Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Shqipëria sot ka hyrë në heshje zgjedhore, ndërsa qytetarët shqiptarë do tu drejtohen ditën e nesërmë qendrave të votimit në gjithë vendin. • 3,713,761 votues janë regjistruar për zgjedhjet që mbahen për përbërjen e Parlamentit të ri. • Në këtë numër, përfshihen edhe ata që jetojnë jashtë vendit, konkretisht 245.935 emigrantë shqiptarë, duke qenë se për herë të parë, diaspora do të mund të votojë pa qenë e nevojshme të vijnë në Shqipëri. • 3.7 milionë shqiptarë do të kenë mundësinë të zgjedhin mes 11 subjekteve politike, tetë parti politike dhe tre koalicione. • Secili subjekt garon me 186 kandidatë në listën e votimit të KQZ-së, ku 46 janë nga lista e mbyllur. • Nesër procesi i votimit fillon që në orën 07:00 dhe do të vijojë deri në mbylljen e qendrave të votimit në orën 19:00. • Por sipas KQZ dhe Kodit Zgjedhor, qendrat qëndrojnë të hapura edhe përtej orarit vetëm në raste të fluksit të votuesve në qendrën e votimit dhe mbyllen vetëm pasi të ketë ushtruar të drejtën edhe zgjedhësi i fundit që ndodhet aty. • Komisioni Qendror i Zgjedhjeve ka njoftuar se deri sot, në orën 11:20, kanë mbërritur 180 144 zarfe me fletë votimi të dërguara nga votuesit shqiptarë që jetojnë jashtë vendit. • Sipas të dhënave zyrtare, janë dërguar gjithsej 245 935 zarfe, nga të cilat emigrantët kanë marrë 227 097 prej tyre, ndërsa 18 838 zarfe mbeten ende të pa tërhequra. • Italia ka numrin më të madh të zarfeve të kthyera me 71.180, e ndjekur nga Greqia me 44 315. Sa i përket ndarjes sipas qarqeve, Tirana kryeson me 40.085 zarfe, Fieri me 24.142 dhe Durrësi me 18.973. • KQZ kujton se çdo zarf që mbërrin pas orës 19:00 të datës 11 maj do të shpallet i pavlefshëm. • Gjithashtu bëhet me dije se ka nisur shpërndarja e materialeve zgjedhore në disa qendra votimi të vendit. • Materialet zgjedhore janë dorëzuar në KZAZ në praninë e forcave të policisë. • 5316 punonjës policie dhe automjete policie janë të angazhuar për ruajtjen e objekteve zgjedhore dhe shoqërimin e materialeve. • Po ashtu në orët e para të mëngjesit të sotëm, në 12 qarqet e vendit kanë zbarkuar prokurorët e Prokurorisë së Posaçme, t1% cilët shoqërohen nga agjentë të Byrosë Kombëtare të Hetimit. • Këto lëvizje po bëhen veçanërisht në qarqet që mund të konsiderohen si zona të nxehta për krimin zgjedhor ndërsa mësohet se janë caktuar nga dy prokurorë. • Qarqe të tilla janë Fieri, Elbasani, Durrësi, Shkodra dhe Lezha. Gjithashtu raportohet se për krimet zgjedhore në Tiranë janë caktuar prokurorë të posaçëm.
19 artikuj për këtë temë.
SHQIPËRI- Komisioni Qendror i Zgjedhjeve vijon shpërndarjen e bazës materiale që do të përdoret në zgjedhjet e 11 majit ndërsa ky pritet të jetë procesi i dytë zgjedhor parlamentar ku identifikimi i votuesve do të bëhet elektronikisht.
Lidhur me këtë pikë të procesit bëhet me dije se jo në të gjitha Qendrat e Votimit do të mund të aplikohet teknologjia në identifikimin e votuesve. 8 qendrat e votimit ku nuk do të aplikohet identifikimi elektronik:
-Shkodër Njësia Administrative Pult
-Njësia Administrative Dropull i Sipërm
-Njësia Administrative Pogon
-Njësia Administrative Pogon
-Njësia Administrative Pogon
-Njësia Administrative Libohovë
-Njësia Administrative Zagorie
-Njësia Administrative Xarrë
FIER- Prokurori i posaçëm Sotir Kllapi i shoqëruar nga agjentë të BKH dhe nga oficerë të policisë së Fierit, kanë zhvilluar një vëzhgim në disa zona të qarkut. Gazetarja Klodiana Lala raporton senjë nga këto zona është edhe Roskoveci.
