Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Partia e Lirisë ka denoncuar sot një skandal për ujësjellësin e Memaliajt në Tepelenë që sipas tyre punimet kanë nisur ende pa u shpallur fituesi i tenderit. • Në një konferencë për mediat, kryetari i Partisë së Lirisë Ilir Meta tha se kjo gjë është përdorur vetëm për fushatën elektorale të 25 prillit 2021. Bashkëngjitur denoncimit, Meta publikoi një video të kryeministrit Edi Rama dhe ministrit të Brendshëm Bledi Çuçi gjatë inspektimit të punimeve, vizitë që është zhvilluar me datë 7 prill. • Në atë atë, sipas PL-së, nuk ishte shpallur fituesi i tenderit. Meta paralajmëroi se do të nxjerrë të tjera denoncime e raste si ky i Memaliajt. Duke e krahasuar me videot e kryeministres së Finlandes e cila kërkoi falje për një kërcim, Meta tha se për rastin e Memaliajt duhet të jepeshin dy dorëheqje. • Kryetari i Partisë së Lirisë u pyet nëse ka deklaruar në formularin e vetëdeklarimit mbiemrin e dytë që mban, e tha se është krenar që quhet Ilir Rexhep Metaj. Meta ka lajmëruar protesta e aksion opozitar në shtator, kryesisht pas rritjes së çmimit të naftës.
7 artikuj për këtë temë.
TIRANË- Kryetari i Partisë së Lirisë, Ilir Meta denoncoi ditën e sotme se nuk ka tender për ujësjellësin e Memaliajt në Tepelenë. Në konferencë për mediat, së bashku me anëtarët e PL-së, Meta paraqiti video nga momentet e inspektimit të kryeministrit Edi Rama në ujësjellës. Meta krahasoi çështjen me atë të kryeministres së Finlandës e cila kërkoi falje pas videove që iu bënë publike. Meta tha se me pamjet që shfaqi, Rama dhe Çuçi duhet të kishin dhënë dorëheqjen.
'Mendoj se për këtë ka vetëm dosje dhe janë të vërteta të montuara, të pa falsifikuara. Do të kemi ditë të reja por do t’iu lutesha të ktheheshit te rasti flagrant. Si mund të ndodhë një gjë e tillë në një vend të BE dhe NATO-s. Ajo kryeministrja e Finlandës, vetëm se kërceu kërkoi falje, jo më me këtë video duhet të ishin dhënë dy dorëheqje.'- tha Meta.
TIRANË- Ilir Meta, kreu i Partisë së Lirisë është shprehur se aksioni opozitar pas rritjes së çmimit të naftës nuk do të ndalet, Në një konferencë me gazetarët, ai tha se qytetarët po vuajnë nga Bordi i Transparencës që përbëhet nga një grusht njerëzish që kanë bërë ortakëri me kryeministrin Edi Rama. Ai shtoi se çmimet e produkteve të tjera janë rritur gjithashtu. Sipas Metës, aksioni opozitar do të mbështetet edhe në depozitime në Kuvend.
Pyetje: Vazhdimisht keni denoncuar çmimin e karburanteve, ndërkohë që çmimi nuk është ulur asnjëherë nga Bordi i Transparencës, por vetëm është rritur. Cili është aksioni opzoitar për këtë gjë?
Petri Vasili: Doja t’ju përgjigjesha unë, që në mars kemi depozituar propzoimin, por përballë kemi pasur një bord hajdutësh të organizuar. Jo më larg se dje kam bërë publik përbërjen e bordit, është një vjedhje e organizuar dhe rruga për ta zgjidhur janë vetëm dy, shkrirja e bordit dhe ulja e taksës së qarkullimit. Pasqyra e krahasimi me Malin e Zi e Maqedoninë e Veriut i nxjerr më të zonj seç janë.
Ilir Meta: Përveç propozimit që duhet të ishte marrë në konsideratë me kohë, PL do të paraqesë dhe projektlidhin për indeksimin e pagës. Njerëzit po vuajnë nga një sjellje e kryeministrit në largim e një grushti njerëzish. I dimë çmimet, gjithçka është dyfishuar e trefishuar. E dimë që vaji është rritur gati 100%, veza gjithashtu është rritur në mënyrë të jashtëzakonshme e shumë e shumë produkte të tjera që nuk kanë lidhje me inflacionin që deklarohet zyrtarisht.
TIRANË- Kryetari i Partisë së Lirisë Ilir Meta është shprehur se është ndjerë gjithmonë krenar për gjeneralitetet që ka. I pyetur nëse e ka vetëdeklaruar mbiemrin e dytë 'Metaj', kreu i PL-së tha se ka ndjerë gjithmonë krenari për identitetin e tij të plotë. Ai shtoi se në qendër të vëmendjes duhet të jetë mafia që e qeveris këtë vend.
Pjesë nga konferenca:
Pyetje: A e keni vetëdeklaruar në formularin e vetëdeklarimit se keni dhe një mbiemër tjetër?
