Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Ditën e sotme kanë nisur seancat e radhës në komisionet parlamentare në kryesinë e Kuvendit të Shqipërisë. • Edhe pse në dukje është kthyer normaliteti me prezencën e opozitës, komisionet janë shoqëruar me debate të forta mes palëve. • Debatet më të shumta kanë qenë në Komisionin e Ligjeve ku në rendin e ditës është diskutuar një marrëveshje arsimore me qeverinë e Kosovës. • Fillimisht ka qenë deputeti i Partisë Demokratike, Dashamir Sula që e ka quajtur marrëveshjen mes PS dhe PD "fake". • Më pas ka qenë deputeti i PD Saimir Korreshi që ka ironizuar arsimin në vend, duke thënë se të ardhurat që japin për bursë bashkitë, studentëve nuk u dalin as për udhëtimet universitare. • Debat i ashpër ka qenë ai midis deputetëve Asllan Dogjani dhe Toni Gogu, ku deputeti i Partisë Demokratike e ka quajtur Gogun "dele të Edi Ramës".
5 artikuj për këtë temë.
TIRANË-Një debat i ashpër ka ndodhur në Komisonin e Ligjeve mes deputetëve të opozitës dhe mazhorancës. Ka qenë deputeti i opozitës Asllan Dogjani që ka debatuar me deputetin e mazhorancës Toni Gogu në lidhje me çështjet e ditës. Gjatë debatit depuetët ia janë drejtuar njëri-tjetrit me fyerje.
Pjesë nga debati:
Tonin Gogu: Ju vini nga një aksion i mahnitshëm opozitar, për të cilin falënderoj vetëm Bardhin, i cili shkoi, ju gjeti, ju mori, ju solli dhe bëri shumë mirë që ne të debatojmë.
Asllan Dogjani: Je dele e Edi Ramës ti, more vesh apo jo.
Gogu: Zoti Dogjani, s’të përmenda. Mund të më thuash cila ishte fyerja ime? Të lutem! Fyerjet po i zë ti në gojë. Kujdes! Me shumë kujdes!
Dogjani: Ore vazhdo me procedurën, s’ke punë me ne
Gogu: Të lutem mos më dhuno, jam në hapësirën time rregullative për të diskutuar. Pse kërceni?! Ne ju dëgjojmë. Shumë që keni ardhur, të debatojmë.
TIRANË- Kryetari i Grupit të PD-së, Gazment Bardhi gjatë takimit të zhvilluar në në Komisionin e Çështjeve ligjore ka kundërshtuar aktin normative të qeverisë që rishikon buxhetin. Bardhi gjatë fjalës së tij e ka cilësuar si antikushtetues dhe ndërhyrje që nuk shkon për problemet e ekonomisë.
Ai më tej ka shtuar se ky është një abuzim me të drejtën që ka Këshilli i Ministrave për të miratuar në kushte nevoje dhe urgjence masa të përkohshme me akt normativ.
“Ka një praktike disavjeçare, që ndërhyhet dy apo tri herë, me akt normative në buxhetin e shtetit. Ky është abuzim me të drejtën që ka Këshilli i Ministrave për të miratuar në kushte nevoje dhe urgjence masa të përkohshme me akt normativ. Mirëpo ky nuk është rasti. Ndaj gjykoi se pikësëpari bie ndesh me kushtetutën dhe është qartësisht marrje e kompetencave nga ana e Këshillit të Ministrave të kompetencave të Kuvendit”, tha ai.
Bardhi më tej ka denoncuar parashikimin e fondeve për Portin e Durrësit, ku shqiptarët duhet të paguajnë 400 milion euro ku sipas tij kjo ndodh për shkak se Edi Rama i fali portin një kompanie private.
“Qeveria ka deklaruar kur u miratua ligji korruptiv i Portit të Durrësit që nuk do paguhet asnjë lek nga buxhet, tani na thotë do paguajmë 400 milion euro. Qeveria ka gënjyer Parlamentin”, shtoi ai.