Veç prokurorit Sotir Kllapi, e deleguar me detyra në qarkun e Fierit për krimet zgjedhore është dhe prokurorja tjetër e SPAK Doloreza Musabelliu.
Deri më tani nuk janë vërejtur shkelje nga ana e prokurorëve të Posaçëm ndërsa prezenca e tyre do të jetë deri në mbyllje të procesit të numërimit. Nga ana tjetër prokuroria e juridiksionit të përgjithshem Fier ka regjistruar 5 procedime penale lidhur me krime zgjedhore.
TIRANË- Kreu i Partisë Demokratike, Sali Berisha, ka denoncuar një skandal në lidhje me blerjen e votave nga deputeti Vullnet Sinaj në Bashkinë e Selenicës dhe në lumin e Vlorës. Kreydemokrati përmes një postimi në rrjetin social Facebook, ka publikuar një informacion që është dërguar nga një qytetar digjital.
Në denoncimin e qytetarit digjital thuhet se Sinaj, me ndihmën e një "armate" të kamufluar, ka përgatitur listat dhe zarfat për shpërndarjen e votave në këto zona. Në denoncimin e qytetarit digjital janë të përfshira figura të ndryshme nga politika dhe biznesi, duke përfshirë edhe familjarë të kryebashkiakëve dhe menaxherë të bizneseve lokale, që po ushtrojnë presion për të manipuluar rezultatin zgjedhor.
Postimi i plotë i Berishës:
Krimineli Vullnet Sinaj blen vota!
Dënoj me forcën më të madhe krimin e tij të shëmtuar.
[????] Lexoni denoncimin e qytetarit digital!
I nderuar Doktor! E para uroj te kemi nje fitore sa me te thelle. Po ju dergoj nje informacion shume te sakte dhe teper sekret per ne territorin e Bashkise Selenice dhe lumin e vlores. Deputeti Vullnet Sinaj me armaten e tij te kamufluar, mbreme kane bere listat e fundit per shperndarje te zarfave ne zone dhe sot do bejne veprimet e tyre. I pari qe jane listat eshte karburanti ne Peshkepi me emrin Mesa oil i shtetasit Mirosh Hoxhaj. Kryatari partise ne Vllahine Florjan Muça ka marre listat mbreme me zarfat qe mund te kapen ne flagrance. Soklo Hodaj ne selenice dhe biznesi ne vlore kane marre lista me zarfat. Engjelush Bellaj njehkosisht babai i kryetarit bashkise selenice ne zone dhe ne biznesin e tij ne vlore do gjeni lista me zarfa. Menaxheri kryesor i big market Arsen Devollaj e keni ne zone te lumit vlores dhe ne bregdet ne himare me zarfat. Te lutem denoncoje ne menyre sekrete jo ne polici se kane mbeshtetje pi shikoj vete mundesine duke me ruajtur dhe mua anonimitetin.
BULQIZË- Ka përfunduar procesi i shpërndarjes së materialeve zgjedhore për votimet e 11 majit, në bashkitë Mat, Klos dhe Bulqizë. Nisja e procesit të votimit bëhet nesër në orën 07:00 dhe qendrat mbyllen në orën 19:00.
Për herë të parë voton edhe diaspora, me 245 935 emigrantë shqiptarë të regjistruar. Në garë janë 11 subjekte apo koalicione politike, ku çdo subjekt garon me 186 kandidate në listen e votimit, 46 prej të cilëve janë në listën e sigurt.
PUKË- Në Pukë ka nisur shpërndarja e materialeve zgjedhore. Ditën e nesërme (11 maj), shqiptarët do tu drejtohen kutive të votimit për të ushtruar të drejtën e votës. Nisja e procesit të votimit bëhet nesër në orën 07:00 dhe qendrat mbyllen në orën 19:00.
