Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Partia Socialiste ka mbyllur sot takimet e fushatës elektorale në qarkun e Dibrës. • Kryeministria Edi Rama ka zhvilluar fillimisht takim me qytetarët e Burrelit. • Rama e nisi fjalën e tij në Burrel me hapjen e Rrugës së Arbrit, ku tha se vlera më e madhe ekonomike që do të sjellë është hapja e horizontit për investimet në turizëm. • Ai u shpreh se në 10 vjeçarin e ardhshëm, Dibra do të jetë pjesa më e lakmuar e metropoliti shqiptar. • Mes batutash, kreu i qeverisë tha se ka konkurrencë mes dibranëve dhe matjanëve, ndërsa shtoi se në mandatin e katërt do të bëhet dhe rruga që lidh Burrelin me Ulzën. • Mes batutash, Rama u shpreh se gjatë fjalës së tij nuk do ta përdorë fjalën çyryk në Burrel pasi janë mërzitur burrat. • Kryesocialisti tha se qytetarët e Burrelit duhet të kujdesen për pronat e tyre, ndërsa shtoi se gjenerata tjetër do të jetojë në Dibrën që do të jetë Zvicra e Shqipërisë. • Pas Burrelit, Rama e ka mbyllur fushatën me takimin në Gjoricë me qytetarët dibranë. • Ai shoqërohej nga dy këngëtarët Noizy dhe Altin Sulku, drejtuesi politik Blendi Klosi dhe zëvendëskryeministrja Belinda Balluku. • Mes batutash, Rama tha se kishte mbajtur premtimin që i kishte dhënë Noizyt se një ditë do shkonte me Lamborghinin e tij në Dibër. • Më tej i tha se do jetë i pari që po me këtë makinë do të futet në rrugën e re të Maqellarës. • Noizy u ngjit në podium dhe i kërkoi Ramës të shtrohej rruga që të çonte në banesën e vjetër të gjyshërve të tij, e cila ishte e gjatë 2 kilometër. • Kreu i qeverisë tha se do ta shtronte rrugën me kushtin që koncertin dhe albumin e radhës, Noizy ta mbajë në Dibër. • Kryesocialisti u shpreh më tej gjatë fjalimit të tij se qarku i Dibrës është prova që në ditën e zgjedhjeve ja vlen të shkosh dhe të votosh. • Rama tha se nëse qytetarët nuk do t'ja kishin besuar votën PS-së në zgjedhjet e kaluara, Peshkopia, Bulqiza, Klosi dhe Mati nuk do të kishin parë asnjë ndryshim. • Ai tha se sot qarku i Dibrës nuk është më një pjesë e shkëputur territori, por është pjesë e metropolit të Shqipërisë. • Kryeministri iu rikthye fjalës "çyryk", me të cilën kishte etiketuar burrat dibranë në takimet e tij të kaluara, ku tha se 11 maji do të jetë test për burrat që nuk e ndjejnë veten "çyryk". • Sipas tij nëse burrat votojnë numrin 5 janë të certifikuar si njerëz të mençur. • Në mbyllje të fjalimit të tij, Rama u shpreh se preferencat partiake nuk janë çështja kryesore e 11 majit. • Ai tha se në 11 maj duhet zgjedhur mes interesave të një populli të tërë dhe jo një grupi personash. • Kryesocialisti e krahasoi Partinë Socialiste me makinën që të çon në rrugën drejt Bashkimit Europian. • Ai ironizoi opozitën duke thënë se nuk mund të lësh "këtë makinë dhe të shkosh ti hipësh gomarit me samarin blu".
11 artikuj për këtë temë.
DIBËR- Kryeministri Edi Rama në mbyllje të fjalimit të tij në takimin përmbyllës të fushatës elektorale në Dibër u shpreh se preferencat partiake nuk janë çështja kryesore e 11 majit. Rama tha se në 11 maj duhet zgjedhur mes interesave të një populli të tërë dhe jo një grupi personash.
