Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
-Arrestohet në Itali djali i ministrit të Brendshëm, Bledi Çuçi, Endi. -Lajmi është publikuar nga kryedemokrati Sali Berisha. -Djali i Çuçit shkoi në Itali me letra false, shërbente si ‘korrier’ për medikamentet që përdoren për kancerin e gjirit -Emri i tij ka dalë në përgjimet e biznesmenit, Ndue Pulaj: Vjen djali i Zhakut, ai sjell ilaçet -Endi, është djali i juristes Zhaklina Peto dhe Çuçit, nga martesa e tyre e parë -I riu, në aksion ishte përfshirë bashkë me thjeshtrin, Aurel Vula dhe djalën, Vladimir Peton -Zhaklina Peto mohon ngjarjen. -Hetimet nga mediat italiane kishin nisur 2 vite më parë. Deri më tani janë dhënë 8 masa sigurie: 6 të arrestuar, 2 në arrest shtëpie dhe një detyrim paraqitjeje. 80 të tjerë po hetohen.
4 artikuj për këtë temë.
TIRANË- Juristja Zhaklina Peto ka mohuar që djali i saj Endi Çuçi, fryt i martesës së saj të parë me Ministrin e Brendshëm Bledi Çuçi të jetë arrestuar në Itali. Vizitën e të birit në maj të vitit 2021 kur vendi ishte mbyllur për shkak të pandemisë së Covid-19, Peto e justifikon me faktin se ka qenë bashkëm e të për tu kujdesur për nënën e saj që ka ndërruar jetë në vendin fqinj. Me bindje Peto shton se asnjë person nga familja e saj nuk ka probleme me drejtësinë italiane. Sipas Petos, Endi Çuçi punon prej shtatorit 2021 për EPO në Mynih, Gjermani (The European Patent Office - Zyra Europiane e Markave dhe Patentave).
Postimi i plotë i Zhaklina Petos:
Me shqetësim shumë të madh dhe tepër e indinjuar dua të përgënjeshtroj të gjitha akuzat e pavërteta dhe të shëmtuara të cilat kanë dalë në media dhe që drejtohen ndaj meje personalisht dhe djalit tim Endi Çuçi. Që ne fillim dua t’ju sqaroj se as unë dhe as djali im nuk kemi probleme me drejtësinë italiane pavarësisht përmendjes në mënyrë rastësore në një hetim të drejtësisë italiane që s’ka të bëjë fare me ne. Kjo është e cilësuar fare qartë edhe në fashikullin e hetimit të cilin e keni bashkëlidhur dhe po e citoj:
...“Në shqyrtimin e fakteve që lidhet me paragrafin në fjalë, bëjmë me dije që në fillim se elementet që kemi në dispozicion na ndalojnë, aktualisht, që të përcaktojmë ndonjë veprim me rendësi penale, në ngarkim të disa prej personave të përmendur (SOTIRI ROMEO, PETO ZHAKLINA, XHABAFTI SOKOL dhe CUCI ENDI), duke qenë se nga aktet e hetimit nuk figuron asnjë element që t’i lërë vend ngritjes së akuzave në të ardhmen”...
Unë kam qenë në Itali për t’u kujdesur për nënën time të sëmurë gjatë vitit 2021, e cila fatkeqësisht ndërroi jetë në 3 maj 2021 në Itali. Në datën 4 maj 2021 im bir erdhi në Itali dhe së bashku u kthyem në Shqipëri për t’i bërë nënës nderimet e fundit.
Askush nuk ka të drejtë që për qëllime tërësisht politike të na linçojë dhe dënojë publikisht. Unë iu kërkoj vetëm të mos hidhni baltë mbi djalin tim, një i ri i sapodiplomuar që sapo ka filluar të ecë në jetë dhe ndryshe nga çfarë shpifet nga puseta dixhitale, punon prej shtatorit 2021 për EPO në Mynih, Gjermani (The European Patent Office - Zyra Europiane e Markave dhe Patentave). Faleminderit!
