"Lëvizja e Studentëve të Dhjetorit gjunjëzoi regjimin më të egër"/ “Foltorja 2”, Berisha të rinjve: Bashkohuni me ne, do të nisim protestat e fuqishme

Foto Ilustruese

TIRANË- Lideri i Partisë Demokratike, Sali Berisha ka thënë çdo demokrat, çdo opozitar dhe çdo shqiptar duhet të ngrihet në lartësinë e idealeve të dhjetorit. Gjatë fjalës së tij në foltoren e opozitës të vendosur para Kryeministrisë, Berisha u shpreh se ky është një mision, i cili ka të bëjë me shpëtimin ose shuarjen e kombit.

Berisha tha se Edi Rama është armik i egër i lirive të shqiptarëve, ndërsa e cilësoi "hajdutin" më të madh të kombit në të gjitha kohërat. Lideri i opozitës tha se Rama është armiku më i egër i rinisë shqiptare, ku në 10 vite përzuri 70 përqind të të rinjve nga vendi. Në fund, Berisha tha se altenativa e vetme e të rinjëve shqiptar sot, është largimi nga Shqipëria.

"Ky mision ka të bëjë me shpëtimin apo shuarjen e kombit tonë. Ky mision ka të bëjë me shpëtimin apo shkatërrimin e familjes tonë. Ky mision ka të bëjë me zhvillimin apo rrënimin e Shqipërisë. Ky mision ka të bëjë me të ardhmen e shqiptarëve apo zhdukjen e tyre. Midis të gjitha këtyre, çdo demokrat, çdo opozitar, çdo shqiptar zgjedh të ngrihet në lartësinë e idealeve të dhjetorit. Koha nuk pret. Çdo orë, çdo ditë që shkon jemi të vonuar. Qytetare dhe qytetarë shqiptarë, ky shesh, kombi pret nga ne të mos e lëshojmë, ta zëmë njëherë e mirë, ta mbajmë gjer në fitore. Edi Rama, armik i egër i lirive të shqiptarëve. Edi Rama vjen në këtë dhjetor si hajduti më i madh i kombit në të gjitha kohërat. Edi Rama vjen në këtë dhjetor si armik i egër i çështjes kombëtare dhe interesit të shqiptarëve.

Por mbi të gjitha vjen në këtë dhjetor si armiku më i egër i rinisë shqiptare, i të rinjve shqiptarë. Përzuri në 10 vite, 70 përqind të të rinjve nga vendi. Rrënoi shkollat. Rrënoi të ardhmen e tyre. Të rinjtë shqiptarë sot kanë si alternativë të vetme largimin, largimin dhe vetëm largimin nga Shqipëria. Miq, të gjitha këto janë apel, janë kushtrim të përballemi me këtë të keqe të madhe. Të përballemi me çdo çmim, të përballemi me çdo kusht, të përballemi për dinjitetin tonë, të përballemi për të ardhmen tonë të përballemi për vendin tonë, për familjet tona, për fëmijët tanë, për fëmijët e fëmijëve tanë. Ky është borxhi ynë, kjo është detyra jonë. Ne do e përmbushim atë." tha Berisha./Dosja.al

Sali Berisha

TIRANË- Kryetari i Partisë Demokratike, Sali Berisha u bëri thirrje të rinjve t’i bashkohen protestave të fuqishme që pritet të nisë opozita për rrëzimin e qeverisë. Në mbylljes të protestës para kryeministrisë, Berisha theksoi se tani pasi është kapur vjedhës i dhjetëra milionëve, që përpiqet të mbrojë vjedhjen e ministrave të tij, duke iu referuar kryeministrti Edi Rama. 

