PS-ja mbledh grupin parlamentar, i pranishëm Rama dhe Balluku: Puna në Komisione të vazhdojë (POROSITË)

Taulant Balla

TIRANË- Kreu i Grupit Parlamentar të Partisë Socialiste, Taulant Balla, duke folur për Avokatit të Popullit, Endri Shaban, tha se ishte një kandidaturë e ardhur nga opozita. Në një prononcim për mediat, Balla deklaroi se fakti që PD po hahen e po grihen tregon se e kanë fajin vetë. Balla i uroi suksese Avokatit të Ri të Popullit dhe shtoi se të entjen duhet të betohet në Kushtetutë në seancën e së enjtes.

“I uroj suksese Avokatit të Ri të Popullit, të entjen duhet të vijë të betohet në Kushtetutë në seancën e së enjtes. Është kandidaturë që vjen nga opozita. Që të zgjidhej Avokati duhej me votat tona, ky është rasti më i mirë i zgjedhjes ndonjëherë të Avokatit. Erdhën 6 kandidatë nga opozita, dhe u votua. Kemi thënë që do votojmë 1 nga kandidatët që solli opozita, fakti që po hahen e po grihen me njëri-tjetrin tregon se e ka fajin vetë”, tha Balla./Dosja.al

Taulant Balla

TIRANË- Kreu i Grupit Parlamentar të Partisë Socialiste, Taulant Balla thotë se mazhoranca votoi kandidatin e opozitës për Avokatin e Popullit, Endri Shabanin dhe shtoi se fajin për mosdakordësinë mes tyre për këtë kandidaturë, e ka vetë opozita.Duke folur për gazetarët, Balla tha se Synimi i PS është t’i mbyllim bisedimet në 2027 dhe anëtarësimin brenda 2030. Sa i përket mbledhjes së grupit, Balla tha se ka pasur disa çështje në rendin e ditës dhe ka të bëjë me një komision etike brenda PS.

“Jemi në një moment vendimtar sa i përket rrugës. Synimi është t’i mbyllim bisedimet në 2027 dhe anëtarësimin brenda 2030. Kushte, kërcënime, shantazhime, me histori komisionesh apo votimesh në Kuvendin e Shqipërisë ndaj PS, nuk ka. Me historinë ne ikim, ne nuk votojmë. Ata shohin punën e vet. Ne do të presim reflektim nga ana e tyre. Është vendim emocional, por mendoj se emocioni do t’u kalojë.

Në janar, me fillimin e sesionit të ri, t’i rikthehet punës. Në rast se nuk e bëjnë diçka të tillë, ne e prishim dakordësinë për të prishur shumicën në dy komisionet. Pakica nuk e merr dot peng nevojën e reformës. Gatishmëria jonë për t’u ulur mbetet e njëjtë. Mbledhja e grupit ka pasur disa çështje në rendin e ditës. Ka të bëjë me një komision etike brenda PS. Sot është prezantuar mënyra e funksionimit të një komisioni etike. Ky është mandat historik”, tha Balla./Dosja.al

Edi Rama

TIRANË- Detaje të reja janë janë zbardhur nga mbledhja e zhvilluar me Grupin Parlamentar të PS. Një nga porositë që kryeministri Edi Rama u ka dhënë deputetëve socialistë është që duhet të jenë aktiv, sidomos në zonat ku janë zgjedhur.

Kreyministri ka theksuar se duhet të jenë në takime me elektoratin dhe u ka kërkuar deputetëve të përqendrohen te ligjet e rëndësishme që lidhen me integrimin e Bashkimit Evropian./Dosja.al

Grupi i PS

TIRANË- Grupi parlamentar i Partisë Socialiste ka vendosur ditën e sotme që puna në Komisionet për Reformat Territoriale dhe Zgjedhore do të vazhdohet edhe nëse PD-ja do të tërhiqet. Një ditë më parë, kreu i PD-së Sali Berisha njoftoi se çdo negociatë me Ramën është iluzion. 

Burime për Dosja.al, bëjnë me dije se në mbledhjen e grupit të PS-së, është theksuar se puna në këto komisione do të vazhdojë me të njejtat ritme dhe me axhendën që është paracaktuar. 

"Puna në dy komisionet do të vijojë agjendën e përcaktuar pasi nuk ka kohë për të humbur”, mësohet se është thënë në mbledhje./Dosja.al

Edi Rama

TIRANË- Grupi Parlamentar i Partisë Socialiste është mbledhur paraditen e sotme në Kryesinë e Kuvendit. Mbledhjes i është bashkuar edhe kryeministri Edi Rama, njëkohësisht kreu i PS-së.

Mbledhja në Kryesinë e Kuvendit ka nisur në orën 10:00. Ndërkohë në mbledhjen e grupit të PS është rikthyer edhe zv.kryeministrja dhe ministrja e Infrastrukturës, Belinda Balluku, e cila shfaqet për herë të parë publikisht që pasi Gjykata Kushtetuese e riktheu në detyrë./Dosja.al