Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Ish-zëvendësdrejtori i Përgjithshëm i AKSHI-t, Daniel Shima është kthyer pranë familjes një ditë pasi u denoncua në polici si person i zhdukur. • Familjarët e tij humbën kontaktet me të mesditën e së mërkurës. • Shima kontaktet e fundit me familjen i kishte mesditën e së mërkure ku shprehej se po e ndalonte policia. • Ai pas kthimit në familje është shprehur se ka qenë në jug të vendit pas një konflikti që kishte pasur me të dashurën e tij. • Megjithatë Shima nuk tha shpjegime për mesazhin që nisi në drejtim të familjarëve, ku thoshte se po e arrestojnë. • Ky mesazh solli që famijarët më pas të interesohen pranë uniformave blu dhe aty mësuan se Danieli nuk është ndaluar nga policia. • Policia përmes një njoftimi ka konfirmuar se ai është larguar me dëshirën e tij. • Sipas policisë Shima është paraqitur rreth orës 02:00 në komisaritat. • Ai ka deklaruar në polici se pas një konflikti me të dashurën kishte vendosur të largohej drejt jugut për disa ditë që të qetësohej. • Shima shtoi se pasi ka parë që familjarët janë shqetësuar dhe rasti është bërë mediatik ka vendosur të kthehet.
5 artikuj për këtë temë.
TIRANË- Detaje të reja janë zbardhur në lidhje me lëvizjet e kryera pak para se ish-zv.drejtori i AKSHI-t Daniel Shima të zhdukej për 10 orë. Nga verifikimet rezulton se Shima është ngjitur me makinë në Qyteti Studenti ku është filmuar nga kamerat e sigurisë. Më pas ai është konstatuar edhe në dalje të tunelit të rrugës Tiranë-Elbasan.
Gazetarja Klodiana Lala është shprehur se Shima është një person i cili ka shumë informacione dhe zhdukja e tij duhet të hetohet deri në fund. Sipas saj në 10 orë, persona të cilët duan që Shima të heshtë kanë patur kohë t'ia bëjnë të qartë këtë fakt atij. Ajo theksoi se kohët e fundit Shima ka kërkuar para me fajde që tregon se atij nuk po i shkojnë mirë punët.
"Daniel Shima konsiderohej si truri kryesor i AKSHI. Kontaktin e fundit Shima e ka pasur me partneren. Ai ka qenë në Borsh, gjatë kohës së kthimit kishte blere vezë. Dje ka shkuar tek shtëpia e gjyshes. Partneres i ka dërguar vetëm një mesazh që po më arrestojnë.
Nga ky moment është dhënë alerti. Por, kamerat e sigurisë e tregojnë edhe në Tiranë, deri tek Tuneli i Elbasanit. Ai ka thënë se ka pasur konflikt me partneren. Unë nuk e shikoj kështu, por besoj se çështja ka nevojë për hetim të thelluar. Policia duhet të sqarojë se Shima, pasi iku nga Tirana, kë takoi në Borsh dhe Shijak, pse e dërgoi atë mesazh se do më arrestojnë.
Daniel Shima di shumë. Nëse ai flet, shumë hetime mund të zhvillohen. Nuk besoj se ka qenë ikje me dëshirë. Duhet ditur nëse ai është kërcënuar dhe për të heshtur, a ka nevojë ai për mbrojtje dhe mos ka nevojë të flasë për atë që ka ndodhur në AKSHI. Kohët e fundit kishte kërkuar para me fajde. Kësaj çështje duhet t’i shkojë deri në fund policia. Ndoshta ka njerëz që janë të interesuar që ai të heshtë," tha Lala.
Pas rikthimit të tij Shima shkoi në komisariat dhe u shpreh se ishte larguar me dëshirë, pas një konflikti me partneren e tij.Por ai nuk dha asnjë shpjegim ku qëndroi përgjatë atyre 10 orëve, cilët janë personat që takoi, përse udhëtoi në drejtim të Elbasanit si dhe më thelbësorja përse shkroi mesazhin që po me arrestojnë.
TIRANË- Ish-zëvendësdrejtori i Përgjithshëm i AKSHI-t, Daniel Shima mësohet se do të merret sërish në pyetje nga policia në lidhje me zhdukjen e tij për disa orë. Raportohet se Shima do të pyetet në lidhje me gjithë itinerarin e ditës së djeshme dhe rikthimit të tij pas 10 orësh.
Ai është shprehur në polici se pas një konflikti me të dashurën kishte vendosur të largohej drejt jugut për disa ditë që të qetësohej. Shima shtoi se pasi ka parë që familjarët janë shqetësuar dhe rasti është bërë mediatik ka vendosur të kthehet.
