Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Vendi ynë është goditur ditën e sotme nga një stuhi e fortë ere dhe shiu. • Në fundjavë është parashikuar në të gjithë vendin për reshje shiu ndërsa ndryshimet kanë ndodhur menjëherë. • Në pak sekonda moti mori kthesë ndërsa gjithçka nisi me një erë të fortë. • Më pas u pasua me shkarkime të reshjeve të shiut të cilat janë më intensitet të lartë. • Moti i keq ka prekur gati të gjitha qytetet e vendit, duke shkaktuar problematika në qarkullimin e automjeteve, bllokimin e rrugëve, ndërprerje të energjisë elektrike dhe rradhë kilometrike trafikur. • Në rrugët e Lezhës, trafiku vijon prej më shumë se 6 orësh. • Largimi i numrit të madh të automjeteve të pushuesve që largohen plazhet e Tales, Shëngjinit dhe Velipojës ka sjellë kaos nga Balldreni deri në Rrugën e Kombit. • Trafiku i rënduar që vijon që prej orës 14:00 ka bllokuar gjithashtu edhe rrugët dytësore. • Në Vlorë, disa nga akset janë përballur me probleme të trafikut të rënduar dhe përmbytje e dëmtime të rrugëve. • Raportohet se një gropë e madhe është hapur në asfalt pranë tunelit të Ujit të Ftohtë, në vendin e quajtur “Gjurma”, në aksin Vlorë-Radhimë. • Gropa ka përmasa aq të mëdha sa mund të marrë edhe një makinë brenda. • Ndërkohë në lagjen “10 Korriku” ka prezencë dheu dhe balte. • Lidhur me situatën e motit të keq Instituti i Gjeoshkencave njoftoi se sot dhe nesër priten reshje intensive në qarqet Lezhë Durrës dhe Tiranë.• Në qarkun e Shkdorës, Dibrës, Elbasanit, Vlorës dhe Gjirokastrës priten reshje mesatare deri lokalisht intensive. • Ndërkohë temperaturat do të shënojnë rënie. • Stuhia e sotme ka kapur në befasi edhe një traget turistik të Maqedonisë së Veriut që po udhëtonte nga Shën Naumi në drejtim të Ohrit. • Mjeti lundrues për shkak të motit të keq, është afruar dhe ka udhëtuar afër bregut shqiptar. • Deri më tani nuk është raportuar asnjë dëm apo probleme, ndërsa autoritetet doganorë shqiptare kanë bërë me dije se janë njoftuar për këtë paraprakisht nga pala maqedonase. • Moti i keq ka sjellë lëndime të disa personave në Tiranë. • Sipas raportimeve, 20 persona janë paraqitur për ndihmë mjekësorë te urgjenca e spitalit të Traumës. • 10 prej tyre po vijojnë të marrin shërbim mjekësor në spital. • Bëhet me dije se lëndimet e tyre janë shkaktuar nga goditja e sendeve të forta që era fluturoi në ajër. • Në qytetin e Durrësit, më herët ka pasur dëmtimë të linjës së energjisë elektrike. • Si pasojë kanë mbetur pa energji elektrike, zona e Xhafzotajt, Gjit të Lalzit, Hamallajt dhe Manzës.
20 artikuj për këtë temë.
LEZHË- Trafiku në rrugët e Lezhës vijon prej më shumë se 6 orësh. Largimi i numrit të madh të automjeteve të pushuesve që largohen plazhet e Tales, Shëngjinit dhe Velipojës ka sjellë kaos nga Balldreni deri në Rrugën e Kombit.
Trafiku i rënduar që vijon që prej orës 14:00 ka bllokuar gjithashtu edhe rrugët dytësore. Prania e policisë në këto akse nuk ka mjaftuar për zhbllokimin e trafikut.
