Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Presidenti i Republikës së Polonisë, Andrzej Duda së bashku me zonjën e parë të Polonisë, Agata Kornhauser-Duda, ndodhet në Shqipëri. •Kjo është vizita e parë zyrtare pas 20 vitesh e një presidenti polak në Shqipëri. •Gjatë konferencës së përbashkët presidenti i Republikës së Polonisë, Andrzej Duda bëri të ditur se vendi i tij ka një nga prioritet anëtarësimin e Shqipërisë në BE. •Duda tha se bashkëpunimi do jetë në shumë fusha, në ndërtim, turizëm, investimi në infrastrukturë, linja hekurudhore. •Begaj vlerësoi marrëdhëniet e mira politike me Poloninë, ndërsa ceku sfidat dhe interesat që ndajnë dy vendet. •Kreu i Shtetit shprehu mirënjohjen për solidaritetin që Polonia tregoi me shqiptarët për kapërcimin e dëmeve të tërmetit shkatërrimtar të nëntorit 2019 dhe gjatë pandemisë Covid-19. •I pyetur për zgjedhjet, Begaj shpreson që Politika të mos ia shpërfillë mesazhet e të mos përdorin gjuhë fyese në fushatë. •Kreu i shtetit deklaroi se Ministria e Jashtme i ka dërguar një kërkesë së bashku me relacionin shpjegues për të dhënë autorizim në lidhje me çështjen e detit me Greqinë.
5 artikuj për këtë temë.
TIRANË- Presidenti Bajram Begaj ka deklaruar se Ministria e Jashtme i ka dërguar një kërkesë së bashku me relacionin shpjegues për të dhënë autorizim në lidhje me çështjen e detit me Greqinë. Teksa u pyet ditën e sotme nga gazetarët për çështjen e detit me Greqinë, Begaj e pranoi se ka një kërkesë të tillë dhe se këtë kërkesë është duke e shqyrtuar.
“Me Greqinë fqinje kemi një çështje dhe po është e vërtetë që unë kam një kërkesë nga ana e Ministrisë për Europën dhe Punët e Jashtme e cila është e shoqëruar me një realicion shpjegues.
Si President i Republikës në zbatim të detyrimeve kushtetuese këtë kërkesë e vlerësoj me seriozitetin maksimal dhe besoj se është një çështje që duhet të gjejë zgjidhje. Zgjidhja e saj është e bazuar në Kushtetutën e Republikës së Shqipërisë, në vendimin e Gjykatës Kushtetuese të vitit 2010, në aktet dhe ligjet ndërkombëtare, marrëveshjet ndërkombëtare, në ligjet e brendshme por edhe në rregullat e fqinjësisë së mirë dhe të reciprocitetit. Greqia është një partner strategjik i yni por është edhe një partner i rëndësishëm ekonomik. Kemi komunitetin shqiptar në Greqi dhe komunitetin grek në Shqipëri, të cilat janë ura të forta lidhëse të kësaj miqësie dhe këtij bashkëpunimi. Me Kryeministrin Rama unë jam takuar disa herë. Çështjet që unë kam diskutuar kanë qenë publike, janë diskutuar tema të lidhura me sigurinë kombëtare, janë diskutuar çështje të lidhura me shërbimin e jashtëm, me ambasadorët. Komunikimi është institucional, është shumë i mirë. Besoj se është pozitivisht mënyra se si takohemi dhe diskutojmë për çështjet”, tha Begaj.
Tirana dhe Athina zyrtare kanë deklaruar se çështjën e detit do ta zgjidhin në Gjykatën e Hagës./Dosja.al
TIRANË- Presidenti Bajram Begaj ndau me qytetarët shqiptarë mesazhin para ditës së zgjedhjeve lokale. Teksa ishte në një konferencë me presidentin e Polonisë, Begaj u shpreh zgjedhjet janë një moment shumë kyç për integrimin europian.
Po ashtu, ai shpreson që partitë të mos shpërfillin thirrjen e tij, që sipas Begajt ka ndodhur më parë. Begaj thekson se administrata ka shumë rëndësi, në mënyrë që të kemi zgjedhje transparente, të lira dhe të ndershme.
