Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryeministri Edi Rama ka prezantuar ditën e sotme kandidatët për deputet në qarkun e Gjirokastrës. • Gjatë fjalës së tij, Rama tha se 11 maji është një ditë e jashtëzakonshme, ku do të vendoset fati europian i vendit për 4 vitet e ardhshme. • Ai u shpreh se mundësia e Shqipërisë për integrimin në Bashkimin Europian është reale dhe aktuale, ndërsa shtoi se ky moment nuk do të zgjasë deri në pafundësi. • Rama u shpreh sot se integrimin në Bashkimin Europian e bën të mundur vetëm Partia Socialiste, ndërsa sipas tij 11 maji është votim historik që do të ndajë një epokë nga një epokë tjetër. • Kreu i qeverisë theksoi se me futjen në BE qytetarët shqiptarë do të kenë të drejta të barabarta me francezët apo holandezët. • Ai shtoi më tej se PS i dha "shpatën drejtësisë", pasi duan që drejtësia të forcohet dhe të rritet. • Në listën e hapur të PS për qarkun e Gjirokastrës bëjnë pjesë Anila Dhimitri, Pirro Dhima, Shyqeri Hysi dhe Tërmet Peci. • Në listën e mbyllur është Mirela Kumbaro.
4 artikuj për këtë temë.
GJIROKASTËR- Kryeministri, Edi Rama është shprehur se shqiptarët të cilët do të votojnë më 11 Maj, nuk duhet të shohin ngjyrën e partisë të cilën e cilësoi si ngjyra e macës. Rama tha se duhet ndjekur porosia se nuk ka rëndësi ngjyra e maces por duhet ti jepet rëndësi se ajo mace kap minj. Duke e krahasuar PS-në me një mace, Rama u shpreh se ata janë aq të zotë sa kapin edhe minjtë e vet dhe jo vetëm të komshiut.
"Nuk ka lidhje çfarë ngjyre ka macja, unë them që të gjithë shqiptarët që votojnë më 11 Maj nuk duhet të shohin çfarë ngjyre kemi ne, por të ndjekin porosinë “mua smë intereson çfarë ngjyre ka macja, por që macja të kapi minjtë”.
Dhe minjtë në këtë vend i kapim vetëm ne, madje jemi aq të zotë sa kapim edhe minjtë tanë, jo vetëm të komshiut. Dhe këtë neve këta na e këndojnë si një gjë për të cilën duhet të ulim kokën, por ne duhet ta mbajmë kokën edhe më lart nga çfarë e kemi mbajtur zakonisht edhe për këtë arsye që për hir të historisë që po shkruajmë së bashku," tha Rama.
GJIROKASTËR- Kryeministri, Edi Rama gjatë fjalës së tij në prezantimin e kandidatëve për deputet në Gjirokastër ka folur në lidhje me anëtarësimin e Shqipërisë në BE. Rama u shpreh se 10 vitet e fundit BE e ka mbështetur Shqipërinë në totalin e vet me rreth 1 miliardë.
Teksa po tregonte rreth mbështëtjes së BE-së ndaj vendit tonë, Rama u shpreh se Bashkimi Evropain ka dhënë rreth 200 mln euro. Sipas tij në momentin që do bëhemi pjesë e BE-së do të kemi përfitime rreth 300 mln euro për bujqësinë. Ai gjithashtu u bëri thirrje demokratëve që ta votojnë pasi sipas tij PD-ja të cilën e cilësoi si këneta po i gënjen.
"Në 10 vitet e fundit BE e ka mbështetur Shqipërinë në totalin e vet me rreth 1 miliardë euro, në momentin që bëhemi anëtarë të BE na jep çdo vit 1 miliardë euro. Në të gjithë këto vite, BE e ka mbështetur Shqipërinë për Bujqësinë me më pak se 200 mln euro, që kanë qenë shumë për ne, në momentin që bëhemi anëtarë të BE na jep 300 mln euro në vit për bujqësinë. Interesi puro personal, mund të jesh një prind demokrat dhe na dëgjon e thua ‘këta maskarenj prapë duan pushtet këta, por çfarë duan më këta’.