Ai e krahasoi Partinë Socialiste me makinën që të çon në rrugën drejt Bashkimit Europian. Kryesocialisti ironizoi opozitën duke thënë se nuk mund të lësh "këtë makinë dhe të shkosh ti hipësh gomarit me samarin blu".
"Do ju lutesha grave dhe vajzave të bashkojnë shoqet, mikeshat, krushkat dhe vjehrrat që partitë nuk janë çështja kryesore e 11 majit. Por një shpresë për Shqipërinë në BE, dhe jo për plakun e pashpresë. Kjo është zgjedhja mes një interesave të një populli të tërë dhe jo një grupi personash. Në zgjedhjet e 11 majit nuk shkohet me flamur partie por më flamurin kuqezi. PS është makina ku duhet hypur për të vazhduar rrugën por jo vetë rruga. A mund ta lësh këtë makinë dhe të shkosh ti hipësh gomarit me samarin blu. Rroftë Dibra. Rroftë Mati. Rroftë Klosi dhe rroftë Bulqiza. Rrofshin nënat dhe gratë dibrane. Dhe rrofshin burrat që do të distancohen nga këneta.", tha Rama.
DIBËR- Reperi me origjinë dibrane, Rigels Rajku i njohur si Noizy ka shoqëruar sot Ramën në takimin përmbyllës të fushatës elektorale në qarkun e Dibrës. Mes batutash, Rama tha se kishte mbajtur premtimin që i kishte dhënë Noizyt se një ditë do shkonte me Lamborghinin e tij në Dibër.
Më tej i tha se do jetë i pari që po me këtë makinë do të futet në rrugën e re të Maqellarës. Noizy u ngjit në podium dhe i kërkoi Ramës të shtrohej rruga që të çonte në banesën e vjetër të gjyshërve të tij, e cila ishte e gjatë 2 kilometër. Kreu i qeverisë tha se do ta shtronte rrugën me kushtin që koncertin dhe albumin e radhës, Noizy ta mbajë në Dibër.
Replikat mes Ramës dhe Noizyt:
Rama: Sot bashkë me mua erdhi edhe Noizy. Por duhet ta dini se nuk ka ardh sot si këngëtar këtu se nuk këndoi as live. Nuk këndoi as live. Ka ardhur për një arsye tjetër, se i thosha unë se jemi shok me Noizyn, o Noizy pa e bo atë Lamborghinin tat me shku plumb pushke në Peshkopi nuk e lë këtë punë. Noizy jo me helikopter, jo me dron, çonte me pa ku janë punimet. Çonte makina të lodhme me më provoku. Tipik dibran. Ta hedh këtej, ti sheh këtej dhe ta fut këtej. Mirë thoshte ka ec, po… ajo po-ja ishte ky "Lamborghini im zor se ikën atje". Do marrësh Lamborghinin dhe do jesh i pari që do futesh nga rruga e Maqellarës në Peshkopi.
Noizy: Nga ura e Shupenzës është vetëm 2 km pa shtruar. Kam gjyshin atje, ta shoh. 2 km janë.
Rama: E kuptoni tani?! I them Klosit, kujdes me atë 4-1. Unë them që meqë nuk u prishëm për atë rrugën e Arbrit, dhe tunelin e Murrizit sikur kishin ardhur xhindet e Dibrës aty mren, nuk do prishemi për 2 km. Kushti është, bëjmë rrugën, por albumin e vet Noizy do e prezantoj te kjo rruga këtu. Do i sjelli gjithë fansat nga Kosova, Maqedonia, se rrugën e kanë. Asaj rrugës do ja vejmë rruga e Noizyt. Dakord kryetar? Do i vëmë gozhda që mos të shkojnë me shpejtësi makinat.
DIBËR- Në takimin e sotëm në Dibër, kryeministri Edi Rama iu rikthye fjalës "çyryk", me të cilën kishte etiketuar burrat dibranë në takimet e tij të kaluara. Rama tha se 11 maji do të jetë test për burrat që nuk e ndjejnë veten "çyryk". Sipas tij nëse burrat votojnë numrin 5 janë të certifikuar si njerëz të mençur.
