Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryeministri Edi Rama ka prezantuar ditën e sotme Ministren e re të Shëndetësisë Evis Sala. • Gjatë fjalës së tij, Rama theksoi se Sala ka spikatur si akademike si mjeke dhe si drejtuese në shumë spitale apo institute në botë. • Teksa po prezantonte Salën, Rama ka treguar përparësitë e qeverisë 'Rama 4' në sistemin shëndetësor. • Sipas Ramës, krijimi i ekselencave dhe përfshirja e Inteligjencës Artificiale në sistemin shëndetësor janë shtyllat që ata do të mbështeten. • Kryeministri ka deklaruar se do të hapet dhe një universitet mjeksor në Fier si dhe duhet që të ndërtojnë një spital ekselence për të përballuar kërkesa të larta gjatë sezonit veror. • Ndërsa ministrja e re e Shëndetësisë Evis Sala në fjalën e saj të parë ka deklaruar se barnat onkologjikë duhet që të jenë 100% të rimbursueshme. • Një tjetër pikë që Sala përmendi është edhe largimi i mjekëve jashtë, duke theksuar se kjo duhet që të ndalohet duke ofruar kompesim të barabartë.
6 artikuj për këtë temë.
TIRANË- Kryeministri Edi Rama ka bërë disa batuta më mjekët në fund të prezantimit të Ministres së Shëndetësisë Evis Sala. Rama theksoi se mjekët janë një komunitet i njohur për teka dhe për naze, duke shtuar se shpreson që të mos kenë naze me Ministren e re. Ndërkohë që më tej ka shtuar se së bashku ata të bëjnë se shërbimi shëndetësor të jetë elitar në spitalet e vendit.
"Duke qenë se jeni komunitet i njohur për naze, është diçka që na e keni mësuar se jeni nazeli e tekanjozë të mëdhenj, edhe për shkak edhe të stresit të madh besoj, nuk ma ha mendja se keni ndonjë naze të mundshme për të bërë për ministren që është njësoj sikur ta keni nxjerrë vetë.
Kjo mund të jetë shumë e mirë, por edhe shumë e rrezikshme sepse s’ka profet në fshatin e vet. Është kthyer në fshatin e vet, uroj që as mos t’ju hajë dhe as mos ha hani, por së bashku të bëni që shërbimi shëndetësor të njohë në këtë qendër një xhevahir të kurorës në të gjitha kuptimet e fjalës”, tha Rama.
TIRANË- Kryeministri Edi Rama ka deklaruar se QSUT-ja duhet që të tërheq jo vetëm mjek shqiptarë por edhe të huaj. Gjatë fjalës së tij në prezantimin e Ministres Evis Sala, Rama ka theksuar se ambiciës nuk duhet t'i vendosin limit. Ndërkohë që ka shtuar se QSUT-ja duhet të jetë mes 500 spitaleve më të mira të botës.
"Nuk duhet të vendosim asnjë limit në ambicie, ta shohim si të natyrshme të tërheqim jo vetëm mjekë shqiptarë që janë jashtë, por edhe mjekë të huaj për të punuar bashkë me ju. Jemi në momentin e duhur për të rienergjizuar të gjithë së bashku veten dhe për ta parë çdo gjë si fillim të ri. Kjo infrastrukturë që nuk ka çfarë ti ketë zili fare as spitaleve më në zë, është për momentin mure, pajisje, dhe hapësira. Sdfia është që edhe shërbimi brenda të jetë në të njëjtin nivel.
Nuk mund të pretendojmë të hyjmë në 100 spitalet më të mira të botës, për 1001 arsye. S’kemi pse QSUT të mos e kemi në 500 spitalet më të mira të botës, s’ka asnjë arsye pse jo. Problem nuk është profesionalizmi, por integriteti i të gjithë trupës, dhe kapaciteti i trupës për të prodhuar sukses. Është gjithçka tjetër nga sa bën secili individualisht," tha Rama.
TIRANË- Ministrja e re e Shëndetësisë Evis Sala ka deklaruar se barnat onkologjikë duhet që të jenë 100% të rimbursueshme. Gjatë fjalës në prezantimin e saj, Sala deklaroi se kjo është një sfidë e saj personale që do ta realizojë.