Denoncimin për arrestimin e Çuçit e bëri kryedemokrati Sali Berisha, duke publikuar edhe përgjimet nga dosja. Sipas dokumenteve të publikuara nga Berisha, Endi Çuçi ka luajtur rolin e transportuesit në trafikimin e medikamenteve. Në aksionin e ndërmarrë nga Policia italiane, ishin të përfshirë edhe Aurel Vula (bashkëshorti i dytë i Zhaklina Petos) dhe Vladimir Peto, vëllai i ZHaklina Petos. Aksioni për goditjen e grupit të trafikut të medikamenteve, u finalizua javën që shkoi edhe pse kishte nisur që në vitin 2020, ndërsa në pranga janë vënë 6 persona. Nën hetim janë 82 shqiptarë, mes tyre mjekë dhe biznesmenë. Mes mjekëve, emrat deri më tani u kanë dalë Edvin Priftit, Aurel Vulës, Ilir Broqajt dhe Vladimir Peto. Biznesmenët nën hetim janë Aleksandër Gjoka dhe Ndue Pulaj.
ITALI- Djali i ministrit të Brendshëm Bledi Çuçi, Endi Çuci duke se ka shërbyer si transportues në grupin që merrej me kontrabandë medikamentesh gjatë kohës së pandesë së Covid-19. Dokumenti i publikuar sot nga kryedemokrati Sali Berisha tregon edhe një pjesë të përgjimeve mes personave të vënë nën hetim që tregon implikimin e djalit të ministrit Çuçi. Konkretisht në një bisedë, biznesmeni Ndue Pulaj është regjistruar që flet me një tjetër shqiptare të identifikuar si Evisa Sulejmani, të cilës i thotë se do t’i dërgojë një medicament përmes djalit të Zhaklina Petos, pra Endit. Në dokument shkruhet gjithashtu se hyrja e Endi Çuçit në Itali është bërë në mënyrë ilegale në maj të vitit 2021, kur kufijtë ishin të mbyllur për shkak të pandemisë së Covid-19.
Pjesë nga dosja:
Endi Çuçi, djali i Zhaklina Petos, që rezulton të ketë hyrë në mënyrë të parregullt në Itali më 04.05.2021, pra duke përdorur rekomandime falsë të dhëna nga mjekët. Emri i tij është përmendur për herë të parë në një bisedë mes Ndue Pulajt e Evisa Sulejmanit më 20 prill të vitit 2021.
Ndue Pulaj konfirmon që Evisa Sulejmanit do t’i dërgojë një porosi përmes Endi Çuçit.
Pjesë nga biseda:
Ndue Pula: Të dielën të sjell tamoxifene (medicament që përdoret tek të sëmurët me kancer gjiri)
Evisa Sulejmani: Të dielën?
Ndue Pulaj: Të dielën që vjen djali i Zhakut
Në telefonatën e radhës me Vladimir Peton, konfirmohet mbërritja e Endi Cuçit në Itali.
Çuçi është djali nga martesa e parë e ministrit Bledi Çuçi me juristen Zhaklina Peto. Ndërsa në aksionin e ndërmarrë nga Policia italiane, ishin të përfshirë edhe Aurel Vula (bashkëshorti i dytë i Zhaklina Petos) dhe Vladimir Peto, vëllai i ZHaklina Petos. Aksioni për goditjen e grupit të trafikut të medikamenteve, u finalizua javën që shkoi edhe pse kishte nisur që në vitin 2020, ndërsa në pranga janë vënë 6 persona. Nën hetim janë 82 shqiptarë, mes tyre mjekë dhe biznesmenë. Mes mjekëve, emrat deri më tani u kanë dalë Edvin Priftit, Aurel Vulës, Ilir Broqajt dhe Vladimir Peto. Biznesmenët nën hetim janë Aleksandër Gjoka dhe Ndue Pulaj.
TIRANË- I riu që shihni në foto është djali i ministrit të Brendshëm, Bledi Çuçi, Endit. I riu, vetëm 24 vjeç, specialist në Këshillin e Lartë të Gjyqësorit, disa herë ka bërë paraqitje edhe në emisionet televizive.
