FOTO/ Flamuj dhe flakadanë! Bulevardi “ndizet” kuq e zi, qytetarët kërkojnë largimin e Ramës 5 Qershor, 1...
Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
•Kryetari i Partisë Demokratike, Sali Berisha i cili akuzohet për korrupsion pasiv në lidhje me aferën e ish kompleksit Partizani, refuzoi të paraqitet në GJKKO. •Berisha zgjodhi të mbante një konferencë për median, e cila nisi 30 minuta para orarit që ishte thirrur në gjykatë për tu pyetur lidhur me aferën e privatizimit të kompleksit ‘Partizani’, ku deklaroi se akuzat e ngritura ndaj tij dhe dhëndrit Jamarbër Malltezi janë të pavërteta. •Në po të njëjtin orar në GJKKO u paraqit avokati i tij, Genci Gjokutaj.•Një ditë më parë GJKKO vendosi të lërë në burg Jamarbër Malltezin, dhëndrin e Sali Berishës, si edhe detyrim paraqitjeje për ndërtuesin Fatmir Bektashi. Ndaj ish-kryeministrit Berisha janë vendosur masat e sigurisë ‘detyrim paraqitjeje’ dhe “ndalim i daljes jashtë shtetit” për akuzën 'korrupsion pasiv'. Policia e Shtetit ka tentuar mbrëmjen e kaluar, por edhe të shtunën, që ta njoftojë ish-kryeministrin me masën e sigurisë, por Berisha i ka shmangur.
6 artikuj për këtë temë.
TIRANË-Ish-kryeministri Sali Berisha gjatë një konference për mediat ditën e sotme ka hedhur sërish skenarin e protestave pasi sipas tij po sulmohen reformat e qeverisë së Partisë Demokratike.
Berisha tha se çdo opision është në tryezë dhe nga ana tjetër kreu i PD i quajti shpifje gjithë përpjekjet, sipas tij, për të ngritur një akuzë që s'ka asnjë provë të vetme.
"Asnjë gjë nuk është jashtë tavolinës.Të gjitha janë në tryezë. Ne, siç e shihni, kemi të bëjmë me një proces monstruoz politik. Kur Edi Rama, me dy skapistë dhe një tjetër, vënë në tryezë reformat e suksesshme, sepse ajo ekonomi, për dijeninë tuaj, atë vit që janë emetuar bonot, jo për shkak të bonove, ka pasur një rritje prej 8.3 përqind sipas institucioneve ndërkombëtare. U them atyre që kapin penën dhe shpifin duke cituar dacibaon e prokurorisë, vetëm sa baltosni moralin tuaj sepse një gazetar është i detyruar që të paraqesë, nëse i intereson e vërteta, të dy variantet. Të dy palët. Krijojnë narrativa nga më primitivet, ky djalosh me 113 metër katror, doli me 5.2 milionë euro. Gjithçka e bazuar në shpifje, gjithçka e bazuar në turpin e fshehjes së dokumenteve. Gjithçka e bazuar në manipulimin e dokumenteve.
Se një djalosh tjetër, në të njëjtat kushte, absolutisht mund të dilte të paktën edhe 20 përqind më shumë. Por ky zgjodhi atë rrugë. Kaq!”, tha Berisha.
TIRANË-Sali Berisha, Kryetari i Partisë Demokratike në konferencën e sotme ka theksuar sërish se masa e vendosur është anti-kushtetuese. Ai ka kërkuar që gjykata të heqë masën dhe më pas do të zgjedhë të shkoj. Berisha tha se ka qenë vetë ai nismëtar i ligjit për heqjen e imunitetit dhe mandatit, por u refuzua në atë kohë, sipas tij nga Kryeministri Edi Rama, atë kohë kryetari i partisë në Opozitë.
"Është ndryshe kjo, nuk është se unë nuk pranoj të shkoj në Gjykatë. E deklaroj me sinqeritet se unë sa herë të thirrem do të shkoj, Të heqë gjykatësi masën antikushtetuese dhe ta provojë shkoj apo nuk shkoj unë,. Vendosja e kësaj mase pa marrë leje nga Parlamenti është përdhosje e ligjeve, se ka një gjykatëse të papërgjegjshme, vasale të mjerë, nuk ia lejoj vetes që të shkel Kushtetutën. Deputeti të ruajë veten të punoj, por në këtë mënyrë si e bën Rama është republika e kanabisit, e drogës"
TIRANË- Gjatë konferencës për shtyp, kryetari i Partisë Demokratike, Sali Berisha u shpreh se në periudhën e emetimit të letrave me vlerë, bashkëshortja e kryeministrit Edi Rama ishte drejtoreshë e privatizimit.
Berisha: Ka patur një rritje 8.3 përqind. Ju them atyre që shpifin duke cituar dacibaon e prokurorisë. Një gazetar duhet të paraqes të dyja palët. Krijojnë narrativa nga më primitive. Ky djalosh me 113 m2, doli me 5.2 mln euro. Gjithcka e bazuar në shpifje dhe në turpin e tyre. Beteja vazhdon në të gjitha planet. Ata po bëjnë gjyqin e Reformave. U dekretuan letrat me vlerë, të cilët kishin paguar 700 mijë euro me procedurë. Duhet të jesh i verbër i pacipë që të lëshosh prosupozime të tilla. Të lexonte veprat e Lindës, që ka qenë drejtoresh e privatizimi për tu mburrur me letrat me vlerë.
