"Në fokus parandalimi i ngrohjes globale dhe pasojave të saj!" Nis punimet Samiti për Klimën në Baku, Rama drejt Azerbajxhanit

Foto ilustruese

BAKU- Viti 2024 është në rrugën e duhur për të qenë viti më i ngrohtë i regjistruar pas një brezi të zgjatur të temperaturave mesatare mujore jashtëzakonisht të larta mujore, sipas Organizatës Botërore Meteorologjike (WMO)

Temperatura mesatare globale e ajrit në sipërfaqe janar-shtator 2024 ishte 1,54 °C (me një diferencë pasigurie prej ±0,13 °C) mbi mesataren para-industriale, e rritur nga një ngjarje e ngrohjes El Niño, sipas një analize të gjashtë grupeve të të dhënave ndërkombëtare të përdorura nga WMO.

“Katastrofa klimatike po godet shëndetin, po zgjeron pabarazitë, po dëmton zhvillimin e qëndrueshëm dhe po lëkund themelet e paqes. Të cenuarit janë më të goditurit”, tha Sekretari i Përgjithshëm i OKB-së, António Guterres.

Raporti u publikua në ditën e parë të Konferencës së OKB-së për Ndryshimet Klimatike, COP29, në Baku, Azerbajxhan. Ajo thekson se ambiciet e Marrëveshjes së Parisit janë në rrezik të madh.

Në Paris në vitin 2015, pothuajse 200 vende u zotuan të përpiqen të kufizojnë rritjen afatgjatë të temperaturës në atë nivel, duke shpresuar të shmangin disa nga ndikimet më të këqija të ndryshimit të klimës.

Kryeministri Edi Rama

BAKU- Kryeministri Edi Rama do niset sot për një vizitë dy ditore në Baku të Azerbajxhanit ku do të marrë pjesë në Samitin Botëror të klimës Cop 29. 

Liderë shtetesh, ministra dhe zyrtarë tjerë prej gati 200 shteteve të botës mblidhen këtë hënë në Azerbajxhan për t’i ndjekur punimet e Konferencës së Kombeve të Bashkuara për Ndryshimet Klimatike.

Fokusi do të jetë se si të parandalohet ngrohja globale, por edhe pasojat e saj vdekjeprurëse.

Në këtë konferencë dyjavore pritet të adresohen përkushtimet financiare për shtetet e varfra që janë prekur nga valët e të nxehtit, stuhitë dhe vërshimet, dhe që intensiteti i tyre është rritur për shkak të ndryshimeve klimatike.

Konferenca e këtij viti për Klimën do të mbahet në Baku të Azerbajxhanit.

BAKU- Liderë shtetesh, ministra dhe zyrtarë tjerë prej gati 200 shteteve të botës mblidhen të hënën në Azerbajxhan për t’i ndjekur punimet e Konferencës së Kombeve të Bashkuara për Ndryshimet Klimatike. Fokusi do të jetë se si të parandalohet ngrohja globale, por edhe pasojat e saj vdekjeprurëse.

Në këtë konferencë dyjavore pritet të adresohen përkushtimet financiare për shtetet e varfra që janë prekur nga valët e të nxehtit, stuhitë dhe vërshimet, dhe që intensiteti i tyre është rritur për shkak të ndryshimeve klimatike. Shtetet në zhvillim dhe organizatat për ambientin presin nga shtetet e pasura që të mobilizohen për t’i ndarë të paktën 1 trilion dollarë në vit – 10 herë më shumë sesa zotimi aktual prej 100 miliardë dollarëve në vit.

Për të financuar këtë rritje, aktivistë për klimën janë duke propozuar rritjen e taksave për të pasurit, si dhe vendosjen e taksave shtesë për nxjerrje të qymyrit, naftës dhe gazit. Organizatat joqeveritare shqetësohen se samiti i njohur si Konferenca e Palëve, apo COP29, do të mbetet në hije nga fitorja e Donald Trumpit si president amerikan.Pas fitores së tij në zgjedhjet e vitit 2016, ai pati urdhëruar largimin e Shteteve të Bashkuara nga Marrëveshja e Parisit për Klimën.

Sipas raportimeve të së përditshmes amerikane New York Times, gjatë fundjavës, Trump jo vetëm që planifikon largimin prej Marrëveshjes së Parisit, por edhe për zhvendosje të selisë së Agjencisë për Mbrojtje të Ambientit larg Uashingtonit, dhe që do t’i ndryshojë politikat, të cilat i mundësojnë nxjerrjen e naftës dhe qymyrit. Dhjetëra mijëra zyrtarë, gazetarë, aktivistë dhe lobistë politikë pritet të marrin pjesë në konferencën e organizuar në Azerbajxhan, ish-republikë sovjetike, në të cilën liria e shprehjes është tejet e kufizuar./ REL