E RËNDË në Malin e Zi/ 39-vjeçari shpërthen granatën në Gjykatën e Podgoricës, vdes vetë, plagosen 5 të tjerë

Pamje nga vendngjarja

MALI I ZI- Pamjet e mëposhtme janë nga Gjykata e Podgoricës, ku një 39-vjeçar ka plasur një granatë dore. Ngjarja e rëndë ndodhi paraditen e sotme, ndërkohë që arsyet se përse Mladen Bulatoviç hodhi bombën, nuk dihen ende.

Nga shpërthimi mbeti i vdekur në vend Bulatoviç, ndërkohë që ka pasur dhe 5 të plagosur. Nga plagosurit, një grua ndodhet në gjendje të rëndë shëndetësore.

vendi i ngjarjes

MALI I ZI- Një qytetar, i cili ndodhi në afërsi të shpërthimit para ndërtesës së Gjykatës Themelore në Podgoricë ka deklaruar se ka dëgjuar diçka që ka shpërthyer.

"Ishim në një kafe që po rinovohej. Ishim ulur, erdhi një kamion për të shkarkuar mallin. Diçka u prish shumë keq, menduam se rampa nga kamioni kishte rënë. Një grua filloi të qante, kështu pamë", tha dëshmitari okular Dragan Bosniç.

Ai shtoi se në vendngjarje kanë dalë menjëherë pjesëtarë të policisë dhe ekipet e ambulancës. Tridhjetë e nëntë vjeçari Mladen Bulatoviç vdiq pasi shpërtheu një granatë dore në hyrje të Gjykatës Themelore në Podgoricë. Sipas të njëjtave informacione, nga shpërthimi i bombës kanë mbetur të plagosur pesë persona, njëri prej tyre në gjendje të rëndë.

Tuz

MALI I ZI- Një person është arrestuar në Tuz të Malit të Zi me urdhër të Prokurorisë Themelore në Podgoricë, pasi dyshohet se ka shtënë me pushkë gjuetie, njoftoi Drejtoria e Policisë në orët e vona të mbrëmjes së 2 marsit.

Sipas policisë, para fillimit të një tubimi zgjedhor të një koalicioni politik, në qytetin Milesh të komunës së Tuzit, 40-vjeçari Emin Beçoviç ka tentuar ta pengojë takimin, prej ku ka gjuajtur dy herë me një pushkë gjuetie.

Gjatë të shtënave nuk ka pasur të lënduar. I arrestuari akuzohet për veprën penale të armëmbajtjes pa leje. Në komunën e Tuzit, që është komunë me shumicë shqiptare afër Podgoricës, zgjedhjet lokale janë caktuar të dielën, më 5 mars.

Para njoftimit nga policia, Forumi Shqiptar njoftoi se e kishin anuluar tubimin zgjedhor në Milesh, pasi, siç thanë, anëtari i listës “Rruga e duhur”, i dyshuari Emin Beçoviq, “sulmoi aktivistët e tyre që po përgatitnin tubimin duke gjuajtur dy herë me pushkë gjuetie në drejtim të vendit të takimit”.

Lista “Rruga e duhur” përbëhet nga Partia Demokratike e Socialistëve, Socialdemokratët, Partia Boshnjake dhe Bashkimi Demokratik i Shqiptarëve.

Forumi shqiptar udhëhiqet nga Alternativa Shqiptare e kryetarit aktual të komunës së Tuzit, Nik Gjeljoshaj, ku bëjnë pjesë edhe Aleanca Demokratike e Shqiptarëve, Bashkimi Kombëtar Shqiptar dhe Aleanca Demokratike e Malit të Zi.

Këto dy lista janë konkurrentet kryesorë në zgjedhjet lokale në Tuz.

Katër koalicione dhe tri lista të pavarura do të marrin pjesë në zgjedhjet e 5 marsit, të dytat që nga ndarja e kësaj bashkësie lokale nga komuna e Podgoricës në vitin 2018.

Dekada më parë, Tuzi ishte pjesë administrative e Podgoricës, e më pas një nga komunat e kryeqytetit. Banorët e Tuzit pritën gati dy dekada për t'u ndarë në një komunë të pavarur, që ishte kërkesa kryesore politike e partive kombëtare shqiptare.

Në zgjedhjet e para, pas ndarjes, në vitin 2019, Partia Demokratike e Socialistëve e Presidentit Milo Gjukanoviq humbi pushtetin në Tuz, ku deri atëherë kishte një bazë të fortë. Në zgjedhjet lokale në këtë komunë kanë të drejtë vote 12,290 votues.

Marrë nga REL

Gjykata e Podgoricës

MALI I ZI- Një person ka ndërruar jetë dhe pesë të tjerë kanë mbetur të plagosur si pasojë e një shpërthimi me lëndë plasëse. Ngjarja ka ndodhur paraditen e sotme në rrethana të paqarta. Në vendngjarje ndodhen ekipet e policisë dhe emergjencave.

Mediat malazeze raportojnë se viktima është një 39-vjeçar. Ndërsa për të plagosurit nuk dihen detaje. Ata janë dërguar në spital dhe një prej tyre ndodhet në gjendje të rëndë. Pritet të zbardhen detaje të tjera në minutat në vijim lidhur me autorin e ngjarjes dhe me shkaqet që e kanë shtyrë atë të kryejë këtë shpërthium.