Për herë të parë voton edhe diaspora, me 245 935 emigrantë shqiptarë të regjistruar, po ku problematikat nuk kanë munguar në postimin apo kthimin e zarfave të emigrantëve, kryesisht në Greqi. Në garë janë 11 subjekte apo koalicione politike, ku çdo subjekt garon me 186 kandidate në listen e votimit, 46 prej të cilëve janë në listën e sigurt.
TIRANA- Banorët e Astirit dhe Yzberishtit do të votojnë në kontejnerë për zgjedhjet parlamentare të 11 majit. Kjo alternativë vjen për shkak të mungesës së shkollave, kopshteve dhe çerdheve si hapësira publike që mund të përdoreshin në këtë rast për këtë proces.
Sipas informacioneve 23 kontejnerë janë rreshtuar përgjatë bulevardidt "Migjeni" në Astir, konretisht ato janë vendosur mbi korsitë e biçikletave dhe të makinave.
Lagjja e Astiri numëron një popullsi prej rreth 70 mijë banorësh, ndërkohë një vendim i qeverisë shqiptare i cili daton në vitin 2015 përcakton se për çdo 6000 banorë duhet të ketë një shkollë fillore dhe 9-vjeçare dhe për çdo 9 mijë banorë duhet të ketë një shkollë të mesme.
Bazuar në këtë vendim, njësia Administrative nr.14, ku bën pjesë Astiri dhe Yzberishti, do të kishte 11 shkolla 9-vjeçare dhe 7 të mesme, por realiteti është vetëm disa kontejnerë.
DURRË- Në qytetin e Durrësit ka nisur pasditen e sotme shpërndarja e materialeve zgjedhore. Në Bashkinë e Krujës, procesi po vijon normalisht dhe nuk janë shënuar incidente. 3.7 milionë shtetas shqiptarë do t’i drejtohen të dielën kutive të votimit për të zgjedhur 140 përfaqesuesit e tyre në Parlament.
Për herë të parë voton edhe diaspora, me 245 935 emigrantë shqiptarë të regjistruar. Gjithashtu në garë janë 11 subjekte apo koalicione politike, ku çdo subjekt garon me 186 kandidate në listen e votimit, 46 prej të cilëve janë në listën e sigurt.
TIRANA- Ambasadori Lamberto Zannier, kreu i Misionit të Vëzhgimit të Zgjedhjeve të ODIHR-it, do të vizitojë nesër më qq maj një nga qendrat e votimit elektronik në Tiranë.
Mësohet se vizita është planifikuar për orën 11:30 në Qendrën e Votimit 1979/00, ZAZ 41, e vendosur në ambientet e shkollës “Dora d’Istria”.
Vizita vjen në kuadër të monitorimit ndërkombëtar të zgjedhjeve parlamentare të 11 majit, me fokus të veçantë tek teknologjia e përdorur në procesin zgjedhor.
KORÇA- Në një qendër votimi në Vithkuq në Korçë, e cila mban numrin 41/70, mungon shiriti i sigurisë që vihet tek dera e qendrës së votimit. Sipas informacioneve paraprake, materialet zgjedhore janë dorëzuar në këtë qendër votimit, por policia nuk po merr qendrën e votimit në dorëzim, ndërsa pritet që KZAZ të kryej verifikimet përkatëse.
Këtë të shtunë të 10 majit vendi ka hyrë në heshje zgjedhore, ndërsa qytetarët shqiptarë do tu drejtohen ditën e nesërmë qendrave të votimit në gjithë vendin. 3,713,761 votues janë regjistruar për zgjedhjet që mbahen për përbërjen e Parlamentit të ri.
ELBASAN- Edhe në Elbasan ka nisur zyrtarisht shpërndarja e materialeve zgjedhore në kuadër të zgjedhjeve të 11 majit. Mësohet se komisionet e qendrave të votimit kanë marrë në dorëzim kutitë dhe pajisjet e nevojshme.
Këtë të shtunë të 10 majit vendi ka hyrë në heshje zgjedhore, ndërsa qytetarët shqiptarë do tu drejtohen ditën e nesërmë qendrave të votimit në gjithë vendin. 3,713,761 votues janë regjistruar për zgjedhjet që mbahen për përbërjen e Parlamentit të ri.
