Skandali/ Deputetet e papërjashtuar nuk lejohen nga Garda të hyjnë në Kuvend, seanca mbyllet pas hyrjes së opozitës në Parlament

TIRANË- Pamjet e mëpshtme janë të momentin kur deputetët e Opozitës kanë mundur që të futën në seancën plenare gjatë ditës së sotme. Deputeti i parë që është futur ka qenë, Gazment Bardhi, i cili ka hequr xhaketën dhe i është drejtuar kryeparlamentares Lindita Nikolla dhe Edi Ramës, që kanë dhënë urdhër që deputetët të mos futen në Kuvend. 

"Kush je ti? S’të vjen zor," tha Bardhi.

Pas tij kanë qenë edhe deputetë të tjerë të opozitës, ndërsa afrimi i tij ka mobilizuar edhe gardistët që kanë rrethuar menjëherë foltoren.

Foto ilustruese

TIRANË-Kryetari i Grupit Parlamentar të PS, Bledi Çuçi paralajmëroi se nëse opozita vazhdon me këtë rrugë brenda rregullave ata do vazhdojnë me kërkesat e tyre për t’i përjashtuar. 

Çuçi u shpreh gjithashtu se kjo që po ndodh nga opozita është një teatër kukullash.

Çuçi:"Ata nëse do vazhdojnë kështu, sigurisht edhe ne brenda rregullave edhe kushtetutës do vazhdojmë me kërkesat tona për të përjashtuar këdo që prish seancat plenare apo komisionet Askush nga deputetët që nuk janë përjashtuar nuk janë ndaluar. Ky teatër që merr kolegët e përjashtuar dhe vendosi përpara për ti futur me zor, nuk është as absurd, por teatër kukullash."

Gazment Bardhi

TIRANË- Kreu i Grupit Parlamentar Gazment Bardhi ka deklaruar se kryeministri Edi Rama është koka e inceneratorëve. Në një deklaratë për mediat, Bardhi u shpreh se Rama i fshihet përballjes me qytetarët dhe tentoi që të lërë jashtë deputetët e opozitës.  

"Siç e patë, sot në Kuvend kishte ardhur bashkëpunëtori i Arben Ahmetaj, personi i konsideruar nga njeriu më i afërt si koka e inceneratorëve. Me një urdhër të paligjshëm, deputetët e opozitës u ndaluan të futen në Parlament. Edhe ndaj deputetëve që nuk kishte masë disiplinore, Garda e Republikës me urdhër personal të Edi Ramës, një frikacak që i fshihet gjithmonë përballjes me qytetarët tentoi të lërë jashtë deputetët e opozitës. Besoj se vetëm në vende me regjime autoritare nuk lejohen deputetët të futen të ushtrojnë mandatin… e paimagjinueshme që deputetët duhet të shqyhen nga këmisha dhe kostumi që të futen në sallën plenare”, tha Bardhi.

Foto ilustruese

TIRANË-Kryeparlamentarja Lindita Nikolla ka replikuar me disa prej deputetëve të opozitës të cilët edhe pse të përjashtuar kanë arritur të hyjnë në sallën e parlamentit dhe më pas ka njoftuar mbylljen e seancës. 

Nikolla u është drejtuar atyre se duhet “t’u vijë turp” pasi e dinë që janë të përjashtuar dhe po ndalojnë seancën.

Duke replikuar me deputetin Flamur Noka, ajo tha se nuk po provokon opozitarët, por janë këta të fundit që po provokojnë.

“Turp t’iu vijë juve që e dini që jeni të përjashtuar dhe ndaloni seancën. Juve t’iu vijë turp! Ju lutem jemi në seancë për të diskutuar problemet. Nuk po provokoj, po vazhdoj me seancën, Juve po provokoni”, u shpreh Nikolla.

Më pas Nikolla ka mbyllur seancën. 

Foto ilustruese

TIRANË-Pas përplas më Gardën e Republikës, deputeti demokrat Gazment Bardhi dhe deputeti Flamur Noka a arritur të futen në Kuvend.

Ndërkohë deputeti Asllan Dogjani ka hedhur edhe shishe ndaj kryeministrit Rama, ndërsa është ndaluar nga Garda e cila është bërë gardh para foltores.

Ndërkohë kryeparlamentarja Lindita Nikolla ka vazhduar seancën teksa deputetët e mazhorancës ishin duke folur.  

Nga ana tjetër, një grup simpatizantësh dhe deputetësh janë duke protestuar jashtë Kuvendit me pankarta dhe tymuese.

Foto ilustruese

TIRANË-Qindra demokratë janë mbledhur përpara Kuvendit Shqipërisë për të nisur protestën e tyre kundra qeverisë. Protesta është thirrur nga Partia Demokratike dhe Kreu i saj Sali Berisha si një reagim ndaj mos përgjigjes për Komisionet e Hetimore dhe Reformën Zgjedhore.

Nga ana tjetër deputetët e opozitës janë duke u përplasur me Gardën e Republikës. 

Pamje

TIRANË- Nuk ka ndodhur më parë! Seanca plenare ka nisur pasditën e sotme pa asnjë deputetët të opozitës në Kuvend. Kjo pasi Garda me urdhër nga qeveria nuk po lejon asnjë deputet të opozitës që të futet në seancë plenare.

Deputetët opozitarë po bëjnë thirrje që të lejohen të hyjnë në Kuvend, por e pamundur për shkak se garda ka bllokuar komplet derën. Ndërkohë që seanca brenda Kuvendit, po vijon e qetë.

Perplasja

TIRANË- Ditën e sotme është paralajmëruar nga opozita për një protestë e cila do te zhvillohet para Parlamentit. Edhe pse do të ketë protestë seanca plenare e ditës së sotme ka nisur ndërsa garda ka rrethuar Kuvendin duke mos lejuar hyrjen brenda ambienteve të saj deputetët e opozitës. 

"Hape rrugën, rrugaç. Edhe Enver Hoxha nuk i ndalonte deputetët të futeshin brenda. Mos merrni urdhra”, tha Asllan Dogjani teksa tenton të futet brenda Kuvendit.

“Mos u bëni ushtarë të krimit”, dëgjohet Noka ndërsa garda nuk lejon asnjë person të futet në Parlament.

“Sa ju tha ai jam hajdut, ju e latë”, thotë Bardhi.

Foto ilustruese

TIRANË-Një grup deputetësh të opozitës janë ndaluar që të futen brenda sallës së kuvendit ditën e sotme.

Ata janë bllokuar nga Garda e Republikës e cila ka krijuar një kordon në hyrje të sallës ndërsa nuk i lejon të futen brenda.

Deputetët Ervin Salianji, Dashnor sula, Albana Voshki, Gazment Bardhi, Asllan Dogjani, Flamur Noka, Ina Zhupa, Petrit Vasili dhe të tjerë janë duke u përplasur me efektivët.