Saga Sadikajt-Papa vazhdon/ Atentat ndaj Zamir Kalemit në Selitë, autorët qëlluan me kallashnikov, 40-vjeçari i plagosur rëndë

Makina

TIRANË- Policia ka vendosur në dispozicion 15 mijë euro për të gjithë personat që kanë informacion për atentatin që iu bë Zamir Kalemit mbrëmjen e kaluar. Në njoftimin e policisë, bëhet me dije se atentati ndaj tij, ka lidhje me ngjarje të tjera kriminale, këtu në Shqipëri si dhe në Greqi. Po ashtu theksohet se nga atentati i mbrëmshëm, Kalemi ka marrë disa plagë me armë zjarri, por ka mundur që të mbijetojë.

Njoftimi i Policisë:

Tiranë

Në vijim të informacionit paraprak të dhënë mbrëmjen e djeshme, më datë 12.01.2024, ju informojmë se: Më datë 12.01.2024, rreth orës 22:55, në vendin e quajtur "Nënkalimi i Selitës”, është tentuar të vritet me armë zjarri shtetasi Zamir Kalemi, i vitlindjes 1983, si pasojë ky shtetas ka marrë disa plagë me armë zjarri, dhe aktualisht ndodhet në spital nën kujdesin e mjekëve. Drejtoria Vendore e Policisë Tiranë, ka ngritur menjëherë një grup të posaçëm hetimor, i cili në drejtimin e Prokurorisë të Rrethit Gjyqësor të Juridiksionit të Përgjithshëm Tiranë, ka kryer veprimet e nevojshme procedurale, ka këqyrur vendin e ngjarjes, ka këqyrur vendin e djegies së automjetit të përdorur nga autorët, ka sekuestruar provat materiale, ka pyetur në cilësinë e personit që ka dijeni për rrethanat e hetimit disa shtetas, ka sekuestruar dhe po vazhdon këqyerjen e pamjeve filmike në afërsi të vendit të ngjarjes.

Aktualisht grupi hetimor vazhdon punën për gjetjen dhe sekuestrimin e provave të tjera të rëndësishme për hetimin. Nga verifikimet paraprake, targat e automjetit AA 968 JD, të përdorura nga autorët, janë kallëzuar të vjedhura në Tiranë, në vitin 2018, dhe po ashtu edhe mjeti tip "Nissan", ngjyrë gri me targë MHY6650, i cili rezulton i vjedhur në Greqi më datë 13.02.2023. Nga analiza e rethanave të ngjarjes ka informacione se kjo ngjarje ka lidhje me disa ngjarje të rënda kriminale të ndodhura gjatë vitit 2022 dhe 2023 në Shqipëri dhe Greqi. Drejtoria Vendore e Policisë Tiranë kërkon ndihmën e publikut për identifikimin dhe kapjen e autorëve të kësaj ngjarje dhe për çdo informacion të vlefshëm vendos në dispozicion shumën prej 15 000 euro, dhe informacioni mund të jepet në numrin +355694111546, duke garantuar anonimatin e çdo telefonuesi. Informacione më të detajuara do të japim për mediat dhe për publikun, në vazhdim të hetimeve.

Makina

TIRANË- Detaje të reja janë zbuluar nga atentati ndaj Zamir Kalemit mbrëmjen e kaluar në Tiranë. Mësohet se autorët e kanë ndjekur makinën e 40-vjeçarit për disa orë para se të qëllonin drejt tij.

Ata kanë qëlluar në momentin që Kalemi po shkonte për në Selitë, ndërkohë që në mënyrë që tu shmangej plumbave, 40-vjeçari është përplasur me bordurën anësore të rrugës. Ky atentat ka nisjen me vrasjen e kushuririt të tij Aleksandër Sadikajt në vitin 2022 dhe më pas me ekzekutimin e biznesmenit Edmond Papa.

Zamir Kalemi

TIRANË- Fotoja që shihini më sipër i përket Zamir Kalemit, personi që arriti t'i shpëtojë atentatit mbrëmjen e kaluar. 40-vjeçari ishte duke udhëtuar me mjetin e tij tip Smart, në momentin që persona më makinë, qëlluan me kallashnikov drejt tij.

Nga të shtënat, ai mbeti plagosur rëndë, ndërkohë që autorët pas ngjarjes dogjën automjetin në Bërxhitë. Ky atentat është i lidhur me sagën e vrasjeve të Aleksandër Sadikajt si dhe Edmond Papës. Kalemi është kushuriri i Sadikajt, i njohur dhe si 'Sanço'.

Makina

TIRANË- Synimi i atentatit të mbrëmshëm në Selitë të Tiranës ishte Zamir Kalemi. Mësohet se Kalemi është vëllai i Andrea Kalemit, i dyshuar ai autori i vrasjës së Edmond Papës, një vit më parë në Selitë.

Kalemi ishte duke ushëtuar më mjetin tip Smart, kur në këtë moment drejt tij është qëlluar me breshëri automatiku. Nga të shtënat, ai Kalemi mbeti i plagosur rëndë, ndërkohë që autorët disa minuta më vonë dogjën automjetin në Bërzhitë.

Pas kontrolleve nga policia, brenda mjetit të djegur u gjet dhe arma, më të cilën autorët tentuar të eleminonin, kushuririn e Aleksandër Sadikajt, i njohur si 'Sanço'.

Policia

TIRANË- Një plagosje ka ndodhur mbrëmjen e kaluar në zonën e Selitës në Tiranë. Mësohet se rreth orës 22:55 te rrethi i Selitës një person ka qëlluar më armë një 35-vjeçar. Shkak për ngjarjen ende nuk dihet se kush është, ndërkohë që autori është larguar në drejtim të paditur.

Njoftimi i Policisë:

Tiranë/Informacion paraprak Më datë 12.01.2024, rreth orës 22:55, tek rrethi i Selitës, është plagosur me armë zjarri në këmbë, shtetasi Z. K., rreth 35 vjeç, i cili është transportuar dhe ndodhet në spital, nën kujdesin e mjekëve jashtë rrezikut për jetën. Shërbimet e DVP Tiranë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorit/ve të dyshuar. Grupi hetimor po punon për sqarimin e rrethanave të ngjarjes.