SHKODRA- Gjatë ditës së sotme la nisur shpërndarja e materialeve zgjedhore në KZAZ nr. 2, që përfshin zonën e Dukagjinit dhe Njësitë Administrative të Bashkisë Shkodër. Mësohet se deri tani nuk ka asnjë problematikë sa i takon procesit të shpërndarjes.
Këtë të shtunë të 10 majit vendi ka hyrë në heshje zgjedhore, ndërsa qytetarët shqiptarë do tu drejtohen ditën e nesërmë qendrave të votimit në gjithë vendin. 3,713,761 votues janë regjistruar për zgjedhjet që mbahen për përbërjen e Parlamentit të ri.
FIER- Edhe në Bashkinë e Fierit ka filluar mesditën e sotme shpërndarja e materialeve zgjedhore në tre KZAZ- të 58, 59 dhe 60. Sipas ligjit zgjedhor ato janë tërhequr nga kryetarët dhe sekretarët e qendrave të votimit ndërsa shpërndarja në kohë i paraprin organizimit, administrimit, zhvillimit dhe mbikqyrjes sa më të mirë të ecurisë së procesit zgjedhor në të 97 qendrat e votimit për 157 761 zgjedhës.
Mësohet se në KZAZ-në 60 është bërë shpërndarja për 97 qendrat e votimit të qytetit, ndërsa në KZAZ- të 58 dhe 59 po bëhet shpërndarja për qendrat e votimit në njësitë administrative. Nga ana tjetër në orën 12:00 ka filluar shpërndarja e bazës materiale zgjedhore edhe në bashkitë e tjera të qarkut.
TIRANA- Këtë të shtunë të 10 majit vendi ka hyrë në heshje zgjedhore, ndërsa qytetarët shqiptarë do tu drejtohen ditën e nesërmë qendrave të votimit në gjithë vendin. 3,713,761 votues janë regjistruar për zgjedhjet që mbahen për përbërjen e Parlamentit të ri.
Referuar kësaj dite Komisionieri Shtetëror i Zgjedhjeve, me anë të një njoftimi, ka urdhëruar subjektet politike që të respektojnë heshtjen zgjedhore. Në njoftim thuhet gjithashtu se subjektet zgjedhore nuk duhet të adresojnë mesazhe politike apo elektorale gjatë heshtjes zgjedhore, në asnjë formë.
Njoftimi nga Komisioneri Shtetëror i Zgjedhjeve:
Komisioneri Shtetëror i Zgjedhjeve urdhëron respektimin e plotë të heshtjes zgjedhore, e cila ndalon çdo lloj fushate apo thirrjeje elektorale, përfshirë edhe atë në rrjetet sociale. Subjektet zgjedhore nuk duhet të adresojnë mesazhe politike apo elektorale gjatë heshtjes zgjedhore, në asnjë formë.
TIRANA- Vendi sot ka hyrë në heshje zgjedhore, ndërsa qytetarët shqiptarë do tu drejtohen ditën e nesërmë qendrave të votimit në gjithë vendin. 3,713,761 votues janë regjistruar për zgjedhjet që mbahen për përbërjen e Parlamentit të ri.
Ndërkohë bëhet me dije së në orët e para të mëngjesit të sotëm, në 12 qarqet e vendit kanë zbarkuar prokurorët e Prokurorisë së Posaçme. Sipas informacioneve paraprake, ata shoqërohen nga agjentë të Byrosë Kombëtare të Hetimit.
Këto lëvizje po bëhen veçanërisht në qarqet që mund të konsiderohen si zona të nxehta për krimin zgjedhor ndërsa mësohet se janë caktuar nga dy prokurorë. Qarqe të tilla janë Fieri, Elbasani, Durrësi, Shkodra dhe Lezha. Gjithashtu raportohet se për krimet zgjedhore në Tiranë janë caktuar prokurorë të posaçëm.
SARANDË- Në Bashkinë e Sarandës ka nisur shpërndarja e materialeve zgjedhore nëpër qendrat e votimit të KZAZ nr.91. Shpërndarja ka nisur në QV 4681/01 në Ksamil. Komisionerët e qendrave të votimit janë paraqitur në selinë e KZAZ-së për të tërhequr materialet zgjedhore që do të shpërndahen në njësitë administrative të bashkisë.
