Nënshkruhen 2 marrëveshje/ Rama vizitë zyrtare në Hungari: Mirënjohje Orban për mbështetjen! Kryeministri hungarez: Shqipëria duhet të jetë pjesë e BE, por po shikojmë pengesa politike

Edi Rama dhe Viktor Orban

TIRANË- Kryeministri Edi Rama nuk i ka lënë batutat as ditën e sotme me kryeministrin e Hungarisë Viktor Orban. Gjatë fjalës së tij, Rama i kërkoi falje me shaka, për këpucët që ka veshur, pasi sipas tij janë të mërzitshme.  

"Zoti kryeministër, i dashur mik, është gjithnjë një kënaqësi shumë e veçantë të jem këtu, më vjen keq që nuk erdhëm me këpucët që kërkon protokolli por kam veshur thjesht disa këpucë të mërzitshme, thjesht të zeza," tha Rama.

Edi Rama

TIRANË- Kryeministri Edi Rama ka dekaruar se me kryeministrin hungarez Viktor Orban ka nënshkruar dy marrëveshje bashkëpunimi. Gjatë një konference për mediat, Rama theksoi se marrëveshjet u nënshkruan në fushën e bujqësisë dhe në fushën e administratës publike. Po ashtu Rama ka shtuar se numri i kompanive hungareze që po investojnë në Shqipëri është i madh. 

“Është kënaqësi të falenderoj qeverinë hungareze. Është edhe një gjë tjetër. Ne e kemi ndjekur gjithmonë edhe e kemi parë Hungarinë si shembull, sa i përket reformave të brendshme, në administratë, qeveri si dhe sa i përket një shoqërie, që ka mirëqënie. Ne kërkojmë të mësojmë gjithmonë e më shumë nga Hungaria dhe ata që menaxhojnë sektorë të ndryshëm. Biseduam sesi mund ta zgjeronim këtë bashkëpunim tonin. Ne po mësojmë sa më shumë. Nënshkruam dy marrëveshje mirëkuptimi, në fushën e bujqësisë dhe në fushën e administratës publike.

Përvoja e Hungarisë për ne është shumë e rëndësishme. Folëm edhe për investimet. Ndihemi të inkurajuar që kompanitë hungareze po investojnë, por edhe nurmri i investimeve është i pazakontë, duke u krahasuar me vende që janë si Shqipëria në madhësi, bëhet fjalë për 350 milionë euro, shifër domethënëse për vendin tonë. Turizmi është një objektiv. Po shikojmë një rritje të turizmit në Shqipëri, 10 milionë turistë kishim vjet. Dëshirojmë të mos kemi vetëm turistë hungarezë. Duam që investimet në turizëm të pasojnë. Mirënjohje Orbanit për vendet e Ballkanit Perëndimor, jo vetëm me fjalë, por edhe me vepra. Pres që shumë gjëra do të bëhet mes 6 vendeve të Ballkanit Perëndimor dhe Hungarisë”, tha Rama.

edi rama

HUNGARI- Kryeministri Edi Rama ka zhvilluar sot një vizitë zyrtare në Hungari, ku ka mbajtur edhe një deklaratë të përbashkët për mediat me homologun hungarez, Viktor Orban.

Rama tha se ishte i nderuar për mënyrën se si Orban, të cilin e cilësoi si mikun e tij, e prezantoi në konferencë. Kreu i qeverisë shprehu po ashtu mirënjohjen që presidenca e Hungarisë, sipas tij bëri të mundur që pas disa ditësh të hapet një pjesë e madhe e negociatave me BE. 

Edi Rama: Jam shumë i nderuar për mënyrë se si kryeministri, miku im më prezantoi. Se di nëse është e merituar por këto fjalë kanë rëndë i për mua. Orban është ndoshta më i lehti për ti hedhur fajet  për mua është një person i këndshëm për të folur për gjërat që kanë ndodhur në botë. Por edhe si një instrument për të analizuar të tashmen.