Për ata që votojnë opozitën, Rama tha se dibranët do ja gjejnë vetë epitetin. Më tej u shpreh se gratë dibrane janë shtyllë e pazëvendësueshme.
"Shokët që kam shokë gjithmonë i kam çyryk të mirë. Ky vend është jastëku i gjelbërt i Tiranës. Në 11 maj duhet ndarë sërish. Shqipëria në Europë brenda kësaj dekade apo Shqipëria mbrapsht në gropë dhe shqiptarët prapë qytetarë të dorës dytë. Këtu nuk ka lidhje sa e do Edi Ramën. A je i majtë a i djthatë. Apo ca tha Edi Rama për gjysmën e burrave. Madje është testi më i mirë se kush nuk e ndjen veten ashtu si thash unë vjen voton nr 5 dhe e ka me certifikatë se është i mençur. Ai që hudhet në kënetë, quajeni si të doni. Gratë në Dibër janë shtylla e pazëvendësueshme.", tha Rama.
DIBËR- Kryeministri Edi Rama u shpreh se qarku i Dibrës është prova që në ditën e zgjedhjeve ja vlen të shkosh dhe të votosh. Rama tha se nëse qytetarët nuk do t'ja kishin besuar votën PS-së në zgjedhjet e kaluara, Peshkopia, Bulqiza, Klosi dhe Mati nuk do të kishin parë asnjë ndryshim. Ai tha se sot qarku i Dibrës nuk është më një pjesë e shkëputur territori, por është pjesë e metropolit të Shqipërisë.
"Dua t'ju them dicka të rëndësishme. Përdorin njerëzit një fjalë nuk ja vlen me votu. Ky qark e ka provën që ja vlen me votu. Mos ja vlente me votu bashkitë e këtij qarku do ishin të gjitha njësoj. Ndryshimet në Peshkopi, Bulqizë, Klos dhe Burrel nuk do ishin mos tja kishin besuar votën PS. Këneta ka hap legjendën, Edi Rama nuk do veriun. Bashkia më pak e investuar nga këneta në qarkun e veriut është Tropoja. Tek këneta kush fitoi Primare është zhduk nga listat. E ka ngrënë bufi. Rrugën e Arbrit nuk dua ta diskutoj më. Sot ky qark nuk është më territor i shkëputur nga pjesa tjetër. Që dikur ishtë rrugë më e gjatë se nga Tirana në New York. Sot ky qark është pjesë e metropolit të Shqipërisë.", u shpreh Rama.
DIBËR- Kryeministri Edi Rama ka mbajtur sot takimin përmbyllës të fushatës elektorale në qarkun e Dibrës. Para se të niste me fjalimin e tij, Rama u shpreh se me përfundimin e Rrugës së Arbrit, Dibra u bë një lagje e Tiranës.
Ai u shpreh se pa zëvendëskryeministren dhe njëkohësisht ish-drejtuesen politike të PS në zgjedhjet e kaluara në qarkun e Dibrës, Belinda Ballukun, kjo rrugë nuk do të arrinte të përfundohej. Ai i dha fjalën Ballukun për të vijuar më pas me fjalimin e tij.
"Kam diçka para se të filloj. Duke pas ardh shpesh prej detyrës në këtë zonë, mësova që këtu është problem kur të rre mendja se i ke knaq dibranët. E kisha fiksim se në se nuk do të përfundonte Rruga e Arbrit, dibranët do thonin nuk është bo gjë akoma. Më vjen mirë që edhe segmenti Maqellarë -Peshkopi është përfunduar. Jeni lagje e Tiranës. Dua ta ndërpres fjalën sepse kjo rrugë ka qenë fiksimi im po nuk do ishte e mundur pa dikë që i ka nejt në kokë ditë nate. Qëllon të jetë dhe dikush që ka nxjerrë fitore Partinë Socialiste. Dua ti jap fjalën Belindës.", tha Rama.
