Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryeministri Edi Rama ka publikuar sot një videokartolinë lamtumire për liderin historik të Partisë Socialiste, Fatos Nano, i cili u nda nga jeta ditën e djeshme. • Me anë të një postimi në rrjetin social Facebook, Rama ka sjellë një kolazh nga kujtimet e Nanos, në politikë por dhe në jetën private. • Krah videos, Kryeministri shkruan se Fatos Nano u nda nga jeta pas një lufte sfilitëse me sëmundjen. • Rama e konsideron Fatos Nanon si “mikun tim të dikurshëm e të rigjetur sërish”. • Kryeministri shkruan gjithashtu se Nano nuk do të ndahet asnjëherë nga kujtimet dhe nga vendi i nderit në historinë e familjes socialiste. • Rama gjithashtu ka ndarë pamje edhe nga takimet e Nanos me figura të rëndësishme që nga Ibrahim Rugova, Silvio Berlusconi e te Erdogan. • Po ashtu, në këtë videokartolinë, evidentohet dhe martesa e dytë e Fatos Nanos me Xhoanën si edhe momenti kur ai jep dorëheqjen nga drejtimi i PS. • Ndërsa, ish zëvendëskryeministri Arben Ahmetaj shkruan se Fatos Nano la trashëgiminë e një tentative serioze dhe të sinqertë, të liberalizimit të një shoqërie të frustruar nga frika dhe intriga e terrori. • Duke e konsideruar një mik të shtrenjtë të tij, Ahmetaj thotë se Nano, ishte një human, demokrat dhe vizionar. • Nënkryetari i Kuvendit, Agron Gjekmarkaj shprehet se Nano do të kujtohet si një figurë themelore në tranzicionin politik të vendit dhe në jetën parlamentare shqiptare. • Në nderim të ndarjes nga jeta të Fatos Nanos, Këshilli i Ministrave ka vendosur shpalljen Zi Kombëtare ditën e diel, më 2 nëntor 2025, ndërsa homazhet shtetërore do të mbahen po këtë ditë tek Pallati i Kongreseve.
5 artikuj për këtë temë.
TIRANA- Në nderim të ish-kryeministrit të Shqipërisë, Fatos Nano, një prej figurave më të spikatura të politikës shqiptare, të dielën më 2 nëntor 2025 do të zhvillohet ceremonia shtetërore e lamtumirës në Pallatin e Kongreseve në Tiranë. Ceremonia do të nisë në orën 08:30 me homazhet publike, të cilat do të zgjasin deri në orën 11:00.
Më pas, në orën 11:15, nderimet do të vijojnë nga personalitetet më të larta të shtetit dhe Trupi Diplomatik, ndërsa në orën 12:00 do të mbahet ceremonia zyrtare e lamtumirës në prani të autoriteteve shtetërore dhe përfaqësuesve ndërkombëtarë.
Pas përfundimit të ceremonisë shtetërore, kortezhi funebër do të shoqërojë trupin e Fatos Nanos drejt vendprehjes së tij, në një ceremoni private familjare.
NJOFTIMI:
Në nderim të ish-Kryeministrit të Republikës së Shqipërisë, Fatos Nano, udhëheqës dhe politikan i shquar, do të zhvillohet ceremonia funebre shtetërore ditën e diel, më 2 nëntor 2025, në Pallatin e Kongreseve, Tiranë.
Programi i ceremonisë:
08:30 – Fillimi i homazheve publike;
11:00 – Përfundimi i homazheve publike
11:15 – Homazhet e personaliteteve shtetërore dhe të Trupit Diplomatik;
12:00 – Ceremonia funebre e Lamtumirës, në prani të autoriteteve të larta shtetërore dhe përfaqësuesve të Trupit Diplomatik.
Pas përfundimit të ceremonisë shtetërore, kortezhi funebër do të përcjellë trupin e të ndjerit për në banesën e fundit, në një ceremoni private familjare.
Sinjali televiziv i të gjithë ceremonisë do të mundësohet nga regjia qendrore dhe do të transmetohet drejtpërdrejt në platformat zyrtare në Facebook dhe YouTube.
Fotografët do të kenë pozicionin e tyre të dedikuara në një kënd të posaçëm të Hollit të Pallatit të Kongreseve.
TIRANA- Kryeqyteti do të jetë nesër në zi për t’i dhënë lamtumirën e fundit ish-kryeministrit Fatos Nano, i cili ndërroi jetë të premten, pas një periudhe të gjatë trajtimi në një spital privat për shkak të problemeve shëndetësore. Homazhet do të zhvillohen në Tiranë dhe do të transmetohen drejtpërdrejt në ekranet e mediave kombëtare.