Rreth 3.7 milionë shtetas shqiptarë do të zgjedhin 140 përfaqësuesit e tyre në parlament, për herë të parë voton edhe diaspora.
KUKËS- Në Kukës ka nisur sot shpërndarja e materialeve zgjedhore për zgjedhjet parlamentare që do të mbahen ditën e nesërme, më 11 maj. Procesi i shpërndarjes ka nisur nën masa të rrepta sigurie dhe në prani të përfaqësuesve të Komisionit Qendror të Zgjedhjeve, KZAZ Kukës dhe forcave të rendit.
Qemdrat e votimit me numër 0677 kanë qneë të parat që kanë marrë materialet zgjedhore. Ato janë të vendosura në fshatrat Pakisht dhe Kosharisht, në njësinë administrative Zapod. Të dy këto fshatra përfshihen në të njëjtën qendër votimi, e cila numëron gjithsej 318 votues të regjistruar.
Shpërndarja e materialeve po vijon drejt qendrave të tjera të votimit në territorin e bashkisë, duke u nisur fillimisht nga zonat më të largëta dhe fshatrat e thellë malorë. Qëllimi është që të gjitha qendrat të pajisen në kohë me materialet përkatëse si fletët e votimit, kutitë, regjistrat, pajisjet për identifikimin biometrik, kamerat e sigurisë, etj.
KZAZ Kukës ka deklaruar se janë marrë të gjitha masat për një proces zgjedhor të qetë, të rregullt dhe transparent. Shpërndarja e materialeve në 73 qendrat e votimit është planifikuar të përfundojë 15 orë përpara hapjes zyrtare të votimit.
TIRANË- 3.7 milionë shqiptarë do të zgjedhin ditën e nesërme përbërjen e parlamentit të ardhshëm. Në këto zgjedhjet për herë të parë kanë mundësi votimi edhe ata që jetojnë jashtë vendit. Konkretisht 245.935 emigrantë shqiptarë do të mund të votojë pa qenë e nevojshme të vijnë në Shqipëri.
Pas regjistrimit në platformën PER, emigrantët kanë marrë me postë zarfin me fletën e votimit të cilën duhet ta kthejnë mbrapsht pasi ta kenë plotësuar. Ndërkohë, Komisioni Qendror i Zgjedhjeve ka njoftuar se deri sot, në orën 11:20, kanë mbërritur 180 144 zarfe me fletë votimi të dërguara nga votuesit shqiptarë që jetojnë jashtë vendit.
Sipas të dhënave zyrtare, janë dërguar gjithsej 245 935 zarfe, nga të cilat emigrantët kanë marrë 227 097 prej tyre, ndërsa 18 838 zarfe mbeten ende të pa tërhequra.
Italia ka numrin më të madh të zarfeve të kthyera me 71.180, e ndjekur nga Greqia me 44 315. Sa i përket ndarjes sipas qarqeve, Tirana kryeson me 40.085 zarfe, Fieri me 24.142 dhe Durrësi me 18.973.
KQZ kujton se çdo zarf që mbërrin pas orës 19:00 të datës 11 maj do të shpallet i pavlefshëm. Pallati i Sportit “Feti Borova”, pranë Parkut Olimpik në Tiranë, është vendi ku kryhen tre procese të votimit nga jashtë siç janë: përgatitja e dokumentacionit zgjedhor, ruajtja dhe administrimi i votave nga jashtë deri në momentin e fillimit të numërimit, si dhe numërimi dhe vlerësimi i votave nga jashtë.
POGRADEC- Në qytetin e Pogradecit ka nisur procesi i shpërndarjes së materialeve zgjedhore në KZAZ nr. 70, në kuadër të zgjedhjeve parlamentare të 11 majit. Mandi Mekolli, kryetari i KZAZ-së, ka deklaruar se ky proces ka filluar prej orës 09:00 të mëngjesit dhe pritet të përfundojë brenda pak orësh.