BURREL- Kryeministri Edi Rama tha në takimin në Burrel, se më 11 maj nuk mund të luhet me fatin e Shqipërisë për në Bashkimin Europian. Rama tha se duhet të mbyllen negociatat dhe të përmbushet ajo që ai e quajti "profecia e Gjergj Kastriotit".
Më tej kryeministri tha se sot Dibra është bërë "divani i gjelbërt" i Tiranës, ndërsa ftoi qytetarët e Burrelit që të kujdesen për pronat e tyre. Sipas tij gjenerata tjetër do të jetojë në Dibrën që do të jetë Zvicra e Shqipërisë.
"Janë nga e njëjta farë që polli ndjesë pastë LSI-në çna duhen këto fara që pa dalë akoma, që thonë nëse e kemi në dorë, do të shkojmë në zgjedhje të parakohshme. Çfarë halli kemi ne dhe çfarë fati kemi në dorë që të përmbyllim proceset në 2027. Kemi një buf kënete nga njëra anë, me gjithë liderët atje të PPE dhe nuk lë gjë pa thënë për vendin e vet sikur vjen nga një diktaturë afrikane. Dhe këta të tjerët. Duhet të mbyllim negociatat dhe të përmbushet profecia e Gjergj Kastriotit dhe na përcaktoi fatin tonë, në perëndim dhe jo në lindje.
Keni pa ndonjë gru që lu domino? A keni pa? Skam gjë kundër domino. Por nuk mund të luajmë në domino fatin e Shqipërisë më 11 maj. Dikur talleshin me mua kur thosha se Dibra do bëhet divani jeshil i Tiranës dhe ja erdhi dita, e do vijë dita që do shkojë kafja nuk e di sa euro, 5 vjet janë për dibranët këtu që të bëjnë planet, e që do jetojnë në një vend që do jetë njësoj si Zvicra e Shqipërisë", tha Rama.
BURREL- Kryeministri Edi Rama gjatë fjalës së tij në takimin elektoral me qytetarët në Burrel ka ironizuar dhe opozitën dhe kontratën e PD me kompaninë amerikane.
Rama tha se kryedemokrati Berisha thotë se paratë janë të patriotëve, ndërsa shtoi se kjo është histori më vete.
“Ne menduam se pamë kulmin kur thoshte Luli 7 herë 7 bëjnë 42. Tani ka dalë bufi thotë 7 herë 7 janë 6 milionë. Tani thotë aq janë por nuk janë të miat thotë. Janë të patriotëve që nuk i njof por luftojnë për Shqipërinë që hedhin 6 mln por garant duan PD. Kjo është një histori në vete, është një dardhë që ka nje bisht shumë të gjatë që do dali mbrapa. Jam i sigurt për këtë”-tha Rama.
BURREL- Kryeministri Edi Rama gjatë fjalës së tij nga Burreli ka folur në lidhje me deklaratat e tij rretj burrave. Rama u shpreh se gjatë fjalimit të tij nuk do ta përdorë fjalën çyryk në Burrel pasi janë mërzitur burrat.
Ai ritheksoi se ata nuk kanë pse të mërziten. Rama më tej u ankua në lidhje me raportimet për arritjet e qeverisë pasi sipas tij askush nuk i tregon ato. Ai theksoi se prandaj në çdo takim paraqet të dhënat pasi dëshiron të tregojë se çfarë kanë punuar gjatq 3 mandateve.
"Nuk po them fjalë këtu (fjalën çyryk) se më thanë se janë mërzitur burrat për atë fjalë. Nuk kanë pse mërziten... Kur thuhej në sondazhe se Shqipëria është në rrugën e duhur dhe shifrat dukeshin të pabesueshme, e këta thoshin si ka mundësi.
