"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kreu i Partisë Demokratike, Sali Berisha, duke folur në një konferencë për mediat ka reaguar lidhur me situatën alarmante të zjarreve që kanë përfshirë të gjithë vendin. • Lideri i opzitës akuzoi qeverinë se nuk po i mbështet qytetarët, por po i braktis. • Kryedemokrati u shpreh gjithashtu se kamionët e ushtrisë nuk përdoren për evakuime, por për të rrëmbyer kompjuterat e gazetarëve, duke iu referuar mbylljes së news24. • Berisha theksoi se Ardi Veliu zbatoi urdhërin e kryeministri Edi Ramës për të grabitur kompjuterët dhe laptopët e gazetarëve, ku ndodhen dosje të kriminelëve, si Olsi Rama dhe Taulant Balla. • Kryedemokrati theksoi se ky është një akt i shëmtuar dhe antikushtetues, një shkelje flagrante e ligjit, që ka për qëllim mbrojtjen e krimeve të mëdha të lidhura me këtë qeveri. • Berisha gjithashtu shpreh falënderime dhe solidaritet për zjarrfikësit dhe qytetarët që janë përballur me zjarret. • Duke folur në konferencë me gazetarët Berisha theksoi se po të kishte një qeveri të vërtetë në Shqipëri, Delvina dhe shumë zona të tjera të prekura nga flakët, do të kishin shpallur statusin e fatkeqësisë natyrore. • Berisha theksoi se me këtë qeveri, Shqipëria ka humbur mundësinë për të reaguar në mënyrë efikase ndaj katastrofave natyrore dhe ka shpërdoruar mundësinë për të ndihmuar edhe vendet e tjera të prekura nga zjarret, si Greqia dhe Italia.
3 artikuj për këtë temë.
TIRANË- Kreu i Partisë Demokratike, Sali Berisha duke folur në konferencë me gazetarët theksoi se po të kishte një qeveri të vërtetë në Shqipëri, Delvina dhe shumë zona të tjera të prekura nga flakët, do të kishin shpallur statusin e fatkeqësisë natyrore. Berisha theksoi se me këtë qeveri, Shqipëria ka humbur mundësinë për të reaguar në mënyrë efikase ndaj katastrofave natyrore dhe ka shpërdoruar mundësinë për të ndihmuar edhe vendet e tjera të prekura nga zjarret, si Greqia dhe Italia.
"Po të kishte qeveri të vërtetë nuk mund të diskutohet që Delvina dhe zona të tjera sot, do ishin shpallur zona të fatkeqësisë natyrore. Por kur nuk ka qeveri dhe ka narkoqeveri, ndonjë ndryshim të madh kjo nuk bën. Edhe njëherë. Me 21 mln euro çarter, avion në dispozicion të shpenzuar personalisht nga Edi Rama. Me 10 milionë satelitët. Me 7 milionë ‘Giro d’Italia’. Me 50 mln më tepër se kostoja në tunelin e Llogarasë, Shqipëria do të kishte dy ‘Canada Air’, do kishte të paktën edhe 150-200 zjarrfikëse më shumë.
Përsa i përket sipërfaqeve të Greqisë dhe Italisë, duhet të jesh i metë, duhet të kesh të meta mendore që të bësh krahasimin e një vendi me 28 mijë kilometra katror me vende që janë me 90 njëri, e sa është tjetri, Gadishulli Apenin, mijëra kilometra i gjatë. Nuk ka asnjë justifikim. Do të mbrohet me shpenzimet e tij të tmerrshme abuzive.
Nëse nuk do të përdorte 21 mln euro për çarter, nëqoftëse nuk do të përdoreshin 7 mln euro për ‘Giro d’Italia’ për të mashtruar shqiptarët për vota, 10 mln euro për satelitët, se na duhen për zjarret.
Nëse nuk do të paguheshin 50 mln euro më shumë për tunelin e Llogarasë dhe po shkon në 70 mln ç‘është e vërteta, po shkon në 70 mln tani, natyrisht Shqipëria jo veç që do i shuante vetë zjarret, por do ndihmonte dhe Greqinë, që na ka ndihmuar dhe i falënderoj. Do ndihmonte Italinë, e cila na ka ndihmuar dhe e falënderoj, për shuarjen e zjarreve," tha Berisha.