Ai nuk ka folur lidhur me mesazhin që i ka dërguar nënës së tij ku i tregonte se po e arrestonin. Policia lidhur me zhdukjen e tij hapi hetimet për rrëmbim si dhe inskenim i zhdukjes. Duke qenë se rasti u bë mediatik dolën në dritë edhe deklaratat se ai më parë është kërcënuar.
Emri i tij u përmend nga ish-zv.kryeministri Arben Ahmetaj gjatë një intervistë nga arratia në korrik të vitit 2024. Ahmetaj foli atëherë për një përgjim ambiental të kapur nga SPAK për tendera në vlerën e 43 milionë eurove ose 43 miliardë lekëve, përmes Agjencisë Kombëtare të Shoqërisë së Informacionit.
Ahmetaj theksoi atëherë se AKSHI është tmerr dhe Danieli është kërcënuar nga vetë kryeministri që të mbyllë gojën. Mos ndoshta pas këtyre deklaratave se ishte me pushime fshihet diçka tjetër dhe policia po tenton të zbardhë të vërtetën. Edhe mos sqarimi i mesazhit të dërguar që po e arrestojnë, lë pas hije dyshimi se zhdukja e tij për disa orë mund të jetë diçka më serioze sesa një konflikt me të dashurën.
TIRANË- Detaje të reja janë zbardhur në lidhje me zhdukjen e ish-zv.drejtorit të AKSHI-t, Daniel Shima. Shima disa orë pasi rezultoi i zhdukur është paraqitur në polici ku ka deklaruar se është larguar me dëshirë.
Ai ka deklaruar në polici se pas një konflikti me të dashurën kishte vendosur të largohej drejt jugut për disa ditë që të qetësohej. Shima shtoi se pasi ka parë që familjarët janë shqetësuar dhe rasti është bërë mediatik ka vendosur të kthehet.
"Isha zënë me partneren dhe thashë të shkoj të qetësohem disa ditë në jug, por pashë që ishin shqetësuar familjarët dhe mori përmasa mediatike dhe u ktheva," tha ai në polici.
Ajo që mbetet pa përgjigje është se përse Shima u ka shkruar familjarëve që është arrestuar, mesazh i cili alarmoi familjarët ndërsa sot del në pah një detaj i ri. Ai nuk ka dhënë sqarime lidhur me mesazhin. Nga ky mesazh dhe nga humbja e kontakteve situata u alarmua ndërsa nisën hetimet për rrëmbim dhe inskenim i zhdukjes.
TIRANË- Policia ka dalë me një njoftim në lidhje me zhdukjen e ish-zv.drejtorit të AKSHI-t, Daniel Shima. Pas raportimeve se ai është rikthyer të familja, policia ka konfirmuar se ai është larguar me dëshirën e tij.
Sipas njoftimit të policisë Shima është paraqitur rreth orës 02:00 në komisaritat. Gazetarja Klodiana Lala raportoi se Shima ka deklaruar se ai ka qenë në jug pas një konflikti me të dashurën.
Por ai nuk ka dhënë sqarime lidhur me mesazhin që i ka dërguar nënës së tij që po e arrestojë. Nga ky mesazh dhe nga humbja e kontakteve situata u alarmua ndërsa nisën hetimet për rrëmbimi dhe inskenim i zhdukjes.
"Në vijim të informacionit të dhënë ditën e djeshme, për kallëzimin e shtetases M. Sh, për humbjen e kontakteve me djalin e tij, shtetasin D. Sh., 34 vjeç, bëjmë me dije se rreth ores 02:00, ky shtetas është paraqitur në Komisariatin e Policise Nr. 1 dhe ka deklaruar se ishte larguar me dëshirën e tij. Materialet procedurale iu referuan Prokurorisë së Tiranës, për veprime të mëtejshme," thuhet në njoftimin e policisë.
TIRANË- Ish-zëvendësdrejtori i Përgjithshëm i AKSHI-t, Daniel Shima është kthyer pranë familjes një ditë pasi u denoncua në polici si person i zhdukur. Familjarët e tij humbën kontaktet me të mesditën e së mërkurës.
Shima kontaktet e fundit me familjen i kishte mesditën e së mërkure ku shprehej se po e ndalonte policia. Gazetarja Klodiana Lala bën me dije se Shima pas kthimit në familje është shprehur se ka qenë në jug të vendit pas një konflikti që kishte pasur me të dashurën e tij.
Megjithatë Shima nuk tha shpjegime për mesazhin që nisi në drejtim të familjarëve, ku thoshte se po e arrestojnë. Ky mesazh solli që famijarët më pas të interesohen pranë uniformave blu dhe aty mësuan se Danieli nuk është ndaluar nga policia.
Menjëherë pas këtij lajmi ata kanë bërë denoncim në komisariatin numër 1 për zhdukjen e tij. Për këtë rast policia nisi hetimet në dy pista, e para ajo e rrëmbimit dhe e dyta ajo e inskenimit të zhdukjes.
