Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Kryeministri Edi Rama ka marrë pjesë në edicionin e 20 në forumin e Bled në Sllovani. Pjesë e panelit të diskutimit ishte edhe Marta Kos, Komisionere për Zgjerim e Bashkimit Europian, Robert Golob, Kryeministër i Sllovenisë dhe Milojko Spajiç, Kryeministër i Malit të Zi. • Gjatë fjalës së tij, Rama ka deklaruar se Shqipëria synon anëtarësimin në Bashkimin Evropian, duke theksuar se besnikëria e Shqipërisë kundrejt BE-së nuk duhet të vihet në pikëpyetje. Kryeministri e ka krahasuar Evropën me një pacient që ndodhet në spital ndërsa vendet anëtarë si mjek të saj. • Rama përfundoi duke thënë se shtetet anëtare të saj, që duhet të jenë më të bashkuar dhe harmonizuar, për ta bërë unionin më të fortë. • Kryeministri theksoi se Shqipëria po bën të pamundurën për të përmbushur objektivat e vendosura nga Komisioni Europian për të përmbyllur negociatat për anëtarësim në BE. •Sipas Ramës, përfitimi më i madh në këtë proces është që Shqipëria të mësojë nga BE-ja si të ndërtojë institucione. •Teksa Rama po fliste në një moment moderatorja bëri një ndërhyrje duke i thënë kryministrit të presë një sekondë. •Por siç duket kjo nuk i pëlqeu kryeministrit tonë dhe ky i fundit i kthehet duke i thënë që është aty për të folur dhe jo për ta ndërprerë. Rama gjithashtu iu drejtua moderatores duke i thën që ajo është aty për të moderuar. •Ndër të tjera Rama foli edhe për zgjedhjet parlamentare ku tha se arsyeja e fitores së thellë të PS në zgjedhjet parlamentare ishte e lidhur me zotimin për anëtarësimin në BE. Sipas tij të gjithë votuesit "u mblodhën" rreth flamur të Bashkimit Europian. • Rama tha gjithashtu se në Shqipëri ka ende shumë gjëra që duhen përmirësuar. •Ndërkohë komisionerja për zgjerimin, Marta Kos, ka deklaruar se vendet që duan unionin duhet të përmbushin reformat. •Duke folur në edicionin e 20 në forumin e Bledit, Kos theksoi se palët në këtë proces duhet të jenë gati, si BE ashtu dhe vendet aspiorante. •Ajo theksoi se anëtarësimi nuk ka të bëjë vetëm e atë që bëhet në Bruksel, por ka të bëjë edhe me faktin se sa e mbështet publiku. •Ndër të tjera Kos tha se nuk ka rrugë të shkurtër për të gjithë shtetet kandidate të cilat duan të anëtërsohen në BE.
10 artikuj për këtë temë.
SLLOVENI- Komisionerja për zgjerimin, Marta Kos, tha se Shqipëria mund të bëhet anëtare e unionit në vitin 2029, nëse Kryeministri Edi Rama vazhdon “punën e shkëlqyer”. Duke folur në edicionin e 20 në forumin e Bledit, Kos shtoi gjithashtu se vendet kandidate duhet të realizojnë të gjitha reformat.
“Kemi çelur dy grupkapituj të tjerë me Shqipërinë dhe kemi rënë dakord me Edin që do të festojmë, së pari në Bruksel dhe së dyti vitin tjetër me ndeshjen e futbollit mes vendeve anëtarë dhe vendeve kandidate në Tiranë dhe ku kuptohet që Presidenti i UEFA-s do të luajë me ne, e po kështu ca të tjerë.
Në 2028-ën mund, të kemi 28 anëtarë. Dhe nëse Edi vazhdon të bëjë atë që po bën në mënyrë të shkëlqyer, atëherë në 2029-n mund të kemi 29 anëtarë. Megjithatë, unë nuk kam shumë kohë, kam vetëm katër vjet, kështu që shpejtoni”, tha Kos.
SLLOVENI - Kryeministri Edi Rama ka mbajtur fjalën e tij në edicionin e 20-të të forumit strategjik të BLED në Slloveni. Rama foli edhe për zgjedhjet parlamentare ku tha se arsyeja e fitores së thellë të PS në zgjedhjet parlamentare ishte e lidhur me zotimin për anëtarësimin në BE. Sipas tij të gjithë votuesit "u mblodhën" rreth flamur të Bashkimit Europian. Rama tha gjithashtu se në Shqipëri ka ende shumë gjëra që duhen përmirësuar.
