Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ish-deputeti demokrat Ervin Salianji është liruar nga burgu. • Trupa gjykuese ka vendosur që Salianji të lirohet, pasi raporti i shërbimit të provës për Salianjin ka dal pozitiv. • Pas publikimit të raportit, prokurori i çështjes ka dhënë dakordësinë që ish-deputeti të dalë nga burgu. • Pas vendimit të Gjykatës së Fierit, Salianji për mediat jashtë ka deklaruar se do të jetë në konferencë për mediat në selinë blu në orën 17:00. • Ervin Salianji është dënuar më 26 shtator 2024 me një vit burg për dosjen "Babale". • Shkalla e parë vendosi që Salianji të dënohet për kallëzim të rrëmë, në lidhje me një denoncim që ka bërë për vëllanë e ish-Ministrit të Brendshëm Fatmir Xhafa, Agron Xhafa. • Në audio-përgjimin që publikoi Salianji, thuhej se Agron Xhafa ishte pjesë e një rrjeti kriminal të trafikut të lëndëve narkotike.
7 artikuj për këtë temë.
FIER- Ish-deputeti i Partisë Demokratike, Ervin Salianji ka lënë ambientet e burgut të Fierit. Salianji është pritur jashtë nga një grup mbështetësish dhe përkrahësish të tij, mes tyre dhe deputeti demokrat Luan Baçi.
Salianji dha një deklaratë të shkurtër për mediat, ndërsa u shpreh se nga selia e PD-së do të flasë më gjatë. Ai u shpreh se ditët e qëndrimit të tij në burg janë provë e regjimit sipas tij, ku jetojmë. Ish-deputeti shtoi më tej se burgosja e tij ishte për arsye politike.
"Vuajta 10 muaj burg për arsye politike. Për arsye se denoncova një trafikant droge. Është edhe një vetëdemaskim për të më nxjerrë në këtë periudhë. Kam pasur fitore përballë Edi Ramës në çdo zonë. Besoj se është një burim frymëzim për mijëra demokrate që do rezistojnë dhe do rrëzojnë një qeveri të inkriminuar.
Siç e dini do shkoj të falënderoj një zonë zgjedhore në fshat të Fierit për të treguar se në Shqipëri ka shembuj me besnikëri ja dalin të fitojnë. Do filloj nga ky moment. Sot do bëj politikë në çdo cep që më jepet mundësia. Është një betejë e fituar. Për shkak të frikës të regjimi se do humbte zgjedhjet bëri këto që bëri. Do komunikojmë në seli.
E dini që burgu nuk i urohet as hasmit. Sot kam një background tjetër e ndiej në lëkurë padrejtësinë që ndjejnë qytetarët. Nuk kam bërë burg për vjedhje, as për krim. Ka qenë për arsye politike. Denoncova një të dënuar trafikant ndërkombëtar droge dhe vuajta burg. Pasojat, një i lirë prej 7 vitesh shkoi dhe u dorëzua. Nga ana regjimit kam qenë këtu prej 10 muajsh.". tha Salianji.
Trupa gjykuese vendosi ditën e sotme që Salianji të lirohet, pasi raporti i shërbimit të provës për Salianjin ka dal pozitiv. Pas publikimit të raportit, prokurori i çështjes ka dhënë dakordësinë që ish-deputeti të dalë nga burgu.
TIRANË- Kreu i Partisë Demokratike Sali Berisha ka komentuar lirimin e ish-deputetit demokrat Ervin Salianji. Në një deklaratë për mediat, Berisha ka theksuar se Salianji ka vuajtur 9 muaj burg dënim politik. Ndërkohë që ka theksuar se Salianji vuajti dënimin e tij jashtë çdolloj ligj dhe kushtetute.
"Para se të ndalemi në farsën e turpshme elektorale, 11 maj 2025, dua të dënoj edhe njëherë me forcën më të madhe, dënimin politik ndaj deputetit Ervin Salianji nga Edi Rama dhe Fatmir Xhafaj, krerë kryesorë të organizatës kriminale të narkoshtetit. Ervin Salianji vuajti jashtë çdo lloj ligji, Kushtetute dhe rregulli. 9 muaj në burg vetëm e vetëm pse denoncoi Geron Xhafën si trafikant kryesor në qarkun e Vlorës, i cili kërkohej në Milano.
Burgosja e Ervin Salianjit kishte si synim kryesor burgosjen e të vërtetës se Edi Rama, Fatmir Xhafaj dhe Geron Xhafaj udhëhiqnin dhe përfitonin nga trafiqet nga Vlora drejt Italisë. Natyrisht mbajtja në burg e Ervin Salianjit pa asnjë faj është përgjegjësi direkt personale e Edi Ramës dhe Fatmir Xhafës. Vendimi i sotëm i gjykatës u shty po me urdhër të Edi Ramës dhe Fatmir Xhafës mbi 6 javë në një akt të turpshëm dhe hakmarrës pa fund," tha Berisha.