Në ceremoni pritet të mbajë një fjalim kryeministri Edi Rama, ndërsa të pranishëm do të jenë drejtues, ish-funksionarë dhe anëtarë të Partisë Socialiste. Degët lokale të PS-së janë organizuar për të sjellë qytetarë nga rrethet që duan të nderojnë kujtimin e ish-liderit të tyre.
Sipas burimeve për mediat, në ceremoni do të marrë pjesë edhe Flamur Noka si përfaqësues i Partisë Demokratike. Ftesa janë dërguar gjithashtu për përfaqësues të institucioneve dhe politikës së Kosovës, megjithatë presidentja Vjosa Osmani nuk do të jetë e pranishme. Për nder të Fatos Nanos, ambasada e Shqipërisë në Prishtinë do të hapë librin e ngushëllimeve më 3 dhe 4 nëntor 2025, nga ora 10:00 deri në 12:00 dhe 14:00 deri në 16:00.
TIRANË- Ish zëvendëskryeministri, Arben Ahmetaj ka reaguar pas ndarjes nga jeta të liderit socialist, Fatos Nano mesditën e 31 tetorit. Me anë të një postimi në Facebook, Ahmetaj shkruan se Fatos Nano la trashëgiminë e një tentative serioze dhe të sinqertë, të liberalizimit të një shoqërie të frustruar nga frika dhe intriga e terrori. Duke e konsideruar një mik të shtrenjtë të tij, Ahmetaj thotë se Nano, ishte një human, demokrat dhe vizionar.
Reagimi:
Fatos Nano la trashëgiminë e një tentative serioze dhe të sinqertë të liberalizimit të një shoqërie të frustruar nga frika dhe intriga e terrori. Fatos Nano tentoi, diku-diku dhe i vetëm të referonte diturinë në themel të një shoqërie.
Shumëkush gatoi, hëngri e “ndërtoi” mbi liberalizmin dhe dashurinë e tij për "armiqtë", i vetëçarmatosur nga thikat edhe ditën e tij të “Zeusit” të vdekshëm. Human, demokrat dhe vizionar! Mik i shtrenjtë për mua [????] ! U prehsh në paqe!
TIRANË- Nënkryetari i Kuvendit, Agron Gjekmarkaj, ka reaguar me një mesazh ngushëllimi pas ndarjes nga jeta të Fatos Nano, i cili humbi betejën me sëmundjen ditën e djeshme pas 24 ditësh në reanimacion. Me anë të një postimi në Facebook, Gjekmarkaj shprehet se Nano do të kujtohet si një figurë themelore në tranzicionin politik të vendit dhe në jetën parlamentare shqiptare.
Reagimi i Gjekmarkaj:
Mesazh ngushëllimi. Me hidhërim po percillet lajmi i ndarjes nga jeta i ish-Kryeministrit dhe ish-Kryetarit të Partisë Socialiste, z. Fatos Nano. Në emër tim personal dhe si Nënkryetar i Kuvendit të Shqipërisë, shpreh ngushëllimet më të sinqerta për familjen, të afërmit dhe miqtë e tij.
Z. Nano do të kujtohet si një figurë themelore në tranzicionin politik të vendit dhe në jetën parlamentare shqiptare.
Befasia antikonformiste, pranimi i kundershtarit si i tille e jo si armik, fjalori plot nuanca deri ne autoironi, aftësia për të bërë marrveshje e lejuar rrotacionin, vullneti reformues, mbeten vlera udhërrefyese per politiken shqiptare! U prehtë në paqe e ameshim./Dosja.al
TIRANË- Kryeministri Edi Rama ka publikuar sot një videokartolinë lamtumire për liderin historik të Partisë Socialiste, Fatos Nano, i cili u nda nga jeta ditën e djeshme. Me anë të një postimi në rrjetin social Facebook, Rama ka sjellë një kolazh nga kujtimet e Nanos, në politikë por dhe në jetën private.
Krah videos, Kryeministri shkruan se Fatos Nano u nda nga jeta pas një lufte sfilitëse me sëmundjen. Rama e konsideron Fatos Nanon si “mikun tim të dikurshëm e të rigjetur sërish”. Kryeministri shkruan gjithashtu se Nano nuk do të ndahet asnjëherë nga kujtimet dhe nga vendi i nderit në historinë e familjes socialiste.
Postimi i Ramës:
MIRËMËNGJES dhe me këtë videokartolinë lamtumire për liderin historik të socialistëve, mikun tim të dikurshëm e të rigjetur sërish, Fatos Nanon, i cili u nda nga jeta pas një lufte sfilitëse me sëmundjen, por që nuk do të ndahet asnjëherë nga kujtimet tona e nga vendi i nderit në historinë e familjes sonë të madhe, u përcjell të gjithë atyre që e patën kryetar, shok e mik, ngushëllimet e mia vëllazërore./Dosja.al