VLORË- Reshjet e dendura te shiut kanë sjellë probleme të shumta në të gjithë qytetet e vendit. Në Vlorë, disa nga akset janë përballur më probleme të trafikut të rënduar dhe përmbytje e dëmtime të rrugëve.
Raportohet se një gropë e madhe është hapur në asfalt pranë tunelit të Ujit të Ftohtë, në vendin e quajtur “Gjurma”, në aksin Vlorë-Radhimë.
Gropa ka përmasa aq të mëdha sa mund të marrë edhe një makinë brenda. Ndërkohë në lagjen “10 Korriku” ka prezencë dheu dhe balte.
POGRADEC- Një parashutist i Maqedonisë së Veriut ka shpwtuar ditwn e sotme pa lwndime, pasi era e fortë e hodhi në Pogradec.
Komandanti i Shën Naumit, të Maqedonisë së Veriut, ka njoftuar autoritetet shqiptare se një parashutist ishte ngritur në fluturim dhe, si pasojë e erës së fortë, kishte devijuar fluturimin dhe mund të kishte rënë në fshatin Alarup, Pogradec.
Policia ka shkuar në adresën e dhënë dhe kanë gjetur sportistin, i cili fatmirësisht ishte në gjendje shumë të mirë shëndetësore. Parashutisti u dërgua në pikën kufitare të Qafë Thanës, i cili më pas ka kaluar për në Maqedoninë e Veriut.
NJOFTIMI I POLICISË:
Pogradec
Policia Kufitare i shkoi në ndihmë një sportisti të Maqedonisë së Veriut, që fluturonte me paraglajder.
Shërbimet e Policisë reaguan me shpejtësi dhe profesionalizëm, duke bërë të mundur lokalizimin e tij.
Pas informacionit të marrë nga komandanti i Shën Naumit, të Maqedonisë së Veriut, se një parashutist ishte ngritur në fluturim dhe, si pasojë e erës së fortë, kishte devijuar fluturimin dhe mund të kishte rënë në fshatin Alarup, Pogradec, menjëherë shërbimet e Drejtorisë Vendore të Kufirit dhe Migracionit Korçë kanë shkuar në adresën e dhënë, kanë bërë të mundur lokalizimin e tij dhe kanë marrë kontakt me sportistin, shtetasin V. P., i cili ishte në gjendje shumë të mirë shëndetësore.
Nga ana e shërbimeve të DVKM Korçë, është bërë e mundur dërgimi i këtij shtetasi në PKK Qafë Thanë, i cili ka kaluar për në Maqedoninë e Veriut.
Sportisti falënderoi shërbimet e Policisë për reagimin e menjëhershëm dhe profesionalizmin e treguar.
Policia Kufitare mbetet e angazhuar maksimalisht në shërbim të qytetarëve, vizitorëve dhe turistëve, dhe fton këdo që ndodhet në nevojë të telefonojë në numrin pa pagesë 112.
LEZHË- Moti i keq ka larguar pushuesit dhe turistët nga plazhet dhe bregdeti. Raportohet se prej gati dy orësh, në akset rrugorë Shkodër- Lezhë dhe Lezhë-Milot ka trafik të rënduar.
Raportohet se situata paraqitet më e vështirë në Shëngjin, ku dalja nga qyteti mbetet problem. Trafiku i rënduar ka bllokuar gjithashtu edhe rrugët dytësore. Policia ndodhet në terren dhe po punon për zhbllokimin e trafikut në këto akse.
TIRANË- Instituti i Gjeoshkencave ka dalë me një njoftim lidhur me situatën e motit të keq që ka mbërthyer të gjithë vendin.
Në njoftim thuhet se sot dhe nesër priten reshje intensive në qarqet Lezhë Durrës dhe Tiranë. Në qarkun e Shkdorës, Dibrës, Elbasanit, Vlorës dhe Gjirokastrës priten reshje mesatare deri lokalisht intensive.