'Zgjedhjet janë një moment kyç për procesin e integrimi evropian. Vetë zgjedhjet janë tregues i rëndësishëm i maturisë së sistemit tonë demokratik. 14 maji është sfidë për institucionet shqiptare, partitë poklitike dhe për vetë shoqërinë. Zgjedhjet nuk janë të partive politike por të të gjithë shqiptarëve.
Unë shpresoj që partitë të mos shpërfillin qytetarët siç shpërfillën presidentin kur bëri thirrje që retorika të ishte qytetare, jo denigruese, jo armiqësore. Të kishte përplasje idesh dhe mendim dhe jo me retorikë të panevojshme. Unë dua të bëj një thirrje për pjesëmarrje në zgjedhje, si e drejtë kushtetuese por edhe detyrim moral dhe qytetarët për kombin dhe për veten tonë. Çdo qytetar duhet ta ushtrojë të drejtën e votës. Administrata ka shumë rëndësi. Çdo faktor duhet të angazhohet që të kemi zgjedhje transparente, të lira dhe të ndershme. Ky është një detyrim që ia kemi qytetarëve shqiptarë, që ka të bëjë me standardin zgjedhor më të lartë”- tha Begaj.
TIRANË-Presidenti i Republikës së Polonisë, Andrzej Duda bëri të ditur se vendi i tij ka një nga prioritet anëtarësimin e Shqipërisë në BE. Teksa ishte në konferencë të përbashkët me presidentin Bajram Begaj, ai u shpreh se kur të marrin kryesinë e BE-së në vitin 2025, anëtarësimi i Shqipërisë dhe i vendeve të tjera të Ballkanit Perëndimor do të jenë prioritet.
'Territori duhet t'i kthehet Ukrainës, kështu duhet të jetë përfundimi i luftës, ju falenderojmë për praninë ushtarake në krahun lindor të NATO-s. Shqipëria është anëtar aktiv i NATO-s, sot ushtarët shqiptarë janë të pranishëm në Letoni, ju jemi shumë mirënjohës, ju luta zotit president që Shqipëria të mbështesë përpjekjet tona për të forcuar forcat.
Mbështetjen tonë polake, për anëtarësimin në BE, i thashë zotit president se me 1 maj kishit konferencë ku theksuam lidhur me afrimin e kryesimit të Polonisë në BE, që do ndodhë në 2025. I kemi thënë se kush janë prioritetet, do dhe rregullojnë marrëdhëniet ekonomike, kemi folur se do kemi prioritet të dytë, anëtarësimin në BE për Ukrainën dhe vendet e Ballkanit Perëndimor, mes tyre Shqipërinë.'- tha Duda.
Duda tha se bashkëpunimi do jetë në shumë fusha, në ndërtim, turizëm, investimi në infrastrukturë, linja hekurudhore etj. Ai tha se Shqipëria po zhvillohet në mënyrë dinamike.
“Nuk kam dyshim që përsa i përket mundësisë të zhvillimit janë të gjithanshme, në fushën e turizmit, ku mund të themi që është një nga më të thjeshtat dhe më të shpejta elemente në kuptimin e formave të zhvillimit dhe bashkëpunimit ekonomik. Por edhe fusha e ndërtimit, kryeqyteti përreth shikoni në çfarë mënyre dinamike po zhvillohet Shqipëria. Nuk është fjala vetëm për firmat e ndërtimit, por bashkëpunimi në këtë sferë , futet edhe investimi i infrastrukturës, investimi në linja hekurudhore. Është një spektër shumë i madh”, tha Durda.
TIRANE- Presidenti Bajram Begaj, mbajti një konferencë për shtyp me homologun e Polonisë, Andrzej Duda. Në reagimin për mediat nga Presidenca, Begaj vlerësoi marrëdhëniet e mira politike me Poloninë, ndërsa ceku sfidat dhe interesat që ndajnë dy vendet. Kreu i Shtetit shprehu mirënjohjen për solidaritetin që Polonia tregoi me shqiptarët për kapërcimin e dëmeve të tërmetit shkatërrimtar të nëntorit 2019 dhe gjatë pandemisë Covid-19.