Komisionerët e qendrave të votimit janë paraqitur në selinë e KZAZ-së për të tërhequr materialet zgjedhore që do të shpërndahen në shtatë njësitë administrative të bashkisë Pogradec. Vlen të theksohet se për herë të parë, është futur si risi e këtyre zgjedhjeve, përfshirja në procesin e votimit e grave që vuajnë dënimin në Institucionin e Vuajtjes së Dënimit në Pojskë. Gjykata ka dhënë një vendim përkatës, ndërsa pritet që ky vendim të komunikohet zyrtarisht pranë KZAZ-së për të mundësuar zbatimin e tij.
TIRANË- Shqipëria sot ka hyrë në heshje zgjedhore, ndërsa qytetarët shqiptarë do tu drejtohen ditën e nesërmë qendrave të votimit në gjithë vendin. 3,713,761 votues janë regjistruar për zgjedhjet që mbahen për përbërjen e Parlamentit të ri. Në këtë numër, përfshihen edhe ata që jetojnë jashtë vendit, konkretisht 245.935 emigrantë shqiptarë, duke qenë se për herë të parë, diaspora do të mund të votojë pa qenë e nevojshme të vijnë në Shqipëri.
3.7 milionë shqiptarë do të kenë mundësinë të zgjedhin mes 11 subjekteve politike, tetë parti politike dhe tre koalicione. Secili subjekt garon me 186 kandidatë në listën e votimit të KQZ-së, ku 46 janë nga lista e mbyllur. Nesër procesi i votimit fillon që në orën 07:00 dhe do të vijojë deri në mbylljen e qendrave të votimit në orën 19:00. Por sipas KQZ dhe Kodit Zgjedhor, qendrat qëndrojnë të hapura edhe përtej orarit vetëm në raste të fluksit të votuesve në qendrën e votimit dhe mbyllen vetëm pasi të ketë ushtruar të drejtën edhe zgjedhësi i fundit që ndodhet aty.
Ndërkohë një natë më parë, partitë politike kanë mbyllur fushatat elektorale dhe kanë zhvilluar takimin e fundit më qytetarët dhe kanë dhënë mesazhet e fundit para se vota e qytetarëve te futet në kuti.
Partia Socialiste e e zhvilloi takimin përmbyllës në Parkun Olimpik. Rama u shpreh gjatë fjalës së tij para socialistëve se nuk ka rastësi në faktin që ndodheshin aty sot në ditën e Evropës. Ai shtoi se më 11 maj qytetarët duhet të votojnë për të thënë fjalën e fundit të këtij rrugëtimi dhe për të shkuar së bashku me shumicën më të madhe ndonjëherë. Gjithashtu ai bëri edhe një herë parashikimin që bëri në Kuç të Vlorës se PS merr minimumi 78 mandate.
Në të njëjtën kohë u zhvillua dhe takimi përmbyllës i koalicionit "Partia Demokratike- Aleanca për Shqipërinë Madhështore", në Bulevardin e Ri. Kreydemokrati Sali Berisha gjatë fjalës së tij falenderoi miqte europian dhe ne veçanti, strategun amerikan, Chris LaCivita, i cili është dhe drejtuesi i fushatës së tyre elektorale.
Kryedemokrati garantoi se me PD në pushtet do të vendosë marrëdhëniet më miqësore, bashkëpunimin më të ngushtë me administratën e presidentit Donald Trump në të gjitha fushat. Berisha theksoi se programi i tyre në 100 ditët e para do pesëfishojë subvencionet ndaj fermerëve. Ai gjithashtu u shpreh para qytetarëve se 11 Maji nuk është një votë për një qeveri, por është një votë para se gjithash për biznesin. Në takimin e PD-së u transmetua dhe një audio-mesazh nga qelia e kreut të PL-së, Ilir Metës, i cili do të jetë në listë të hapur.
Komisioni Qendror i Zgjedhjeve ka shpërndarë materialet zgjedhore në të gjitha qarqet për ngritjen e qendrave të votimit, të cilat tashmë janë caktuar. Gjithashtu partitë kanë caktuar komisionerët dhe vëzhguesit e tyre, teksa këto zgjedhje do monitorohen nga afër edhe prej misionit OSBE-ODIHR dhe faktorit ndërkombëtar. Gjithashtu është ngritur edhe një Task-Forcë për hetimin e krimeve zgjedhore, ku deri tani janë depozituar mbi 50 denoncime. Ky grup përbëhet nga Prokuroria e Përgjithshme, SPAK dhe KQZ.
