Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Zhvillime nga dita e shtatë e sulmeve në Sudan. •413 njerëz janë vrarë, mes të cilëve edhe një punonjës i Organizatës Ndërkombëtare të OKB-së. Ndërsa numri i të plagosurve ka shkuar në 3,551. •OBSH njoftoi se gjatë një jave që nga fillimi i sulmeve në Sudan të paktën nëntë fëmijë janë raportuar të vrarë në luftime dhe më shumë se 50 të tjerë janë plagosur. •Pavarësisht kërkesës për një armëpushim 72-orësh, sulmet në Sudan kanë vazhduar. •Shpërthime dhe të shtëna me armë tronditën kryeqytetin e Sudanit, Khartoum, në orët e para të mëngjesit të ditës së parë të Fitër Bajramit, duke shënuar fundin e Ramazanit. •Banorët po ‘braktisin’ vendin për shkak të mungesës së energjisë elektrike prej gjashtë ditësh dhe mungesës së ujit të pijshëm. • SHBA ka nisur përgatitjet për evakuuimin e qtetarëve të saj, pasi konfirmoi se një shtetas amerikan ka vdekur gjatë sulmeve në Sudan. •Një javë nga fillimi i sulmeve është pranuar ditën e Fiter Bajramit një armëpushim prej 72-orësh nga grupi paraushtaraksudanez. •Armëpushimi pritet të konfirmohet edhe nga pala tjetër rivale e Forcave të Armatosura sudaneze. •Një punonjës i Organizatës Ndërkombëtare të OKB-së për Migracionin (IOM) është vrarë si pasojë përplasjeve me armë zjarri midis grupit paraushtarak RSF dhe ushtrisë. Ministri i jashtëm Jose Manuel Albares tha se avionët ushtarakë spanjollë janë në gatishmëri për të evakuuar rreth 60 shtetas spanjollë dhe rreth 20 civilë nga vende të tjera nga kryeqyteti i Sudanit, Khartoum, në mes të konfliktit të armatosur. Kryeministri Ulf Kristersson, deklaron se Suedia do të evakuojë stafin e ambasadës dhe familjet e tyre nga Sudani sapo të gjejnë mundësinë. •Ai shtoi se Suedia po koordinon politikën e saj me vendet e tjera. Fuqitë e huaja, përfshirë Shtetet e Bashkuara, kanë bë rë thirrje të vazhdueshme për një armëpushim midis ushtrisë dhe forcave paraushtarake mes shqetësimeve për situatën gjithnjë e më të rëndë humanitare.
7 artikuj për këtë temë.
SUDAN- Një punonjës i Organizatës Ndërkombëtare të OKB-së për Migracionin (IOM) është vrarë si pasojë përplasjeve me armë zjarri midis grupit paraushtarak RSF dhe ushtrisë. Mediat e huaja raportojnë se ngjarja ka ndodhur në jug të qytetit El Obeid, kryeqyteti i shtetit të Kordofanit të Veriut. Lajmin e ka konfirmuar drejtori i përgjithshëm i agjencisë, portugezi Antonio Vitorino.
“Jam thellësisht i pikëlluar për vdekjen e kolegut tonë dhe i dërgojmë ngushëllimet tona gruas dhe djalit të tij të porsalindur”, tha António Vitorino, në një deklaratë.
Antonio Vitorino kujtoi se tre punonjës të tjerë të OKB-së, në këtë rast nga Programi Botëror i Ushqimit (ëFP), u vranë në një incident të ngjashëm të shtunën e kaluar, më 15 prill, ditën në të cilën filloi përshkallëzimi aktual i dhunës.
“Vrasja e pakuptimtë e civilëve, përfshirë punëtorët humanitarë, duhet të ndalet dhe paqja duhet të rivendoset”, mbrojti drejtori i përgjithshëm.