“Nuk ka asnjë garanci dhe ndërhyrje në këtë akt normative sa i përket sektorëve të rëndësishëm ekonomik. Kemi biznesin fason që po falimenton dhe po krijon qindra të papunë. Shifra që qeveria synon për këtë sektor nuk e është e mjaftueshme,” u shpreh Bardhi.
TIRANA- Ditën e sotme është mbledhur Komisioni për Çështjet Europiane, nën drejtimin e deputetes së opozitës, Jorida Tabakut ku mungonin deputetët e PD-së së vulës. Në Komisionin për Çështjet Europiane, ministrja e Shtetit për Marrëdhëniet me Parlamentin, Elisa Spiropali prezantoi projektligjin "Për sigurinë kibernetike".
“Ligji është i përafruar dhe është konsultuar me një shumësi institucionesh. Sa i takon çështjeve kushtetuese, këtu nuk ka vend për diskutime. Sepse nuk bëhet fjalë për akses në institucion, por për alertin e sigurisë kibernetike”, tha Spiropali.
Drejtuesja e Komisionit, Jorida Tabaku ngriti pyetjen se mos me këtë ligj për sigurinë kibernetike, maxhoranca mund ta kërkojë që të kontrollojë sigurinë kibernetike të SPAK-ut.
“Znj. Spiropali, kam dy shqetësime që lidhen me fjalën tuaj. Së pari, ju thatë që ka pasur një konsultim gjithëpërfshirës dhe ju referuat njëkohësisht përafrimit të plotë, por dhe drejtori me stafin e Komisionit kanë qënë në kontakt dhe ligji nuk është përafruar plotësisht. Ligji është i përafruar, jo në nivelin maksimal as i plotë. Por gjithsesi ne në këtë fazë nuk kemi detyrën për ta përafruar të plotë, kjo është një çështje tjetër.Shqetësimi im me një çështje që nuk është përafruar lidhet me nenin 3 në fushën e zbatimit, njëkohësisht me nenin 7 për të cilët kanë qënë në kontakt dhe stafet.
Në ligjin e mëparshëm por dhe direktiva e BE-së, përjashton fusha që lidhen me sigurinë kombëtare, sigurinë publike, mbrojtjen ose zbatimin e ligjit duke përfshirë parandalimin, hetimin, zbulimin dhe ndjekjen e veprave penale që kanë rëndësi të veçantë dhe që janë një pushtet i pavarur. Ndërkohë që ju i keni përfshirë këto në infrastrukturë kritike dhe nuk janë të përjashtuara. Me pak fjalë, në të gjithë infrastrukturën që ju po ngreni për sigurinë kibernetike, institucionet e pavarura të drejtësisë, SHISH-i dhe çdo institucion tjetër është pjesë e kësaj infrastrukture tashmë. Ky është një problem kushtetues dhe problem për ruajtjen dhe kontrollin e pushteteve.
Unë kam kontaktuar me disa prej institucioneve sot të cilët më kanë thënë që nuk janë konsultuar, si psh Byroja Kombëtare e Hetimit, SPAK, Prokuroria e Përgjithshme. Që në momentin e parë që kam marrë ligjin, këtë punë të parë kam bërë, a janë konsultuar këto institucione? A siguron ky ligj që të ketë një pavarësi të hetimit dhe që të dhënat mos të cënohen? Ka qënë dispozita në ligjin e mëparshëm, është hequr dhe ndërkohë është një dispozitë tjetër që i përjashton këto fusha në ligjin europian. Përse e kemi ndjekur këtë standard dhe i keni përfshirë këto fusha tek infrastruktura kritike”, tha Tabaku.
TIRANË-Saimir Korreshi, deputeti i Partisë Demokratike ka folur paraditen e sotme në Komisionin e Ligjeve lidhur me çështjen e diksutimit mbi bashkëpunimin shkencor të arsimit midis Kosovës dhe Shqipërisë. Korreshi ka dalë nga korniza e diskutimit të rendit të ditës dhe ka rënditur disa problematikat që sipas tij janë reale në arsim.