Bëhet me dije më tej se në qarkun e Kukësit dhe Fierit priten reshje të mesme, ndërsa në të gjitha qarqet reshjet do të shoqërohen me shtrëngata. Ndërkohë temperaturat do të shënojnë rënie.
POSTIMI I PLOTË:
PARASHIKIMI METEO
RESHJET
Sot pasdite (e shtunë, dt. 30) dhe nesër (e diel, dt. 31) priten reshje intensive në qarqet Lezhë Durrës dhe Tiranë. Në qarqet Shkodër, Dibër, Elbasan, Vlorë dhe Gjirokastër priten reshje mesatare deri lokalisht intensive. Në qarkun Kukës dhe Fier priten reshje mesatare, ndërsa në qarqet e tjerë priten reshje të dobëta deri lokalisht mesatare (siç tregohet në tabelë, respektivisht për secilin qark).
Reshjet priten të shoqërohen me shtrëngata në të gjitha qarqet.
Shtrëngatat dhe intensiteti i lartë i reshjeve, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Kukës, Dibër, Lezhë, Durrës, Tiranë, Elbasan, Fier dhe Vlorë.
TEMPERATURA
Nesër (e diel, dt. 31) temperaturat minimale dhe maksimale të ajrit pritet të arrijnë:
në bregdet: 19 / 23 °C
në vendet e ulëta: 18 / 26 °C
në vendet malore: 14 / 24 °C
ERA
Sot pasdite (e shtunë, dt. 30) dhe nesër (e diel, dt. 31) era pritet të fryjë e lehtë deri mesatare, për momente të shkurtra deri e fortë në bregdet dhe zonat malore.
ZJARRET NË PYJE
Sot pasdite (e shtunë, dt. 30) pritet rrezik “I ULËT” në qarqet Kukës, Dibër, Elbasan, Korçë dhe Gjirokastër, ndërsa në qarqet e tjerë pritet nivel “S’KA RREZIK”. Nesër (e diel, dt. 31) pritet nivel “S’KA RREZIK” në të gjithë qarqet.
TIRANË- Stuhia ka kapur në befasi një traget turistik të Maqedonisë së Veriut që po udhëtonte nga Shën Naumi në drejtim të Ohrit. Sipas raportimeve, mjeti lundrues për shkak të motit të keq, është afruar dhe ka udhëtuar afër bregut shqiptar.
Deri më tani nuk është raportuar asnjë dëm apo probleme, ndërsa autoritete doganorë shqiptare kanë bërë me dije se janë njoftuar për këtë paraprakisht nga pala maqedonase.
DURRËS- Moti i keq dhe stuhia që përfshiu vendin prej disa orësh ka sjellë probleme në vend. Raportohet se në qytetin e Durrësit ka pasur dëmtimë të linjës së energjisë elektrike.
Si pasojë kanë mbetur pa energji elektrike, zona e Xhafzotajt, Gjit të Lalzit, Hamallajt dhe Manzës. Edhe në qytetet e tjera të vendin janë raportuar probleme të shumta.
Në Tiranë ka pasur edhe njerëz të lënduar, ku raportohet se 20 persona janë paraqitur për ndihmë mjekësorë te spitali i Traumës.
TIRANË- Një stuhi e fortë ka përfshirë prej disa orësh gjithë vendin me reshje të dendura shiu dhe erëra të forta. Stuhia ka sjellë lëndime të disa persona në Tiranë përveç rrugëve të bllokuara dhe pemëve të rrëzuara.
Sipas raportimeve, 20 persona janë paraqitur për ndihmë mjekësorë te urgjenca e spitalit të Traumës. 10 prej tyre po vijojnë të marrin shërbim mjekësor në spital. Bëhet me dije se lëndimet e tyre janë shkaktuar nga goditja e sendeve të forta që era fluturoi në ajër.