IOM deklaroi se konflikti aktual e ka detyruar organizatën, si agjencitë e tjera të OKB-së, të pezullojë aktivitetet e saj në Sudan derisa palët ndërluftuese të garantojnë sigurinë e punonjësve humanitarë dhe t'u ofrojnë atyre akses të pakufizuar në zonat ku ata mund të ofrojnë ndihmë për më të cenuarit. Luftimet vazhdojnë edhe sot, ditën e festës së Fitër Bajramit që shënon fundin e muajit të Ramazanit, pavarësisht thirrjeve të vazhdueshme për armëpushim nga rivalët. Përplasjet, të cilat filluan më 15, janë midis ushtrisë dhe grupit paraushtarak Forcat e Mbështetjes së Shpejtë (RSF). Zonat më të të prekura nga përleshjet janë kryeqyteti, Khartou dhe provincat e Kordofanit të Veriut dhe Darfurit.
SPANJË- Ministri i jashtëm Jose Manuel Albares, avionët ushtarakë spanjollë janë në gatishmëri për të evakuuar rreth 60 shtetas spanjollë dhe rreth 20 civilë nga vende të tjera nga kryeqyteti i Sudanit, Khartoum, në mes të konfliktit të armatosur, shkruajnë mediat e huaja.
"Çdo ditë, luftimet po rriten në intensitet dhe kjo është arsyeja pse nuk ka qenë e mundur të organizohet ende një evakuim," tha Albares në një konferencë të përbashkët shtypi me homologen e tij gjermane, Annalena Baerbock, në Berlin.
OBSH njoftoi se gjatë një jave që nga fillimi i sulmeve në Sudan të paktën 9 fëmijë janë raportuar të vrarë në luftime dhe më shumë se 50 të tjerë janë plagosur. Pavarësisht kërkesës për një armëpushim 72-orësh, sulmet në Sudan kanë vazhduar. Shpërthime dhe të shtëna me armë tronditën kryeqytetin e Sudanit, Khartoum, në orët e para të mëngjesit të ditës së parë të Fitër Bajramit, duke shënuar fundin e Ramazanit. Banorët po ‘braktisin’ vendin për shkak të mungesës së energjisë elektrike prej gjashtë ditësh, për shkak të mungesës së ujit të pijshëm.
SUEDI- Kryeministri Ulf Kristersson, deklaron se Suedia do të evakuojë stafin e ambasadës dhe familjet e tyre nga Sudani sapo të gjejnë mundësinë. Ai shtoi se Suedia po koordinon politikën e saj me vendet e tjera.
"Vendimet që kemi marrë nënkuptojnë se do të jetë e mundur të evakuohen ... personeli i ambasadës dhe të afërmit e tyre nëse dhe kur e lejon situata e sigurisë," u tha Kristersson gazetarëve.
Ai tha se do t'u jepet ndihmë edhe suedezëve të tjerë në vend, për aq sa është e mundur, shkruajnë mediat e huaja.
OBSH njoftoi se gjatë një jave që nga fillimi i sulmeve në Sudan të paktën 9 fëmijë janë raportuar të vrarë në luftime dhe më shumë se 50 të tjerë janë plagosur. Pavarësisht kërkesës për një armëpushim 72-orësh, sulmet në Sudan kanë vazhduar. Shpërthime dhe të shtëna me armë tronditën kryeqytetin e Sudanit, Khartoum, në orët e para të mëngjesit të ditës së parë të Fitër Bajramit, duke shënuar fundin e Ramazanit. Banorët po ‘braktisin’ vendin për shkak të mungesës së energjisë elektrike prej gjashtë ditësh, për shkak të mungesës së ujit të pijshëm.
SUDAN- Grupi paraushtarak RFS që lufton ushtrinë në Sudan ka rënë dakord për një "armëpushim të plotë" për 72 orë. CNN raporton se Forcat e Mbështetjes së Shpejtë (RSF) thanë se ranë dakord për armëpushimin për arsye humanitare ndërsa myslimanët festojnë Fitër Bajramin.
Grupi paraushtarak tha se pauza e luftimeve për tre ditë do të lejojë hapjen e korridoreve humanitare për të "evakuuar qytetarët dhe për t'u dhënë atyre mundësinë për t'u ribashkuar me familjet e tyre". Megjithatë nuk ka pasur akoma asnjë reagim nga ushtria rivale, Forcat e Armatosura të Sudanit (SAF) për armëpushimin.
