Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kryetari i zgjedhur i Kuvendit Niko Peleshi zhvilloi një takim me krerët e grupeve parlamentare në vend, ku është diskutuar mbi formimin e strukturave të reja parlamentare. • Në këtë takim gjithashtu është diskutuar për zgjedhjen e anëtarëve të delegacioneve parlamentare, Byrosë së Kuvendit dhe Këshillit për Mandatet dhe Rregulloren. • Ndërkohë gjatë këtij takimi, Peleshi u ka paraqitur një propozim për ndryshime të shpejta në Rregulloren e Kuvendit, me qëllim të ristrukturimit të komisioneve parlamentare. • Ndërsa ditën e nesërme do të mblidhet Kuvendi në mëngjes për të ngritur Këshillin e Mandateve, ndërsa në pjesën e dytë të ditës pritet votimi i rregullores së re dhe përbërjes së komisioneve parlamentare. • Gjithashtu bëhet me dije se Tedi Blushi u ka kundërshtuar miratimin e propozimit të kryeministrit Rama për ndryshim të rregullores së Kuvendit. • Pas daljes nga mbledhja Blushi ka deklaruar se ligjërisht duhet të respektohet afati 1 javor i parashikuar në rregulloren aktuale për ndryshim. • Ndërkohë edhe Kreu i grupit parlamentar të Partisë Demokratike, Gazment Bardhi ka theksuar rëndësinë e transparencës dhe bashkëpunimit mes mazhorancës dhe opozitës në Kuvendin e Shqipërisë. Bardhi vuri në dukje se mënyra se si është organizuar Kuvendi dhe komisionet parlamentare nuk respekton parimet e një demokracie funksionale. • Sipas Bardhit, Kuvendi nuk është pronë e një partie të vetme, por një institucion ku mazhoranca dhe opozita duhet të punojnë së bashku për të garantuar interesin publik. • Ndërsa Kreu i grupit parlamentar i PS Taulant Balla ka deklaruar se riorganizimi i Kuvendit është një çështje me rëndësi.
4 artikuj për këtë temë.
TIRANË- Kreu i grupit parlamentar i PS Taulant Balla kërkesa së PS për zgjerimin e Komisioneve Parlamentare në 11 nuk ka nëvojë që të njoftohet para. Teksa foli para mediave pas mbylljes së mbledhjes me opozitën dhe kreun e Kuvendit, Balla shtoi se riorganizimi i Kuvendit është një çështje me rëndësi.
"Në Shqipëri Kuvendi duhet të ketë një organizim të ri me 11 Komisione. Jemi në një situatë e cila nuk është shumë e parashikuar nga Rregullorja. Brenda kësaj javë duhet shqyrtim i dekreteve për qeverinë, dhe konferenca e kryetarëve duhet të jetë gati për diskutimin e kohës së debatit. Është domosdoshmëri të kalojmë këtë etapë të parashikuar nesër. Për një çështje me rëndësi të riorganizimit të Kuvendit, bëhet fjalë për shqyrtim jo periudhë depozitim”, tha Balla.
TIRANË- Kreu i grupit parlamentar të Partisë Demokratike, Gazment Bardhi ka theksuar rëndësinë e transparencës dhe bashkëpunimit mes mazhorancës dhe opozitës në Kuvendin e Shqipërisë. Në një deklaratë për mediat pas përfundimit të takimit me Niko Peleshin, Bardhi vuri në dukje se mënyra se si është organizuar Kuvendi dhe komisionet parlamentare nuk respekton parimet e një demokracie funksionale. Sipas Bardhit, Kuvendi nuk është pronë e një partie të vetme, por një institucion ku mazhoranca dhe opozita duhet të punojnë së bashku për të garantuar interesin publik.
“Kuvendi dhe komisionet parlamentare janë mekanizma pune të përbashkëta dhe si në çdo vend demokratik, organizimi i punës duhet të ishte produkt i përbashkët. Fakti i prezantimit të ndryshimeve në asamblenë e PS, i bërë sot i kryer me caktimin e kryetarëve dhe zv. kryetarëve të PS, tregon frymën autoritare që Rama ka instaluar në Republikën e Shqipërisë. Për ne është e papranueshme. Së dyti, kemi sqaruar se me veprimin e shkrirjes së komisionit të Integrimit, mekanizmi që kishte në dorë opozita për rolin e saj kontruktiv dhe për të dhënë konsensus, në këtë moment zerohet se ky komision është bashkuar me atë të jashtëm dhe pas 21 vitesh opozita s’do të ketë më procesin e drejtimit të këtij procesi.
