Pasaportat e “arta”/ Ambasadori holandez: Shtetësia europiane nuk është për t’u shitur. Ambasadorja franceze: Duhet transparencë

Ambasadorja franceze

TIRANË- Komiteti Shqiptar i Helsinkit, ka publikuar ditën e sotme raportin për ‘Pasaportat e arta”. Ambasadorja franceze në Shqipëria, Elisabeth Barsacq, i bëri thirrje qeverisë duke thënë se 'djalli fshihet në detaje' si dhe kërkoi që të bëhet transparencë, duke zbuluar për publikun edhe arsyen se përse u pezulluan pasaportat e arta.

“Djalli fshihet në detaje, ka disa çështje teknike që janë të vështira për t’u cekur, por do i kalojmë të gjitha këto hollësi. Duhet të kemi transparencë për shoqërinë civile. Në shtetin tim kjo gjendje është ndryshe. Kam bashkëpunime me sektorin publik, kemi një bashkëpunim të fortë. Agjencia shtetërore përgjegjëse është përgjegjëse. Mënyra sesi operojnë është transparente. Do doja të falënderoja organizuesen, komunitetin shqiptar të KSHH-së që kanë një këndvështrim të qartë për këto dy tema. E para është e pezulluar, ku dua të them se shqiptarët kanë të drejtë të dinë arsyen”, u shpreh ajo.

Jorida Tabaku

TIRANË- Komiteti Shqiptar i Helsinkit prezantoi sot një analizë mbi rrezikun e nismës së qeverisë për “Pasaportat e arta”, ku janë parashtruar disa nga problematikat.

Deputetja e Partisë Demokratike, Jorida Tabaku, tha se duhet një kufizim i hyrjes së kapitaleve të dyshimta në ekonominë shqiptare, ndërsa si problematikë e konsideroi dhe nismën për amnistinë fiskale.

Ajo tha në fjalën e saj se nga të dhënat që vijnë nga Presidenca, dhënia e shtetësisë shqiptare është dyfishuar, duke sjellë në fokus rastin e dyshimtë të dy investitorëve indianë.

“Besoj qartësisht te roli që ka shoqëria civile. A është shtetësia europiane në shitje? Nëse duam që të bëhemi vend anëtar, atëherë i takon BE-së që të shoh nëse do që ta shesë shtetësinë. Duhet të shikohet se çfarë sjell shitja e shtetësisë, për rrezikun nga pastrimi i parave.

Kjo e "pasaportave të arta" është e njëjta gjë. Sot funksionon tregu, se çfarë burimi kapitali do t’i hapim rrugën. Ka shumë vende, u përmend Qipro dhe Malta dhe Bullgaria, që deri në 2013 i kanë vendosur këto skema. Rasti i Maltës është përdorur nga qeveria si justifikim, ndaj duhet të presim që qeveria shqiptare të marrë një vendim. Nga të dhënat që vijnë nga Presidenca, dhënia e shtetësisë shqiptare është dyfishuar, si rasti i dyshimtë i dy investitorëve indianë.

Na takon ne që t’i vendosim një kufi të qartë këtij kapitali që do të hyjë në ekonominë shqiptare. Nëse kjo ndiqet dhe me amnistinë fiskale, këto janë drejtime të rrezikshme, që lidhet dhe me stabilitetin e ekonomisë shqiptare. Ka disa raporte, komunikime me qeverinë shqiptare, lajm i mirë se është lënë pezull marrja e këtij vendimi", tha Tabaku.

Reinot Vos

TIRANË- Ambasadori i holandez në Shqipëri, Reinout Vos deklaroi ditën e sotme se Qeveria ka bërë mirë që ka pezulluar pasaportat e arta. Gjatë një konference, ai tha se anëtarësimi në BE kërkon përgjegjshmeri, si dhe shtoi se qytetaria e BE nuk është për shitje.

"Shqipëria ka kryer gjënë e duhur, ka një procedurë përpara Gjykatës që do vendosin për cështjen e majtës. është në dorën e ekspertëve ligjore, po presim vendimin por është dhe në dorën e qeverisë, për pasaportat e tregut. Ka një pjesë ligjore por dhe politike. Qytetaria e BE është cështje e ndjeshme, ka të bëjë me migrimin me luftën kundër krimit të organizuar. Anëtarësimi në BE kërkon përgjegjëshmeri, pasaporta është një nga mënyrat. Nëse mund ta themi brutalisht hapur, qytetaria e BE nuk është për shitje"