Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Zhvillohet samiti i G7. Por pa kryeministren e Italisë, Giorgia Meloni, e cila u kthye me urgjencë për shkak të motit të keq që ka pushtuar vendin e saj. • Presidenti amerikan Joe Biden është takuar sërish me homologun ukrainas, Volodymir Zelenskyy. • SHBA ka njoftuar paketën e saj të 38-të ushtarake për Ukrainën, me vlerë 375 milionë dollarë. • Ai tha gjithsahtu se SHBA nuk do të lëkundet në mbështetjen e saj për Ukrainën. • Gjithashtu në G7, kryeministri i Mbretërisë së Bashkuar Rishi Sunak e cilësoi Kinën si "sfida më e madhe e epokës sonë". • Ai thotë se sjellja e Kinës është gjithnjë e më "autoritare" brenda për brenda territorit të tyre dhe "afirmative" jashtë vendit. • Pas një takimi me Biden, Zelenskyy konfirmoi edhe humbjen e Ukrainës në qytetin lindor të Bakhmut. • G7 përbëhet nga SHBA, Britania e Madhe, Kanadaja, Franca, Gjermania, Italia dhe Japonia – dhe tetë vende të tjera janë ftuar këtë vit.
4 artikuj për këtë temë.
JAPONI- Kancelari Olaf Scholz gjatë një interviste në Hiroshima e vlerësoi samitin e G7 si një sukses në tërësi dhe komentoi mbështetjen për Ukrainën. Ai tha se "është detyrë e qytetarëve të Gjermanisë që të bëjnë gjithçka për të parandaluar përshkallëzimin në një luftë midis Rusisë dhe NATO-s", raportojnë mediat e huaja.
Megjithastë Scholz mbetet i mbyllur në lidhje me dërgimin e Mundshëm të avionëve luftarakë në Ukrainë. Ai tha se Gjermania nuk ka avionë luftarakë, dhe kur anëtarët e tjerë të G7 do të dorëzojnë avionë F-16 në Ukrainë, ai nuk mund të thotë asgjë.
"Përveç kësaj, shpërndarja e avionëve luftarakë nuk është në të vërtetë një çështje qendrore," thotë Soltz dhe shton se, mbi të gjitha, "ne duhet të zhvillojmë më tej mbështetjen për Ukrainën në mbarë botën. Kemi ftuar shumë vende me të cilat duam të flasim konkretisht dhe jo vetëm për këtë, por edhe për perspektivën tonë të përbashkët për zhvillimin e mëtejshëm të botës”.
Për rolin e Gjermanisë, Scholz tha: "Gjermania po bën atë që është në fuqinë e saj. Kjo përfshin mbrojtjen ajrore dhe tanket. Kjo lloj ndihme i nevojitet Ukrainës për kundërsulmin e planifikuar për në fillim të verës. Qëllimi i përbashkët mbetet parandalimi i përshkallëzimit në një luftë mes Rusisë dhe NATO-s. Si kancelar gjerman, ua kam borxh qytetarëve të vendit tonë. Të gjithë e kanë shprehur qëndrimin e tyre në këtë kuptim prandaj ne vazhdojmë të veprojmë në mënyrë të koordinuar dhe të jemi të kujdesshëm.
Ndërsa sa i përket samitit kancelari gjerman e vlerëson dhe shprehet se vendimet e marra atje janë shumë të mira dhe qartësisht të dedikuara për një botë më të mirë dhe mbështetën nga demokraci të forta ekonomikisht dhe kjo është arsyeja pse ky samit është shumë i suksesshëm.
JAPONI- Në fjalimin e tij në samitin e G7 në Hiroshima të Japonisë, presidenti ukrainas Volodymyr Zelenskyy sqaroi si qëndron e vërteta pë situatën në Bakhmut, si dhe ju bëri thirrje liderëve të samitit ti bashkohen kundër luftës.
Mediat e huaja shkruajnë se Zelenskyy sqaroi se Bakhmut nuk është i pushtuar nga Rusia dhe trupat ukrainas ndodhen akoma në rajon.
"Unë besoj se lufta nuk ka vend në botë. Njerëzimi ka bërë një rrugë të gjatë dhe ka humbur shumë jetë në konflikte të përgjakshme. Fuqia e formulës së paqes ukrainase është se duke i ndalur ambiciet ruse, ne do t'i japim botës një rezultat tjetër, do të paralizojmë agresorë të tjerë të mundshëm. Kur të gjithë ata që duan luftë shohin se sa e bashkuar dhe e vendosur është bota kur duan paqe, nuk ka kuptim. Ukraina i ofron botës shpëtimin nga lufta. Për ta bërë këtë, ne duhet të bashkohemi dhe ta bëjmë Rusinë agresorin e fundit" - tha ai.
JAPONI- Në fjalimin e tij në G7, Presidenti i SHBA-së Joe Biden është zotuar në përkushtimin e përbashkët dhe të palëkundur për të qëndruar me popullin e guximshëm të Ukrainës ndërsa ata mbrojnë veten kundër kësaj lufte brutale të agresionit dhe krimeve të luftës që po kryhen.
“Rusia e filloi këtë luftë dhe Rusia mund ta përfundojë atë sot, por duke tërhequr trupat e saj nga kufijtë e njohur ndërkombëtarisht. Këtë mëngjes ndava edhe një herë dhe e sigurova Presidentin Zelensky se ne nuk do të lëkundemi, Putini nuk do ta thyejë vendosmërinë tonë siç mendonte se mundte të bënte dy vjet më parë, gati tre vjet më parë,” tha Biden.
JAPONI- Liderët e G7 i dërguan një mesazh të fortë Rusisë duke ftuar Volodymyr Zelenskyy në Hiroshima, megjithatë përveç Kremlinit zyrtar, një tjetër rival që mori vëmendje të madhe në këtë samit ishte Kina.
Gjatë një deklarate në samitin G7 Kryeministri britanik Rishi Sunak tha se Kina përbën "sfidën më të madhe të epokës sonë" në lidhje me sigurinë dhe prosperitetin global dhe se ajo ishte "gjithnjë e më shumë autoritare brenda dhe jashtë vendit". BCC shkruan se liderët e samitit në dy deklarata i bënë të qartë Pekinit qëndrimin e tyre për çështje përçarëse si Indo-Paqësori dhe Tajvani.
Pjesa më e rëndësishme e mesazhit të tyre u përqëndrua në atë që ata e quajtën "shtrëngim ekonomik". Nëpërmjet tregtisë, ekonomitë e tyre janë bërë të varura nga Kina, por konkurrenca me Pekinin është rritur dhe ata nuk pajtohen për shumë çështje, përfshirë të drejtat e njeriut. Tani, ata shqetësohen se po mbahen peng.
Vitet e fundit, Pekini nuk ka pasur frikë të vendosë sanksione tregtare ndaj vendeve që ka patur pakënaqësi. G7 planifikon të forcojë zinxhirët e furnizimit për mallra të rëndësishme si mineralet dhe të forcojë infrastrukturën dixhitale për të parandaluar hakerimin dhe vjedhjen e teknologjisë.