TIRANË- Një stuhi e fortë ka përfshirë ditën e sotme kryeqytetin me reshje të dendura shiu dhe erëra të forta. Në një video të ardhur në redaksinë e Dosja.al, era e fortë ka rrëzuar pemët te zona e stadiumit Dinamo, pas tribuna.
Pema e rrëzuar sic shihet në videon e mëposhtme ka zënë poshtë një makinë. Nuk dihet nëse nga incidenti ka persona të lënduar apo jo. Policia ndodhet në vendin e ngjarjes.
ZVËRNEC- Një çifti ukrainas është bllokuar ditën e sotme rreth orës 13:00 në Zvërnec. Ata janë bllokuar për shkak të motit të keq. Raportohet se një pemë ka rënë duke bllokuar rrugën rurale të zonës, e cila e bën të pamundur lëvzijen e mjetit.
Reshjet e shiut mësohet se kanë dëmtuar edhe segmentin për këmbësorë. Çifti ka kërkuar ndihmën e forcave zjarrfikëse të Vlorës, të cilët janë duke shkuar në vendin e ngjarje për hapjen e rrugës.
BERAT- Qyteti i Berat është goditur nga një stuhi e fortë ere dhe reshje shiu. Siç shihet edhe nga pamjet era e forte ka ngritur pluhurin ë qytetit në ajër ndërsa mjegulla ka mbuluar vendin.
Në pak sekonda moti mori kthesë dhe nga mesi i ditës pëshkak të vranësirave dukej sikur po errësohej. Deri më tani nuk raportime për të lënduar ndërsa dëme materiale ka pasi era ka marrë përpara çdo që ka qenë jashtë dhe jo e siguruar mirë.
TIRANË- Aeroporti Ndërkombëtar i Tiranës ka dalë ditën e sotme me një njoftim për pasagjerët. Në njoftim bëhet dije se për 30 minuta janë pezulluar operacionet në pistë për të garantuar sigurinë maksimale të pasagjerëve.
Në njoftim theksohet se puna po vijon normalisht dhe se në Tiranë po ulen edhe avionë me destinacion aeroportet e tjera fqinje. Pas mesditës, situata meterologjike në vend ka ndryshuar në mënyrë drastike me erëra të forta dhe stuhi shiu që kanë sjellë përmbytje në disa qytete.
“Për shkak të motit dhe kushteve të rënduara atmosferike, skuadra e aeoportit ka pezulluar operacionet në pistë për rreth 30 minuta. Kjo është për të garantuar siguri maksimale të pasagjerëve. Ndërkohë puna vijon normalisht. Madje në aeroportin e Tiranës po ulen edhe avionë me destinacion aeroportet e vendeve fqinje.”, thuhet në njoftim.
LEZHË- Një stuhi e madhe shiu dhe erëra të forta ka goditur ditën e sotme qytetin e Lezhës. Pas reshjeve të shiut të cilat ranë për disa minuta me intensitet të lartë, qytetarët e Lezhës po përballen me rrugë të përmbytura.
Bulevardi “Gjergj Fishta” dhe bllokun e banimit “11 Janari” në lagjen Besëlidhja janë gjithmonë zona të cilat vuajnë pasojate përmbytjeve sikur edhe një shi i lehtë të bjerë. Në këto zona uji ka pushtuar vendin dhe raportohet se niveli i ujit shkon deri në 30 centimetra. Përmbytje të rrugëve ka edhe në Shëngjin ku niveli i ujit shkon deri në trotuar.
VLORË- Vlora është një tjetër qytet që është goditur mesditën e sotme nga reshjet e shiut dhe era e fortë. Pavarësisht parashikimeve për reshje shiu shumë përsona kanë vendosur të kalojnë këtë të shtunë në plazh dhe stuhia i ka kapur buzë detit.
Sapo ka nisur një erë e fortë pushuesit janë larguar me shpejtësi ndërsa më pas situata u pasua me reshje të shumta shiu. Siç shihet edhe nga fotot rrugët u "pushtuan" nga pluhuri dhe objekte që era po i lëvzite. Pas reshjeve të shiut janë regjistruar problematika me përmbytjet e rrugëve të cilat janë mbushur plot me ujë duke vështirësuar qarkullimin.