Ilir Meta: Të jeni shumë të qartë që unë kam qenë, jam dhe do të jem, Ilir Rexhep Metaj. Nuk kam asnjë arsye që të mos jem krenar për emrin e mbiemrin tim. Edhe fëmijët e mi kanë shumë arsye për të qenë krenarë për babain e tyre. Shikoni se çfarë mafie e qeveris këtë vend, Ilir Meta ka qenë, është dhe do të jetë në krye të kësaj veteje. Ashtu siç ka qenë gjithmonë në anën e luftës për një betejë e të ardhsme amerikane.
TIRANË- Kryetari i Partisë së Lirisë, Ilir Meta deklaroi ditën e sotme se kryeministri Edi Rama ka ndryshuar emrin ndaj duhet të nisin verifikimet ndaj tij. Gjatë konferencës për mediat, Petrit Vasili deklaroi se kryeministri Edi Rama ka ndryshuar emrin, të cilin më parë e ka pasur Edvin.
Pyetja: Ju nuk keni ndryshuar mbiemrin u tha nga gjendja civile. A jo shqetëson ndryshimi i mbiemrit në dokumente.
Ilir Meta: Janë 500 verifikime, konfirmojnë në mënyrën më të qartë përgjegjshmërinë apo autenticitetin e një personi. Që të mos shqetësoheni, zoti Vasili mund t'ju tregojë...
Petrit Vasili: Kemi dekrete të presidentit për ish ministrin e Kulturës Edi Rama ndërkohë që ju e dini se në vitin 2002 ai ka ndërruar emrin nga Edvin në Edi Rama. Ky është rasti më tipik, i Ramës, i provuar e zeza në të bardhë, ka mbajtur poste të rëndësishme dhe që duhet verifikuar.
TIRANË- Kryetari i Partisë së Lirisë, Ilir Meta u pyet nga gazetarët në lidhje me deklaratën e tij të mëparshme se kryeministri Edi Rama është kapur në përgjime. Më saktësisht, Meta u pyet se nëse Rama bën pjesë në përgjimet e dosjes 184, mirëpo kreu i PL tha se për Ramën ka vetëm dosje që janë të vërteta dhe të pafalsifikuara.
Pyetja: Për përgjimet e Ramës, janë ato të dosjes 184 apo ka të tjera?
Meta: Për të ka vetëm dosje, janë të gjitha të vërteta, të pafalsifikuara e të pamontuara.
TIRANË- Kryetari i Partisë së Lirisë, Ilir Meta deklaroi ditën e sotme se në ditët në vijim, do të bëhen publike skandale akoma më të rënda. Gjatë konferencës me gazetarët, Meta u bëri thirrje zyrtarëve që të bëjnë publike skandalet dhe të bashkëpunojnë për të denoncuar çdo vjedhje.
'Në ditët e ardhshme do të shihni skandale akoma më të rënda. U kam bërë thirrje të gjithë zyrtarëve, të jenë të kujdesshëm, të mos bëhen bedela. Ora e llogaridhënies ka afruar shumë. Përpëlitjet e fundit të kësaj klike antishqiptare vetëm se shtojnë vullnetin dhe rrisin përgjegjësin e shqiptarëve për t'i dhënë fund një herë e mirë asaj që po bëhet në vend. Kushtetuta shqiptare konsiderohet si letra më pa vlerë. I ftoj të gjithë zyrtarët e ndershëm të vazhdojnë bashkëpunimin dhe të denoncojnë çdo vjedhje, është në nderin e tyre të jenë në anën e duhur të historisë. Le ta lëmë këtë aventurier në rrugën e tij. Shqipëria do të marrë drejtimin e duhur që do ta bëjë zonjë. '- u shpreh Meta.
TIRANË- Kryetari i Partisë së Lirisë, Ilir Meta deklaroi ditën e sotme se Qeveria ka thyer ligjin për sa i përket ujësjellësit të Memaliajt. Gjatë konferencës për mediat, Meta tha se rrezikohet që personat përgjegjës të vuajnë 7 vite burg pasi punimet për ujësjellësin janë inauguruar 3 muaj para se të lidhej kontrata.
' Në qytetin e këtyre gjithçka bëhet fakt i kryer, demonstrohen dhe në publik. Kryeministri së bashku me ministrin e brendshëm fillojnë punimet për qëllime elektorale, ndërkohë që objekti është ende në tenderim. Fituesi është zbardhur me kohë. Kontrata lidhet pas 3 muajsh. Përgjigjet e Ramës me ligjet e tij falsifikojnë. Për rastin në fjalë, nëse nuk përbën vepër tjetër penale dënohet me burgim deri në 7 vjet. Neni 253, shkelja e tenderave dhe ankandeve publike, bëhet e qartë se kur shkelet një tender, kjo e kalon se është gati 4 milionë euro, kur shkelet barazia thuhet se dënohet me burgim. Shkelje në kodin zgjedhor. Fillon puna, del në tv ndërkohë që letrat për kontratën bëhen në qershor. '- u shpreh Meta.