“Sot shqiptarët kanë një forcë politike dhe kjo është PD, parti e themeluar nga studentët e dhjetorit, parti e idealeve të dhjetorit. Edi Rama vjen në këtë dhjetor armik i egër i çështjes kombëtare, armiku më i egër i rinisë shqiptare, përzuri 70% të të rinjve nga vendi. Tani pasi është kapur vjedhës i dhjetëra milionëve, përpiqet të mbrojë vjedhjen e ministrave të tij. Ju ftoj të përgatitemi të nisim protestat e fuqishme”, tha Berisha./Dosja.al

Sali Berisha

TIRANË- Kreu i Partisë Demokratike, Sali Berisha, duke folur në Foltoren para kryeministrisë deklaroi se PD iu mbijetoi të gjitha përpjekjeve për ta zhdukur dhe vijon të mbetet forca e vetme politike që mbron aspiratat e asaj gjenerate. Gjatë fjalës së tij, kryedemokrati nderoi studentët e dhjetorit 1990 dhe rolin e tyre historik në përmbysjen e diktaturës, duke e lidhur këtë trashëgimi me betejën aktuale të opozitës për liri, votë të lirë dhe dinjitet qytetar.

"Mirëmbrëma dhe përshëndetjet më të përzemërta ju, qytetareve dhe qytetarëve të pranishëm sonte në këtë shesh, sheshin e lirisë. Një përshëndetje dhe nderimin më të madh studenteve dhe studentëve të dhjetorit 1990, që të prirë nga tribuni legjendar i kombit, nga studenti Azem Hajdari, ndanë epokat, përmbysën epokën e shtypjes më të egër, shpërfytyrimit më të madh të shqiptarëve dhe çelën dyert e lirisë për kombin tonë, çelën dyert e përparimit, e të ardhmes së shqiptarëve.

Çelën dyert për zgjidhjen e problemit, e çështjes shqiptare. Të dashur miq, këto dy vjet është shkruar dhe folur shumë për gjeneratën Z, gjeneratë e cila, janë të rinjtë që në fakt përmbysën diktatura mizore në Nepal, në Bangladesh dhe në vende të tjera. E vërteta është se kjo gjeneratë është bërë zëdhënësja më e guximshme, më e shkëlyqer e idealeve të kohës, e aspiratave të kohës. Është kjo gjeneratë pra në krye të betejës për liri të shoqërisë njerëzore. Por po të kthehemi 35 vite më parë, studentët e Universitetit të Tiranës ishin në kushte më të pakrahasueshme se studentët e asnjë vendi tjetër.

Në Shqipëri, gjithçka, çdo përpjekje ishte shtypur dhe vendimi i përgjithshëm dukej se për Shqipërinë ishte, kështjellë e socializmit në brigjet e Adriatikut. Një grup i vogël studentësh, jo më shumë se qindra, nuk qenë dakord dhe një natë të 8 dhjetorit, dolën në protestë në qytetin e tyre. Ata në 1 të natës u pritën nga Presidenti i Republikës i asaj kohe, i cili pas takimit u rezervoi atyre kërbaçin e Sigurimit të Shtetit. Miq, të nesërmen ata mbushën sheshin dhe rrugët, firmosën veten si të pamposhtur.

Qëndruan dhe në një betejë treditore gjunjëzuan regjimin më të egër, më shtypës, më represiv të kohës. Sot, pas 35 vitesh, ne nuk jemi më një diktaturë moniste. Studentët e dhjetorit nuk kishin një forcë politike që t’u dilte zot. E vërteta është se edhe qytetarët e trembur, dy ditët e para nuk u afruan me ta. Por ata vazhduan dhe fituan. Kurse sot, shqiptarët kanë një forcë politike dhe kjo është PD.