DURRËS- Qyteti i Durrësit gjithashtu është goditur nga stuhia e fortë ndërsa reshjet e shiut kanë lënë pas rrugë të mbushuar me ujë. Moti pritet të jetë i keq gjatë fundjavës ndërsa shumë qytete kanë hasur probleme me përmbytjetet e rrugëve të cilat u mbushën brenda pak minutash.
Siç shihet edhe nga pamjet, rrugët janë mbushur me uji ndërsa kalimtarët kalojnë mes për mes për të shkuar drejt banesave të tyre. Niveli i ujit arrin deri në trotuar.
TIRANË- Moti i keq ka "pushtuar" të gjithë vendin ndërsa problematika të shumta janë raportuar përshkak të erës së fortë. Një rast i rrezikshëm është regjistruar në Tiranë. Një teleferik mbeti i bllokuar në mes të rrugëve dhe siç shihet nga pamjet tundet nga forca e erës.
JOQ ka publikuar pamjet nga vendi i ngjarjes ndërsa nuk dihet nëse ka persona brenda saj. Në rast se ka patur pasagjerë e sigurt se kjo do të jetë eksperienca më e frikshmë në jetë, në ajër në mes të një stuhie.
TIRANË- Në Tiranë era e fortë dhe stuhia kanë dëmtuar disa objekte ndërsa siç shihen në foto karriget dhe çadrat e lokaleve për rreth stadiumit kanë "flutuaruar". Era ka qenë shumë e fortë dhe ka rrëzuar pemë në kryeqytet.
Banorët që janë gjendur jashtë kanë vrapuar të futen në vende të sigurta pasi era e fortë ka lëvizur shumë objekte të cilat mund të plagosin kalimtarët. Deri më tani nuk ka raportime për të lenduar në njerëz, ndërsa ndryshimet klimatike pritet të zgjasin gjatë fundjavës.
SHËNGJIN- Reshjet e shiut kanë goditur Lezhën ndërsa siç shihet edhe nga pamjet rrugët janë përmbytur. Niveli i ujit në rrugët e Shëngjinit ka arrritur deri në trotuar ndërsa shihen qytetarët që vrapojnë për të shkuar në banesat e tyre para se një stuhi tjetër ti gjejë jashtë.
Reshjet e shiut kanë pushuar ndërsa në disa minuta shi rrugët janë kthyer në lumë. Ndryshimet meterologjike pritet të zgjasin në fundjavë ndërsa intensiteti i reshjeve ka qenë i lartë në Lezhë, Tiranë, Durrës e shumë qytete të tjera.
LEZHË- Moti në të gjithë territorin e vendit ka marrë kthesë ndërsa stuhitë kanë goditur qytete të ndryshme. Në qytetin e Lezhës raportohet se ka patur shkarkime të shumte të shiut të cilat kanë përmbytur rrugët.
Shiu mësohet se ka rënë për disa minuta me intensitet të lartë e cila ëshrë shoqëruar me erë të fortë. Pas disa minutash situata është me e qetë me reshje më të pakta ndërsa rrugët mbeten me ujë.
TIRANË- Kryeqyteti është goditur mesditën e sotme nga një stuhie e fortë ere dhe shiu. Në fundjavë është parashikuar në të gjithë vendin për reshje shiu ndërsa ndryshimet kanë ndodhur menjëherë.
Në pak sekonda moti mori kthesë ndërsa gjithçka nisi me një erë të fortë. Më pas u pasua me shkarkime të reshjeve të shiut të cilat janë më intensitet të lartë. Siç shihet edhe nga pamjet menjhëre rrugët janë mbushur me ujë dhe njerëzit kanë boshatisur rrugët.
