"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kryeministri Edi Rama ndodhet ditën e sotme në Malin e Zi, ku ka marrë pjesë në samitin e liderëve të Ballkanit Perëndimor dhe Bashkimit Evropian, i cili është mbajtur në Kotor. • Pas përfundimit të samitit, Rama ka zhvilluar një bashkëbisedim me gazetarët, ku ka deklaruar se qëllimi është Shqipëria e vitit 2030 të jetë gati për tu ulur në tryezën e BE-së. • Duke folur pas përfundimit të Samitit në Malin e Zi, Rama theksoi se Shqipëria duhet që të bëjë detyrat e shtëpisë dhe të meritojnë anëtarësimin në BE. • Kryeministri ka komentuar edhe edhe deklaratën e Aleksandër Vulin, i cili ka thënë se vetëm bota serbe e ndal Shqipërinë e Madhe. • Rama tha se pas të 40-ve çdo njeri mban përgjegjësi për fytyrën që ka. • Më tej ai shtoi se nëse do të shihet fytyra e Vulin, nuk ka nevojë për asnjë koment tjetër. • Teksa po fliste për bashkëpunimin me opozitën për reformat, Rama tha mes tyre duhet të krijohet një zonë e ndaluar për sherret. • Ai deklaroi se draft rezoluta për reformën antikorrupsion ka kaluar në Kuvend dhe duhet t’i nënshtrohet procedurës parlamentare.
5 artikuj për këtë temë.
TIRANË - Kryeministri Edi Rama, ka hedhur poshtë akuzat e opozitës se rezoluta anti-korrupsion e PS ka si për qëllim kapjen e drejtësisë. Në një bashkëbisedim me gazetarët nga Mali i Zi, Rama u shpreh se këto janë spekulime. Kreu i qeverisë thotë se ishte ai dhe PS që çuan para reformën në drejtësi dhe e mbështesin atë pa ekuivok.
“Ky është muhabet kot. Në rast se do imagjinohej diçka e tillë do duhej të kalonte përmes ndryshimeve kushtetuese. Si mundem unë të kem një synim të tillë kur isha unë me PS që i dhamë jetë SPAK dhe i japim sot mbështetjen pa kushte dhe deri më sot nuk e di të kemi hap ndonjëherë gojën për të komentuar veprimtarinë e SPAK”, tha Rama.
TIRANË- Kryeministri Edi Rama ka deklaruar se me opozitën duhet të krijohet një zonë e ndaluar për sherret, në mënyrë që të bashkëpunojnë për reformat. Në një bashkëbisedim me gazetarët, Rama tha se draft rezoluta për reformën antikorrupsion ka kaluar në Kuvend dhe duhet t’i nënshtrohet procedurës parlamentare.
"Nuk jam në dijeni, se është depozituar draft rezoluta në parlament, do të ketë procesin e saj, njësoj si kemi bërë me reformën në drejtësi, do ta bëjmë në të gjitha rastet pjesën tonë. Për çështje të caktuara kërkohet një konsensus edhe më i gjerë. Edhe sepse në fund të ditës, të gjitha partitë nuk e diskutojnë që destinacioni është BE. Të krijohet një hapësirë, një zonë e ndaluar për sherret që të mund të vazhdojnë në hapësirat e tjera dhe aty të flitet me gjuhën e ekspertizës dhe jo me gjuhën e shthurur të politikës të ditës," tha Rama.
TIRANË- Kryeministri Edi Rama ka komentuar deklaratën e Aleksandër Vulin në lidhje me Shqipërinë e Madhe. Duke folur nga Mali i Zi, Rama tha se pas të 40-ve çdo njëri mban përgjegjësi për fytyrën që ka. Duke shtuar se nëse do të shihet fytyra e Vulin, nuk ka nevojë për asnjë koment tjetër.