Qëndrimi se nuk kemi shkrirë Komisionin e Integrimit por atë të Jashtëm, në fakt pasqyron atë që kemi thënë, vullnetin e mazhorancës për të përjashtuar opozitën nga procesi i integrimit. Së dyti, na u soll si argument se kemi ndjekur modelin e organeve të Bundestagut gjerman. Atje ka edhe komision të jashtëm dhe të çështjeve evropiane. Grupi parlamentar i PD i ka kërkuar institucioneve të kuvendit të bëjnë një studim se si janë të organizuara komisionet parlamentarre në rajon dhe së dyti se si janë të organizuara komisionet parlamentare në disa prej vendeve anëtare të BE. Dhe sipas studimit të vetë kuvendit, në të gjitha vendet e Ballkanit ka edhe komision të integrimit evropian, që në të gjitha vendet drejtohet nga opozita edhe komisionet për punët e jashtme. Shqipëria bëhet i pari vend që jo thjesht përjashton opozitën nga procesi i integrimit, dhe nuk ka një komision të dedikuar për integrimin. E treta është zvogëlimi i rolit që ka secili prej komisioneve. Asnjë nga komisionet tematike, nuk do të ketë mundësi të ushtrojë funksonin e vet të kontrollit për zbatimin e ligjeve për shkak të komisioneve të veçanta. Plani i mazhporancës për të mbledhur kuvendi në tre ditë me urgjencë sikur të jemi në gjendje të jashtëzakonshme shkel rregulloren e kvuendit dhe kjo nënkupton shkelje të kushtetutës”, tha Bardhi.
TIRANË- Kreu i grupit parlamentar të Partisë së Lirisë, Tedi Blushi ka kundërshtuar miratimin e propozimit të kryeministrit Rama për ndryshim të rregullores së Kuvendit. Pas daljes nga mbledhja me krerët e grupeve parlamentare në Kuvend, Blushi ka deklaruar se ligjërisht duhet të respektohet afati 1 javor i parashikuar në rregulloren aktuale për ndryshim.
"Kërkuam që edhe formalisht të respektohet rregullorja, kushtetuta, por u gjendëm përballë vendosmërisë të kryetarit të ri të parlamentit, të kryetarit të grupit parlamentar të rilindjes që janë të vendosur për të shkelur Kushtetutës me të dyja këmbë duke kaluar në seancën e nesërme ndryshime të rregullores, ku qartësisht rregullorja parashikon që ndryshimi i rregullores kërkon një afat të përcaktuar prej të paktën 2 javë. Dhe në procedurë të përshpejtuar duhet respektuar të paktën afati 1 javor. Po kërkojmë konsensus mbështetur në atë që parashikon rregullorja. Ajo që kundërshtojmë ne është që Edi Rama kërkon ta a trajtojë Kuvendin si noter të vendimeve të tij të paligjshme”, tha Blushi.
TIRANË- Kryetari i zgjedhur i Kuvendit Niko Peleshi do të mbledh ditën e sotme krerët e grupeve parlamentare në vend. Gjatë takimit, pritet që të diskutohet mbi formimin e strukturave të reja parlamentare. Në këtë takim gjithashtu do të diskutohet për zgjedhjen e anëtarëve të delegacioneve parlamentare, Byrosë së Kuvendit dhe Këshillit për Mandatet dhe Rregulloren.
Gjatë këtij takimi, Peleshi do të paraqesë një propozim për ndryshime të shpejta në Rregulloren e Kuvendit, me qëllim të ristrukturimit të komisioneve parlamentare. Ditën e nesërme do të mblidhet Kuvendi në mëngjes për të ngritur Këshillin e Mandateve, ndërsa në pjesën e dytë të ditës pritet votimi i rregullores së re dhe përbërjes së komisioneve parlamentare.
