Takimi i Ramës me kryebashkiakët, Veliaj mungon, kryeministria: Shkak, ceremonia për nderimin e ish-ambasadorit Arvizu

Kryeministria

TIRANË- Mungesa e kryebashkiakut Erion Veliaj në takimin e kryeministrit Edi Rama së bashku me kryebashkiakët e tjerë ka sjell shumë pikëpyetje në media. Por kryeministria ka sqaruar me anë të një njoftimi se arsyeja e mungesës së tij ishte pasi Veliaj ishte në ceremoninë e dorëzimit të çelësit të Tiranës për ish-ambasadori amerikan Aleksandër Arvizu. Po ashtu theksohet se Veliaj u përfaqësua në takimin me Kryeministrin nga Nënkryetarja e Bashkisë Frida Pashako

Njoftimi i kryeministrisë:

Kryetari i Bashkisë së Tiranës ishte i ftuar në mbledhjen që zhvilloi Kryeministri Rama me kryetarët e bashkive paraditen e së mërkurës në Kryeministri. Për shkak të agjendes dhe aktivitetit të parashikuar për nderimin e ish-ambasadorit të SHBA-së në Tiranë, Aleksander Arvizu me “Çelesin e qytetit”, z. Veliaj u përfaqësua në takimin me Kryeministrin nga Nënkryetarja e Bashkisë, znj. Frida Pashako.

Kryeministri Edi Rama mblodhi sot kryebashkiakët për përshpejtimin dhe monitorimin e procesit të legalizimit, si prioritet i qeverisjes qendrore dhe asaj lokale. Gjatë mbledhjes Rama është fokusuar te procesi i legalizmit si dhe te turizmi në vendin tonë. 

Erion Veliaj

TIRANË- Mungesa e kryebashkiakut Erion Veliaj në takimin e kryeministrit Edi Rama së bashku me kryebashkiakët e tjerë ka sjell shumë pikëpyetje në media. Por zyra e tij e shtypit i tha News24 se arsye e mungesës së tij ishte pasi Veliaj ishte në ceremoninë e dorëzimit të çelësit të Tiranës për ish-ambasadori amerikan Aleksandër Arvizu, ceremoni e ishte planifikuar kohë më parë.

Po ashtu zyra e shtypit thekson se Veliaj u përfaqësua në takim me nënkryetaren e Bashkisë dhe drejtorin Juridik.

Kryeministri Edi Rama mblodhi sot kryebashkiakët për përshpejtimin dhe monitorimin e procesit të legalizimit, si prioritet i qeverisjes qendrore dhe asaj lokale. Gjatë mbledhjes Rama është fokusuar te procesi i legalizmit si dhe te turizmi në vendin tonë. 

Veliaj dhe Rama

Takimi i kryeministrit Edi Rama me kryetarët e Bashkive në vend për procesin e legalizimit, padyshim që ishte risi për këta të fundit, duke qenë se më këtë proces është marrë ASHK. Por edhe pse ishin të gjithë të ftuar dhe të thirrur për të marrë pjesë, jo të gjithë kryebashkiakët kanë vendosur që të shkojnë. 

Përfshi këtu dhe kryebashkiakun më të rëndësishëm të kësaj qeverie, numrin 1 të Tiranës, Erion Veliaj. Rama foli për më shumë se një orë në lidhje me procesin e legalizimit të ndërtimeve dhe banesave, duke u bërë thirrje kryebashkiakëve që të përfshihen më shumë në këtë proces.

Por për Veliajn ka qenë më e rëndësishme takimi që ka me ish-Ambasadorin amerikan në vend Alexander Arvizu, ku do i jap sot çelsin e qytetit. Ende nuk dihet nëse Veliaj e ka refuzuar ftesën e kryeministrit, apo ky i fundit nuk e ka futur në listë fare. Kjo për shkak të marrëdhënieve të axhituara mes të dyve gjatë muajve të fundit. 

Prej shumë kohësh marrëdhëniet mes të parit të qeverisë dhe të parit të Tiranës, janë të përçarja dhe kjo është vënë dukshëm re në çdo dalje publike të këtyre të fundit. Herë Rama ka refuzuar që ta takoj Veliajn dhe herë ky i fundit i ka nisur mesazhe të koduara gjatë fjalimeve të tij. 

Nuk dihet nëse kjo është një metodë që Rama bën me çdo vartës të tij që ka probleme me drejtësinë, apo mungesa ishte thjesht një rastësi. Pasi muajt e fundit kanë qenë intensiv për Veliajn, për shkak të aferës së Inceneratorit të Tiranës apo të vjedhjeve te tenderave nga drejtorët e këtij të fundit të caktuar në Bashkinë Tiranë. Por shumë mirë kjo mund të jetë dhe një 'loje' të organizuar mes kryeministrit dhe Veliajt, për të tërhequr vëmendjen e publikut nga çështjet e nxehta që ka në duar SPAK. 

A e refuzoi Ramën për Arvizun apo justifikoi mungesën e ftesës nga Rama me ish-ambasadorin amerikan? Kjo nuk ka për tu sqaruar kurrë nga të dyja palët që sot u shfaqën sërish të ndarë, por jashtë kamerave bashkojnë fuqitë për të anuluar masat e sigurisë te SPAK.