Por ka një llogari tjetër që duhet të bësh, s’je i detyruar të më pëlqesh as mua, as Mirelën, as tërmetin jo e jo se s’ke çfarë i pëlqen fare, askënd këtu, por do të bësh një llogari të thjesht që ne këtu, që nuk ju pëlqejmë mund të fusim vendin në BE dhe askush tjetër nuk e fut dot.
Duhet ta shikosh nga pozita si prind për fëmijën tënd që bufi i kënetës mund të të bëjë të shpresosh kot se po mundemi ne, por nuk të bën atë që ty të duhet, që fëmijës tënd që sot është 14 vjeç dhe pas 4 vitesh kur ai do të shkojë jashtë për të studiuar i jep pasaportën e BE, dhe kur merr pasaportën nuk trajtohet më si student i huaj me kuota dhe tarifa që janë ndryshe, trajtohet si student europian," tha Rama.
GJIROKASTËR- Kryeministri Edi Rama u shpreh sot në Gjirokastër se integrimin në Bashkimin Europian e bën të mundur vetëm Partia Socialiste. Rama u shpreh se 11 maji është votim historik që sipas tij do të ndajë një epokë nga një epokë tjetër.
Kreu i qeverisë theksoi se me futjen në BE qytetarët shqiptarë do të kenë të drejta të barabarta me francezët apo holandezët. Ai shtoi më tej se PS i dha "shpatën drejtësisë", pasi duan që drejtësia të forcohet dhe të rritet.
"Askush tjetër nuk do mundet dot ta bëjë atë që po bëjmë sot. Ne jemi forca e duhur, në kohën e duhur. Këtë gjë mund ta bëjmë vetëm ne. Demokratët duhet t’i bien lapsit dhe ta bëjnë si patriot për interesin kombëtar, ta kapërcejnë këtë problem, që nuk e pëlqejnë PS. 11 maji është votim historik të ndajë një epokë nga një epokë tjetër. Do kemi të njëjtat të drejta, të njëjtat mundësi, do gëzojmë të njëjtat privilegje që kanë francezët apo holandezët. Pse na duhet BE ne, si komb, si shtet. Pa BE, ne nuk do ta kemi asnjëherë të sigurt që ky vend do të kthehet mbrapsht, që ky vend do respektojë të drejtat individuale të njeriut. E kemi shumë të thjeshtë shembullin. Ne jemi vendosur me të gjithë problemet dhe kostot tona, nga një drejtësi e pavarur, që ne i kemi dhënë shpatën. Ne duam që drejtësia të forcohet, të rritet. E keni dëgjuar bufin, më 12 maj do shkrijë SPAK. Kjo për t’iu thënë, që pas x vitesh vjen dikush tjetër që ka mendje tjetër. Nëse ne hyjmë në BE, askush nuk ndryshon dot gjë të asaj familjeje të madhe.", tha Rama.
GJIROKASTËR- Kryeministri Edi Rama po prezanton kandidatët për deputet në qarkun e Gjirokastrës. Gjatë fjalës së tij, Rama tha se 11 maji është një ditë e jashtëzakonshme, ku do të vendoset fati europian i vendit për 4 vitet e ardhshme.
Ai tha mundësia e Shqipërisë për integrimin në Bashkimin Europian është reale dhe aktuale. Më tej shtoi se ky moment nuk do të zgjasë deri në pafundësi, prandaj nuk duhet humbur kjo mundësi.
"Kemi bërë zgjedhje ku kemi marrë zotime dhe kemi bërë bilance. Por të gjitha kanë një tjetër për atë që do bëhet për qarkun e Gjirokastrës. Ajo që e bën 11 majin një ditë të jashtëzakonshme, ku bëhet fjalë se ku do të jetë Shqipëria 4 vitet e ardhshme. Procesi ynë për negociatat mund të mos kishte zgjedhje në mes. Por këto zgjedhje kanë rëndësi për integrimin në Bashkimin Europian. Mundësia e futjen në BE është reale dhe aktuale. Për herë të parë është bashkuar ylli i fatit tonë më yllin e fatit të tyre. Ata duan të na kenë në BE sa më parë. Por ky moment nuk do të jetë deri në pafundësi.", tha Rama.