"Për mua sot është një ditë shumë emocionuese. Në planin personal rikthehem në një vend ku ka studiuar. Megjithëse nuk e njoh, mund të kisha humbur, ndryshimet janë thelbësore. Është më mirë nga ana strukturore se sa në spitale ku kam punuar. Kur e shef sa mirë është ana e strukturës së spitale. Është një sfidë e madhe, por ata që më e njohin e dinë që kam dëshirë për të përballuar sfida. Megjithatë sfidat i kam përballuar gjithmonë me skuadër, se suksesi i njeriut varet nga suksesi i skuadrës që krijon. Duhen bërë shumë ndryshime. Duhet njohur ajo punë që është bërë. Në qoftë se çalon menaxhimi, atëherë performanca e shërbimit çalon. Ajo që dua të fokusoj punën time, mendoj që është e rëndësishme zgjidhja sa më parë e rimbursimit të barnave onkologjike. E palejueshme për ne që barbat onkologjike nuk janë plotësisht të rimbursueshme. Kjo është një sfidë edhe e imja. Është e bëshme”, tha Sala.
Ndërkohë që një tjetër pikë që Sala përmendi është edhe largimi i mjekëve jashtë, duke theksuar se kjo duhet që të ndalohet duke ofruar kompesim të barabartë.
“Do mbyllim rrjedhjen e mjekëve të mirë. Kam një pasion të veçantë për ristrukturimin dhe mësimdhënien e brezit të ri. Suksesi i një drejtuesi është ekipi që krijon, brezat që lë nga mbrapa. Asnjë gjë nuk bëhet vetëm, këtij oqeani të madh i jemi futur të gjithë bashkë dhe asgjë nuk është e pamundur”, tha Sala.
TIRANË- Kryeministri Edi Rama ka deklaruar se do të hapet në universitet mjeksor në Fier. Gjatë fjalës së tij në prezantimin e Ministres së re të Shëndetësisë Evis Sala, Rama deklaroi se në këtë mandat duhet që të ndërtojnë një spital ekselence për të përballuar kërkesa të larta gjatë sezonit veror.
"Kemi nisur bashkëpunimin per spitalin onkologjik me spitalin SHEBA në Izrael, duam të shkojmë me hapjen e një Universiteti në Fier. Duam të shkojmë më tutje edhe me ndertimin e një spitali ekselence që të ofrojë sherbime, si pikë referimi e turizmit shëndetësor dhe të përballojë kërkesa sidomos gjatë sezonit veror dhe nga ana tjetër jemi në diskutime për të lidhur partneritet me një nder kompanitë më të njohura në fushë e AI në sherbim te shëndetësisë", tha Rama.
TIRANË- Kryeministri Edi Rama ka treguar ditën e sotme përparësitë në sistemin shëndetësor. Gjatë fjalës së tij në prezantimin e Ministres së re të Shëndetësisë Evis Sala, Rama deklaroi se në këtë mandat duhet që të hapin një spital të ri në Fier dhe të ndërtojnë një spital ekselence për të përballuar kërkesa të larta gjatë sezonit veror.
"Duam të shkojmë me hapjen e një spitali të ri në Fier dhe ndërtimin e një spitali ekselence që të ofrojë dhe shërbime dhe të jetë në gjendje të përballojë kërkesa shumë të larta sidomos gjatë sezonit veror. Po ashtu jemi në diskutime për të lidhur partneritet strategjik me kompanitë më të mirënjohura në shërbim të shëndetësisë…që deri tani ka Mbretëria e Bashkuar. Të gjitha këto do të jenë në fokusin e ministrisë së re. Po ashtu janë dy shtylla me rëndësi mbi të cilat do të mbështetemi, nga njëra anë krijimi i ekselencave, dhe përparësia e Inteligjencës Artificiale në sistemin tonë shëndetësor,” tha Rama.
TIRANË- Kryeministri Edi Rama ka prezantuar ditën e sotme Ministren e re të Shëndetësisë Evis Sala. Gjatë fjalës së tij, Rama theksoi se Sala ka spikatur si akademike si mjeke dhe si drejtuese në shumë spitale apo institute në botë. Më tej Rama theksoi se figura e ministres së re është shumë e vlerësuar dhe me një karrierë prej 30 vitesh.
“Jam besimplotë për të ardhmen e shërbimit shëndetësor sot, kur ju prezantoj me ministren e re të Shëndetësisë. Jam i bindur se shumëkush e njeh si studente të dikurshme me shkëlqim në Fakultetin e Mjekësisë, që për gati 30 vite ka zhvilluar një karrierë ndër më mbreslënëset. Ka spikatur si akademike, mjeke dhe drejtuese në spitalet më të njohura të botës, ka punuar në qendrën spitalore të betejës me kancerin. Ka thelluar studimet ne Universistetin e Kembrixhitit. Para se të vinte në Shqipëri këto ditë, drejtonte Qendrën për Imazheri Diagnostike dhe Radioterapi Onkologjike në Poliklinikën “Gemelli”. Ka publikuar mbi 300 artikuj shkencorë, mbajtur mbi 500 kumtesa dhe ligjërata në forume ndërkombëtare. Po ashtu, është një personalitet i vlerësuar me çmime prestigjioze ndërkombëtare”, tha Rama.
