HISTORIKE! Shqipëria fiton në Andorra, zyrtarizon pjesëmarrjen në play-off e Kupës së Botës 2026

ANDORRA- Kombëtarja shqiptare ia del më në fund dhe siguron kualifikimin për në playoffin e Botërorit 2026. Kuqezoinjtë e arritën objektivin e tyre dhe mposhtën Andorrën me rezultatin 1-0 duke marrë 3 pikët që i duheshin por duke falënderuar edhe Anglinë që mposhti serbinë duke i dhënë sigurinë matematikore kuqezinjve për pjesëmarrjen në playoff

Në pjesën e parë, Kombëtarja e kishte zotërimin e topit por ishte steril pasi kuqezinjtë e patën thuajse të pamundur të godisnin portën kundërshtare. Për këtë 45 minutësh mund të përmendim vetëm goditjen e dënimit të Asllanit në minutën e 18, ndërkohë që rastin më të mirë e kishte kapiteni Gjimshiti i cili pas ekzekutimit të një goditje këndi, gjuajti me kokë por tramversa i mohoi golin dhe në këtë mënyrë pjesa e parë u mbyll me barazimin 0-0.

Pjesa e dytë nisi me një mundësi të Kombëtares me Arbër Hoxhën, por gjuajtja e tij u devijua në goditje këndi. Më pas tentoi Asllani me një gjuajtje në hyrje të zonës pas një depërtimi në zonë por u ndal nga Alex Ruiz. Në minutën e 63 u shënua një tjetër mundësi e pashfrytëzuar nga kombëtarja. Në minutën e 67 erdhi edhe momenti i shumëpritur për kuqezinjtë kur Asllani shënoi golin e avantazhit pas një aksioni të bukur të krijuar nga bajrami dhe Uzuni të aktivizuar në pjesën e dytë në vend të Brojës dhe Lacit dhe e gjithë festa ishte kuqezi.

Në minutën e 73 Bajrami goditi nga distanca ne Manaj që devijoi por topi shkoi ngjitur me shtyllën. Pas këtij momenti ngjarjet nuk ndryshuan dhe rezultati mbeti 1-0 për Kombëtaren Shqiptare që shkruan një tjetër faqe të historisë teksa siguron playoffin e nje Botërori për herë të parë./Dosja.al

TIRANË- Kryeministri Edi Rama ka reaguar pas fitores së kombëtares në Andorra. Me anë të një postimi në Facebook, Rama shkruan 'Krenarë për kuqezinjtë'.

Arritja në Play Off është historike për kombëtaren tonë, pasi nuk e kemi bërë asnjëherë më parë diçka të tillë.

ANDORRA- Kombëtarja shqiptare shkroi sonte historinë në Kupën e Botës. Kuqezonjtë triumfuan në sfidën ndaj Andorrës në shtëpinë e këtyre të fundit.

Djemtë e Silvinjos kthehen në shtëpi me tre pikët e arta, që do i sjellin më pranë ëndrrës për Botërorin. Skuadra e drejtuar nga trajneri Silvinjo renditet aktualisht në vendin e dytë të Grupit K me 11 pikë, një më shumë se Serbia dhe 7 më pak se Anglia kryesuese./Dosja.al

ANDORRA- Shqipëria ka kaluar në avantazh ndaj kundërshtarit të tij Andorra në pjesën e dytë. Prej orës 20:45 po luhet sfida mes ekipit kuqezi dhe Andorrës në ndeshjet për të siguruar plej ofin për të shkuar në Kupën e Botës. Një fitore është detyrim absolut, përtej asaj që Serbia mund të bëjë në Angli.

Kuqezinjtë kanë statistikat me 6 fitore, 1 barazim e vetëm 1 humbje, por që nga disfata 0-2 në 2002, kemi gjashtë rezultate të dobishme radhazi, ndër to 5 fitore./Dosja.al

ANDORRA- Ka përfunduar pjesa e parë e ndeshjes Andorra–Shqipëri me rezultatin 0-0. Një duel vendimtar ku fitorja mund t’i japë kuqezinjve biletën për Play Off-in e Botërorit 2026, por Kombëtarja jonë nuk ka arritur të gjejë rrugën e rrjetës.