Në konferencën për media, Begaj u ndal edhe tek bashkëpunimi ekonomik e tregtar i cili megjithëse ka zhvillime pozitive dhe një kuadër të plotë ligjor është larg mundësive të dy vendeve. Kreu i Shtetit shqiptar nënvizoi ndër të tjera se si dy vende anëtare të NATO-s, Shqipëria dhe Polonia kanë bashkëpunim shumë të mirë në fushën e mbrojtjes në nivel strategjik dhe operacional. Në fokus ishte bashkëpunimi në kuadër të integrimit evropian të Shqipërisë. Begaj tha ndër të tjera se ka kërkuar mbështetjen e Polonisë për anëtarësimin e Kosovës në NATO.
Fjala e presidentit Begaj
Vlerësova marrëdhëniet shumë të mira politike e tradicionalisht miqësore të rikonfirmuara edhe përmes kësaj vizite të mikut Duda në Tiranë. I shpreha mirënjohjen Presidentit Duda për solidaritetin që Polonia dhe populli polak treguan me shqiptarët për kapërcimin e dëmeve të tërmetit shkatërrimtar të Nëntorit 2019 dhe gjatë pandemisë Covid-19
Me homologun Duda u ndalëm tek bashkëpunimi ekonomik e tregtar i cili megjithëse ka zhvillime pozitive dhe një kuadër të plotë ligjor është larg mundësive të dy vendeve .
Vlerësuam bashkëpunimin në fushën e turizmit ku një kontribut të madh kanë dhënë lidhjet direkte të fluturimeve mes Polonisë dhe Shqipërisë.
Si dy vende anëtare të NATO-S Shqipëria dhe Polonia kanë bashkëpunim shumë të mirë në fushën e mbrojtjes në nivel strategjik dhe operacional. Vlerësuam gjithashtu bashkëpunim shumë të mirë në fushën e arsimit dhe shkencës si aspekt tjetër i rëndësishëm i marrëdhënieve dypalëshe.
Një vëmendje shumë të veçantë ia kushtuam bashkëpunimit në kuadër të integrimit evropian të Shqipërisë ku shpreha mirënjohjen për mbështetjen që Polonia i ka dhënë Shqipërisë.
Shpreha mirënjohje për kontributin që Polonia ka dhënë për paqen dhe stabilitetin e rajonit në Ballkanin Perëndimor. Shpreha mirënjohje për kontributin që Polonia ka dhënë për paqen dhe stabilitetin e rajonit në Ballkanin Perëndimor. Vëmendje të veçantë i kushtuam sfidës më të madhe për rendin botëror dhe sistemin e vlerave tona të përbashkëta që po testohen e kërcënohen nga një prej anëtarëve të përhershëm të Këshillit të sigurimit të Kombeve të Bashkuara. Kërkova mbështetjen e Polonisë për anëtarësimin e Kosovës në NATO.
TIRANË- Presidenti Bajram Begaj ka mirëpitur në një vizitë shtetërore Presidentin e Republikës së Polonisë, Andrzej Duda, ku pritja e mirëseardhjes është bërë me një ceremonial zyrtar. Begaj dhe Duda do të mbajnë një konferencë të përbashkët për shtyp në orën 12:20. Më tej dy homologët do të marrin pjesë në Forumin Ekonomik, Shqipëri-Poloni.
Axhenda
11:00-11:20 Pritja e mirëseardhjes me ceremonial zyrtar nga Presidenti i Shqipërisë, Sh.T.Z.Bajram Begaj dhe Zonja e Parë Armanda Begaj
12:20-12:50 Konferencë e përbashkët për shtyp
16:30-17:15 Pjesëmarrje e dy krerëve të shteteve në Forumin Ekonomik, Shqipëri-Poloni. /Dosja.al