Është një kënaqësi që jam këtu. Shpreh mirënjohjen time të thellë për atë që ka bërë presidenca e Hungarisë për ne duke nxitur dhe bashkërenduar dhe duke bërë të mundur që pas disa ditësh ne do të kemi mundësinë që të hapim një pjesë të madhe të negociatash me BE. Në këtë mënyrë ne do të hymë në një fazë integrimi që do të jetë e përparuar. Sigurisht që është vendi për të falënderuar edhe dikë tjetër që është pjesë e qeverisjes evropiane.

Edi Rama dhe Viktor Orban

HUNGARI- Kryeministri i Hungarisë Viktor Orban ka nxjerr detaje nga takimi i sotëm me kryeministrin Edi Rama. Me anë të një postimi në X, Orban ka theksuar se konferenca e dytë ndërqeveritare me Shqipërinë do të mbahet më 15 tetor,  për hapjen e negociatave. Po ashtu kreu i Presidencës së BE-së, ka theksuar se po ofrojnë përshpejtimin e anëtarësimit të Ballkanit Perëndimor. 

“Ishte një kënaqësi të mirëprisja Kryeministrin Edi Rama në Budapest sot. Kemi kënaqësinë të njoftojmë se konferenca e dytë ndërqeveritare me Shqipërinë do të mbahet më 15 tetor, duke shënuar hapjen e grupit të parë të negociatave. Ne nuk flasim vetëm për përshpejtimin e anëtarësimit të Ballkanit Perëndimor, ne e ofrojmë!” shkruan Orban.

viktor orban

HUNGARI- Kryeministri i Shqipërisë, Edi Rama dhe homologu i tij hungarez, Viktor Orban kanë zhvilluar një konferencë të përbashkët për mediat. Orban gjatë fjalës së tij në konferencë tha se Shqipëria duhet të jetë në Bashkimin Evropian.

Por gjithashtu ai theksoi se “po shikojmë pengesa politike dhe është e vështirë për ti kaluar këto probleme.” Më tej u bë me dije se javën e ardhshme do të zhvillohet konferenca e parë ndërmjet BE dhe Shqipërisë.

"Shqipëria duhet të jetë pjesë e BE dhe duhet të ishte pjesë edhe tani, por po shikojmë pengesa politike dhe është e vështirë për ti kaluar këto probleme.

Por kemi pasur sukses pasi javën e ardhshme në Luksemburg do të kemi konferencën ndërmjet BE dhe Shqipërisë ku do të hapet grupkapitulli i parë. Përgëzoj Ramën dhe Shqipërinë, jam i gëzuar që vjen në një moment kur Hungaria ka presidencën e BE.", tha ai.

rama, orban

HUNGARI- Kryeministri Edi Rama ndodhet në Hungari për një vizitë zyrtare, ndërsa është pritur sot nga homologu i tij hungarez, Viktor Orban. 

Përmes një postimi në Facebook, kryeministri ka ndarë pamje nga takimi i tij me Orban. Ditën e sotme mes liderëve të dy vendeve pritet të nëshkruhet edhe një marrëveshje në sektorin e bujqësise.

Më parë, në vitin 2021 Rama zhvilloi një vizitë zyrtare në Budapest  e cila u pasua dy vite më vonë nga vizita në Tiranë e kryeministrit hungarez, Viktor Orban. Në atë kohë u nënshkruan disa marrëveshje, ndër to edhe Memorandumin e mirëkuptimit ndërmjet Ministrisë për Evropën dhe Punët e Jashtme të Republikës së Shqipërisë dhe Ministrisë së Punëve të Jashtme dhe Tregtisë së Hungarisë për zhvillimin e një bashkëpunimi më të madh në fushën e Integrimit Evropian, si dhe Memorandumin e Mirëkuptimit për bashkëpunim në fushën e menaxhimit të ujit ndërmjet Agjencisë së Menaxhimit të Burimeve Ujore të Shqipërisë dhe Ministrisë së Brendshme të Hungarisë.