Rama: Ne jemi të përkushtuar dhe nuk besoj se ka vend tjetër në Europë ku mund të zhvillosh një fushatë zgjedhore me BE-në. Arsyeja që fituam kaq thellë ishte e lidhur me zotimin për anëtarësimin në BE dhe të gjithë të mblidheshim rreth flamurit për ta sjellë në BE. Dikush nga Sllovenia më tha që po ecni shumë mirë, por kujdes nga ajo që dëshironi, kjo ishte ajo që mu tha në një sallë tjetër, jeni në një pozitë kaq të mirë në Slloveni. Por ka diçka që nëse ju mundim, është opzitmizmi, ju jeni të depresionuar këtu. Në Shqipëri ka kaq shumë gjëra që duhet ti përmirësojmë.
SLLOVENI- Gjatë bisedës së hapur në panel në Forumi Bled në Slloveni teksa po fliste kryeministri Edi Rama, moderatorja bëri një ndërhyrje duke i thënë kryministrit të presë një sekondë. Por siç duket kjo nuk i pëlqeu kryeministrit tonë dhe ky i fundit i kthehet duke i thënë që është aty për të folur dhe jo për ta ndërprerë. Rama gjithashtu iu drejtua moderatores duke i thën që ajo është aty për të moderuar.
Pjesë nga diskutimi:
Marta Kos: Nuk ka të bëjë me piketa, jam dakord me Antonion që ka të bëjë me lidershipin në të dyja anët. Ne jemi në lëvizje në këshill, në 10 muajt e fundit kemi hapur më shumë grup kapituj sesa në 5 vitet e undit. Kemi rënë dakord me Edin që do të festojmë, fillimisht në Bruksel dhe më pas në ndeshjen e futbollit mes vendeve kandidate dhe atyre anëtare në Tiranë. Është e mundur që nëse përfundojmë në 2026 në aspektin teknik, në 2028 mund të kemi 28 anëtarët e BE-së dhe nëse Edi vazhdon të bëjë atë që po bën në mënyrë të shkëlqyer mund të kemi 29 anëtarë. Unë skam shumë kohë, kam katër vjet.
Edi Rama: Ne jemi njërës besnik, kemi mbështetur Perandorinë Osmane, Bashkimin Sovjetik, Kinën dhe tani juve. Më e mira jonë është që edhe kur ata dështojnë ne jemi me ta. Edhe kur ata vazhdojnë dështojnë ne jemi me ata. Ashtu si ushtarët japonezë në pyll.
Moderatorja: Një sekondë…
Edi Rama: Jo nuk pres një sekondë se jam për të folur këtu. Ti je këtu për të moderuar!
SLLOVENI- Kryeministri Edi Rama duke folur në panelin e diskutimin në edicionin e 20 të Forumit të Bledit në Slloveni, thekjsoi se Shqipëria po bën të pamundurën për të përmbushur objektivat e vendosura nga Komisioni Europian për të përmbyllur negociatat për anëtarësim në BE.
Rama u shpreh se "Ne e duam Europën pa kushte, edhe pse Europa na ka bërë të vuajmë shumë. Por jemi të bindur që në fund do të martohemi".
Sipas Ramës, përfitimi më i madh në këtë proces është që Shqipëria të mësojë nga BE-ja si të ndërtojë institucione.
"Miqtë tanë të dashur nga ana tjetër e oqeanit kanë menduar se bombat e blera mund të ndryshojnë një vend, edhe pse dolëm nga një histori e ngjashme sa i takon mungesës së lirisë është dija për ndërtimin e institucioneve, nuk është diçka që na pëlqen domosdoshmërisht, nuk na pëlqen ta kemi trafikun aq të përsosur sa në Gjermani por duhet ta bëjmë.
Është e jashtëzakonshme… ne po ecim përpara, po përparojmë por në kuptimin e udhëheqjes tek ne është populli shqiptar. Ne e duam Europën pa kushte, edhe pse Europa na ka bërë të vuajmë shumë. Por jemi të bindur që në fund do të martohemi. Do të flasim, është një hap më tek. Na duhet të meritojmë martesën dhe po punojmë për këtë”, tha Rama.
