpunim dhe pjesën tjetër të Këshillit të Sigurimit për dështim në veprim, tha se Irani do të vazhdojë të mbrohet derisa të ndalet veprimi ushtarak i Izraelit.

Ambasadori izraelit, në komentet e tij pasuese, akuzoi Iranin se ka një “axhendë gjenocidale”, duke pretenduar se aftësia e tij për të vendosur armë bërthamore po afrohej më shpejt nga sa mund ta imagjinonte kushdo dhe, tha ai, Izraeli nuk do të ndalonte së synuari objektet e tij bërthamore derisa kërcënimi të “zhdukej”.

Kina tha se Izraeli po shkelte të drejtën ndërkombëtare. Nga ana tjetër Rusia tha se kishte treguar një "shpërfillje të hapur" për diplomacinë. Por SHBA-të, duke e quajtur Iranin burimin kryesor të terrorit në Lindjen e Mesme, thanë se vazhdojnë të qëndrojnë me Izraelin si aleat dhe mbështesin veprimet e tij.

foto ilustruese

SHBA- Ambasadorët e Iranit dhe Izraelit në OKB u përplasën gjatë një takimi të Këshillit të Sigurimit të OKB-së sot, duke akuzuar njëri-tjetrin për shkelje të ligjeve ndërkombëtare dhe duke u zotuar të vazhdojnë fushatat e tyre. Ndërsa konflikti midis Izraelit dhe Iranit hyn në javën e dytë, këshilli thirri një takim urgjent për të diskutuar situatën.

Ambasadori iranian në OKB, Amir Saeid Iravani, tha se Irani do të vazhdojë të ushtrojë të drejtën e tij për vetëmbrojtje për aq kohë sa të jetë e nevojshme, duke akuzuar Izraelin dhe aleatët e tij për shkelje të ligjit ndërkombëtar duke sulmuar Iranin dhe duke i bërë thirrje këshillit të veprojë. 

Ambasadori i Izraelit në OKB, Danny Danon, i cili mori fjalën menjëherë pas Iravanit, akuzoi ambasadorin iranian se po luan rolin e viktimës.

“Si guxoni t’i kërkoni bashkësisë ndërkombëtare t’ju ​​mbrojë nga pasojat e axhendës suaj gjenocidale? Ju nuk jeni viktimë. Ju nuk jeni diplomat. Ju jeni një ujk i maskuar si diplomat, dhe ne kemi mbaruar së pretenduari të kundërtën”, tha ai, raporton CNN.

“Izraeli nuk do të ndalet. Jo derisa kërcënimi bërthamor i Iranit të çmontohet, jo derisa makina e tij e luftës të çarmatoset, jo derisa populli ynë dhe juaji të jenë të sigurt”, tha Danon, duke shtuar se sulmi i Izraelit u nis në dritaren e fundit të mundësisë për të parandaluar Iranin nga pajisja me armë bërthamore.

Sekretari i Përgjithshëm i OKB-së, António Guterres, ka paralajmëruar se konflikti midis dy vendeve mund të përshkallëzohet shpejt dhe ka bërë thirrje për përmbajtje.

“Zgjerimi i këtij konflikti mund të ndezë një zjarr që askush nuk mund ta kontrollojë. Apeloj për t'i dhënë fund luftimeve dhe për t'u rikthyer në negociata serioze”, tha ai.

pamje nga mbledhja

SHBA- Mbledhja e Këshillit të Sigurimit të OKB-së u mbajt në një atmosferë të tensionuar, ndërsa nga ana tjetër ministrat e jashtëm evropianë u takuan me homologët e tyre iranianë në Gjenevë. Irani dhe Izraeli kryqëzuan "shpatat e tyre diplomatike" në Nju Jork, me deklarata nga të dyja palët që tregonin përshkallëzimin e tensionit midis dy vendeve.

Përfaqësuesi i përhershëm i Iranit në OKB, Amir Saeed Iravani, e bëri të qartë se Teherani nuk do të mbetet indiferent ndaj sulmeve të Izraelit. "Vendi im do të vazhdojë të mbrohet kundër Izraelit", theksoi ai, ndërsa i bëri thirrje Këshillit të Sigurimit të ndërmarrë veprime për të çtensionuar krizën. Diplomati iranian shtoi se "Izraeli me sa duket ka deklaruar se do të vazhdojë sulmet për aq ditë sa të jetë e nevojshme".

Nga ana e tij, ambasadori i Izraelit në OKB, Danny Danon, përdori retorikë të ashpër, duke deklaruar se vendi i tij nuk do t'i ndalte sulmet e tij. "Ne nuk do të ndalemi - jo derisa kërcënimi bërthamor i Iranit të neutralizohet, jo derisa makina e tij e luftës të çarmatoset, jo derisa populli ynë dhe i juaji të mbrohen", tha ai.