Rama nderohet me Medaljen Presidenciale në Izrael: Shqipëria u bë strehë për popullin hebre! Jemi mbështetëse për zgjidhjen me dy shtete

Rama

IZRAEL- Kryeministri Edi Rama është nderuar me Medaljen Presidenciale të Nderit akorduar nga Presidenti i Izraelit, Isaac Herzog. Gjatë fjalës së tij, Rama u shpreh se ky është nder i jashtëzakonshëm për të, teksa shtoi se Shqipëria është për zgjidhjen me dy shtete. Ai theksoi se Hamasi nuk është lëvizje rezistence por janë nazistët e shekullit të ri.

“Siç e kam thënë më parë, dua ta përsëris dhe tani, Shqipëria ka qenë gjithmonë mbështetëse e zgjidhjes me dy shtete, por në këndvështrimin tim e në këndvështrimin tonë, nuk ka zgjidhje me Hamasin aty dhe ndryshe nga ç’janë përpjekur të tjerët të thonë, Hamasi nuk është lëvizje rezistence. Hamasi janë nazistët e shekullit të ri.

Historia na ka mësuar se me nazistët nuk ka paqe, me nazistët nuk ka kompromis. Duke ju uruar çdo të mirë juve, popullit të Izraelit, gjithë rajonit, e duke pritur me padurim të shoh paqen midis hebrejve dhe arabëve, mbetem vërtetë mirënjohës përgjithmonë, për këtë moment të jetës sime, që jam i sigurt, nuk e meritoj si person, por që jam i sigurt që të gjithë shqiptarët që kanë bërë diçka për hebrenjtë e meritonin këtë moment.”, theksoi ai.

konferenca

IZRAEL- Kryeministri Edi Rama ndodhet ditën e sotme në Izrael, ku u nderua me Medaljen Presidenciale. Ai zhvilloi një konferencë të përbashkët me presidentin izraelit, Isaac Hezog, ku tha se kjo medalje është për të gjithë Shqipërinë. Sipas tij, Shqipëria ishte i vetmi vend që e mbylli luftën e dytë botërore me më shumë hebrenj sesa në fillim të saj. Më tej, kreu i qeverisë tha se Shqipëria u bë strehë mbrojtje për popullin hebre

"Nuk mund të jetë vetëm për mua, por e marr në emër të të gjithë shqiptarëve të cilët vunë veten dhe jetë në rrezik gjatë orëve më të errëta të historisë moderne dhe e kthyen vendin tim në të vetmin vend në Europë që e mbylli luftën e dytë botërore me më shumë hebrenj sesa në fillim të saj.

Ndryshe nga vendet e tjera Shqipëria u bë strehë për popullin hebre dhe hebrenjtë nuk largoheshin, por erdhën për të gjetur strehë, mbrojtje dhe për të qenë të sigurt. Nuk mund të mos kujtoj këtu një prej shumë episodeve të asaj faqeje të lavdishme të historisë sonë kur udhëheqësit fetar, u thirrën nga nazistët për të dhënë qasje dhe dorëzuar arin shqiptar dhe listën e hebrenjve, dhe ata thanë mund të merrni floririn por hebrenjtë janë tanët dhe do t’i mbrojmë. Ata nuk bashkëpunuan me nazistët.", tha Rama. 

dhenia e medaljes

IZRAEL- Kryeministri Edi Rama është nderuar sot nga Presidenti i Izraelit, Isaac Herzog me medaljen presidenciale, urdhri më i lartë civil i Izraelit.

Dy liderët kanë zhvilluar një konferencë të përbashkët për mediat, ku Herzog shprehu mirënjohje për popullin shqiptar dhe kryeministrin Rama për mbështetjen ndaj popullit hebre.

“Nder i madh t’u uroj mirëseardhjen në rezidencën presidenciale dhe tu jap medalje presidenciale të nderit të Izraelit, urdhri më i lartë civil i Izraelit. Kjo medalje nderon ata si ju që kanë ndriçuar botën me udhëheqje të jashtëzakonshme, që kanë dëshmuar miqësinë e guximshme me popullin hebre.  Kodi shqiptar i besës, betimi i shenjtë i nderit mbrojtjes dhe integritet ndihet në këtë holl. Besa ka udhëhequr kombin shqiptar, gjatë Holokaustit, shqiptarët ishin simbol nderi dhe kurajo që u dhanë strehë hebrenjve që arratiseshin nga pjesë të tjera të Europës. Kjo thirrje integriteti e nderi e popullit tuaj gjen jehonë fort në udhëheqjen tuaj”, tha presidenti Isaac Herzog.