SLLOVENI- Kryeministri Edi Rama ka nisur fjalën e tij në edicionin e 20 të forumit të Bledit në Slloveni me disa batuta në lidhje me organizatorët. Gjatë fjalës së tij, Rama është ankuar për madhësinë e karrigeve ku ata janë ulur, duke i quajtur ato dhe të parehatshme. Kryeministri ka vazhduar me batutat, duke theksuar se nëse ata do të donin që të mbaronin panelet shpejt, nuk duhet që të ftonin njerëz nga Ballkani.
“Së pari është shumë mirë që gjendem këtu në 20-vjetorin e forumit. Dua të bëj dy komente të shkurta. U çudita që ish-presidenti mbeti i njëjti, njësoj si Sllovenia. Komenti i dytë, nuk e di për çfarë arsye por karriget bëhen më të vogla, më të vogla, e më të parehatshme. Mos keni ndonjë mesazh për të në përcjellë. Për të në thënë që ta mbyllim shpejt… s’duhet të kishit njerëz nga Ballkani, aq më keq kandidat, që është më dëshpëruese. Nuk po themi që jemi gati për 2027, por falë rekordmenes sllovene të notit, kemi objektiva të qarta të hedhura në tryezë nga komisioni që na sfidon ti realizojmë të gjitha kriteret që të përmbyllim negociatat deri në 2027. Po shtyjmë, po ecim përpara dhe nuk po bëjmë pyetje”, tha Rama.
SLLOVENI- Komisionerja për zgjerimin, Marta Kos, ka deklaruar se vendet që duan unionin duhet të përmbushin reformat. Duke folur në edicionin e 20 në forumin e Bledit, Kos theksoi se palët në këtë proces duhet të jenë gati, si BE ashtu dhe vendet aspiorante.
Ajo theksoi se anëtarësimi nuk ka të bëjë vetëm e atë që bëhet në Bruksel, por ka të bëjë edhe me faktin se sa e mbështet publiku. Ndër të tjera Kos tha se nuk ka rrugë të shkurtër për të gjithë shtetet kandidate të cilat duan të anëtërsohen në BE.
“Ky proces nuk mund të jetë i suksesshëm nëse nuk kemi udhëheqës që besojnë vetë vete që ky institucion është gjëja më e mirë. Duhen udhëheqës që i vendosin reformat mbiu punët e përditshme, që dinë si ti zgjidhin çështjet dypalëshe dhe së treti udhëheqës që besojmë se është detyra e tyre që ti shtyjnë qytetarët e vendeve të tyre në këtë pikë. Anëtarësimi nuk ka të bëjë vetëm e atë që bëjmë neve në Bruksel, ka të bëjë edhe me faktin se sa e mbështet publiku.
S’ka rrugë të shkurtra, folët për zotimin e Borrell, ndërkohë që ia tha që në 2030 të dyja palët duhet të jenë gati, vendet kandidate dhe ne. Ne që të jemi në gjendje ti pranojmë këto shtete, ata duhet të realizojnë reformat, shteti i së drejtës, media e lirë janë të panegociueshme. Gjeopolitika ka ndryshuar, përballemi me faktin që ka forca trazuese të jashtme siç i përkufizoj unë që duan të na shohim të dështojmë. Tani kemi forca të jashtme që duan që ne si Europë duam të dështojmë, kemi zgjedhje të rëndësishme në Moldavi. Rusia po rreket fort të luftojë kundër qeverisë aktuale”, tha Kos.
SLLOVENI- Presidenti i Këshillit Europian Antonio Costa ka deklaruar se anëtarësimi i Ballkanit Perëndimor nuk është thjeht premtim por përparësi. Duke folur në edicionin e 20 në forumin e Bledit, Costa ka theksuar se udhëheqësit e këtyre vendeve duhet që të marrin përgjegjësi. Sipas Costa-s, ata duhet që të përgatisin Bashkimin Evropian për zgjerim dhe sipas tij kjo është mundësia më e mirë për të ndërtuar një kontinent më të bashkuar.