Në vitin 2015, ai bashkë me shokët e tij të klasës, dilnin dhe jepnin mesazhe sensibilizuese nga të rinjtë, për të rinjtë. Po ashtu, edhe e ëma e tij, juristja Zhaklina Peto ka postuar foto me të nga stadiumi duke parë ndeshjet e kombëtares shqiptare të futbollit.
Endi Çuçi është vënë në pranga në Itali, pasi akuzohet si i përfshirë në grupin që merrej me kontrabandë medikamentesh gjatë kohës së pandesë së Covid-19. Dokumenti i publikuar sot nga kryedemokrati Sali Berisha tregon edhe një pjesë të përgjimeve mes personave të vënë nën hetim që tregon implikimin e djalit të ministrit Çuçi si transportues të medikamenteve.
TIRANË- Djali i ministrit të Brendshëm Bledi Çuçi, Endi është arrestuar në Itali. Lajmin e ka publikuar ish-kryeministri Sali Berisha, i cili ka nxjerrë dhe dokumentet për të birin e ministrit të Brendshëm. Endi Çuçi, vetëm 24 vjeç, akuzohet se ka gisht në rrjetin e trafikantëve që u zbulua disa ditë më parë, të cilët kontrabandonin ilaçe por edhe emigrantë të paligjshëm me pretendimin se ishin të sëmurë. Edhe Çuçi, i cili punon si specialist në Këshillin e Lartë të Gjyqësor, duket se kishte gisht në grup, duke bashkëpunuar me thjeshtrin dhe dajën e tij, të dy në ndjekje penale nga autoritetet italiane. Çuçi është djali nga martesa e parë e ministrit me juristen Zhaklina Peto. Ndërsa në aksionin e ndërmarrë nga Policia italiane, ishin të përfshirë edhe Aurel Vula (bashkëshorti i dytë) dhe Vladimir Peto, daja i tij. Në bashkëpunim me ta, duket se djali i ministrit ka siguruar "qetësinë" nga Policia e Shtetit.
POSTIMI I PLOTË:
SUPERSKANDAL! Arrestohet ne Itali, Endi Çuçi, djali i ministrit te Brendeshem te familjes Blendi Çuçi, si antar i mafjes qe kontrabandonte ilaçe dhe te semure! Punonte ne KLGJ! Nderhyrje te fuqishme per lirimin e tij! Mafje dhe vetem mafje! Lexoni mesazhin e qytetarit dixhital. Pershendetje Doktor. Kam disa dokumenta me rendesi te cilat po jua nis. Behet fjale per nje mase sigurie te Gjykates italiane ku i perfshire eshte djali i Blendi Çuçit, Endi Çuçi ne kontrabande ilacesh dhe pacientesh shqiptare qe te merrnin karta shendeti te falsifikuara ne Itali ne kohen e Covid. Nuk e ka asnje media vetem ne. Nje miku im gazetar ma dha ne menyre konfidenciale te cilat i siguroi nga gazetare italiane. Materialet i kam. Me poshte po ju nis dokumentin e Gjykates, ku permendet djali i Blendi Çuçit nga martesa e tij e pare me Zhaklina Peton, e dale ne pergjimet italiane. Bashkengjitur ju nis te gjithe materialin, median tone e cila e publikoi rastin, por nuk e kane permendur emrin e djalit te Blendi Cucit dhe median italiane. Kredecialet e tij dhe punesimin ne KLGJ. Me poshte dokumentat: 1. Masa e sigurise se Gjykates se Milanos. 2. Lajmet ne mediat italiane. Pergjimet ne dosjen e Gjykates.
Që nga publikimi i lajmit, ende nuk ka asnjë reagim as nga ministri i Brendshëm, Bledi Çuçi dhe nga asnjë prej anëtarëve të tjerë të maxhorancës. Aq më pak nga kryeministrit Edi Rama.