TIRANË- Kreu i Partisë Demokratike, Sali Berisha, duke folur lidhur me situatën alarmante të zjarreve, theksoi se përgjegjës kryesor për këtë katastrofë natyrore është Kryeministrin Edi Rama dhe vjedhjet e tij. Duke folur në konferencë për shtyp Kryedemokrati tha se edhe në rastet e zjarrvënies pa qëllim, ka përgjegjësi të gjithsecilit për të parandaluar këtë katastrofë, ndërkohë që ai kërkoi dënimin më të madh për ata që luajnë me zjarrin.
"Qeveria është narkoqeveri. Këshilli i Sigurisë Kombëtare është narko, nuk ka preokupim qeveria për këto që ndodhi. Edi Rama kalon nga kërcënim në një tjetër dhe unë absolutisht dënoj me forcën më të madhe, si një kriminel të shëmtuar atë që vë me qëllim zjarrin.
Por edhe zjarrvënia pa qëllim, kërkon që çdo qytetar, në çdo akt dhe në çdo hap të ketë parasysh që të mos krijojë, sepse është një natyrë e ndezur. Kështu që në këtë kontekst, mbaj si përgjegjës kryesor të kësaj katastrofe, Edi Ramën, vjedhjet e tij. Natyrisht temperaturat e larta janë terreni i kësaj që po ndodh dhe shpirti kriminal i individëve të caktuar që luajnë me zjarrin është ai që inicion, ndez zjarrin dhe ata meritojnë dënimin më të madh," tha Berisha.
TIRANË- Kreu i Partisë Demokratike, Sali Berisha duke folur në konferencë me gazetarët tha se Ardi Veliu zbatoi urdhërin e kryeministri Edi Ramës për të grabitur kompjuterët dhe laptopët e gazetarëve, ku ndodhen dosje të kriminelëve, si Olsi Rama dhe Taulant Balla. Kryedemokrati theksoi se ky është një akt i shëmtuar dhe antikushtetues, një shkelje flagrante e ligjit, që ka për qëllim mbrojtjen e krimeve të mëdha të lidhura me këtë qeveri. Berisha gjithashtu shpreh falënderime dhe solidaritet për zjarrfikësit dhe qytetarët që janë përballur me zjarret.
"Kurse urdhëri i zbatuar nga një kriminel i damkosur siç është Ardi Veliu, urdhëri i Edi Ramës i zbatuar nga një kriminel i damkosur siç është Ardi Veliu, për të plaçkitur dhe rrëmbyer kompjuterat dhe laptopët e gazetarëve ku janë dosjet e Edi Ramës, dosjet kriminale të Edi Ramës. Janë dosjet kriminale të Olsi Ramës. Janë dosjet kriminale të Lubi Ballukut, të Taulant Ballës dhe qeveritarëve të tjerë. Është një akt i shëmtuar antikushtetues. Është një akt direkt i drejtuar nga Edi Rama, është një përsëritje e aktit të Altin Troplinit ndaj gazetarit të njohur Elton Qyno, që si bandit i rrëmbeu kompjuterin dhe telefonin dhe e mori peng, duke shkelur çdo normë.
Pra unë mora vetëm këto elementë të ndërlidhur, por natyrisht sot Shqipëria kurrë nuk do të ishte në mëshirën e flakëve nëqoftëse narkoqeveria nuk do të ishte një plaçkitëse e madhe e shqiptarëve. Unë jam këtu për të falënderuar dhe shpreh solidaritetin tim më të madh, para të gjithë atyre shqiptarëve zjarrfikës, apo në funksione të tjera dhe qytetarë, që u përballën me flakë dhe zjarret në kushtet më të vështira. Falënderoj gjithashtu misionet e ardhura nga BE-ja dhe vendet partnere të cilat po luftojnë zjarrin krah për krah me banorët në zonat e vendit," tha Berisha.
