Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Plagosen me armë zjarri në mes të rrugës nënë e bijë. Ngjarja ka ndodhur sot rreth orës 11:45 në rrugën “Besa Besë” në Fushë Kosovë. • Nënë e bijë, emrat e të cilave nuk janë bërë ende publike, kanë qenë brenda një makine kur janë qëlluar me armë zjarri nga një burrë. Ato janë gjetur me plagë të shumta në trup e të gjakosura dhe janë dërguar në spital nga kalimtarë rastësorë që kanë parë të gjithë ngjarjen. • Autori është larguar nga vendi i ngjarjes. Zona është rrethuar nga policia, të cilët janë përplasur me armë me autorin. Por orë më vonë u raportua se ka ndërruar jetë në spital. mjekët kanë deklaruar se ai është paraqitur me dy plagë të shkaktuara nga një armë zjarri në dyert e spitalit. Policia deklaroi se ai ka plagosur veten. • Nënë e bijë janë ende në gjendje të rëndë dhe nuk janë marrë në pyetje nga policia lidhur me rastin. Pritet përmirësimi i gjendjes së tyre në mënyrë që të rrëfejnë shkaqet, por paraprakisht raportohet se mes dy palëve kishte konflikte për pronat.
4 artikuj për këtë temë.
KOSOVË- Mediat kanë zbardhur detaje të reja janë zbuluar nga ngjarja e rëndë që ndodhi këtë të shtunë në Fushë-Kosovë, ku nënë e bijë u qëlluan me armë zjarri. Dëshmitarët kanë treguar se nënë e bijë ishin brenda makinës kur u qëlluan me armë zjarri nga një burrë. Të dyja u gjetën me plagë të shumta në trup dhe u dërguan në spital.
“Vajza ka ardh pa frymë në banesë dhe më tregoi se i ka parë dy gra të shtrira në tokë. Pastaj kur kemi dal e kemi pa që në vendin e ngjarjes kanë ardh policia dhe autoambulanca”, tha një dëshmitare për Klankosova.
Paraprakisht dyshohet se rasti ka ndodhur për shkak të një mosmarrëveshjeje për një pronë. Të plagosurat janë duke marrë ndihmën e nevojshme mjekësore në Qendrën Klinike Universitare të Kosovës. Nëna e lindur në vitin 1959, është duke kryer një ndërhyrje kirurgjikale për shkak të plagëve të marra në stomak. E bija e lindur në vitin 1979, ka marrë lëndime në duar. Autori është identifikuar.
KOSOVË- Nënë e bijë, të cilat u plagosën me armë zjarri në rrugën “Besa-Besë”, në Fushë Kosovë janë në gjendje të rëndë. Kështu tha në një prononcim për Telegrafin doktori kujdestar, Ejup Govori, i cili tregoi se pacientja e lindur në vitin 1959 për momentin është në sallë dhe po i nënshtrohet një ndërhyrjeje kirurgjikale. Ai po ashtu tregoi se pacientja tjetër është në emergjencë, duke vijuar me ekzaminimet.
“Gjendja shëndetësore e grave të plagosura ishte stabile por lëndimet janë serioze. Njëra paciente e cila është e vitit 1959 është transferuar në sallë të operacionit për intervenim kirurgjik nga kirurgu abdominal dhe ortopedi, d.m.th në bark dhe në ekstremitete. Ndërsa, pacientja tjetër është stabile, mirëpo është ende duke qëndruar në emergjencë dhe janë duke u kryer konsultat e mëtutjeshme”, ka thënë Govori.
Ngjarja ndodhi këtë mesditë në rrugën “Besa Besë”, në Fushë Kosovë. Autori është identifikuar nga policia.
KOSOVË- Personi që plagosi nënë e bijë me armë zjarri në Kosovë ka ndërruar jetë në spital. Vdekjen e tij e ka konfirmuar për Telegrafin mjeku kujdestar në Klinikën Emergjente të QKUK-së, Ejup Govori. Ai ka thënë se i dyshuari është paraqitur në QKUK në gjendje të rëndë, me dy plagë të shkaktuara nga arma e zjarrit, por nuk ka arritur t’u mbijetojë plagëve.
“Gjendja e tij kur është pranuar në QKUK ka qenë e rëndë, pra ka pasur shenja jete por ka qenë me parametra vital të komprometuar. Ka pasur dy plagë nga arma e zjarrit”, ka thënë Govori.
Mister mbetet personi që e ka qëlluar autorin e plagosjes. Paraprakisht dyshohet se rasti ka ndodhur për shkak të një mosmarrëveshjeje për një pronë. Të plagosurat janë duke marrë ndihmën e nevojshme mjekësore në Qendrën Klinike Universitare të Kosovës. Nëna e lindur në vitin 1959, është duke kryer një ndërhyrje kirurgjikale për shkak të plagëve të marra në stomak. E bija e lindur në vitin 1979, ka marrë lëndime në duar.
KOSOVË- Plagosen me armë zjarri në mes të rrugës nënë e bijë. Ngjarja ka ndodhur sot rreth orës 11:45 në rrugën “Besa Besë” në Fushë Kosovë. Policia menjëherë pas marrjes së informacionit ka dalë në vendin e ngjarjes. Dyshohet se një burrë i ka plagosur me armë zjarri. Rastin e ka konfirmuar zëdhënësja e Policisë së Kosovës Flora Ahmeti. Ndërkohë i dyshuari është identifikuar por ende mbetet në arrati.
“Sot rreth orës 11:45, policia ka marrë informatën për një plagosje me armë zjarri të ndodhur në rrugën ” Besa Besë” në Fushë Kosovë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se nga një person i dyshuar, me armë zjarri janë plagosur dy persona (të dyja të gjinisë femërore), të cilat janë dërguar për tretman mjekësor”, ka deklaruar Ahmeti.
Në vendin e ngjarjes shihet makina ku dyshohet se ka ndodhur plagosja dhe një numër policësh që kanë rrethuar vendin e ngjarjes.