Deputeti ironizoi portalin e mësuesve duke thënë se të gjithë sipas tij, emërohen nga partia dhe nga ana tjetër Korreshi merr shembull disa drejtorë shkollash në Lushnje që sipas tij nuk kanë asnjë lidhje me arsimin.
Korreshi: Ky është universiteti që ju ofroni? E dini ju sa degë janë mbyllur dhe sa lëndë janë mbyllur. Ju folët për bursat. Bursat se u hapën disa këtu dhe folën për portalin. Portali nuk ka funksionuar asnjëherë dhe i fut të gjithë partia. Të gjithë drejtorat në Lushnje të arsimit janë me shkollë fiskulture. Bursa është pika më kulminante. A e dini ju sa lekë japin për studentët bashkitë? 80 mijë të vjetra. Zakonisht ngaqë kemi shumë ekselent ju i ndani gjysmë. Ka ca fëmijë vipash, që skanë dhënë asgjë andej, edhe nuk vinë asnjëherë aty. A llogaritet kjo pjesë ? Këto i keni në panoramë, kur i thërrisni në 5 pasdite në organizatë socialiste, se janë kapur mësuesit në mbledhje partie.
TIRANË- Deputeti i PD-së, Dashnor Sula gjatë fjalës së tij në Komisionin e Ligjeve u shpreh se ndihet i lumtur për rikthimin e normalitet. Sula më tej gjatë fjalës së tij u shpreh se ky rikthimi i normalitetit sipas tij gjatë 5 muajsh kanë ndodhur shumë gjëra për cenimin e demokracisë.
Sula tha se nuk mund të sillen sikur nuk ka ndodhur asgjë në 5 muaj, duke sjellë në vëmendje ndryshimet në ligjin për ngritjen e komisioneve hetimore si dhe ndryshimet në rregulloren e Kuvendit.
Deputeti shtoi se kjo marrëveshjë është fallco dhe se ndryshuan rregulloren e Kuvendit. Ai më tej shtoi se në rast se opozita zhvillon një protestë, deputetët rrezikojnë mandatin duke u përjashtuar.
“Mbas 5 muajsh për të folur për procedurë është shumë normale. Për rikthimin e normalitetit ndihem i lumtur, por më shumë sesa i lumtur. Të bëjmë sikur s’ka ndodhur asgjë për 5 muaj dhe të vijmë këtu e të bëjmë sikur s’ka ndodhur asgjë, kur në fakt kanë ndodhur shumë gjëra për cenimin e demokracisë. Do të mundohem që t’ua bëj të qartë të gjithëve që ky kthim në normalitet është diçka që duhet të kishte ndodhur që më 5 tetor, gjë që mazhoranca e bëri me dhunë dhe kokëfortësi.
Kjo marrëveshje është një fake i pastër, sepse çfarë marrëveshje ka arrit PS me PD, atë që i takon opozitës sipas rregullores dhe Kushtetutës. Çfarë bëri mazhoranca? Bëri atë që ndryshuat ligjin dhe ne sot kemi një ligj që s’ka asnjë lloj vlere për t’u ngritur dhe hetuar. Nuk mund të rri dhe të jem hipokrit. Ky është një normalitet i rremë. Ndryshuat rregulloren e Kuvendit dhe kjo do të thotë se nëse nesër ndodh një protestë qytetare, i hiqet mandati deputetit duke e përjashtuar.
Në 5 muaj keni kaluar ligje pa diskutime, përfshirë dhe buxhetin. Shkaku ishit ju për shkak të sjelljes së dhunshme që me forcën e kartonit i ndërprerët të drejtën opozitën, ndaj unë nuk do i lejoja vetes të isha indiferent. Marrëveshja u bë në Tiranë, tymi plasi në Sazan”, tha Sula.