Njëri thoshte “populli është i sëmurë”, tjetri “është i çmendur”, njëri ia kthente “populli i blerë, i ka blerë Rama”, ose “populli ka frikë e flasin kështu”, e asnjëri nuk e thoshtë që shiko se populli mund ta ketë të drejtë, por flasin si në mejhane. Këtu ka 24 orë ujë, por ata atje përsërisin pa pushim të njëjtat fjalë, s’ka ujë, siguri, njerëzit po vriten e bla-bla-bla. E vërteta është se është e vështirë të marrësh vesh çfarë ndodh në Shqipëri se nuk të tregon kush, programet nuk t’i japin, portalet harrohen, ndaj ndajmë të dhënat së bashku këtu (shpjegon tabelat)" tha Rama.
BURREL- Kreu i qeverisë Edi Rama ka zhvilluar sot një takim me qytetarët në Burrel. Në një moment iu drejtua me një batutë, njërit prej qytetarëve, i cili po fliste në telefon, duke i thënë se kishte "hipur në pemë se nuk i kapte valë poshtë". Më tej, ai vijoi të fliste lidhur me analizat e bëra në televizione mbi sondazhet e bëra për zgjedhjet.
"Nuk e di pse janë mërzitur burrat në Dibër. Kush mërzitet vjen me ne dhe nuk është më ashtu? Hë mo mbarove atë telefon ti? Kishe hipur në pemë për të folur në telefon. Nuk i kapte vala poshtë dhe hypi në pemë. Më lanë pa fjalë ata që ishin aty, kur dilnin të dhënat e anketimit, shumica mendoj se Shqipëria po shkon në drejtimin e duhur, hutoheshin dhe bëheshin keq.", tha Rama.
BURREL- Kryeministri Edi Rama teksa po fliste, ndaloi fjalën e tij pasi po këndonte ezani. Më pas teksa rinisi fjalimin e tij, iu drejtua dhe kandidatit për deputet, ish-kryebashkiakut të Burrelit, Agron Malajt, duke i thënë se nuk iu dha kafe se ka pasur shpenzime. Ai foli dhe për ndërtimin e rrugës Skuraj- Burrel të cilën për nga gjatësia e krahasoi me Rrugën e Arbrit.
"Para se të vinim këtu, u ndalëm pimë një gotë ujë, se ka pasur shpenzime Argoni dhe nuk na dha kafe. Tha unë ca kisha për të bërë bëra më të mirën e mundshme, tani vetëm një gjë ka mbetur, rruga Skuraj-Burrel. I them sa kilometra është, nuk është shumë tha 36 km.
I them kjo është rruga e dytë e Arbrit. U hodh kryetari i bashkisë së Dibrës tha “jo tha nuk ke pse e bën. Mbaheni ashtu që ta kujtojnë njerëzit si ishte dhe si u bë, që kur të shkojnë nga rruga e Arbrit të shohin si u bë, kur të shkojnë atje, të kujtohen si ishte”,. E kuptoni tani ju, por ne do ta bëjmë atë.", tha Rama.
BURREL- Kryeministri Edi Rama ndodhet sot në Burrel ku po zhvillon një takim elektoral me qytetarët. Rama e nisi fjalën e tij me hapjen e Rrugës së Arbrit, ku tha se vlera më e madhe ekonomike që do të sjellë është hapja e horizonit për investimet në turizëm.
Ai u shpreh se në 10 vjeçarin e ardhshëm, Dibra do të jetë pjesa më e lakmuar e metropoliti shqiptar. Mes batutash, kreu i qeverisë tha se ka konkurrencë mes dibranëve dhe matjanëve, ndërsa shtoi se në mandatin e katërt do të bëhet dhe rruga që lidh Burrelin me Ulzën.
"E di që ka akoma për të bërë. Vlera me e madhe ekonomike që do të sjellë Rurga e Arbrit është se do të hapë horizont të ri për investimet në turizëm. Në dekadën e ardhshme Dibra do të jetë pjesa më e lakmuar e metropolit në Shqipëri. Shpresoj brenda këtij viti të kryejmë dhe rrugen e Lurës. E di që këtu ka konkurrencë mes dibranëve dhe matjanëve. Mandatin e katërt mbetet për tu bërë rruga që lidh Burrelin me Ulzën. Pasi është një zonë shumë e bukur.", tha Rama.