Skuadra e drejtuar nga Sylvinho kërkon vetëm fitoren për të mbajtur gjallë ëndrrën e madhe, ndërsa sytë janë gjithashtu edhe nga “Wembley”, ku Anglia pret Serbinë. Kuqezinjtë vijnë në këtë përballje pas fitores historike ndaj Serbisë, ndërsa trajneri Sylvinho ka kërkuar përqendrim maksimal, duke paralajmëruar se përballja ndaj Andorrës “nuk është aspak e lehtë”.

Sipas kompanive ndërkombëtare të basteve, Shqipëria është favorite absolute për të marrë tre pikët në këtë transfertë. Fitorja e kuqezinjve kuotohet me koeficient 1.29, bBarazimi vlerësohet me 5.00 ndërsa fitorja e Andorrës, që do të ishte një surprizë e madhe, ka koeficientin 13.00./Dosja.al

Foto ilustruese

ANDORRA- Kombëtarja shqiptare nisi ndeshjen vendimtare kundër Andorrës, e cila mund të vendosë fatin për play-off-in e Botërorit 2026. Pak më parë janë publikuar edhe formacionet zyrtare, me trajnerin Sylvinho dhe homologun Alvarez që kanë bërë zgjedhjet e tyre. Sylvinho ka konfirmuar 11-shen startuese me disa ndryshime nga sfida kundër Serbisë:

Porta: Strakosha
Mbrojtja: Hysaj, Gjimshiti, Ajeti, Mitaj
Mesfusha: Asllani, Shehu, Laçi (më i avancuar)
Sulmi: Broja, Hoxha (surpriza e ndeshjes) – mbështesin Rey Manajn në qendër
Gjyqtarët:

Kryegjyqtar: Horațiu Feșnic (Rumani)
Asistentët: Valentin Avram dhe Alexandru Cerei
I katërti: Rares Vidican
VAR: Ovidiu Hațegan dhe Adrian Costreie
Takimi pritet të jetë i fortë, me Shqipërinë që synon të marrë avantazhin në këtë duel vendimtar.

foto ilustruese

ANDORRA- Shqipëria luan sot për play off-in e Botërorit 2026, kundër Andorrës. Sylvinho e ka bërë zgjedhjen e tij, duke hedhur në fushë lojtarët që i besoi dhe në duelin kundër Serbisë, me një ndryshim në sulm.

Nga porta do e nisë Strakosha, ndërsa mbrojtja është e përbërë nga Hysaj, Gjimshiti, Ajeti dhe Mitaj. Në mesfushë janë përzgjedhur Asllani, Shehu dhe Laçi më i avancuar, ndërsa në sulm, Broja dhe Hoxha, që cilësohet si surpriza e vetme e kësaj 11-she, do të mbështesin Rey Manajn në qendër.

Formacionet Zyrtare:

Shqipëria: Strakosha, Hysaj, Gjimshiti (C), Ajeti, Mitaj, Asllani, Laçi, Shehu, Broja, Hoxha, Manaj./Dosja.al

Foto nga vendngjarja

ANDORRA- Andorra pret sonte Kombëtaren shqiptare në stadiumin “Encamp” në orën 20:45, ndërsa atmosfera është ndezur prej orëve të para të ditës. Sipas raportimeve, rreth 60 për qind e kapacitetit të stadiumit do të jetë i mbushur me tifozë kuqezi, të cilët kanë “blinduar” çdo cep të tribunave.

Siç shihet dhe në pamjet e mëposhtme, festa shqiptare ka pushtuar rrugët e Andorrës, ku flamujt, plisat dhe makinat e mbështjella me ngjyrat kuqezi po krijojnë një panoramë spektakolare.

Sakaq pritet që rreth 3 mijë tifozë shqiptarë të jenë të pranishëm në stadium për të mbështetur Kombëtaren në ndeshjen e radhës eliminatore./ Dosja.al