TIRANË- Sali Berisha, Kryetari i Partisë Demokratike në një konferencë për shtyp ditën e sotme ka quajtur aktakuzën e ngritur të turpshme. Berisha bën fajtor dhe instruktor të gjithë gjyqit të ngritur Kryeministri Edi Rama, i cili ka përdorur në mënyrë abuzive, sipas tij, dokumenta të cilat dizinformojnë.
Berisha ka vijuar konferencën gjatë momentit që ai ka pritej të shkonte në seancën e radhës në GJKKO-së për çështjen e privatizimit të ish-Klubit Partizani.
"Në vitin 2008, vendimi me të cilin në mënyrë më të pafytyrë, akuzohem për korrupsion pasiv sepse qenka bërë për të fituar dhëndri im pronar. Pafytyrësia nuk mund të ketë emër tjetër. Vendimi nuk kishte asnjë lidhje, dhe Jamarbër Malltezi pronar, bashkë me 64 pronarë të tjerë, i detyroheshin shtetit 794 mijë euro ose dollarë në atë kohë.
Ky grup pronarësh, 1 muaj përpara se të dalë vendimi, kishte paguar qindarkë për qindarkë 700 mijë euro me fatura bankare, pa asnjë bono privatizimi. Sepse vendimi nuk kishte dalë. Pra, këta kishin mbetur debitorë afërsisht 100 mijë dollarë. Në këto 100 mijë dollarë, këta përdorën sipas ligjit 80 mijë. Dhe në total në pagesën e tyre, bonot e privatizimit janë gjithsej 11.4 përqind. Për objektet rrangullina që blenë dhe për tokën truall shteti në kuadrin e detyrimit ligjor.
Kjo është e vërteta, të gjitha variantet e tjera janë një shpifje e turpshme që fryhen dhe pompohen nga media të qeverisë dhe jo vetëm, në funksion të piramidës së mashtrimit, të dacibaos së mashtrimit të Edi Ramës dhe prokurorëve të tij.
Në vazhdim, janë përdorur dhe mijëra qytetarë të tjerë i kanë përdorur bonot e privatizimit për legalizimin e banesave dhe për privatizime të vogla, se të mëdhatë u bënë me formulë tjetër. Kjo është e vërteta dhe unë do i marr një nga një para jush dhe shqiptarëve. Kjo është aktakuzë e turpshme ndaj një reforme, që ekziston edhe sot. Këtu kam një vendim të vitit 2015 që thotë pse ua zgjasim këtë. Bonot përdoren si një detyrim ndaj qytetarëve se ti privatizove një ekonomi të tërë dhe ti mbete duarbosh. Nëpërmjet tyre kanë marrë diçka. Sigurisht nuk them se funksionuan, por jo edhe jashtë funksionit. Se janë lekët e privatizimit rreth 20 miliardë, janë mbi 12 miliardë privatizime të tjera. Dhe prapë janë një stok i madh të papërdorura.
Edhe këta që kanë ardhur mbrapa, nuk kanë nxjerrë një ligj për t’i anuluar, por i kanë zgjatur afatin. Sepse nuk ka një bazë morale ajo. Jepu mundësi t’i përdorin si një shpërblim sado i vogël për ato që u privatizuan në këtë vend. Pra është e tëra një aktakuzë ndaj reformës."
TIRANË- Teksa kryetari i Partisë Demokratike, Sali Berisha ka refuzuar të paraqitet në GJKKO për t’u marrë në pyetje, avokati i tij Genci Gjokutaj ka mbërritur pranë ambienteve të gjykatës. Berisha zgjodhi të mbajë një konferencë me gazetarët në orarin e caktuar nga GJKKO për marrjen në pyetje të ish-kryeministrit lidhur me privatizimin e ish-kompleksit sportiv Partizani.
Kryetarit të Partisë Demokratike, gjykata i ka dhënë masën “detyrim paraqitje” dhe ndalim i lëvizjes jashtë vendit. Gjykata e cilëson si të njoftuar Berishën për vendimin dhe më pas është e detyruar të zbatojë procedurën përkatëse. Pas këtij momenti, Berisha është ai që vendos nëse do të jetë i pranishëm apo jo në seancë ose mund t’i drejtohet Gjykatës së Apelit për të kundërshtuar këtë vendim./Dosja.al
TIRANË- Sali Berisha, kryetari i Partisë Demokratike refuzoi të paraqitej sot në gjykatë dhe zgjodhi të dilte në konferencë për median. Berisha deklaroi sot se procesi monstruoz politik që kryeministri Edi Rama ka nxitur kundër tij dhe familjes së tij po synon të godasë reformat e suksesshme të bëra në vitet e qeverisjes së PD-së.
Berisha: Siç e dini, Edi Rama i ka shpallur luftë opozitës dhe unë u them demokratëve kudo që janë, se me aktin e fundit, ai ka shpallur një luftë totale, për të cilën ne do i përgjigjemi me të gjithë forcën dhe mundësitë tona. Procesi është procesi më politik i këtij shekulli. Në proces nuk është vetëm Sali Berisha dhe familjarët e tij, jo, absolutisht. Në proces janë reformat epokale të PD-së, të cilat goditen nga një gardë pretoriane, të cilat goditen nga falanga politike krimi, në një analizë që dëshmon urrejtjen e tyre për reformat e tregut të lirë dhe demokracisë që ka ndërmarrë PD në vite. Çdo demokrat duhet të ndjehet krenar me to.