Sekretari i Përgjithshëm i OKB-së, Antonio Guterres, më herët kishte bërë thirrje që të dyja palët të angazhohen për një armëpushim tre-ditor që të përkojë me festën e Fitër Bajramit, por apeli ka ngelur i pazbatuar.
Shpërthime dhe zjarre tronditën Khartum në orët e para të ditës së sotme, ditën e Fitër Bajramit, që shënon fundin e Ramazanit, pavarësisht shpresave të OKB-së për një armëpushim. Të paktën 330 njerëz janë vrarë dhe mijëra të tjerë janë plagosur që nga e shtuna, kur lufta për pushtet midis gjeneralëve Abdel Fattah al-Burhan dhe Mohamed Hamdan Daghlo, ose Hameti, u shndërrua në luftë të hapur.
SUDAN- Zëdhënës i Departamentit Amerikan të Shtetit ka konfirmuar se një shtetas amerikan ka vdekur në Sudan. Mediat e huaja raportojnë se SHBA po përgatitet për të evakuuar qytetarët.
Ndërkohë evakuuimi i qytetarëve është një perspektivë e vështirë pasi shumica e aeroporteve të mëdha janë bërë fusha beteje dhe lëvizja nga kryeqyteti Khartoum në zona më të sigurta është e rrezikshme. Mësohet se deri tani punonjësit në zyrën e Këshillit Britanik në Sudan janë evakuuar.
"Jemi të lehtësuar të ndajmë që të gjithë kolegët që ishin në zyrën tonë tani janë në shtëpi. Siguria e kolegëve tanë është gjithmonë prioriteti ynë më i lartë,"- thuhet në deklaratën nga zyrat e këshillit Britanik.
SUDAN- Organizata Botërore e Shëndetësisë njoftoi sot se 413 janë vrarë dhe 3,551 janë plagosur në Sudan që nga fillimi i armiqësive gjashtë ditë më parë. Mediat e huaja raportojnë se sipas njoftimit të OBSH deri më tani janë regjistruar 11 sulme në spitale në vend.
Zëdhënësi i UNICEF-it, James Elder, tha se të paktën nëntë fëmijë ishin raportuar të vrarë në luftime dhe se më shumë se 50 ishin plagosur.
Shpërthime dhe të shtëna me armë tronditën kryeqytetin e Sudanit, Khartoum, në orët e para të mëngjesit të ditës së parë të Fitër Bajramit, duke shënuar fundin e Ramazanit, pavarësisht shpresave të OKB-së për një armëpushim 72-orësh.
SUDAN- Pavarësisht kërkesës për një armëpushim 72-orësh, sulmet në Sudan kanë vazhduar edhe sot në ditën e Fitër Bajramit. CNN raporton se shpërthime dhe zjarre tronditën Khartum në orët e para të ditës së sotme.
Lutjet për një armëpushim janë bërë më urgjente ditët e fundit ndërsa numri i të vdekurve rritet. Shumica e spitaleve në kryeqytetin Khartoum janë jashtë funksionit, ku shumë prej tyre janë sulmuar. Banorët kanë mbetur të bllokuar në shtëpi dhe në strehimore pa ushqim dhe ujë, të rrethuar nga kërcënimi i armëve dhe artilerisë jashtë.
Deri tani pas gati një jave luftimesh të ashpra në gjithë Sudanin kanë humbur jetën më shumë se 330 njerëz dhe më shumë se 3000 njerëz janë plagosur. Vazhdimi i sulmeve ka shtyrë mijëra banorë të largohen nga vendi.
Luftimet shpërthyen në Sudan të shtunën, duke vrarë të paktën 330 njerëz dhe duke prishur një plan të mbështetur ndërkombëtarisht për një tranzicion në demokracinë civile në vend. Fuqitë e huaja, përfshirë Shtetet e Bashkuara, kanë bë rë thirrje të vazhdueshme për një armëpushim midis ushtrisë dhe forcave paraushtarake mes shqetësimeve për situatën gjithnjë e më të rëndë humanitare.