TIRANË- Ish-deputeti demokrat Ervin Salianji është liruar nga burgu, pasi gjykata e Fierit vendosi lirim me kusht. Menjëherë pas lirimit Salianji u shpreh se në orën 17:00 do të mbajë një konferencë për mediat në selinë e Partisë Demokratike.
“Do të jem në konferencë në orën 17:00 në selinë e PD”, tha ai.
Salianji fillimisht do të dërgohet në burgun e Fierit, ku do të zbardhet vendimi dhe më tej do të vijohet me procedurat e lirimit të tij.
FIER- Avokati i ish-deputeti Ervin Salianji, Ledio Braho deklaroi para mediave se pas vendimit të Gjykatës së Fierit, demokrati pritet të lirohet që ditën e sotme nga qelia. Ai tha se Gjykata e Fierit pas rekomandimeve pozitive të IEVP Fier dhe Shërbimit të provës dhe qëndrimit pozitiv të Prokurorit në lidhje me kësen e depozituar nga Salianji, pranoi kërkesën dhe vendosi lirimin e tij të parakohshëm me kusht. Sipas tij i gjithë procesi ishte i padrejtë dhe dënimi ishte politik.
"Më në fund pati një element minimal drejtësie, për mendimin tim i gjithë procesi është i padrejtë. Ai ishte një dënim politik, por sot arritëm ta shkurtonim në më pak se dy muaj e gjysëm të dënimit të mbetur. Po procedurat janë që duhet të lirohet brenda ditë së sotme, pra lirim të menjëhershë. Zoti Salianji sqaroi se beteja e tij ka qenë interesi publik.
Gjykata e Fierit pas rekomandimeve pozitive të IEVP Fier dhe Shërbimit të provës dhe qëndrimit pozitiv të Prokurorit në lidhje me kësen e depozituar nga Salianji, pranoi kërkesën dhe vendosi lirimin e tij të parakohshëm me kusht", tha avokati.
FIER- Ish-deputeti demokrat Ervin Salianji është liruar nga burgu. Burime për Dosja.al, bëjnë me dije se trupa gjykuese ka vendosur që Salianji të lirohet, pasi raporti i shërbimit të provës për Salianjin ka dal pozitiv. Në seancë edhe prokurori ka dhënë dakordësinë që Salianji të dalë nga burgu.
Ervin Salianji është dënuar me një vit burg për dosjen "Babale". Ai është dënuar së bashku me Albert Veliun, që pritet të vuaj dënimin me 10 muaj burg si dhe gazetarin Jetmir Olldashi me 100 orë punë komunitare. Shkalla e parë vendosi që Salianji të dënohet për kallëzim të rrëmë, në lidhje me një denoncim që ka bërë për vëllanë e ish-Ministrit të Brendshëm Fatmir Xhafa, Agron Xhafa. Në audio-përgjimin që publikoi Salianji, thuhej se Agron Xhafa ishte pjesë e një rrjeti kriminal të trafikut të lëndëve narkotike./Dosja.al
FIER- Raporti i shërbimit të provës për ish-deputetin demokrat Ervin Salianji ka dalë pozitiv. Burime bëjnë me dije se në seancën e sotme, pas publikimit të raportit, prokurori i çështjes ka dhënë dakordësinë që ish-deputeti të dalë nga burgu. Ndërkohë që tashmë në seancë, trupa gjykuese është tërhequr për të marrë vendim.
Ervin Salianji është dënuar me një vit burg për dosjen "Babale". Ai është dënuar së bashku me Albert Veliun, që pritet të vuaj dënimin me 10 muaj burg si dhe gazetarin Jetmir Olldashi me 100 orë punë komunitare. Shkalla e parë vendosi që Salianji të dënohet për kallëzim të rrëmë, në lidhje me një denoncim që ka bërë për vëllanë e ish-Ministrit të Brendshëm Fatmir Xhafa, Agron Xhafa. Në audio-përgjimin që publikoi Salianji, thuhej se Agron Xhafa ishte pjesë e një rrjeti kriminal të trafikut të lëndëve narkotike.
FIER- Ditën e sotme në Gjykatën e Fierit zhvillohet seanca për shqyrtimin e kërkesës së ish-deputetit demokrat Ervin Salianji për lirimin me kusht nga burgu. Mësohet se shërbimi i Provës do paraqesë raportin e saj në bazë të të cilit do të vendoset për pranimin ose rrëzimin e kërkesës për lirim me kusht të ish-deputetit demokrat.
Ervin Salianji është dënuar me një vit burg për dosjen "Babale". Ai është dënuar së bashku me Albert Veliun, që pritet të vuaj dënimin me 10 muaj burg si dhe gazetarin Jetmir Olldashi me 100 orë punë komunitare.
Shkalla e parë vendosi që Salianji të dënohet për kallëzim të rrëmë, në lidhje me një denoncim që ka bërë për vëllanë e ish-Ministrit të Brendshëm Fatmir Xhafa, Agron Xhafa. Në audio-përgjimin që publikoi Salianji, thuhej se Agron Xhafa ishte pjesë e një rrjeti kriminal të trafikut të lëndëve narkotike.