“Rruga e anëtarësimit të Ballkanit Perëndimor nuk janë thjesht premtime, por përparësi. Këto vende janë në zemër të Europës dhe pjesë e së ardhmes së Europës. Në vitet në vijim duhet të përgatisim Bashkimin Europian për zgjerim është mundësia më e mirë për të ndërtuar një kontinent më të bashkuar. Duhet të përfitojmë nga ky moment për zgjerimin. Plani i rritjes për zgjerimin e për Ballkanit Perëndimor ndryshon, por ndihmon për reformat dhe integrimin ekonomik dhe nuk duhet humbur ky moment. Të gjithë udhëheqësit duhet të marrin përgjegjësi sepse kjo lidhet me vlera, demokraci, sundimin e ligjit. Pra është më kërkuese për vendet e Ballkanit Perëndimor dhe vështirësia më e madhe nuk janë reformat apo negociatat, sfida e vërtetë ka të bëjnë me përshtatjen e një mendësie dhe kulture të re që tejkalon konfliktet për të ndërtuar një të ardhme të përbashkët”, tha Costa.
SLLOVENI- Kryeministri Edi Rama e ka krahasuar Evropën me një pacient që ndodhet në spital. Nga fjala e tij në edicionin e 20 në forumin e Bled, Rama ka theksuar se shtetet anëtare të saj, janë 27 mjek, që duhet të jenë më të bashkuar dhe harmonizuar.
"Shpresojmë që të tjerët të bien dakord me Martën, Evropa është si një pacient me 27 mjekë, të gjithë patologë e bën më të ndërlikuar që trajtojnë problemet që mund të jetë çdo organ, ata duhet të jenë më të lumtur, është një vend shumë i mirë për të gjithë ata që janë aty. Problemet në Evropë lidhen me faktin që bashkimi duhet të jetë më i fortë, këta patologët duhet të specializohen paksa për të pasur një bashkim, ndryshe do të kemi një rënie të pashmangshme," tha Rama.
SLLOVENI- Kryeministri Edi Rama ka deklaruar ditën e sotme se Evropa është makineria më e jashtëzakonshme burokratike e administratës. Duke marrë pjesë në edicionin e 20 të forumit të Bled në Slloveni, kryeministri shqiptar ka theksuar se politika e jashtme e Shqipërisë është e harmonizuar me atë të Bashkimit Evropian.
"Në Europë nuk jemi mësuar që të kemi një shtet sipërmarrës, pra ne kërkojmë më shumë para nga buxheti, më shumë shpenzime, më shumë borxh, pastaj më shumë para e shpenzime e kështu me radhë. Pra edhe ato duhet të bëhen bashkë me sipërmarrësit dhe të bëjnë para për ta, për interesin e tyre dhe institucionet nga ana e tjetër për interesin publik. Ata që janë brenda BE duhet të përpiqen të jenë më të lumtur sepse është një vend i mirë për të gjithë ata që janë aty. Por këta patologët duhet të specialozohen paksa, njëri duhet të jetë onkologu, njëri patologu e kështu me radhë për t’u kujdesur për të gjithë shqetësimet. Europa është makineria më e jashtëzakonshme burokratike e administratës që mund të jetë një gjë e mirë”, tha Rama.
SLLOVENI- Kryeministri Edi Rama ka marrë pjesë në edicionin e 20 në forumin e Bled në Sllovani. Gjatë fjalës së tij, Rama ka deklaruar se Shqipëria synon anëtarësimin në Bashkimin Evropian. Rama theksoi se besnikëria e Shqipërisë kundrejt Bashkimit Evropian nuk duhet të vihet në pikëpyetje.
“Kur vjen fjala për ne dhe për mua, që përfaqësoj vendin tim, është paska ndryshe sepse nëse kryeministri slloven, do të thoshte çfarë mendonte për Brukselin, atëherë nëse e thotë ka shumë për të humbur, ne nuk kemi. Duhet të jemi shumë të hapur dhe nga ana tjetër, përtej asaj se çfarë themi dhe shpreheni, besnikëria jonë nuk është kurrë në dyshim. Si europianë duam të jemi të lirë dhe të shprehim lirisht atë çfarë mendojmë, por kur vjen puna që të ndjekim Europën, ne jemi ndjekës vërtetë besnikë, politika jonë e jashtme është 10% e harmonizuar me politikën e jashtme të BE. As nuk jemi lëkundur dhe as nuk e kemi vënë ndonjëherë në dyshim, sepse kur vjen fjala për besnikërinë jemi disi të verbër dhe kur themi që jemi me ty, jemi me ty deri në fund”, tha Rama.
