MOTI/ Tërhiqet uji nga banesat në Lezhë, në Shkodër vetëm 570 ha tokë nën ujë, Gramshi 'pushtohet' nga mjegulla

mjegull në Gramsh

GRAMSH- Mëngjesin e sotëm, qyteti i Gramshit është mbuluar nga mjegulla, pas ditëve të tëra me shi që pushtuan një pjesë të mirë tq qarqeve në vend. Për shkak të mjegullës në këtë qytet, qarkullimi i mjeteve është bërë i vështirë. Reja e dendur është prezente që pas mesnatës dhe vijon deri në orët e para të mëngjesit. Pas daljes se rrezeve të diellit ajo ka nisur të largohet.

Qyteti i Gramshit ka qenë nëj nga zonat më pak të prekura nga përmbytjet që u shënuan në disa qarqe të vendit si pasojë e reshjeve të dendura të shiut përgjatë kësaj jave. Qarqet më të prekura nga moti i keq kanë qenë Shkodra, Lezha dhe Durrësit ku mijëra hektarë tokë u pushtuan nga uji, si dhe dhjetëra banesa. Ndërsa dëmi, që u shkaktua në banesat e banorëve të zonës ka qenë kolosal. Dje dje sot kushtet atmosferike janë përmirësuar duke sjellë kështu edhe përmirësim të situatës së përmbytjeve edhe në këto zona. Sakaq edhe në portet detare, lundrimi i varkave të vogla dhe ato të peshkimit janë rikthyer në aktivitetin e tyre të përditshëm./ Dosja.al

Përmbytje në Shkodër

SHKODËR- Edhe në qarkun e Shkodrës situata me përmbytjet është drejt përmirësimit, pasi nuk ka patur prezencë të reshjeve të shiut gjatë mëngjesit të sotëm në këtë qark. Sipas një njoftimi nga bashkia, aktualisht sipërfaqja e përmbytur është 570 hektarë nga 1070 që ishte një ditë më parë. Në njoftimin zyrtar nga bashkia gjithashtu bëhet me dije se në fshatrat Obot, Muriqan dhe Oblikë sipërfaqja e tokës bujqësore e përmbytur vlerësohet në 450 hektarë, nga 700 që ishte ditën e djeshme. Ndërsa Ujësjellësi Oblika 1 dhe 2, si pasojë e përmbytjeve, është jashtë funksionit. Deri më tani në Shkodër janë evakuuar dhe po marrin trajtim në konvikte, 5 familje me 20 persona.

NJOFTIMI NGA BASHKIA NË SHKODËR: 

Nga monitorimi në terren ditën e sotme datë 25.11.2022,ora 08.00, situata e përmbytjeve në terren vazhdon të jetë si më poshtë:

• Hidrometri i Liqenit të Shkodrës në orën 08.00,shënon kuotën 8.05 m, (nga 8.09 qe ishte me 24.11.2022 ora 10.00) (Kuota max 8.70 m).
• Hidrometri i lumit Drin në orën 08.00,shënon kuotën 5.65 m, (nga 6.05 qe ishte me 24.11.2022 ora 10.00) (Kuota max 7.50 m).

Siperfaqe totale e përmbytur 570 Ha (nga 1070 Ha qe ishte me 24.11.2022 ne oren 10.00)

Nj.A. Ana e Malit

1. Sipërfaqja e tokës bujqësore e përmbytur vlerësohet në 450 Ha (nga 700 Ha qe ishte me 24.11.2022 ora 10.00), kryesisht në fshatrat Obot, Muriqan,Oblikë
2. Ujësjellësi Oblika 1 dhe 2,si pasojë e përmbytjeve është jasht funksionit

Nj.A Dajç

1.Sipërfaqja e tokës bujqësore e përmbytur vlerësohet në 20 Ha (nga 100 Ha qe ishte me 24.11.2022 ora 10.00), kryesisht në fshatrat Mushan, Shirq, Pentar.
Tendence e nivelit te ujit eshte ne ulje.

Nj.A.Velipojë

Sipërfaqja e tokës bujqësore e përmbytur vlerësohet në 30 Ha (nga 100 Ha qe ishte me 24.11.2022 ora 10.00), kryesisht fshatrat Baks, Luarz. Ças.

Nj.A.Bërdicë

Sipërfaqja e tokës bujqësore e përmbytur vlerësohet në 70 Ha (nga 140 Ha qe ishte me 24.11.2022 ne oren 10.00), konkretisht në fshtrat Trush.

Familje të evakuara aktualisht dhe marrin sherbim ne konvikte:

Janë 5 familje, gjithsej 20 persona

Bashkia Shkodër është në gatishmëri me të gjithe kapacitetet e veta njerëzore, logjistike dhe akomoduese për ti ardhur në ndihmë popullates të rrezikuar nga pëmbytjet e shkaktuara nga reshjet e shiut dhe shkarkimet e hidrocentraleve. 

Qarqet Lezhë, Durrës dhe Shkodër kanë qenë më të prekurat nga përmbytjet si pasojë e reshjeve intensive të shiut. Mijëra hektarë tokë u përmbytën, dhjetëra banesa gjithashtu ishin nën ujë, ndërsa dëmet në familjet e këtyre zonave ishin kolosale./ Dosja.al

Përmbytjet në Lezhë

LEZHË- Situata pas përmbytjeve në Lezhë duket e qetë, kjo edhe nisur nga kushtet e përmirësuara të motit ditën e djeshme dhe sot, ku nuk ka patur reshje shiu në këtë qarq. Mësohet se rreth 880 hekatrë toka bujqësore kanë prezencë të ujit në njësinë administrative Dajc dhe fshatin Torovicë. 

Gjithashtu nuk ka më shtëpi të përmbytura, por ka prezencë uji në oborret e 4 banesave në fshatin Kakarriq. Siç bëjnë me dije edhe strukturat në Lezhë, rruga që lidh fshatin Blinisht-Superstradë (Lezhë-Shkodër) është bërë  e kalueshme plotësisht. Rruga që lidh fshatin Malecaj me Torovicën  të kësaj njësie është e kalueshme me vështirësi.

Hidrovoret po punojnë me kapacitet të plotë dhe pandërprerje. Konkretisht  Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuota kritike  dhe hidrovori Balldre rreth -1.2 m. Lumi Drin është në kuotën +0.8 m nga +2.0 m kuote kritike, pra kemi rënje me 20 cm që nga raportimet e mbrëmëshme. Lumi Gjadër ka rënë pak a shumë në kuota normale, duke ju larguar pikës kritike.

Qarqet Lezhë, Durrës dhe Shkodër kanë qenë më të prekurat nga përmbytjet si pasojë e reshjeve intensive të shiut. Mijëra hektarë tokë u përmbytën, dhjetëra banesa gjithashtu ishin nën ujë, ndërsa dëmet në familjet e këtyre zonave ishin kolosale./ Dosja.al