"Një njeri i mençur ka thënë se pas të 40 çdo njeri mban përgjegjësi për fytyrën që ka, nëse e shikoni fytyrën e personit të cilit i referoheni, mendoj se s’ka nevojë për asnjë koment tjetër," tha Rama.
MALI I ZI- Kryeministri Edi Rama ka deklaruar se qëllimi është Shqipëria e vitit 2030 të jetë gati për tu ulur në tryezën e BE-së. Duke folur pas përfundimit të Samitit në Malin e Zi, Rama theksoi se Shqipëria duhet që të bëjë detyrat e shtëpisë dhe të meritojnë anëtarësimin në BE.
“Ne kemi qenë në themelin e të gjithë ndryshimit. Qëllimi është që Shqipëria në 2030 të jetë gati për tu ulur në tryezën e BE. Këmbëngulja ime ka qenë që ndërsa bëjmë detyra e shtëpisë që ta meritojmë anëtarësimin duhet të dinë që duhet më shumë mbështetje dhe të hapen rrugën në tregun e përbashkët pa qenë nevoja të jemi anëtar”, tha ai.
MALI I ZI- Kryeministri Edi Rama ka deklaruar se kanë dakordësuar dokumentat individuale të secilit vend për të gjitha reformat që lidhen me planin e ri të rritjes. Duke folur nga Mali i Zi, Rama tha se nga sot nis zbatimi dhe mundësia e lëvrimit të granteve dhe kredive për projektet. Po ashtu ai ka theksuar se Shqipëria dotë plotësojë të gjitha detyrat e saj në afat, në mënyrë që të hapen dyert e anëtarësimit në BE.
"E para sot, ne praktikisht sot kemi dakordësuar plotësisht dokumentat individuale të secilit vend për të gjitha reformat që lidhen me planin e ri të rritjes. Janë të gjitha të dakordësuara dhe nga sot fillon zbatimi dhe nga sot fillon edhe mundësia e lëvrimit të parave. E dyta, unë nuk thashë gangrenë, por thashë fenomen shqetësues. Gangrenë ka qenë, tani është një fenomen shqetësues korrupsioni dhe ato reforma që unë prezantova janë reforma, të cilat kërkohen edhe për anëtarësimin në Bashkimin Europian sepse kam dëgjuar shumë broçkulla lidhur me këtë. Interpretime të tipit, “pse tani pas 11 vitesh u kujtua Edi Rama që të reformojë administratën”, ndërkohë që kjo është një mënyrë e të parit shumë dritëshkurtër sepse pikërisht pse në këto 11 vjet, që s’janë bërë akoma se bëhen në tetor ekzaktësisht, kemi bërë gjithë ato që kemi bërë, kemi hapur dhe negociatat.
Ose kur vjen puna te drejtësia që lidhet kjo me SPAK-un, por në fakt po të lexosh udhërrëfyesin e shtetit të së drejtës miratuar edhe të dakordësuar me BE dhe po të shikosh raportin e BE nga diagnoza e procesit të screening, më shumë se 50% të detyrave për Shqipërinë janë detyra që lidhen me sistemin e drejtësisë. Pra, të gjitha këto se bashku do të bëjnë të mundur që ne të jemi anëtar të Bashkimit Europian, ndërsa plani i ri i rritjes lidhet specifikisht me reforma dhe masa të caktuara që janë dakordësuar, i kemi vendosur në tavolinë cilat do të jenë, kur do të bëhen dhe ata do të ndjekin në rrugë e sipër nëse ne do t’i bëjmë dhe do t’i bëjmë në afat. Unë jam i bindur që do t’i bëjmë në afat, se s’ka asnjë arsye për të mos i bërë. Ndërkohë kundër kësaj do të fitojmë ato pjesë të integrimit të plotë sipas atyre hapësirave që janë hapur për momentin. Pra do të bëhemi anëtar të Bashkimit Europian në ato hapësira dhe nga ana tjetër do të marrim dhe fondet, patjetër," tha Rama.