Parti e themeluar nga studentët e dhjetorit. Parti e idealeve të dhjetorit. Parti, e cila është e dyta dhe e vetme në gjithë hapësirën ish-komuniste që iu mbijetoi tallazeve dhe të gjitha përpjekjeve për ta zhdukur dhe mblidhet sot këtu e betuar si kurrë më parë për të rikthyer edhe njëherë në piedestal idealet e larta të lëvizjes së dhjetorit, lirinë e shqiptarëve, votën e lirë, dinjitetin e tyre, familjen shqiptare, interesin kombëtar të shqiptarëve," tha Berisha./Dosja.al

Sali Berisha

TIRANË- Kreu i Partisë Demokratike, Sali Berisha ka deklaruar mbrëmjen e sotme se Lëvizja e Studentëve të Dhjetorit gjunjëzoi regjimin më të egër. Gjatë fjalës së tij në foltoren e opozitës para Kryeministrisë, Berisha u shpreh se gjenerata Z përmbysi diktaturat mizore në Nepal, Bangladesh dhe në vende të tjera.

Lideri i opozitës tha se kjo gjeneratë është bërë zëdhënësja më e guximshme dhe më e shkëlqyer e idealeve dhe aspiratave të kohës. Kryedemokrati kujtoi Lëvizjen e Dhjetorit, për të cilën tha se 30 vite më parë, studentët e Universitetit të Tiranë ishin në kushte të pakrahasueshme, dhe natën e  8 dhjetorit dolën në protestë. 

“Ju qytetarë të pranishëm në këtë shesh, sheshin e lirisë. Këto dy vite është folur shumë për gjeneratën Z. Gjeneratë që janë të rinjtë që në fakt përmbysën diktatura mizore, në Nepal, Bangladesh dhe në vende të tjera. Kjo gjeneratë është bërë zëdhënësja më e guximshme, më e shkëlqyer e idealeve të kohës, aspiratave të kohës. Është kjo gjeneratë në krye të betejës për liri të shoqërisë njerëzore.

Por po të kthehemi 30 vite më parë, studentët e Universitetit të Tiranë ishin në kushte të pakrahasueshme. Në Shqipëri ishte shtypur gjithçka. Një grup i vogël studentësh, nuk qenë dakord dhe një natë të 8 dhjetorit, dolën në protestë dhe në 1 të natës u pritën nga presidenti i Republikës së asaj kohë që pas takimit u rezervoi kërbaçin e sigurimit të shtetit”, tha Berisha./Dosja.al

Ervin Salianji

TIRANË- Ish-deputeti demokrat Ervin Salianji ka marrë pjesë në protestën e thirrur nga opozita këtë të hënë para Kryeministrisë. Siç shihet edhe në pamje, Salianji është i pranishëm mes protestuesve para Foltores, pavarësisht diskutimeve të shumta pas kafes ku mblodhi demokratët më të votuar të primarëve dhe takimit me demokratët e Durrësit.

Protestës iu bashkua edhe Lideri i opozitës Sali Berisha, i cili pritet të mbajë fjalimin. Gjatë kësaj proteste, në qendër të vëmendjes do të jenë të rinjtë dhe problematikat të cilat i shqetësojnë, duke përkuar dhe me ditën e sotme të 8 dhjetorit, Ditës së Rinisë./Dosja.al

pamje nga vendngjarja

TIRANË- Partia Demokratike ka nisur sot protestën e radhës para Kryeministrisë, ose ndryshe “Foltorja 2”. Qytetarë të shumtë dhe mbështetës të Partisë Demokratike i janë bashkuar “Foltores”. Protestës iu bashkua edhe Lideri i opozitës Sali Berisha, i cili pritet të mbajë fjalim. Në "foltoren" para kryeminisrisë i pranishëm është edhe ish-deputeti Ervin Salianji, i cili gjithashtu ka nisur nga Durrësi ditë më parë një lëvizje për riorganizimin e PD-së.

Gjatë kësaj proteste, në qendër të vëmendjes do të jenë të rinjtë dhe problematikat të cilat i shqetësojnë, duke përkuar dhe me ditën e sotme të 8 dhjetorit, Ditës së Rinisë. Më herët kryedemokrati Sali Berisha ka njoftuar se do të ketë edhe takime nëpër rrethe./Dosja.al