Të shtëna me armë në Shkodër/ Plagoset 45-vjeçari, autori vihet në pranga

foto nga vendgjarje

SHKODËR- Detaje të reja janë zbardhur nga plagosja me armë, mbrëmjen e shkuar në Shkodër. Mësohet se, i plagosuri kishte njohje me autorin e dyshuar, i cili është pronar i një servisi automjetesh pranë lagjes "Urës Dervishbeg" në Shkodër.

Bëhet me dije se, 45-vjeçari kishte dërguar automjetin e tij për riparim në këtë servis, por nuk kishte mbetur i kënaqur me shërbimin e kryer. Hoxha ishte paraqitur në servis dhe gjatë një debati dyshohet se ka fyer pronarin, por ky i fundit nuk ka reaguar për shkak se ka qenë me agjërim.

Ndërkohë, dje ai është rikthyer sërish në servis dhe konflikti mes tyre është përshkallëzuar deri në përdorim të armës së zjarrit. Uniformat blu kanë sekuestruar armën e zjarrit, tip pistoletë, me të cilën dyshohet se është kryer plagosja.

Si ndodhi ngjarja?

Një ngjarje e rëndë është shënuar mbrëmjen e shkuar në qytetin e Shkodrës.  Si pasojë e kësaj ngjarje është plagosur një person.  Plagosja ka ndodhur në lagjen “Perash”, të Shkodrës, afër një servisi.  I plagosur është Genc Hoxha, 45 vjeç.  Ai është dërguar drejt spitalit me ambulancë për të marrë ndihmën e specializuar mjekësore. Përmes një njoftimi zyrtar, Policia bëri me dije se Hoxha ka marrë plumba në këmbë. Autori i plagosjes së 45-vjeçarit është Izvi Gucia, pronar i servisit ku ndodhi ngjarja.  Ai është vënë në pranga nga policia disa çaste pasi ndodhi plagosja./Dosja.al

Foto ilustruse

SHKODRA- Autori i plagosjes së 45-vjeçarit është zbuluar nga policia. Ai është Izvi Gucia, pronar i servisit ku ndodhi ngjarja. Ai është shpallur në kërkim nga policia, pasi ka plagosur me armë zjarri 45-vjeçarin e identifikuar si Genc Hoxha.

Ai është dërguar drejt spitalit me ambulancë për të marrë ndihmën e specializuar mjekësore. Përmes një njoftimi zyrtar, Policia bëri me dije se Hoxha ka marrë plumba në këmbë./Dosja.al

Policia

SHKODËR- Detaje të reja kanë dalë nga plagosja mbrëmjen e sotme në Shkodër. Policia njofton se plagosja e 45-vjeçarit të identifikuar si Genc Hoxha ka ndodhur pranë një servisi. Autori i plagosjes me inicialet I.G ka qëlluar me armë dhe Hoxha ka marrë plumba në këmbë. Autori është shpallur në kërkim nga policia dhe po punohet për arrestimin e tij. 

Njoftimi i Policisë:

Rreth orës 21:10, në vendin e quajtur Ura Dervishbeg, në rrugë në afërsi të një ambienti servis, dyshohet se shtetasi I. G. ka qëlluar me armë zjarri dhe si pasojë, është plagosur shtetasi G. H., 45 vjeç, i cili ka marre demtime ne kembe dhe ndodhet nën kujdesin e mjekëve, jashtë rrezikut për jetën. Shërbimet e Policisë kanë shkuar menjëherë në vendngjarje dhe janë vënë në ndjekje të autorit. Ndërkaq, grupi hetimor, nën drejtimin e Prokurorisë, vijon punën për zbardhjen e rrethanave të ngjarjes./Dosja.al

Policia

SHKODËR- Identiteti 45-vjeçarit që u plagos ditën e sotme në Shkodër është zbuluar. Mësohet se nga të shtënat ka mbetur i plagosur Genc Hoxha. 

Burimet bëjnë me dije se plagosja ka ndodhur në lagjen “Perash” të Shkodrës. Ndërkohë që i plagosuri është dërguar drejt spitalit me ambulancë për të marrë ndihmë mjekësore./Dosja.al

Foto ilustruse

SHKODRA- Një ngjarje e rëndë është regjistruar minutat e fundit në qytetin e Shkodrës. Pranë urës Dervish Beg, janë raportuar të shtëna me armë zjarri. Dyshohet se si pasojë e kësaj është plagosur një person. 

Ende nuk dihet motivet e ngjarjes, ndërsa policia ka mbërritur menjëherë në vendin e ngjarjes. Grupi hetimor po kryen hetimet për të sqaruar rrethanat e incidentit./Dosja.al